صدفه

الحلقه الثالثه✨

صُدفه 💛🌻
الحلقه الثالثه 🍁
يتغاظ يزيد ويقوم من ع كرسيه يشد معتز من بدلته ويضربه بالبوكس يقع الأرض يقعد فوقيه وينزل فيه ضرب
.... : يزيد يزيد انت يبني يزييييييد
ينتبه يزيد لصوت معتز يبصله ويعرف أنه كان سرحان يستعيذ بالله من الشيطان
يزيد بتنهيده : بتقول ايه ي معتز !
معتز بأستغراب:بقولك عكس صاحبتها خالص ازاي🌚
يزيد بتركيز بتسأول: صاحبتها مين انت تعرفها!
معتز:فاكر لما كنا في كافيه(....)وكنت بتعارك مع بنت هناك!
يزيد باستغراب :اه فاكر
معتز:اهي ريناد بقي تبقي صاحبه البت الي بشوفها في كل مكان ونتعارك فأنا بقي عايز اعرف اسم صاحبتها ايه وشغاله فين عشان مفقوع منها اووي🌝
يزيد براحه انه مش هامه ريناد يزيد: زي ما انت بتقول انها صاحبتها فأكيد عارفه مواقفك العظيمه معاها فأستحاله تعرفك حاجه عنها😒
معتز بمكر :لا سيب الموضوع ده عليا انا هعرف بطريقتي😌
يزيد بتحذير:ابعد عنها واياك تضايقها
معتز خبث:شامم ريحه حاجه كده مش لطيفه🌝
يزيدبمكر فهو يعلم علي ماذا صديقه يرمي:تلاقيها ريحتك 🌚روح يلا علي مكتبك ورانا شغل كتير
معتز وهو بيغمز له:هخرج بس هعديها بمزاجي ها😉
....................................
في المساء الشات بين الفتيات
عهد:متنسوش بكرا هستناكم
وداد:ان شاء الله هنيجي
ريناد:انا هاجي بعد ما اخلص شغل عشان مينفعش اخد اذن وانا لسه متعينه جديد🙃
عهد:تمام بس وداد هتيجي معايا وهنستناكي هناك
وداد وريناد:اوكيه 💜🤝
.................................................................................
في صباح اليوم التالي بعد الشركه
ريناد وهي بتكلم عهد
عهد: اتاخرتي ليه الماتش بداء ⁦☹️⁩
ريناد:انا اسفه خلاص ربع ساعه وهكون عندك🙂
عهد:اوكيه متتأخريش
عند يزيد بيكلم معتز في الهاتف
يزيد:يابني زود السرعه شويه بلاش بطئ السلاحف بتاعك ده الماتش بدأ من بدري😂
معتز:انا وراك علي طول اهو يازوز
يوصلوا ويروحوا يقعدوا في المدرج يتابعو الماتش اللي بدأ من نص ساعه يلمح يزيد ريناد اللي دخلت مستعجله وهي بتسلم علي صحابها
يزيد وهو بيخبط معتز بكوعه :انت يلا🌝
معتز بتأفأف:اييييييه يابني كتفي في ايه🌚
يزيد:مش دي ريناد
يبص معتز يشوف وداد
معتز:اه هي ودي صاحبتها بس الي جنبهم دي انا معارفهاش بس مش غريبه عليا🌝
يزيد:ولا عليا انا كمان حاسس اني شوفتها قبل كده🌚
عند البنات
عهد لما شافت عهد جايه عليهم :كل ده تأخير!
