ام محمد : هههه نعيش ونشوف يلة كومي حضري السفرة خل نصب عشا.....
......................
هالة : كعدنا كلنا من وكت لان اليوم اروح ..وامي مثل كل مرة نروح تكُب ورانة مي وملح ، عبالك رايحين للندن ..الطريق يموت كلة ازحامات ومتعب .. وصلت للشقة لكيت نور همين مداومة بس هاجر ماكو..
نور : اليوم الطريق يموت ازدحامات ببغداد مدري يا مسؤال جاي ... ساعتين الطريق مقطوع ....
هالة : اي والله هلاك ..خلصنا الاسبوع الاول جان حيل متعب.. شفت يوسف بس مرة ،،
هلوو حبيبي شلونك .. شكد مشتاقتلك ..
يوسف : اني هم مشتاقلج .. همزين جيتي .
هالة: شوف شجبتلك وياي .... جبتلك هدية .
يوسف : اني ما اخذ هداية من احد ما اريديهة
هالة : ليش اذا ما اخذتهة ازعل عليك اني مو صديقتك . زعلت راح اروح.
يوسف : لا اتزعلين يلة جيبيهة ..
هالة: ههههه لا ما ازعل يلة اني رايحة ..جتي صديقتي...
يوسف : اني هم اروح ع بابا
هالة: هو ابوك وين قريب بعيد ، اجي وياك .
يوسف : لا هو هنا قريب غرفته جوة .
هالة: لعد تروح كَبل عليه ، لاتروح هنا وهنا انوب تضيع .يلة كوم ادخل ترة دا اباوع عليك .
يوسف: اي رايح
نور؛ هااا بدينة الغش عود تجيبلة هدايا واني بالجذب قلم ما جايبتلي...معلية اريد هدية .
هالة :: ههههه شكد جاهل تدللين صدك جذب هذا احلى قلم الج .
نور : ما اريدة مستعمل اريد جديد .
هالة : لاجديد ولاقديم يلة امشي سقط حقج ..انتِ رفضتي ...
...... ...............
هالة : نص الليل تقريبا الساعة بالثنتين .سمعت صوت بالغرفة بالبداية جذبت نفسي بس بعدين الصوت بقى مستمر طالع من الحمام متت خوف انوب حتى جسمي مابية احركة تجمدت والساني انعكد...
نور نايمة يم راسي علكيفي مديت ايدي اريد اكعدهة مديت ايدي ع اللحاف اشو طكتهة بعيطة ... اني اعيط وهي تعيط.
نور : يمةةةة الحكيني جني عاااااا .
هالة : وجعااا ولج هذه اني شبيج عبالي نايمة وردت اكعدج..
نور : من طيح الله حظج . ع هلدكة احجي صخمي مو تجرين اللحاف.
هالة: غير من الخوف احس الساني انعكد .سمعت صوت بالحمام كلت اكعدج نروح نشوف شكو.
نور: اي سمعتة اني هم خفت عبالي جني لهذا عطت..
كومي نشوف بس انتِ امشي بالبداية واني وراج لاتخافين.
هالة: لابلة خاف متقبلين نمشي اثنينة سوا ..
نور : يلة اني راح اشيل القران حتى اذا جني يشرد وميتقرب علينة ،
YOU ARE READING
عشك أبن الغربية
Short Storyقصة عراقية باللهجة الغربية وخصوصاً من الأنبار أيا دائي ودوائي ... كيف وقعتَ في قلبي مثل الانفجاري ! دويه هزَّ كل افكاري.. كيف أتيتَ من الغربية الى داري ! بلا موعدٌ أختياري .. فقط أسمك بعثر كياني .. كيف لو أتيتَ أمامي ....
بارت 4
Start from the beginning
