"မင်းတို့နှစ်ယောက်ကို လက်ထပ်ပေးဖို့ မေမေတို့ စီစဉ်ထားတယ်။ "
"ဗျာ ....
ဗျာ ...."အံ့သြသွားသည့်အမူအရာနှင့်အတူ ထိန့်လန့်ဖွယ် အသံနှစ်စုံဟာ စားသောက်ဆိုင်၏ သီးသန့်အခန်းထဲ၌ ကျယ်လောင်စွာမြည်ဟီးသွားသည်။
သီးသန့်ယူထားသည့် (vip room) အခန်းထဲ၌မို့သာတော်သေးသည်။ သို့မဟုတ်ပါက တခြားစားသုံးသူများပါ လန့်ဖျပ်သွားကုန်လိမ့်မည်။သူတို့နှစ်ဦးစလုံး မိဘတွေကိုသာတအံ့တသြကြည့်နေမိကြသည်။ ယခုထိတိုင် အခြေနေတွေကိုသူတို့ နားမလည်နိုင်သေးပေ။
" မေမေ အတည်ပြောနေတာလား "
လွန်းခတ်ပိုင် အမေးကို ဒေါ်မြင့်သူဇာက ပြုံး၍ခေါင်းညိမ့်ပြသည်။
ရှိုင်းဆက်အာဏာသည်လည်း သူ့၏မိဘနှစ်ပါးကို အဓိပ်ပါယျပါသော မျက်ဝန်းတစ်စုံဖြင့်ကြည့်လာသည်။ ထိုကိစ္စဟာ အမှန်တကယ်ပဲလားဆိုသည့်သဘော။
ဦးအာဏာနဲ့ ဒေါ်နုယဉ် တို့၏ အဖြေဟာလည်း ထိုနည်း၎င်းပင်။
လက်ရှိအခြေနေကို ဘယ်လိုမှလက်သင့်မခံနိုင်သေးသည့် သူတို့နှစ်ယောက်သည် တစ်ယောက်မျက်နှာကို တစ်ယောက် ကြည့်လိုက်မိကြ၏။ ရိုးရိုးညစာစားပွဲလေးက ဘယ်လိုကနေ ဘယ်လိုသူတို့နှစ်ယောက်လက်ထပ်ပေးမည့်အကြောင်းအရင်းဖြစ်လာမှန်းကိုနားမလည်နိုင်ကြတော့ပေ။
.
.
.လွန်ခဲ့သော သုံးနာရီခနျ့က..........
" သားရေ အဆင်သင့်ဖြစ်ပြီလား။ မေမေတို့နောက်ကျရင်မကောင်းဘူးကွယ် ။နုတို့ကို အားနာစရာကြီး။"
အောက်ထပ်မှ မေမေ၏ အော်ခေါ်သံကြောင့် လွန်းခတ်ပိုင်တစ်ယောက်သည် Alexandre Christie နာရီကို ဘယ်ဘက်လောက်ကောက်ဝတ်တွင်ပတ်နေရင်းမှ အောက်ထပ်သို့ အမြန်ပြေးဆင်းလာလိုက်သည်။
" လာပါပြီဗျာ။ "
"သားပြီးပြီဆိုတော့ သွားကြရအောင် "
" မာလာရေ အိမ်တံခါးသေချာပိတ်ထားအုန်းနော်။ "
အိမ်အပြင်ထွက်ခါနီး မေမေက မာလာကို အမှာတမ်းခြွေ နေသေးတာကြောင့် သူကားပေါ်ကနေသာထိုင်စောင့်နေလိုက်သည်။