ريناد:انا اسفه والله الطريق كان زحمه🙂
وداد:خلاص ياعهد دي كلاها نص ساعه مش شغله يعني ⁦🤷🏻‍♀️⁩
ريناد:فاتني كتير ولا ايه! كام كام؟
وداد:لا مفاتكيش كتير ولا حاجه بس لسه صفر صفر
بعد فتره يجيب مصطفي جون
عهدبفرحه:عاااا هيه هيييييييه جون جوووون
وداد وريناد يضحكوا عليها وهيصوا معاها وهما بيضحكوا علي تصرفاتها الطفوليه وكل ده معتز ويزيد كانوا مركزين معاهم وبيضحكوا عليهم وعلي تصرفاتهم
بعد فتره خلص الماتش وطلعوا كلهم لبرا
يزيد بمرح لمصطفي :فخر العرب الي رافع راسنا 😂💜
معتز بضحك:ربنا يسترك ياشيخ فرحت قلبنا ورفعت راسنا 😂💜
مصطفي بضحك علي كلامهم:حبايب قلبي وحشتوني والله يارجال ايه الغيبه دي مبشوفكمش زي الاول ليه دي النداله تتعلم منكم جامد🙂
يزيد بسخريه:لا شوف التليفونات مقطعه بعضها منه ومن كترهم مش عارف ارد عليه!😒
معتز بسخريه معاه:مين سمع منك يازيزو صاصا من ساعه ماخطب مفكرش يسأل علينا ولا مره هتفضل زي ما انت واطي😏
مصطفي بتأييد:لا واطي فعلا واتفق معاك بشده 😂
ضحكوا بشده وفضلو يتكلمو
يقرب عليهم البنات
ريناد:ي لعبك يادرش ياللي كسحتهم 😂💜
وداد بضحك:شوفتي رقص ازاي بالكوره 😂
يزيد ومعتزل التفتوا للاصوات اللي عارفينها كويس بصدمه
ريناد ووداد بصولهم بصدمه زيهم تماما ودارت برأسهم الكثير من الاسئله
عهد وهي بتقرب من مصطفي وبتحضنه بفرحه : مبروك ياسطا رفعت راسنا كنا فقدنا الامل 💜😂
مصطفي بضحك:في واحده كيوت كده وعسل تقول لخطيبها ياسطا وقفين علي ناصيه شارع حضرتك! 😂
عهد بهزار:سرسجتي سر سعادتي😂
ريناد بهزار:انت لسه متعودتش ياجدع ان ورا الكيوت ده جعفر متربي علي ايدي 😂
وداد بصتلها بخبث:ابغي اقول حاجه بس استحي وسط التجمع ده🌝
عهد(بضحك فهي فهمت ما تقصده):تؤتؤ يابيبي اكيد مش قدام الاجانب هنسيح لبعض🌚
تفهم ريناد قصد وداد وتحط أيدها ع بقها تكتم الضحك
مصطفي بضحك:انا ممكن اقول عادي مش بستحي🌝
يزيد ومعتز بيبصوا لبعض حاسين انهم اغبيه عشان مش فاهمين كلامهم اللي بالالغاز
معتز بصوت هامس لم يسمعه الا يزيد ووداد:الظاهر ان الشله كلها عندها انفصام في الشخصيه حتي انتي ياريناد كنت مفكرك عاقله طلع هربانه منك علي الاخر زي الدبش الي جنبك 🙂
وداد بصتله بغيظ وكانت هترد عليه لولا مصطفي الي قاطعها وهو بيعرفهم علي بعض
مصطفي:دول يابنات صحابي من ايام الطفوله يزيد ومعتز ودي ياشباب خطيبتي عهد وصحابها ريناد ووداد
يزيد:احنا عارفين ريناد شغاله في الشركه عندنا في الحسابات
مصطفي بأندهاش:ايه ده بجد اول مره اعرف!
