لقاء

مرارة الانتظار

يا بنتى حرام عليكى اللى بتعمليه فى نفسك ده ازاى ترضى لنفسك بالذل والاهانه دى !

آيه_ اعمل ايه يا ماما انتى اكتر واحده قريبة منى وعارفه كويس قوى انا محبتش ولا هحب غير محمد وهستناه

_ انا خايفه عليكى يا آيه هو العمر فيه ايه لما تضيعيه على واحد سابك افهمى بقا انه مش بيحبك

آيه_ ماما يا حبيبتى محمد بيحبنى وجدا كمان هو بس سابنى عشان مستقبلنا ومكنش ينفع نفضل سوا خصوصا انه سافر يكمل تعليم برا مصر

_ متضحكيش على نفسك يا بنتى

ماما قالت الجمله ومشيت فضلت افكر فيها كويس ولقيت معاها حق فعلا هو ليه سابنى وليه مشى اصلا طب مكلمنيش ليه يطمن عليا سنتين ومعرفش عنه حاجه يمكن نسينى او مكنش بيحبنى بس انا..
انا بحبه ومستعده استناه عمرى كله بس يرجع هو وحشنى قوى

_"يا سلام ع الجميل لما يسرح بخياله"

آيه_ ايه الروقان ده يا مرارى

مرام_ نفسى اسمع اسمى مره عدل من لسانك ده

آيه_ هههههه المفروض تكونى اتعودتى

مرام _ نينينينيني .. وحشتيني يا يويا

آيه_ آه كده فهمت عايزه ايه من الآخر

مرام_ عيب عليك يابو الصحاب

آيه_ اخلصى

مرام_ بصى يا ستى زى مانتى عارفه عندنا رحله الاسبوع الجاى فى الجامعه وطبعا بابا وماما مش هيوافقوا إلا إذا كنتى معايا

آيه_ لا اعفينى منها

مرام_ طب لو قولتلك عشان خاطر محمد

آيه_ لا كده جايه جايه

آيه_ أيوه ك..

ولسه مرام مكملتش الجمله فونها رن ولسوء حظها كان معايا

آيه_ حبيبى وخارج مصر !.. مين ده يا مرام ومن امتى وانتى تعرفى حد برا مصر

كان باين على مرام التوتر والخوف واخدت الفون بسرعه من ايدى

مرام_ ده...دا واحد كده زميلى يعنى اتعرفت عليه من السوشيال وبنتكلم عادى

آية_ اهاا تمام

مشيت مرام وانا بفكر هو آه مرام صحبتى من زمان بس ليه دايما حاسه انها مخبيه حاجه عنى وبصتها ليا غامضه ساعت بيبان عليها الكدب ومبصدقهاش بس بتجاهل واقول عادى وبشوف غيرتها منى فى حاجات كتير وبرضو بسكت يتبع....
"لقاء*"
اتمنى يعجبكم الجزء ده♥
هبه محمد