هالة : يلة بسم الله .. .متنة خوف لما فتحنة الباب
خرب طلعت بزونة اكيد طابة من الشباك .. يمكن ختمت القران الف مرة ع هلخوف ..
نور : احس جسمي كلة يرجف .. الله عليج هالة تعالي نامي بصفي لهسة خايفة ...
هالة: يلة علساس اني ماخايفة...صدك انتِ بس الجني بحلكج ، اي شئ تسمعين تكولين جني.
نور : ولج مرة شفت فلم رعب عن الجن ولهسة اخاف .
هالة: وتكولين الافلام مأثرة عليج طلعتي انتِ المتأثرة.
..........................
نور : يلة هالة كومي اكعدي ماضل وكت حتتأخرين ، وهااي امج هم دا تتصل عليج ..
هالة :: اممممم شكد مزعجة هسة اكوم انطيني الموبايل .. اي يمةة كمت اصلا بعد وكت ..والله كمت .يلة باي .
نور : شكد كسلانة .عبالك معطوشة ع النوم يومية نفس الموال تعيدينة .يلة كومي. ..صدك اليوم اني ما اروح وياج ..
هالة : ياااا ليش والله اخاف اروح وحدي ..
نور : انفلونزا ومسطورة غير خوفة البارحة اسبوع يلة ترجعلي عافيتي بعد ..هو شكو.. هي الجامعة هاي وينهة بيناتنة شارع .
هالة:: شلون حظ..ولا بية اروح، انوب باردة .بسرعة بسرعة لبست قمصلةجلد طويلة لون جوزي وكيلوات لون بيجي ونسقت شال وحذاء شتوي.نفس اللون.
خرررب تاخرت ...
طلعت ركَض البس بالساعة والاسوار مستعجلة امشي واحجي ويا نفسي اويلي اليوم الجو يخوف منا باردة ومنا مغيمة انوب الشارع فارغ .بعدني بنص الطريق واشوف سيارة فارغة مابيهة أحد وبابهة مفتوح توني وصلت يمهة وأسمع صوت وراية يصيح أصعدي بسرعة أصعدي لما التفت وراي ورجال أجة يركض باتجاهي أخترعت من منظرة وجهه مجروح ومليان دم وأيدة تبين تنزف يبين متصاوب بقيت بس صافنة .
حسين : يولي أصعدي بسرعة راح تموتين شبيج موإحاجيج .
هالة :ماحسيت غير أيدي انجرت وصعدني بالسيارة وسد الباب. وشخط السيارة حيل بحيث احس نفسي طايرة .عبالي انخطفت
كمت اعيط ولك نزلني نزلني وين ماخذني أنتَ اكيد مجرم والله اذا مانزلتني الة هسة اشمر روحي وابليك .توني ردت افتح الباب جان نسمع صوت انفجار كلش قوي يبين قريب بسرعة نزلت راسي .
حسين : يولي خما صار بيج شئ شو دحكَيلي .
هالة :هذا أنتَ جنت وراة الانفجار مو ،الله يخليك نزلني وعوفني بحالي والله اصلا اني غريبة مو منا .
حسين : يولي كَافي شكَد لغيتي هساع انه شمسويلج كَلمة ما اسمع بعد ،الطريق كَلوا تتوسل وتحجي الة عطت بيهة يلة خنست
يلة أنزلي هين وياي .وصلنا....هساع اذا ترحين ياخذونج علمود الانفجار .
YOU ARE READING
عشك أبن الغربية
Short Storyقصة عراقية باللهجة الغربية وخصوصاً من الأنبار أيا دائي ودوائي ... كيف وقعتَ في قلبي مثل الانفجاري ! دويه هزَّ كل افكاري.. كيف أتيتَ من الغربية الى داري ! بلا موعدٌ أختياري .. فقط أسمك بعثر كياني .. كيف لو أتيتَ أمامي ....
بارت 4
Start from the beginning