ريناد لتبرير :عشان انا لسه متعينه جديد 😌
معتز فضل يردد اسم وداد كتير في سره وعمال يبصلها بتوعد ووداد كذلك خلص اليوم وكل واحد روح علي بيته
بعد مرور شهرين لم يكن فيها شيئ يزكر سوي ان ريناد اثبتت جدارتها وذكائها في الشغل ويزيد كل بدأ يعجب بيها اكتر وبشغلها وبقي يعتمد عليها كتير اووي في الشغل وعينها مكان مستر شريف بعد م تقاعد واصبحت هي المديره الماليه للشركه
اما بالنسبه لمعتز ووداد فمعتز بيحاول ياخد اي معلومات من ريناد تخص وداد بس كانت بتتهرب منه وكانت بتقول لوداد بده فمعتز مستحوذ علي تفكيرها من اخر لقاء ليهم ف الاستاد
اما بالنسبه لعهد ومصطفي فكانت الاوضاع مابينهم مستقره ولكن بس يشوبها غيره عهد من معجبات مصطفي المستفزين من وجهه نظرها
في اوضه يزيد
تليفونه يرن
يزيد بنعاس :ايه يازفت عايز ايه ع الصبح😤
معتز :لا مافيش ابدا ياحبيبي
كان فيه بس اجتماع صغير كدا ع الماشي في شركه (...) بس تقريبا هروحوا لوحدي 🌝⁦🤷🏻‍♂️⁩
يزيد :هاااار اسود الساعه كام؟😳
معتز: الساعه ٩ونص ياباشا يامدير ياصاحب الشركه ياللي مينفعش نتأخر عشان عندنا شغل مهم مش لعب عيال ها 🌝
يزيد :طب روح انت بقى وانا هلبس واروح ع الشركه⁦🤦🏻‍♂️⁩
معتز :ماشي سلام يازوز
يزيد يقوم من ع السرير ويدخل يتوضي ويصلي ويلبس بدله شيك ويطلع من الاوضه وماشي وهو بيكلم نفسه
يزيد:يخربيتك ياريناد قعدت طول الليل افكر فيكي لغايه اما نمت متأخر وكمان اصحى متأخر وأتاخر ع الشركه ان ماعملتها في حياتي ولا مره
اما لو اتجوزتك بقى مش هروح الشركه خالص كدا بس انا وراكي وراكي لحد اما اشوف اخرك فين🌝
هاله باستغراب :مالك ياحبيبي انت اتجنتت ع اخر الزمن ماشي بتكلم نفسك في الفيلا!
يزيد من غير وعي وبتنهيده عميقه :اهااااا ياأمي هي تجنن فعلا والله بس انا وراها وراها بنت المجنونه ديه 🙂
هاله(باستغراب):مين ديه؟! 🌝
يزيد بتوتر :لامافيش ياأمي ديه ديه الصفقه 😅
اصل فيه صفقه في الشركه مجننه امي بس انا وراها وراها وانشاءالله اوصلها
هاله بثقه وحنان:طبعا انا ابني قد كل حاجه.، ربنا يباركلي فيك ياحبيبي ويبعد عنك ولاد الحرام
يزيد :امين ياأمي يارب 💜
يلا همشي انا بقى عشان الحق اجننها قصدي أحلها
هاله بضحك:ماشي متتاخرش ع الغدا وهات معتز معاك واحشني الولد ده 😂
يزيد :واحشك ايه؟!
اما لو مكنش كل يومين عندنا بس ماشي ياأمي يلا سلام
هاله:سلام ياحبيبي💜
يمشي يزيد
هاله بمكر : والله شكلك وراك بنت ياابن بطني ومخبي عليا 🌝
*عند وداد *
المدير : ها يااستاذه وداد كل الورق جاهز
وداد :ايوا يافندم كله جاهز وتمام
المدير :عال اوي هو الأستاذ معتز زمانه ع وصول كلمني وقالي انه في الطريق مفاضلوش كتير
وداد :يوصل بالسلامه يافندم
المدير :احنا لازم نكسب الشركه ديه في صفنا بأي شكل الشركه ديه ليها سمعه كبيره اوي في السوق وده هياثر علينا بالإيجاب فلازم نعمل اي حاجه عشان نظهر جمبها في السوق ونكسب اكتر
وداد :انشاءالله يافندم شركتنا شرف اصلا لأي حد
المدير :مش عايز غلطه ها
مفهوم
وداد:حاضر يافندم
وداد في نفسها : يخربيت لكك نازل لوك لوك لوك ايه افصل شويه اوف 😤
*عند معتز*
يوصل الشركه يركن العربيه ويطلع عند المكتب المدير يستاذن من السكرتارية ويدخل
*في الداخل*
وداد باصه ع الورق بتراجع حاجه فيها يدخل معتز عينه تقع عليها
معتز فنفسه :انتي تاني ! ، انا بشوفك اكتر م بشوف امي يشيخه اوف 😤
المدير بترحاب:اهلا يااستاذ معتز نورت شركتنا المتواضعه 💜
معتز بابتسامه : اهلا يافندم منوره بصاحبها 💜
المدير :اقدملك استاذه وداد هتحضر معانا الاجتماع النهارده
وداد بابتسامه ولا كأنها شافته قبل كدا :اهلا استاذ معتز نورتنا🌚
معتز باستغراب وخبث:اهلا 🌝
يبدأ الاجتماع ويعجب معتز بثقه وداد في كلامها ونفسها وشغلها
وهي كذلك
معتز في نفسه :ماهي عاقله وقمر اهي مين بقى الدبش اللي بتطلع عليا ديه يكونش عندها انفصام في الشخصيه! 🌝
وداد في نفسها :ماهو عاقل وقمر ومز اهو مين بقى التنح اللي بشوفوا ده؟! يكونش ليه اخ تؤام🌚
ينتهي الاجتماع
المدير :اتشرفت جدا بيك يااستاذ معتز 🤝
معتز :الشرف لينا يافندم وأنشاءالله أرد عليك خلال الأسبوع ده 🤝
المدير :منتظر ردك
معتز بخبث لوداد :سلام 😏
يطلع معتز من المكتب بس واقف برا مستني وداد عشان يغيظها
وداد :هستاذن انا يافندم بقى هروح مكتبي
المدير :ماشي اتفضلي
تطلع وداد تلاقى معتز واقف ماسك الفون تستغرب بس تمشي ولاكانه واقف
معتز بخبث :اهلا اومال فين لسانك اللي أطول منك!
