#اغتصاب_ارواح(بقلم:#منى_المجبري)
#PART20
_____________________
_ لبست رنيم عبايتها وطلعت خشت للصيدليه وخذت جهاز كشف حمل وردت للشقه فتحاته وشفاته على رنت ربيع .
ربيع بصوت ناعس: حبيبتي ن
رنيم بِ دموع : ر ربيع الحقني انا ح حامل
ربيع بِ صدمه : ك كيف حامل من كيف
رنيم بِ عياط : ربيع كله منك توا دورلى حل ولا نموت وذنبي في رقبتك تعال اخطبني ولا انزله راه
ربيع ب خوف : به به توا نصرف لا مدريش شئ تسمعي فيا
رنيم بِ ندم ودموع: به به
_سكرو الخط والاثنين عرفو حجم المصيبه الى داروها ومش هما بس ه يتاذو ه يأذو طفل مالش اي ذنب!
_رنيم .....كان الخبر صدمه بِ نسبه ليا ماتوقعتش نحمل بِ ه السرعه ومشى تفكيري طول لو ربيع رخاء بيا كيف نصرف في الى في بطني لو نزلته ه نكون اغتصبت روحه وهوا مالش اي ذنب والحل ؟ حولت نوقف تفكير ومسكت المصحف الى ما عمري مسكته وفتحته وانا متردده ويديا يرجفن حسيت ان انا حاجه نجسه وهوا زي الجوهره حرام نلمسه قاومت وبديت نقرا بصوت عالى ومعني الكلمات امس قلبي ونزلن ادموعي بس ه المره مش بِ ندم بِ غصه وحب لله 🔥
رنيم بصوت باكي(" ...إن الله لا يغير ما بقوم حتى يغيروا ما بأنفسهم ..
قال تعالى " إن اللهَ لا يَغفر أن يشركَ بهْ ويغفرُ ما دون ذالكَ لمن يشاء ْ" )
_ربيع... عزقت التلفون وحطيت يدي على وجي ومسحته مش مصدق كيف حملت ياربي توا كيف حسيت بِ الخطأ الى ارتكبته هيا حامل بِ ولدى وتبي اطيحيه منقدرش ه ننجن لو تأذه لازم نصرف لازم انا ه نزوجها🔥
___________________
_ خشت سدينه على ولدها الى من فتره حاله منقلب وجعها قلبها عليه لا ياكل كيف الناس لا يطلع مهند الى ديما يضحك ضحكته راحت من لما كسرت قلبه
سدينه بِ خوف : مهند يا مهند
مهند من تحت البطنيه وبصوت باكي: نعم
سدينه بِ كسره : نوض سلم اوليدي نوض كول
مهند : النيه رايحه منبش
سدينه بِ دموع : مهند انت ميت راه لا تأكل لا شئ ليش دير في روحك هكي اطلع وكسد مع اصحابك ليش هكي تعذب في روحك
مهند بِ كئابه: انتِ تبي هكي خليك مذكره كويسس
سدينه بِ تنهيده ودموع : خلاص يا مهند انا موافقه عليها ونوض توا نخذها لك مدام حالك انقلب هكي
_ نطز مهند من فراشه زي الى سامع خباره وقعد يحضن في امه ويبوس في يديها على قولت خوتنا المصريه الفرحه مش سيعااهه☺
سدينه بلوم: واخيرا شفت ضحكتك
مهند بِ فرحه : ربي يخليك ليا يا امي شكرا واجد
سدينه بِ ندم: اسفه بس كنت نحساب مصلحتك تبعد عليها بس طلع العكس توا نخطبها لك والى فيه الخير يجيبه ربي
مهند بِ ضحكه : الحمدالله الحمدالله هي نركبو توا
سدينه : هي خير الامور اعجلها
مهند بِ هبال : مش اوسطها😶😂
سدينه بِ ضحكه : ماهو زي مايبو يقولو يا مهبول
مهند: هي يا امي تحسي حكينا وا جد راه هههههه
سدينه : توكلنا على الله خايفها اطير😒
أنت تقرأ
أغتصاب ارواح ( روايات ليبية )
Actionاغتصاب ارواح للكاتبة : منى المجبري رواية تجمع بين رومانسية و دينية . . . تفاعلوا 🔥
