فجر❤️ بقلم/لوكى مصطفى

البارت الهدية وصل 😂❤️💃🏻

رعد وهو يقبل جبينها: لا مش حلم "ثم أعطاها باقة الزهور" انا اسف يا فجر اكيد مكنش قصدى ازعلك ولا أعلى صوتى عليكى انتي عارفة انى بحبك و بخاف عليكى
فجر وهى تحتضنه: انا اللى اسفة بجد
سالى وهي تجز على اسنانها: يا ابن الكلب يا فهد
ضحك الجميع و هم ينظرون لبعضهم البعض بذهول ، وضعت فجر باقة الزهور فوق الطاولة و اخذت من تلك الأكياس و وضعتها جانباً..
فجر: روح هات كرسى و تعالى اقعد معانا عشان بنفكر ننتقم من اخوك
رعد بحماس وهو يأخذ مقعد خشبي و يضعه بالقرب من الفراش: بموت في الانتقام ، ها انهي اخ فيهم
ليلى بضحك: فهد
رعد: رجع للنسوان تاني ولا ايه
سالى بصراخ وهي تضرب فخذيها:نسوان؟؟؟؟؟؟؟
فجر وهي تلكزه: انت جاي تهدي النفوس ولا ايه
رعد: بهزر بهزر اهدي ، بعيداً عن الموضوع ليلى شكلك يفطس من الضحك وانتي نايمة على السرير ببلونتك دى
ليلى بغيظ وهي تلقى عليه الوسادة: ركز في البالونة اللي جمبك يا اخويا
فجر: الله وانا مالي يا لمبى
ماهى: هنتعارك بعدين متقلقوش بس دلوقتي خلينا نركز فى فهد
رعد بتساؤل:هو عمل ايه
سالى: شدني من شعري و كان هيمد ايده عليا
رعد بذهول: انتي عملتي ايه عشان يفقد اعصابه بالمنظر ده
سالي بتوتر و قد احمرت وجنتيها: بص اوكي انا غلط فيه و خرجت من غير اذنه بس هو نرفزنى و مهما عملت المفروض ميرفعش ايده عليا
رعد: بصى يا سالي كلنا عارفين فهد عصبى ازاى و ايده على طول سبقاه بس هو معاكى حاجة تانية خالص و كلنا شوفنا ده بعنينا ، صح؟؟
الجميع عدا سالى: صح
رعد: يبقا انتى غلطى غلط كبير جدا او قولتيله كلام مينفعش يتقال و رغم كدة هننتقم منه يا ستى بس على خفيف كدة
ماهي: غيث قالى انه هيعزمكو كلكو النهاردة على الغدا و هيعزم اتنين صحابه من الشركة و هيبقا متفق معاهم انهم يقولو كلام حلو اوڨر و يخلوكو تغيرو؟
رعد بعدم فهم: احنا مين؟
ماهي بتوتر:انت و فهد
رعد : الحمدلله اني صالحتها قبل ما الهبل ده يحصل عشان مرتكبش جريمة ، و كنصيحة يعنى الأسلوب ده مع فهد هيخرب الدنيا و مش بعيد يرتكب جريمة
ماهى: ما احنا فى الوقت المناسب هندخل
رعد: ربنا يستر يلا بينا
فردت ماهى يدها و أشارت لهم بأعينها ان يضعوا كفوفهم فوق كفها كنوع من انواع الوعد القاطع فنفذوا أمرها وهم يضحكون و كل منهم يتخيل ردة فعل مختلفة..
........................................................................
فى المساء..
فى ڨيلا غيث..
كان يجلس الجميع حول مائدة الطعام و يتناولون طعامهم بهدوء..
فجر بتساؤل: الولاد فين يا ماهى
ماهى: قاعدين فوق فى أوضة يوسف بيلعبوا
ليلى:انا مش عارفة مش عايزين ياكلو ليه بجد تعبونى والله
فجر: سيبيهم يا ستى يلعبوا مع بعض كدة كدة هيجوعو و هييجو
ماهى: ازيك يا اسلام عامل ايه
اسلام:كويس الحمدلله انتي عاملة ايه و الاولاد
ماهي:كلنا بخير الحمدلله ، اتجوزت ولا لسة
اسلام وهو ينظر ليالى بنظرات حب مصتنعة: لسة بس قريب ان شاء الله ، ازيك يا سالى
فهد: اسمها مدام سالى
سالى بتحدى: الحمدلله يا اسلام انت عامل ايه
اسلام: الحمدلله كويس
سالى بدلال وهى ترمش بأعينها بخجل: وانت متجوزتش ليه لحد دلوقتى
اسلام: كنت بدور على بنت الحلال بس شكلي لقيتها
