نصفي العقيم ( مكتمله )

المشهد الثاني

من سيُصدق ان حروباً تدور بداخلك منذ زمنٍ وان بصدرك مُدناً انهارت بأكملها وانتَ مازلت لا تُظهر شيئاً .. بداخل كلٍ منا تعيش روايه  وحدث .. الاختلاف فقط إن كُلٍ منا روت حكياته الحياه بطرقها المختلفه .. و اوجزت لنا الدنيا بكلمة القدر ...
فالجميع يعيش ما كتب على جبينه ..

_________________

قال تعالى: (وَاعْبُدُوا اللَّهَ وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا)،صدق الله العظيم ..

كثيرٌ ما نسمع الى عقوق الوالدين وتعذيبهم ..فدار العجزه  اصبحت من  الاماكن التي تروي قصص كثيره نتجت من رحم  واقع مشوه  اصبح مليء بـمثل هذه الامور ..

ولكن ماذا اذا نقلبت الايه ..واصبح الوالدين يعقون الابناء !!!

قال تعالى: {وَعَلَى الْمَوْلُودِ لَهُ رِزْقُهُنَّ وَكِسْوَتُهُنَّ بِالْمَعْرُوفِ} [البقرة: 233]، صدق الله العظيم

_______________

المشهد الثاني ...

واگفه مقابيل المرايه واني اشوف شكلي بالبدله البيضاء
..المكياج والشعر زادني جمال ..على جمالي..اليتحدث بي الكل ويمكن هو الـسبب بهواي عقبات صارتلي

نزلت من عيني دمعه تعودت تاخذ مسراها على طرق وجناتي ..
شفتها تلمع مثل الؤلؤ الي مزين بدلتي وطالعه بيها  مثل اميرات دزني..

مر عليه شريط ذكرياتي الراحت وتمنيت امي تكون ويايه بهاليوم وتوصيني وتكون خايفه عليه وحزينه على فراگي مثل كل ام ..
بس للاسف هذي مجرد اوهام تهذي بيها روحي التصبي على لقائها ..

وصلت بمحطة الذكريات لـ حسان ..وتوقف عندي الزمن للحظه

هو الشي الوحيد الحلو الي صار بحياتي لليوم الشي الوحيد الي طلبته وتوسلت انو يصيرلي ..

اااه ياحملي اليهد جبال .. تنهدت بتعب وكلت بين نفسي يمكن هاي لعنه جرت عليه من يوم فارگت امي ..

نفتح الباب وطبت رواء باوعتلي وبعيونها شماته ونظرة انتصار كانه تكول كسرتج وشفيت غليلي ..

باوعلتي بابتسامه خبيثه وحاقده..حجت الف مبروك بغداد صبرتي ونلتي يلا اليوم ازفج بايدي واسلمج لعريسج .. واطلع من مسؤليتج..
باوعتلي من فوك الجوه وكانه دتقيمني

بغداد..تنهدت بحزن .. وهي طلعت ..للحظه كلت يمكن اني اخذت من اسمي نصيبي  مو يكولون الانسان ياخذ ثلث ارباع حياته من اسمه

واني سموني بغداد وحالي حال بغداد العراق من يومها ماشافت راحه وياهو اليجي يدوسها ومايهتم الها .. ضليت ثواني صافه للفراغ وبعدها تنفست بعمق حجيت ويا روحي ..

كافي بغداد خلص الصار صار ابدي حياتج من جديد وتوكلي على الله .. عسى ان تكون حياتي الجايه افضل .. واخلص من عيشتي وارتاح ..
زفرت نفس براحه وكدرت اكون على امل جديد بالحياه ..
لميت ماتبقى من اشلاء روحي المحطمه ..وخليتها على رف بصفحه .. وبلشت افكر بالليه هاي وبده التوتر يتملكني ونبضي بده يخفق بسرعه

ندك الباب وطبت يسُر حجت بملاح جامده ..يلا راح يزفوج
ابتسمت الها وكتلها يلا نازله .. نزلت على الدرج وصارت الهلاهل صوتها يرن والجكليت يهل عليه ..
ودعني والدي وحظني ..وهو يوصي بي عليه صونها تراها الغاليه مالتي ..
دك على صدره وكاله بعيوني هاي بغداد مو اي احد ..

ودعت اهلي ببرود الي هما بالاسم اهلي .. مشاعري تختلف عن مشاعر اي بنيه تطلع من بيت اهلها وتكون حزينه على فراكهم بس اني ماكان عندي اهل من الاساس حتى اتوحشهم او اشتاق لشوفتهم

لبسوني البرگع وطلعت للسياره .. كعدني يمه ونطلقنه .. ادركت بعدها انو الطريق المشينه بي قادر انو يكمل ما تبقى من قدر حياتي ويبتدي بروايه جديده .. يسردها الزمن بمختلف شؤنه

وصلنه للفندق وكعدت على لسرير ..
نزلت راسي وصرت افرك اصابعي بتوتر ..عيوني تسرق الانظار حتى تشوفه ..هو كان وضعه ايظاً متوتر مثلي .. بس ملامحه هدائه جداً

اجه يمي وحجه بصوته الجوهري .. ترنحت كلماته النطقها لمسامع اذني رفعت راسي واني اباوع بعيونه بذهول وصدمه !!

_______________

هلووو

حبيت انزللكم مشهد ثاني حتى ازيد حماسكم للروايه ..

طبعاً رواية (نصفي العقيم) من اقوى الروايات الي راح اذكرها بمسيرتي يوماً ما .. حتعيشون تفاصيلها وتشوفون شنو اقصد..

اريد اطلب من عدكم .. انو تصعدون مشاهدات الروايه ..ابعثوها لكل اصدقائكم محبين القراءه.. حتى انشر بسرعه ولانتسون تظغطون على النجمه باللون البرتقالي .. حتى ترتفع الروايه بالتصويت ..لا تكونون من الي يقرئون ويروحون ..

بالنسبه لموعد النشر وهيمتا ابدي بيها .. فحيكون بعد ماانتهي من كتابة (النصيب المنتظر) وهي اوكشت انو تخلص مبقالها شي ..

تابعو حسابي حتى توصلكم اشعارات اول مانزل اي تحديث بخصوص الروايه يكون ع المنصه حتى يوصلكم

القضايا الي راح اكتبها هنا ممكن البعض انو يشوفها مو حقيقيه لكن هي من ارض الواقع ..

تقبلو اطيب تحياتي ..🌸

الكاتبه :يُمنا نآصر

احبكم♥️