أغتصاب ارواح ( روايات ليبية )

حلقة 23 🔥

#اغتصاب_ارواح(بقلم:#منى_المجبري)
PART23

_________________________
نزلت سدينه وحضنت انشراح مها وقعدت تهدي فيها💔
مها بِ دموع : شن درتله ليش دار فيا هكي
انشراح : نصيبك لازم تكوني قويه هم هك الرجاله
مها بِ دموع : إن شاءالله

_مها... سيبت ماما وخشيت للدار شديت مخده ودفنت وجي فيها وقعدت نبكي على الهزاز شعور مش قادره نوصفه كأنه كنت في سابع سماء وعزقني من فوق معقوله هنودي يدير فيا هكي شديت التلفون رنيت عليه كم مره بس مايردش وآخر مره سكر في وجي عزقت التلفون ورقدت بالك ننسه الى صار ويطلع حلم 🔥

________________________
_ خش ربيع وجاريب شكاير في يديه جت رنيم ساعداته في شيلتهن للمطبخ

رنيم : ربي يعطيك الصحه
ربيع : اجمعين ، ها وتيتي الغذاء
رنيم : اها تبي نحطلك توا ؟
ربيع : اها حطي امس آخر امتحان صاح
رنيم : اها واخيرا
ربيع : لازم اليوم تقولى ل هلك وهلى انك حامل
رنيم بِ خوف : إن شاءالله هي خش دوش وغير لين ماحطيت الصفره
ربيع : إن شاءالله

___________________
_مهند ..... نزلت امي وكنت في المربوعه قبل بِ خوف نسألها بس وقفني صوت التلفون ورنات مها في آخر مكالمه سكرت في وجها موعرها حبيبتي من الطفوله والى مشيت معاها بِ نيه صافيه دير فيا هكي حولت نوقف تفكير ونشغل روحي بأي حاجه بس ماقدرتش بعد كل الى داراته مزلت خايف على مشاعرها لقيت روحي تلقائيا ماشى لِ امي ونسأل فيها

سدينه بِ قهر : عليش تسأل مش سيبتها يانويرتي عليها قهرتها
مهند بِ الم: امي ياريت تجاوبي بكت عليا قصدك
سدينه : ها شن رايك شئ طبيعي ه تبكي اكيد ه تنصدم في إللى اختاراته وسيبها ربي يصبرها ويرزقها بِ ولد الحلال

_ شاف مهند لِ سدينه بِ نظره وكأنه يقوللها انتِ مش فاهمه شئ وخش للمربوعه وسيبها وهوا حاس بِ قلبه ه يوقف!🔥

__________________________
_ خشت انشراح على مها وواعتها

مها وعيونها متورمات: شن صار
انشراح بِ فرحه : اختك حامل
مها بِ صدمه : كيف من قالك
انشراح : شن من قالى يا هبله توا هي دزتلى انها حامل في شهر3 تقريبا نوضي كلميها باركيلها
مها بِ فرحه : ياروحي ه نقعد خاله

_ مها... اول ما سمعت خبر حمل رنيم فرحت من قلب وقررت انتجاهل مهند وننساه او بِ الاصح انتناسه هوا الى خاسر مش انا ونضت خديت تلفوني ورنيت على رنيم

______________________
ربيع : قلتي لِ هلك
رنيم : اها وماما قريب طارت من الفرحه
ربيع : طبعا بعد تجيبي ه نقولو جابت في الثامن تمام
رنيم بِ هدوء: إن شاءالله

_ قطع حديثهم رنت مها هدرزت معاها شويا وسكرت وكلمت فاطمه قالتها لها وسكرت

ربيع : وهكي عطيناهم العلم
رنيم : بس كيف ه دير البيبي من مواليد تركيا
ربيع : توا نمشيها بِ التزوير وخلاص
رنيم وهيا تهز في رأسها: اها
ربيع : راه اليوم ه نمشو المرج ونقعدو غادي لين تجيبي
رنيم بِ صدمه : ليش
ربيع : معش عندي حق الايجأر هنا وحصلت عمل بِ عقد غادي
رنيم بِ غصه : به دير الى يريحك