وداد بغيظ بس بتتكلم بهدوء :حضرتك احنا في مكان شغل مش ملاهي هو عشان نغيظ بعض فيه 🙂
معتز باستفزاز :طبعا واللي زيك مابيصدق يلاقى شغل 😒
وداد بثقه :لا طبعا الشغل كتير بس هنعدل جملتلك هو اللي زيك اللي بيحفي ورا الناس عشان يشتغلوا عنده 🌝
معتز يلمح المدير طلع
معتز بخبث وكدب:انتي ازاي تعلى صوتك عليا كدا انتي متعرفيش انا مين ولا ايه؟؟😡
وداد باستغراب وصدمه :عليت صوتي فين انت أحول ياعم انت؟ 😳
المدير وهو بيقرب عليهم: في ايه يااستاذ معتز
معتز بغضب مصطنع: في أن حضرتك مش عارف تشغل عندك ناس محترمه 😡
وداد بعصبيه :أنا محترمه غضب عنك وعن اي حد يفتح بوقه ويقول عليا كلمه غلط 😠
المدير بزعيق لوداد :وداااد انتي ازاي تتكلمي كدا 😡
معتز بخبث وهو يعلم مدى اهميه هذه الصفقه لشركته : حضرتك واضح ان الشركه مش محترماني واعتبر أن محصلش اجتماع اصلا 🌝
المدير بخوف :لا فندم متقولش كدا وداد لمى حاجاتك وصفي حسابك 😠
معتز يضحك بشر عشان انتقم منها
وداد بهدوء وثقه :لا انا هخلي الحاجات ذكري مني ليكم وبالنسبه لصفي حسابك دي ف انتم شركه كحيانه مفيهاش حساااابات اصلا عشان تتصفي 🙃
واهاا صح بالنسبه اني قولت من شويه شركتك شرف لأي حد انا كان قصدي قرف لاي حد اها والله اسمع مني شركتك قرف بجد مش بهزر يعني وع العموم دقيقتين واستقالتي تبقى عندك
ده انتو شركه نتنه
تمشي وداد تشتم ع المدير ومعتز وبتتوعده
معتز مستغرب من ثقتها :هي ازاي كدا؟!
المدير :احنا اسفين جدا يااستاذ معتز واتمني
معتز بمقاطعه :خلاص محصلش حاجه سلام
في المساء عند وداد في المنزل
عهد بتسأول:يعني انتي قدمتي استقالتك بجد يعني!
وداد حركت راسها بمعني ايوه
ريناد بأندهاش:ومعتز هو السبب في ده صح!
حركت راسها بمعني ايوه
عهد بغباء:يعني ايه برضو
ودادبفرحه :يعني انا من غير شغل دلوقتي وخلصت من الشركه النتنه دي خلاص وكتله السماجه المتحركه علي الارض هو السبب شوفتي سهله ازاي😂
ريناد بثقه : ولا يهمك ياديدا بكرا تشتغلي في اكبر شركه
وداد بلا مبالاه:I don't care
في النادي
يزيد بغضب:في حد يعمل الي انت عملته ده!😠
معتز بتبرير:مكنتش اقصد اعمل كده كنت عايز انرفزها بس والله 🙂
مصطفي بحده:اه تروح متبلي عليا وتخليها تقدم استقالتها صح! 😡
معتز بنفاذ صبر :اهو الي حصل بقي
...................................................................................
