يله نبدء
بسم الله
-صلو على النبي-
(لن تهزمني الضروف ساحاول الوقف لاخر لحظة وان لم انجح فهذه هي حياتي وهذا قدري)
اني ساگته ودموعي تنزل بسكوت اريد اصيح والله جذب ماموافقه بس ماعرف ليش انربط لساني من نضرات طارق ليش انتى مثلهم سمعت قصتهم وحگمت عليه وعيونگ گلها شگ.
فاجئني رده بكل هدوء"الف مبروك تستاهلون كل خير.
اني على گل كلمه گالها حسيت بالف غرزة سچين تطعن بگلبي طلعت من الاستقبال بسرعه ولحگتني عمتي نهال ورحت لغرفتي وجودي ماله معنى حكمم عليه بالاعدام مسبقآ واليوم انتهى وتنفذ الحكم واخر امل ليه راح اخذت ابچي واني اردد وينگ يابويه وينه الي كلتلي راح يوگف وياچ ويصير سند لچ شو ماهتملي وصدگ گلامهم
اقسم بالله مامسويه شيء گعدت اتذكر وصية بابا لاتزوجين ولد عمامچ لان طمعانين بثروتچ گعدت ابچي بحرگه شلون يابابا شلون وجدي راد يموتني لوما موافقه انت عمرگ ماضربتني بس جدي ضربني يابويه اله شويه يكسر عصاته على جسمي بس وعد مستحيل اصير مرة مازن لو حتى يكون موتي بيوم عرسي واخلي كل الدنيا تشهد مستحيل اتزوج مازن وينگ يالغالي تعال شوف غاليتگ شنو الي صار بيها والله مضلومه الله لايوفقچ ياهدى انتي وسوالفچ احچي بحرگه گلب ودموعي تنزل وجع عضامي مايثر بيه بكد مايوجعني گلبي من القهر.
فاتت عليه عمتي نهال وحضنتها وگعدت ابچي"شفتي صار ياعمه صدگهم مثل مال الكل صدگ محد يصدگني والله مامسويه شيء غلط والله.
عمتي نهال كامت تبچي وحضنتني"گافي تبچين حرام تسوين بروحچ هيچ زنوبه.
زينب"لعد ياعمه ترضينها يريدون يزوجني المازن والله ماريده ومامسويه شيء غلط والله.
نهال"والله مصدگتچ ياروح عمه انتي بس تعرفينه جدچ وافكاره محد يكدر يوگف بوجهه وهو من قبل يريدچ لمازن بس ابوچ رفض وبعدها گالچ وانتي رفضتي ولگاها فرصه حتى تتزوجينه.
زينب"والله مستعده اگتل روحي ولا زوجه ماريده ماريده والله ماريده.
نهال"على كيفچ زنوبه احاول الگالچ حل لاتنهارين من هسه.
طلعت عمتي نهال واني دموعي تنزل واردد ليش يابابا عرفتني على طارق من البدايه وگلت هو المسؤول عنچ وراح يحميچ وخليتني اتعلق بيه وحتى امال ابني عليه وصرت حتى حياتي ماتخيلها بدونه
وهسه شنو الي صار واگف ويبارگلي وماله دخل بيه عبالك اني حمل زايد وتخلص منه حضنت القلاده الي انطاني ياها طارق وگالي هاي من ابوچ قبل لايموت وگعدت ابچي واني اگول يادنيا ارحميني گافي تذليني گافي تحمليني حمل موليه طبعآ اني زينب منو يصدگني وامي عافت ابويه وتزوجت اثنين وراه طبعآ اني زينب منو الي يريدها ونص وجهى بگاع طبعآ اني زينب الي عمامي گاتلين روحهم علمود ورث ابويه....انهرت واني ابچي واحس انو الفرح والسعاده مانگتبت اليه.
أنت تقرأ
مكر رجل ودموع انثى(باللهجه العراقيه)
Romanceرواية حقيقيه يريدني أن أگون له وانا لا اريده رجل لايعرف المستحيل لايعرف كلمة لا في قاموسه گان گالگابوس بالنسبة لي لماذا لا يفهم انا مختلفه عن البنات هو متحرر واني متدينه ...انا من البصره وهو من الحويجه والتقينا في الجامعه.. تمنيتك دمعه وبالبكاء أزيل...
