عشـقي لم يكن بالحسبان

بارت 51

🌦️🌦️🌦️😳
والله م تلمس قلبي غيرج يحلمن ذني الخدم🐥🖤🖤
🌦️🌦️🌦️😳
ملاك... طلعنه من العيادة صعدنه بلسيارة ومشينه بس مجان يمشي بطريق البيت
ملاك....  باوعت علي ردت يفسرلي الكلمه الي كالهل الدكتور
اليااس... شكوو تباوعين عليه بهل نضره
ملاك..  اليااس صح اني وياك حاليا منفصلين بس شنو حياتك ليش كل هل غموط كل متحجي وكلت يجي يوم تعرفين نفصلنا ومعرفت حياتك دارس لو لا شنو وظيفتك ليش
اليااس... اول شي اذا تفكرين بكلمة الدكتور فحيجي يوم وتعرفين شنو واذا عن حياتي ودراستي كتلج لمن تعبين ومتعرفين حجي واكلج ميبقى شي مضموم ولاتكولين منفصلين تره احنه ممنفصلين واذا عايفج براحتج تره لخاطر نفسيتج واني مشغول
ملاك.... زين هسه  هااي وين حتروح
اليااس.... ممكن مسئلين من نوصل حتعرفين.
ملاك... سكتت ولله هذا الانساان كلشي بحياته غاامظ مليت لاحياته ولاهوه
وصلنه لمطعم دخلنه للمطعم
جاان المطعم كله نفااخ كعدنه على الطاوله وجان بي ناس عادي جااب كيكة
وجان مكتوب عليه عشق
وشويه وجابوا كيكه مكتوب عليه زواج سعيد ياأحلى ملاك عرفته
ملاك... نصدمت بس اليوم مو عيد زواجنه بااجر
اليااس.... يي صح بس باجر عندي شغل ومااكدر اجي
واليوم نحتفل بعيد ميلاد عشق وزواجنه
اليااس.... ملاك كاافي على الاقل اذا مو لخاطري لخاطر عشق رجعي
ملاك.... سكتت
اليااس لو تعرف نااار كلبي من اشوفه ويااك اليااس مااتحمل اشوفك ويااه
اليااس... لج ولله ممداخل غرفته من زواجنه
ملاك.... اليااس صح اني احبك وحبي واصل مرحلة جنون بس من اشوفه ويااك وبيتنه اكرره يوم الي نولدت بي
اليااس....ملاك بعمري مسويت شي لاحد مثلج ولاحبيت احد مثلج ولانكسرت على احد مثل معفتيني ملاك كااافي ورجعي لبيتج وليه ولعشق ومعليج بيه تردين اخليج بيت وحدج تردين اطلعه من البيت
ملاك... لا للن اذا طلعت من البيت مراح اشوفك تروح اله لو لا واذا طلعته نفس الشي
اليااس.... يعني قابله وتردين تراقبين
ملاك..... اليااس بس طلب
اليااس... طلبي
ملاك.... خليني هل شهرين لان اخلص جامعه وراه افكر وانشالله خيرر
اليااس... لج اليوم قبل باجر اريدج وتردين شهرين
ملاك.... الياس اني اذا رجعت فعلمود بنتي لان لو اليوم هيه صدك بنتي جان رجعت واني صدك اعتبره بنتي ارجع علموده ماريده تتربه بيد هبه وانته معليه بيك
اليااس.... هاهيه الج الشهرين بعد الامتحانات ترجعين
ملاك... الله كريم
وهسه نقطع الكيكة
اليااس.... من وراج راحت الهيبه رجال ولج شيخ عشيره طول بعرض كااعد يقطع كيكة
ملاك..... ههههه. وشبيه عاادي
اليااس.... من وراج طاارت هيبتي
ملاك.... لا ماطارت سئل ليش
اليااس.... شون مطارت بله
ملاك..... لان اني هيبتك.
اليااس.... انتي كل اهلي والعشيره مو بس هيبتي
قطع الكيكه وانطاني قطعه والباقي كل لابو المطعم يوزعه للموجودين ويوزع كيك
وحيل فرحت من وزعلهم وهمه صفكونه كلهم
اليااس.... همزين اجيت لمنطقه بعيده علمود ميعرفوني
ملاك.... هههههه صورت اله اشوفه للكل
اليااس... علمود اطيح حضج
ملاك... ههههههه
خلصنه من الاكل وطلعنه
عشق.... انته دلتلي احدج لالهاب وماحدتني ااددب عييه (انته كلتلي اخذج للالعاب وماخذتني اجذب عليه)
اليااس.... ييي تربات امج لسانج شطوله
عمي ها اها راح اروح للالعاب بعد شتردين
عشق... هي هي واجت باستني
اليااس.... ولج اني اخذج مو ملاك ليش تبوسيه
عشق..... لان هيه ماما
اليااس.... واني شنو
عشق.... انته بابا اني اهبتم اتنيتم (اني احبكم اثنينكم)
اليااس... شاله وصعدنه للسيارة
وطلعنه لالعاب اخذاه صعداه واني متت على الالعاب اريد اصعد هاي الي تخوف سكة الموت والمقص بس اخااف على الاطفال
اليااس... ملاك اذا بنفسج صعدين تعاي اخذج
ملاك.  معرفت شجاوبه
هاا لا اني عندي فوبيا من الاماكن العاليه
اليااس... براحتج ضل يلعب بعشق. واشترالنه موطه وتعشينه ورجعنه للبيت.