_رنيم.. تبهدلت واجد بس نستاهل انا الى جبتها لِ روحي قرب ربيع وحظني كأنه حس بأني تعبت باسني على راسي وخش تنهدت بِ يأس ووحطيت الصفره وكلينا بعدها ضميت دبشنا وطلعنا للمرج
_________________________
رواسي بِ فرحه : ه نقعد عمه محلاهم
فاطمه : بطلى نق وادعيلها تجيب على سلامه
رواسي : إن شاءالله
فاطمه : نوضي ضمي دارك

رواسي ... خشيت ضميت الدار وكلمني محمد قالى في جو اليوم قتله خلاص توا نجي قعدت نمشي ديما ونشرب وننسه في الدنيا وفي نفس الوقت يدير محمد فيا الى يبيه بس انا مش معاه كل همي ننسه هلى وحياتي🔥💔
_______________________
" تسريع الاحداث "
" بعد مرور 5 شهور "

_ خشت رنيم للدار وهيا تبكي

ربيع بِ خوف : كنك شن في
رنيم بِ دموع : بطني وظهري بِ نجيب شكلى
ربيع بِ ارتباك: هي البسي عبايتك ونشيلك بسرعه
رنيم بِ خوف : نبي ماما واعر خايفه
ربيع بِ راحه : متخفش انا معاك تحملى عشان البييي
رنيم بِ صبر : به

_رنيم .... محتاجه ماما اول مره نجيب والم غير طبيعي خايفه بكل نبيها جنبي وربيع يحاول يخفف عليا لبست عبايتي وطلعت معاه ونا نعيط 💔 لين وصلنا المستشفي وكشفو عليا وخشيت ولاده

______________________
_ رواسي.. نضت في الصبح نبكي مزال كلام لمياء يتردد في ذهني انا حامل في روح في بطني والى صدمني رد محمد رديت لِ مكالمتنا وكلامه

محمد بِ برود: وبه شن دخلني
رواسي بِ دموع: ك كيفف شن دخلك انا حاامل منك محمد تعال اخطبني
محمد : ههههههه تبي ادفيها فيا امشي شوفي من باته مدخنش فيك انا

_ ردت رواسي للواقع على صوت امها ومسحت دموعها وطلعت

رواسي : نعم
فاطمه : أمشئ شوفي من يدق بسرعه

_ فتحت رواسي االباب وخش رمزي

رمزي : امي نوضي البسي عبايتك بسرعه
فاطمه : شن في
رمزي : مرات صاحبي تبي تجيب وهيا اول مره تجيب وهوا هلى في درنه وهلها في درنه ومعرفنش كيف نصرفو تبكي خايفه نوضي امشي معانا المستشفي
فاطمه : مدخنش لكن اهو نحصلو آجر

_ حطت فاطمه عبايتها وطلعت للمستشفي 🔥 ، خشت رواسي لبست الزي المدرسي وطلعت للمدرسه وفي عقلها لازم تقنع محمد ان ياخذها

_________🖤روايات منى المجبري 🖤_________

سدينه : مهند هيا بطل كسل ونوض
مهند ودوبا فاتح اعيونه : وين ماشيه من صبح
سدينه : اليوم فاتحت عهد ولازم نمشي من الصبح
مهند : هي نغسل وجي ونصلى ونسخن السياره ونطلعو
سدينه بِ حزن : مهند شوف منظرك كيف متبهدل مدام تحب مها ليش تسيبها
مهند بِ ضيق: امي سكري الموضوع ووتي روحك

_ غسل مهند وجهه وصلى وسخن سيارته ولبست سدينه وطلعو🔥
______________________
..يتبع ، احتمال الجزء الجاي الاخير توقعاتكم
ب قلم : #منى_المجبري
ومسموح ب نقل الروايه ب وجود اسمي❤
متابعه للايميل منى المجبري او روايات منى المجبري او واتباد munaalmajbry ، .،❤بقق لووف ليكم