صبريه:اتصلي بيهم شوفي شن صار معاهم
ام احمد:والله من بكري نتصل هدى نست تلفونها هنايا وراكان مايردش
صبريه:لا حول ولا قوه الا بالله ربي يستر وخلاص
ام احمد:هدي بالك ان شاء الله مافي الا الخير
خشت هدى الغرفه لقت هبه مقعمزه تبكي
هدى:توا انتي كويسه وصحة البيبي تمام ليش البكي ؟!
هبه:نمر في لحظات صاعبه في حياتي ياهدي وتمنيت امي ولا وحده من خواتي جنبي
هدى:باهي وانا شن ندير هنايا يشهد عليا ربي اني حبيتك ونعامل فيك زي وخيتي
هبه:ابتسمت ...حتى انا والله
هدى:هاك كلنلكس معطر امسحي وجهك
هبه:خذت وبدت تمسح في وجهها من المكياج
راكان:جيب يلي مطلوب في الوصفه شوف اقرب صيدليه
طه:تمام تو نمشي بروحي اهو الشباب قاعدين معاك
راكان:تمام دير بالك وماتعطلش
طه:حاضر
خش رضوان للمستشفى ولمح راكان من بعيد جاه يجري
رضوان:شن صار معاكم
راكان:مشت الامور تمام
رضوان:البيبي شن صار فيه ماتقولش طاح😨
راكان:لالا تمام قاعد اموره طيبه خيرك طلعت من الحوش
رضوان:انت ماتردش وامي نفختهم تبي تعرف شنو صار
راكان:به روحلها انا شكلي مطول هنايا لين تكمل كيسة التغديه ماتخليش امك بروحها
رضوان:تمام ماتبي شي؟
راكان:سلامتك
.
.
صبريه:ها شن صار
رضوان:تمام الجنين ماصارله شي وهيا بخير بس تكمل كيسة التغذيه وتروح
صبريه:اااااه الحمد الله ع شوي كان راح يضيع كل شي
رضوان:ام احمد مافيش عشي؟
ام احمد:فيه ياغالي دقايق نسخنه بس
رضوان:سلمها ياربي
بعد مرور ساعه:-
هدى:راكان وتي السياره بنطلعوا هبه
راكان:خلاص كملت؟
هدى:اي تمام
راكان:طلع وولع السياره وهدى طلعت هبه سندتها لين وصلت للسياره وركبو من تالي الزوز
هبه:سامحيني تعبتك معاي في ها الليل
هدى:شن تقولي ياهبله مرت خوي انتي مش برانيه
راكان:شبح لهدى في المرايه بنظره غريبه ورجع يشوف قدامه
اول ماخشو الحوش جت صبريه تطمن علي هبه:-
صبريه:الف سلامه عليك حبيبتي ان شاء الله لاباس
هبه:الله لا يوريك باس صحيتي
ام احمد:ردي بالك ع روحك
هبه:ان شاء الله
رضوان:ان شاء الله هاذا حد السو
هبه:تسلم☺️
هدى:يالله لازم تركبي فوق ومعاش تنزلي لانه الدكتوره طلبت عليها راحه تامه ومعاش تركب وتنزل هلبا
صبريه:باهي ساعدي مرت خوك
هبه:ركبت انا وهدي للشقه ساعدتني وتتلي حوايجي ودوشت ورقدت ع السرير وهدى نزلت شويه وسمعت الباب تصكر راكان جي❤️
راكان:طق ع غرفة النوم رغم انها كانت مفتوحه
هبه:تفضل خش
راكان:يشوف لوطا ...هادم الحبوب خوذي وحده قبل الغدي والثانيه بعد العشي
هبه:تمام
راكان :قرب من السرير وحطلها الكيسه وطلع باكو صغير من جيبه ...وهادا ليك
هبه:شنو هاذا😳
راكان:تلفون وفيه شفره عشان تتواصلي مع خواتك براحتك
هبه:فررررررررحت قريب طارت
YOU ARE READING
اغتصاب انقذ حياتي
General Fiction.. روايات بنووتةة الشيخ .. 🔥رِوايَــــــاتْ بـــّـــنـــوتِـةْ الشـِـــــيــــــخْ🔥 🔥اروى الطـــــّـاهــــِرْ المـــســــــلاتـــــــــي🔥
اغتصاب انقذ حياتي ~ الحلقه 6
Start from the beginning