قبل لانزل من السيارة
اليااس... ملاك فكرري بكلامنه
ملاك... انشالله
نزلت واخذت عشق والاغراض
ودخلت للبيت
اسد.... وين وين
ملاك.... متت خووف من كلي وين. وين
شكوو
اسد.. ماعدنه بنات يرجعن بوقت متاخر
مريم واكفه وراه ومخليه ايده على حلكه
ملاك... ولله تاخرنه. بلعيادة واخذ عشق للالعاب 
شو اسد كعد من الضحك ومريم ضحك وراه
اسد.. هههههه شبيج جنه واحد راح يكتلج تردين تبجين
ملاك.... ياا  خبيث خوفتني
اسد.... ليش اخوفج غيرر. ويه زوجج
دخلت للغرفه. ولكيت مريم همات محضره الغرفه لان اليوم عيد زواجهم واني باجر بس لان هوه عنده شغل دخلت غرفتي وسولفت لمريم كلشي
مريم...ولله ملاك الصراحه احسن لاتخلي اله وعشق هماات بنتج خطيه وفكري بالاطفال الي بطنج
ملاك.... مريم من وره متخلص الامتحانات علمود اروح صالون واعدل نفسي وهمات مااريد يعرف بلاطفال هسه
مريم.... ملاك تره بطنج ديكبر وانتي من تخلص الشهرين. والامتحانات تره دخلين بثاامن وصير مشكله اذا مكلتي بعد بكيفج
ملاك.... يي صح بس مريم فدوه
مريم... براحتج حب يله اني اترخص مو انتي حتفلتي واني كاعده يمج
ملاك... هههههه يله روحي تلكين اسد ميت على ميشوفج
اخذت ازوله يمي لان خطيه علمود ياخذون راحتهم نومته ونمومت عشق ونمت
كعدت الصبح بدلت والياس اخذ عشق لان عندي دوام وطلعنه اني ومريم واخذانه لنرجس وطلعنه للجامعه
نرجس....داومت ومرر الايام وجنت كااعده
ومااحس اله ولد كعد كبالي
.... ممكن نتحجي
نرجس... نعم اخي تفضل
..... اني اسمي  محمد
نرجس... اهلا كول شرايد
محمد... نرجس اني معجب بيج وقبل لاتحجي اني
رايدج بلحلال
ولله مالي قصد غير حلال
نرجس... محمد اخي احنه نااس عشائر واني مااعرفك
محمد... نرجس اني ولد ماعتدي لااب ولاام ولا احد اني عايش وحدي بيتي والحمدلله الله رازقني واني لان شفت اخلاقج عاليه ردتج
بيتي
نرحس... كمت منه مااعرف شكول
محمد... نرجس بس كليلي
نرجس... اسفه انطيني وقت
محمد... على راحتج
نرجس.... طلعت من الكافتريا انتضرت البنات يطلعن
طلعن البنات وكلت الهن
ملاك.. ماادري نرجس انتي اذا كلبج مو اله لاتورطي وياج.
مريم... كيفج ملاك تره علاء زوج هاهيه لازم شوف
قسمته بس لازم تعرفي منو وهاي وانطي عنوانج
طلعنه وضل هل موضوع محيرني زواج خطوة جبيره بس سويته عنااد وبقيت التقي بمحمد وتعرفت علي وصح معنده بس هوه
وكتله بنهاية السنه يخطبني
علاء كم مره يحاجيني بس ماارد علي ومخليته يشوف محمد
ملاك... خلص الدوام وبدينه امتحانات اخر السنه وبديت احضر لدراستي وقتي كله للدراسه
نرجس تعرفت على محمد بس ابد كلبي مو مطمن صح لتقيت بي وسلم عليه جاان ولد حيل مؤدب بس اني اقصد نرجس اذا زوجته حتكسر كلبه وكلبه
وحتكون سبب بدماار حياته بس مااكدر اوكف بقسمته ومن جانب جنت افكر يمكن لو زوجته حتنسى علاء وتكمل حياته ويه محمد الياس
محد عرف بموضوعي وياا غيرر مريم واسد وبلامتحانات اجه درسني ويبقى ويه عشق
رادني ارجع كلي علمود ادرسج هناك كتله لا ماريد يصير عليه ضغط واني حخلص امتحانات

وبدت امتحاناتي خلصت بس جاانت كلش سهله لان جاان يدرسني يشرحلي بطريقه تخليني افهم
خلصت امتحانات.