في صباح اليوم التالي في الشركه
يزيد بعمليه ع الهاتف :شروق كلمي ريناد وقوليلها تجهز الورق بسرعه وتجبهولي
شروق:حاضر يافندم
تقفل مع يزيد تبلغ ريناد بمطلب يزيد
في نفس الوقت الي راح معتز لريناد المكتب عشان ياخد ورق حسابات مهم
معتز بجديه:ريناد سيبي اللي في ايدك وعايز حسابات الصفقه مع شركه(...)
ريناد:مش هينفع مستر يزيد طلب اخلص الورق اللي معايا ده بسرعه عشان الاجتماع ومحتاجه ضروري دلوقتي
معتز بتفكير:طب جيبيلي الورق بسرعه وانا هكمل بدالك لحد ماتيجي
ريناد:اوكيه
خرجت ريناد من المكتب عشان تجيب الورق لمعتز ومعتز شغال بدالها لحد اما تيجي تليفونها رن بصوت رساله واتس فمعتز بص علي الفون لقاها من وداد جاله فضول يشوفها فتحها وشاف الرساله
وداد:رودي انا زهقانه اغنيلك! هغنيلك😂💜
معتز في نفسه:ده سؤال ولا اجابه هي هبله 🙂😂
وداد بعتت ريكورد وهي بتغني فيه
وداد بصوت مسرسع:ابص لروحي فجأه لقيتني لقيتني كبرت فجأه كبرت تعبت من المفاجأه ونزلت دمعتييييييييييييييييييي قوليلي ايه يامريتي قوليلي قوليلي ايه حكايتي تكونش دي نهايتي واخر قصتييييييييييييييي انا مش عارفني انا توهت مني انا مش اناااااااااااااااااااااااااا
معتزسمع الريكورد ومات من الضحك مقدرش يمسك نفسه وقع من علي الكرسي وهو بيرجع لورا من الضحك
معتز وهو بيرد عليها فرساله من واتس ريناد : ههههههههههه رهيب يا فنانة ، بالمناسبة انا معتز ، ريناد نسيت الفون بتاعها في المكتب
وداد: كدابه!
معتز: والله بتكلم بجد بس صوتك حلو استمرى
وداد:احيييييييييييييييييييه بتهزر لا استمر ايه ده انا هعمل بلوك😂
معتز:ليه بس ده انا بقولك صوتك حلو اما لو قولتلك وحش هتعملي ايه
وداد:رينااااااااااد متهزريش بجد بقا 🙂
معتز بيسجل ريكور ويبعته ليها:والله انا معتز اهو وده دليل قاطع ويضحك جامد
وداد بصدمه: يعني يارب يوم مااغني يحصل كدا بص حضرتك انسى اللي انت سمعته ده ماشي وقول لريناد تقطع علاقتها بيا مش عايزه اعرفها تاني
معتز:انسي ايه ده انا بعته عندي
وداد: بتقول ايييييييييييييه ياعم انت استنى بعت ايه يخربيتك ياريناد انتي فين ياوجه البرص انتي الله يخربيت الحظ الي بيوقعني فيك🙂🙂
معتز فضل يضحك بشكل هستيري ونفسه يشوف وشها دلوقتي ياخد رقمها ويسجله عنده
تدخل ريناد عليه تلاقيه ماسك بطنه وبيضحك جامد وبيخبط بأيده علي رجله تستغرب تشوف تليفونها في ايده تسرخ فيه بصدمه
ريناد:ايييييييييييييييييه ده
معتز بصلها بزهزل ومعرفش يرد عليها
ريناد بغضب شديد:مين ادالك الحق انك تمسك الفون بتاعي وتشوف الرسايل كمان!😠
معتز بأسف شديد:انا اسف بجد مكنتش اقصد انا لما شوفت رساله منها مقدرتش مشوفهاش🙂
ريناد بحده:لما تكون الرساله جيالك علي الفون بتاعك انت حر تشوفها ولا لا اما بقي تكون علي فوني ده ميديلكش الحق انك تشوفها نهائي 😠
معتز:بجد اسف وعد مش هكررها⁦☹️⁩
ريناد بجديه:اتفضل الورق الي حضرتك طلبته اهو
اديته الورق واخدت الورق اللي يزيد طلبه منها من علي المكتب ومشيت من غير ما تبصله
معتز لنفسه:عنيفه اووووي ريناد كنت حاسس انها هتاخدني قلمين من غير استأذان وبعدين خرج وراح علي مكتبه
توصل ريناد عند مكتب يزيد وتخبط
يزيد:ادخل
ريناد:ده الورق الي حضرتك طلبته حاجه تاني
يزيد يبص لريناد يلاقيها شبه متعصبه
يزيد بتسأول:مالك متعصبه كده ليه في حاجه حصلت معاكي!