ابتسمت سالى و اكملت طعامها وهى تشعر ان نظرات فهد تخترقها فبدون ارادة منها ألقت نظرة عليه وجدته ينظر لها بحدة و غضب شديد و عروق رقبته تكاد تقفز و تخرج من مكانها ، كان يغرز الشوكة بالطاولة فلاحظ رعد ذلك و أمرهم بأعينه ان يتوقفوا ولكنهم لم يبالوا..
رعد بهمس وهو ينحنى على اذن زوجته: فهد اتعصب جدا و حيبهدل الدنيا
فجر: اعمل ايه طيب ما انت شايفهم جزم مش عايزين يتهدوا
صمت مضطراً و هو ينظر إلى شقيقه بشفقة ، انتهى الطعام و بدأ الفتيات بلملمة الصحون الفارغة و التوجه بها إلى المطبخ ، انتظر فهد حتى خرج الفتيات و دلف إلى زوجته بسرعة وجدها تقف و تغسل الصحون وهى تدندن برقة كعادتها ، كاد ان يبتسم بشوق ولكن صوت ذلك البغيض من خلفه جعل فيضان الغضب يثور بداخله مرة أخرى..
اسلام بتساؤل:سالى مش هتيجى
سالى بضيق وهى لم تلتفت: هخلص بس المواعين و جاية على طول ، شوفت فهد ولا اتهزله شعرة حتى وانت عمال تدلع فيا و تقول كلام حب ، اكيد ماهي الحيوانة الحيوانة اللي محفظاك الكلام ده صح
اسلام بتوتر وهو يخرج من المطبخ بسرعة: سالى بصي وراكي
التفت سالى بإستغراب وهي ممسكة بالصحن فوجدت فهد يقف خلفها و نظرات الشر تطاير من اعينه فسقط الصحن منها و ابتلعت غصتها بصعوبة.. ، عادت للخلف تلقائياً وهى تراه يقترب منها حتى التصقت بالحائط..
فهد: ايه التمثيلية السخيفة اللى انتى عملاها دى ، كنتى هتتبسطى لما اموتلك الملزق ده ولا اخنقك قدامهم
سالى بغضب: متتكلمش معايا انا مش طيقاك
فهد وهو يسند كفيه حولها فوق الحائط: مش طيقانى؟ ولما انتي مش طيقانى بتعملى تمثيلية ليه عشان اغير عليكى
سالى بتوتر: دى ماهي ، كانت فاكرة انها كدة هتخلينى ارجع فى قرارى
فهد بسخرية:وهو ايه قرارك ده
سالى بحزم: اننا هنطلق ، انا مقبلش ابقا متجوزة راجل يمد ايده عليا
فهد: انتى اللى عصبتينى
سالى: وانت عطتني وعد و مطلعتش قده
فهد: انا طول عمري بوفى بوعدى معاكى
سالى و قد فرت دمعة اعينها: لا انت وعدتنى عمرك ما هتمد ايدك عليا
فهد بهمس وهو يقبل تلك الدمعة: انا اسف انا عارف انى قسيت عليكى بس انتي قولتى كلام انا مستحملتوش
سالى وهى تغمض اعينها بقوة كى لا تضعف مع نظراته: فهد لو سمحت ابعد
فهد وهو يقبل وجهها بأكمله: انا اسف متزعليش منى ، والله مش هتتكرر تانى
نظرت له سالى بشك ولكنه التقط ثغرها في قبلة عطوفة متشوقة..
سالى وهي تلتقط انفاسها: هحطك تحت الاختبار ولو فشلت آآ
فهد مقاطعاً لها بأبتسامة: مش هفشل ، بحبك
سالى بحب وهى تحتضنه: وانا كمان
ضحك فهد ضحكة رجولية ثم حاوط كتفها و التف بها وجد الثلاث فتيات يختبئن و ينظرن اليهم فضحك مرة أخرى و خرج معها..
فهد: خطة في منتهى الذكاء يا ماهى بصراحة براڨو عليكى
ماهي بثقة: اي خدمة
فهد: ده انا هنفخك اتقلى عليا
ضحك الفتيات و اتجهوا سوياً إلى الصالون و عاد كل منهم إلى مكانه..
سالى بإستغراب: اسلام راح فين
رعد بضحك:هرب
ضحك الجميع و ظلوا يتحدثون سوياً و كل زوج يأخذ زوجته بأحضانه و الحب يملئ المكان ، أدام الله على كل زوج و زوجة علاقة طيبة مملوءة بالود و الاحترام.. ❤️

دمتم سالمين 💜

اتأخرت عليكو عارفة بس حبيت اعملهالكو مفاجأة و يا رب يعجبكو ❤️❤️ و يا ريت تفاعل حلو كدة يعنى بتاع الف لايك ولا حاجة فرحونى و أجبروا بخاطري اخواتي في الله😂😂❤️😘 لملى يبني كل البنات القمر اللى مش عاملنلى فولو و خليهم يعملولى فولو و نتصاحب 💃🏻😂❤️❤️❤️متنسوش الالف لايك💃🏻😝❤️❤️