نرجس... بهل وقت خلصنه اني ومحمد امتحانات وعلاء ساافر بس عااف زوجتة هناا وساافر كلهم عندي شغل وسافر بعد احسن اليه
من خلصت امتحانات اجه خطبني محمد وافقت علي
وطلع بيته بصف خالة وخالة حيل مدحت بي دكول ولد خووش ولد وافقوا اهلي علي
بعد مسافر علاء محد اتواصل وياا يتصلون علي ماكو وميعرفون بيااا دولة
اليااس.  ملاك خلصت الامتحانات بعد معندج حجة
ملاك.... يي بس هذا الاسبوع انطيني
اليااس... بنفاذ صبر حااضرر
ملاك... اجوي اهلي وعرفوا برجعتي وكتلهم مااريد الياس يعرف بحملي ودخلت بشهرر الثاامن
اخذتنه امي اني ومريم وزهراء صالون حفيت َوجهي وجسمي وعنااية كاامله وحااجبي اني حاجبي حلو مجرد نضفته بقيته على ثخنه لان تحديده حلو واخذتني امي للسوك حضرت كل ملابس الاطفال وملابس اليه عفت ملابس الاطفال والاغرراض يم مريم وماما هماات مشتريتلي من بغداد اغرراض كومه
اشتريت بس الناقصني
بااجر يجي اليااس ياخذني
رجعت من السوك ميته تعب خطيه لكيت البناات محضرات كلشي اغراضي واغراض الاطفال محضراتهن وضمنهن بلكنتور وعشق همات حضرات اغراضه
نمت من التعب
كعدتني امي الصبح كوه
سبحت ومريم حضرت عشق واني لبست فستاان دزاه اليه الياس جان ابيض وبي ورد ذهبي كللش حلووو ومكيااج خفيف ولبست حجااب ونزلنه لكيت الكل متحضرر
اهلي همات مرايحن لبيت جدي شويه ودخل الياس جان لابس زي عربي دشداشه بيضه وشمااغ ابيض ومطرز بذهبي كللش حلوو
ولبست عبااتي وجاان السيارة كله ورد مزينه
صعدني بسيارة وعشق يمنه واهلي نقسمو سيارتين
كاانماا زفه مشغل اغاني بس الجام كله مضلل
ورجعنه للبيت
دخلت البيت كله جاان متحضر
دخلت وستقبلوني احلى استقبال عمي وجدي بس بيبي جانت واكفه ليوره بس همات اجت سلمت علينه
جنه واكفين بلباب اني والياس ونزلت هبه
من شافتنه كبل صرخت وجانت ملابسه قصيره
هبه.. عززه شنووووو هاااي اليااس
اليااس... وسمم امشي بدلي ركضت اله عمتي اخذته دخلته للغرفه حسب مفتهمت هيه متدري راح ارجع
اسماء محضره كولشي خطيه البنات نزعن عبيهن وسااعدنه
تغدينه وبدلت ملابسي
وغسلن الامااعين.
البناات
ونزلت كعدت يمهن هبه يمكن لو شويه تكوم تاكلني صعدت نزلت لابسه عباته وكالت لعمتي حروح لهلي راحت
مريم... يي دروحي عسااج لارجعتي
اسماء... لج شمسويه بينه لج بيبي كاامت تكره لج تعااند بيبي وحتى تصيح بوجه
ملاك.. ياا عزه
اسماء.. وللله واليااس مرتين شبعة كتل. ومااكو احساس مجلبه وتبقى
كمنه سوينه حلاوه ومعجنات وكعدنه بلحديقه
شويه
وحجيت لاسماء عن حملي وطاارت فررح بس كتله لاتكولين
ونرجس خطبة محمد وافقوا وخطبته بعد كم يوم
واجتي علينه
وصاارت خطبة نرجس ورحنه جاانت كللش حلوه وهوه هماات كلش حلوو
بس نرجس مااكو بوجه فرح عرفته بعده تفكر بعلاء لو عرف شنو حيكون رده
خلصت الخطبة ورجعنه
للبيت
دخلت للغرفة وتفاجئت
ملاك.... 😳😳🥺🥺
يتبع....
🥺🥺🥺💞
وأنك الوريـد إذا تأذيـت تـأذى قلبـي وبكـى، 💞
الياس
🥺🥺🥺💞