ريناد بأبتسامه مزيفه:لا يافندم مفيش حاجه 🙂
يزيد:تمام ...متنسيش ان في اجتماع مهم بكرا ولازم تحضري وتكوني مجهزه الميزانيه والورق ومتتأخريش
ريناد بجديه: اوكيه عن اذنك
يزيد:اتفضلي
تخرج ريناد وتروح علي مكتبها وتتصل بوداد
ودادبزهول:قولي والله اني كنت بكلمه هو مش انتي 🙂
ريناد:انا اسفه مكنتش اعرف انه هيفتح الفون ويكلمك🙂
وداد بصويت:احيييييييييييييييه ده سمع صوتي يعني انا كنت بكلمه هو مش انتي احييييه احيييييه
ريناد وهي بتبعد الفون شويه عن ودنها:اييييييييييييه ودني اتخرمت في كده
وداد:الله يخربيتك انتي وهو في ساعه واحده🙂
ريناد:وانا مالي دلوقتي الله 😂
وداد:ماهو لو انتي مسبتيش تليفونك واخدتيه معاكي مكنش ده حصل ، انا ايدي بتعرق وعايزه اعيط دلوقتي🙂😭
ريناد بضحك:خلاص اهدي بس بجد لما شوفت الشات فصلت😂
وداد بغضب :الحق عليا اني بكلمك دلوقتي ومقطعتش علاقتي بيكي بجد😠
وقفلت السكه في وشها
ريناد بزهول:دي قفلت في وشي بجد المجنونه😳
.................................................................................
في صباح اليوم التالي توصل ريناد ويزيد الشركه مع بعض يزيد كان لابس بدله سودا شيك جدا ومخلياه جذاب اووي وهو رايح للاسانسير لقي نظرات الموظفين متوجهه لوراه لف بجسمه عشان يشوف هما بيبصوا علي ايه لقي ريناد لابسه فستان اسود شيك اوووووي مرسوم عليها فوق الركبه بقليل ومن عند الوسط حزام دهبي ولابسه عقد رقيق اووي بنفس لون الحزام ومفتوح علي شكل مثلث من عند الصدر بس مش مبين حاجه وفارده شعرها نصه عي ضهرها ونصه علي كتفها الايمن كانت حلوه اووي وجذابه جدا وكل الي يشوفها يبدي اعجابه الشديد بها
بصلها يزيد بزهول شديد من جملها وبعدين تنحنح لما قربت منه
ريناد بأبتسامه لطيفه : صباح الخير يافندم⁦☺️⁩
يزيد:صباح النور 💜
وبعدين بص للموظفين اللي بيبصوا عليها بغضب شديد و بصته كانت كفيله تخلي كل واحد يرجع لشغله اتقاءا لغضب يزيد
يركب يزيد وريناد الاسانسير وبعدين ياخدها علي مكتبه
يزيد ببعض الحده:ايه الي انتي لبساه ده😠
ريناد ببلاهه وهي بتبص علي لبسها:ماله لبسي ما هو عادي⁦🤷🏻‍♀️⁩
يزيد بغيظ:ده كده عادي لو مش عادي هيكون عامل ازاي
ويبص في ساعه يده ويكمل بأمر فاضل ساعه لسه علي الاجتماع تروحي تغيري الي انتي لبساه ده وترجعي علي الاجتماع
ريناد ببرود:وانا مش هروح في حته عشان مش شايفه ان فيه حاجه غلط في هدومي
يزيد بغضب:وانتي مش هتحضري الاجتماع وتفضلي في الشركه بالهدوم دي
ريناد ببعض الحده:والله دي حاجه شخصيه مين ادالك الحق ، تتدخل في لبسي بصفتك ايه 😠
يزيد بثقة:بصفتي مديرك
ريناد :حضرتك قولت اهو مديري يعني مش جوزي يعني ليك عندي شغل وبسBusiness and Busines🌝
يزيد في نفسه :انشاءالله هبقي جوزك ياحبيبتي Husband and wife 🌚
