بين قلبي وعقلي

Part 1

Part 1
Tabark Hythm الكاتبه
بين قلبي وعقلي..

ليتني لم افعلها ..
ليتني لم اقع بحبك ..
ليتني لم انخدع باوهامك..
ليتني لم اكن في ذالك المكان..!
ليتك لم تكسر قلبي..💔
*****************
قمر:يلا ماما اكعديي خلي نروح للتربيه خلي نمشي باجرائات النقل
ام قمر:اي يلا كعدت
قمر:تريكنه اني وامي ورحنى للاداره المدرسه مالتي واخذنا اوراق نقلي ومناك رحنى للتربيه جان اكوو هواي عالم طابور كولش طويلل وكفنا بالطابور لحد ماجه دورنا
ام قمر:بلا زحمه عيوني اريد نقلل ل مدرسه ال.............بالمانيا شكد يطول اجراء النقلل
الموضف:عيوني المدرسه خارج القطر فيطول النقل اسبوعين
ام قمر:خويه كول يالله شدعوه اسبوعين
الموضف:والله اختي مو بيدي هاي التعليمات
قمر :امي جرتني وطلعنا من التربيه
ام قمر:شفتي لازم 15يوم ويطلع نقلج واحنى هسه بشهر العاشر والمدارس بالمانيا بدت وحيروح عليج هوواي دروس
قمر:مااعرف ماما ماعرف بس الاعرفه اريد اطلع من العراق
ام قمر:شنسوي يابنتي الله هيج كتبهاا بالكت ع السنه الجايه نكدر نسافر ل المانياا ولتنسين السبب الرأيسي منج لو انتي ناجحه ومطلعتي دور ثاني جان هسه احنى من شهر الثامن مسافرين
قمر:يبوو ماما لتعيريني حبباابه ماما اني حيل تعبت اريد اكعد
ام قمر:وين تكعدين منا الدنيا حاره والشمس تكتل امشي بس خ نرجع للبيت
قمر:بسرعه شفت رصيف مال بيت رحت كعدت عليه واجتي امي كلتلها انطيني مي(ماء)ورفعت راسي ليفوك واشرب مي بسرعه من التعب والعطش والشمس تصكع براسي
ام قمر:اكو واحد هيج يشرب مي
قمر:يوم عطشانه شبيج
ام قمر:يلا كومي خ نشوف تكسي ونرجع للبيت
قمر:رجعنا للبيت واستقبلتنى اختي وهي تسألنا شصار ع النقل اني بسرعه صعدت لغرفتي وبعد مادري شصار لحد مكعدت المغرب نزلت جوه وجان ماما تصيحني
ام قمر:باعي قمر عندي فكره حتخلينه نسافر ونهج من العراق
قمر:كولي والله شنيه ماما
ام قمر:حنخلي ابوج بالعراق ينتضر تطلع اوراق النقل مالتج واني وانتي واخوانج نسافر
قمرر:هنا الفرحه موسعتني كولش فرحتتت
ام قمر:بس اكو شغله وهي حتخلينا نسافر او منسافر
قمر:شنو هيه ماما
ام قمر:يجوز مدرستج البالمانيا ميقبلون تداومين وانتي ماعندج اوراق النقل والتثبيت ك طالبه جديده يمهم
قمر:ماما حبابه خابري المدرسه هسه وشوفيهم يقبلون
ام قمر:شبيج ماما ماكو نت الحكومه الميخافون من الله حسبي الله ونعمل وكيل عليهم
قمر:بشهر العاشر بدت ثوره اكتوبر والنت كامو يكطعو والاوضاع حيل جانت متوتره بالعراق
ام قمر:بس يجي النت اكتب رساله للمدرسه
قمر:ضلينا للليل ومااجه النت
ام قمر:اني حروح انام وكتبت رساله للمدرسه ومن يجي النت الرساله حتوصل
قمر:اهلي كلهم نامو بس اني ضليت كاعده لان جنت متعوده اسهر للصبح وساعه 7لصبح اجه النت وبسرعه كتبت مسج للاداره وضليت انتضرهم يجاوبون بس ماكوو وخفت لا النت يروح وبعد ماكدر احجي وياهم فجمعت كلل قوتي وكلت اخابرهم فاتصلت بيهم رن مره مرتين وماكوو بعدين جان يجاوبون وفهمتهم انو اباشر وياهم بدون الاوراق الرسميه
المعاون:اي نعم يصير
قمر: تسلم استاذ تعبنك ويايه
المعاون:لا يابه تدللين
رحت بسرعه ع غرفه امي وابويه ملكيتهم ودورت بكل البيت بس ملكيتهم وبعد مرور ساعه جان يجون
قمر:ماما وين جنتو
ام قمر :رحنى باشرنا باوراق نقلج لان الاداره جاوبوني الصبح وكالو عادي
قمر:هههههههه اني هم خابرتهم وكالولي عادي
ام قمر:يلا الحمدالله اكيدد هسه انتي بعدج منايمه
قمر:اي والله بعدني هسه حروح انام
...............................
نسيت اعرفكم ع نفسي اني اسمي قمر عمري 18من بغداد منطقه الحارثيه عندي ٢اخوان واخت اني اصغر وحده باخواني طلعت دور ثاني بالخامس اعدادي وامتحنت ع شهر التاسع وكلنا ورا امتحاني اسافر بس مع الاسف بدت ثوره اوكتوبر وتوقف الطيران والفيزا ...... وردت ادرس السادس بره وهم اخلص من العراق المابيه عيشه والحمدالله سافرنا
مواصفاتي اني بيضه عيوني جوزي وشعري اسود سرح كلش وطولي اني اشوفه وسط بس يكلولي انتي طويله
مر يومين واحنه مخبوصين بالبيت نحظر الغراض والهدوم والجنط كلش تعبنه
حنسافر مادري اذا افرح لان حسافر لو احزن لان رح اعوف بلدي وصديقاتي وكرايبي بس الي جنت اعرفه لازم نسافر...

بارت قصيرر بس هاي البدايه وهيج بس كتعريف الكمم💞💞
باجر ينزل الكم بارت اطول لان اليوم مريضه وكضيتها عد الطبيب بس لان كلت بالانستا الاحد انزلها فنزلت الكم بارت قصير
حطو نجمه ونشرو القصه ودزوها لكل احد تعرفو حته يقراها
تابعوني انستا يوزري
_0tmx