عشك أبن الغربية

بارت 2

محمد : ههههههه الله يهديج يبين عقلج طار من هسة .
هالة : لاوالله بعدني ما مخترعتلة جناحين .
ويهدي الجميع .....

...........

ام محمد : يلةة يمة كومي راح تتاخرون لما جنتي كاعدة الفجر شبساع نمتي .

هالة : امممم بس شوية هسة اكَوم ، نومت الصبح تخبل .
ام محمد : بدينة نفس موال كل يوم لعد ابقي هنا اشبعي نوم لاترحين .
هالة : لا لا كايمة كَلشي ولا الروحة حتى النوم هم ما اريدة .
ام محمد: وجعاا ع هلصوت ولا عبالك وحدة توهة كَاعدة .
هالة : مَنول حبي الصوت نعمة من الله مو احسن ما اتموع بالحجي ، يلة بدون مطرود اطلعي وسدي الباب وراج اريد ابدل.
ام محمد : جم مرة اكلج لاتكولين منول قابل اني اختج كَولي يمةةة .
هالة : موزين ادلعج بعدج صغيرة البكدج بعدهن مامزوجات .يلة بيباي .
ام محمد : الله يا الله جيل اخر وكَت .
هالة : بدلت ونزلت لكيتهم كَلهم كَاعدين صباح الخير .
الكل ..صباح النور
هالة : يلة حجي تأخرنة ،صدك منو يودينة لو نروح بسيارتنة .
ابو محمد: اي مو اني البقيت نايم. ابو نزار يودينة لان هو يندل واني مو هلكد اندل بالانبار .خما ناسية شئ اخذتي كل مستمسكاتج.
هالة : اي اخذتهن يلة لعد خل نتوكَل ، يمة ادعيلي تتيسر اموري بسرعة .
ام محمد : الله وياكَم ويسهل اموركَم ترحون وترجعون بالسلامة .
ابو محمد: آمين ، يلة بابا امشي ..في امان الله. (فيمالاه)
......

هالة : وصلنا للانبار و متاخرين لان جان ازدحامات ، شكَد تختلف عن ديالى ، طريقه الي يربطهه ببغداد فارغ عبالك جزيرة  مو مثل ديالى محتشدة وازدحامات .
كَملنا الاجراءات بسهولة وقبلوني بسرعة. منا لان معدلي عالي . ومنا. عندي واسطة. دكاترة ديالى توسطولي.
كَالولنا اسبوع القادم اكدر اباشر بالدوام..
كلشئ خلصنا وحجزت غرفة بقسم داخلي همزين ماكو وياي هواي بنات بس اثنين وهم دراسات عليا..

ابو محمد : الحمد لله خلصنا من وكت ،
هالة : اي والله همزين ما واجهنا صعوبة ،جنت طايرة من الفرح و ما أدري شنو راح يصير وياي من مفاجئات وهذه الفرحة شكَو وراهة ....
..............

هالة : يبوو يمة سويتيهة مناحة قابل وين رايحة .خلال اسبوع كملت كل التجهيزات من ملابس وفراش وكل شئ احتاجةة ..

ام محمد : كَلب والدة شسوي من تصيرين ام يلة تعرفين احساسي شنو.
ابومحمد : يلة بابا امشي راح نتاخر واليوم احد تصير ازدحامات.
هالة : وصلنا للانبار اول يوم ما داومت لان الطريق جان شوية متعب ، تعرفت ع البنات الي وياي كلش حبابات .

نور : هلوات بنات بما انو راح نعيش سوا خل نتعرف .
هالة : هلا وغلا اسمي هالة من ديالى خريجة لغة عربية ودا ادرس ماجستير اول سنة .

هاجر : واني هاجر من بغداد دا ادرس دكتوراه قسم فيزياء .وانتِ عرفينة عليج.

نور : اني نور من تكريت بس عايشين بغداد وهمين مثل هالة نفس القسم .

هالة : صدك همزين لكيت ونيس وياية .
نور: ههههه اي .

هالة : اول اسبوع جان حيل صعب تغير روتيني ١٨٠ درجة ، همزين نور وياي نروح ونرجع سوا الشقة مو بعيدة عن الجامعة مسافة قريبة ونوصل .
أكَلجن اني راح يجي ابوية ياخذني انتن بايقيات مو

نور .هاجر : اي باقين منروح .
هالة : يلة عيني لعد اني اروح مع السلامة .
نور .هاجر : الله وياج.
هالة : اجية ابوية اخذني . كل اسبوع او اسبوعين انزل لديالى وصلنا للبيت امي طايرة من الفرح عبالك ما شايفتني سنة مو اسبوع .

ام محمد : يمةة شكَد مشتاقتلج وبالي يمج .

هالة : اني همين مشتاقتلكم يمة لما يومية نتخابر والاحداث اول باول اكلكم ياهاة.

مصطفى: اووو بيدينة المسلسل راح تسونهنة دراما ومناحة يلةة جعت خل نتغدة فضنةة .

هالة : هو انتَ بس حاير بطنك امشي ابو لكَمة .. شلونك ويا السادس
مصطفى : يعني ليش تخليني اشبع قبل لا اتغدة ،عوفوا الدراسة علصفحة.
هالة : كَعدنة كلنا نتغدة وااكعدة متخلص من تحشيشاتنة اني وصوفي .
مصطفى : ولج بشري ما لكيتي مرة للحجي مشتهين عرس .
ام محمد : ماتزوج انتَ لو اخوك شكو مدخلين ابوكم بالموضوع.
هالة : احم احم هاا مَنول علكيفج شوية ، شكو ببهة خل يتزوج .
ابو محمد : بابا اني وين والزواج مرة ثانية وين كبرت بعد هلعمر ازوج ع امج . خل ازوجكم انتوا .
افرح بااخوانج 

هالة: كَفوووو هذا الحب .
ام محمد : يلة روحي ارتاحي اني اعزل المطبخ .
هالة : الى اللقاء التقي بكم مساءاً
مصطفى : هجم بيت الفصحة
هالة : الله شكَد مشتاقة لغرفتي ما اجاني نوم بقيت اكلب بالتليفون اشوف شكو ماكو ،وجان اشوف......

...............................
أنتظروني بالبارت القادم .🌹🌹

jawahrat_alsultan77
جوهرتنا الغالية 😘😘😘 تسلميلي ع الدعم ⚘

_ تحياتي ..فاطمة الدليمي .💙💙