يزيد بتبرير : احم اهو قولتي مديريك يعني مسؤله مني وانتي تعتبري واجهه لشركتي وانا بهتم جدا بواجه الشركه عشان ديه في وشي انا واسم الشركه ميتضرش
ريناد بعصبيه:والله لو حضرتك مش عاجبك لبسي انا ممكن اقدم استقالتي وتشوفلك واحده بقي تفصلها علي مزاجك وتحركها زي ما انت عايز بس انا لا مش هقبل تدخلك في حاجه متخصكش لا من قريب ولامن بعيد😠
يزيد كان لسه هيرد عليها بس الباب خبط ودخلت شروق
شروق:مستر يزيد الضيوف وصلوا ومستنين حضرتك مع مستر معتز دلوقتي
يزيد ميردش عليها يبص لريناد بغيظ ويمشي وهي وراه
يوصلوا لاوضه الاجتماعات
سليم :اهلا يزيد باشا واخيرا هيجمعنا الشغل
يزيد بمجامله:اهلا بيك مش لازم الشغل يجمعنا احنا صحاب من غير حاجه
سليم بأبتسامه:طبعا اكيد
ويبص لريناد بأعجاب ويسلم عليها يزيد ياخد باله من نظره سليم لريناد
يزيد بجديه:مش يلا نبداء الاجتماع
سليم :اه ياريت
_(سليم الشرقاوي رجل اعمال مشهور عنده34سنه عيونه عسلي وشعره بني طويل وجسمه رياضي وسيم صديق معتزويزيد من الكليه)
في الاجتماع ريناد اخدت بالها من واحده عماله تبص ليزيد بأعجاب تضايق بس متبينش وتكمل عادي سليم يعجب بثقتها في نفسها وجمالها وفضل يبصلها يزيد كان بيسمعهم بصمت انقلب لغضب شديد لما لقي نظرات سليم لريناد فبص لريناد بنظره جافه
يزيد بحده:روحي علي مكتبي 🙂
ريناد بزهول:والاجتماع!😳
يزيد بنظره محتقنه:اظن انك سمعتي كلامي روحي استنيني في مكتبي 😠
خرجت ريناد وهي محرجه م اللي يزيد وعمله وطرده ليها قدامهم كلهم
انتهي الاجتماع خرج يزيد وراح لمكتبه
دخل لقاها قاعده بصلها بتفحص ونظرات خلت ريناد تحس بالارتباك
يزيد بغضب شديد:واحده محترمه كانت اخدت بالها من نظرات الحيوان الي بيبصلها وخرجت من نفسها ومكنش همها الاجتماع لكن حضرتك كنتي مبسوطه اووي انه مبهور بجمالك 😡
ريناد بصدمه:ايه الي بتقوله ده 😳
يزيد بغضب:ده علي اساس انك مكنتيش واخده بالك منه وهو بيبصلك!
ريناد بغضب اشد:لا فوق لنفسك وشوف انت بتقول ايه لو مفكر اني هسكت علي كلامك ده واتهامك الباطل ليا تبقي غلطان مش انا الي تكلمني بالاسلوب ده😡
يزيد بصوت مميت:متعليش صوتك قدامي واتكلمي عدل يااما اعتبري نفسك مرفوده من هنا😡
ريناد بنظرات غاضبه:وانا هعتبر نفسي ليه انا مستقيله 😠
يزيد جذبها من يدها بسرعه قبل ان يطول الموضوع اكتر من ذلك
يزيد بهدوء:انا اسف مكنش ينفع اقولك كده بس اتضايقت لما شوفته بيبصلك كده لان اي حد يفكر انه يبصلك او يقرب منك انا همحيه من علي وش الدنيا انتي ليا انا وبس ايوه ياريناد انا بحبك من اول مره شوفتك فيها وعيني جات في عينك وانتي غيرتي كتير حاجات جوايا ⁦⁦♥️⁩✨
.......................................................
يُتبع 💜
صُدفه 💛🌻
رنا صلاح 💜💟