#ومضة_امل
#الكاتبة_ام_مصطفى
البارت الثالث عشر
رجع عمي كال ماكو اني رايح ادورها بالمستشفيات
-لا عمو اسم الله عليها
-رايح ممنوع اطلعن لو تفتحن الباب وديرن بالجن ع حمودي
راح واحنه حالنا حال نتصارخ ونتباجة يربي وين نروح شنسوي لمن نحجي دخيلك ياربي امي مالنا غيرها واحنه منكدر نسوي شي خلافها
-وج ايه شلون بيه اني السبب اني دزيت امي ع مسواك دولمة عساني اكلت سم
وج يمة وينج فدوه لا اشلعين كلبنا تعاي فدوه
نروح ونرجع بالبيت انوب نبجي اموب ندعي وحمودي يبجي كام من شافنا هيج وابن ايناس هم خاف
كلت ليناس صار ساعتين من راح عمو عفيه خابري اتصلي عليه شوفيه شصاير وياه
خابرت ميجاوب
لج ميجاوب عمو
دكي مرة لخ دكي
دكت وجان يجاوب
-ها عموو بشر لكيتها
-يي لكيتها بالثلاجة
-شنوو شنو ثلاجة
-ميتة ميتة ماتت امج نسيمة ماتت
-لا لا عمو عفية كول غيرها امي متموت وتعوفنا امي متسويها لا
يمةةةةةةةةةةةة
ايناس امي شبيها
لزمت ايناس وجر بدشداشتها امي وينها امي ماتت هو كلج هيج خاف مشتبه
امي اعرفها متعوفنه امي تحبنه امي تخاف علينا ساعة مايوم عايفتنه وحدنا لا لا فدوه
كمنا نصخرخ
نهلة وكعت من العربانه وتصرخ مو بحالها جنه فاقدين نصرخ
بس اثرت بيه من صاحت يمة وكعت من العربانه تعاي شيليني يمة اني منو الي مفكرتي بيه انت كل قوتي انت ادية ورجلي
ركضت عليها اكومها مااكدر مثل الاعمى ويكودلة بعميان اني يراد منو يعيني
شالتها ايناس وياي
نهلة امي متعوفنه جذب هسه ترجع وشوفي هسه دكول بناتي منو الهن وين يرحن
حمودي هذا حمودي هسه تجيه هي تحبه وفرحانه بيه حيل
يمةة لا اشلعين كلوبنا تعااي
نتصرخ وفرفحنه مثل الطيور المذبوحة محد النا
الى ان لليل طب عمي ابو علاء واخوته وعلاء واخوه مهند
شايلين تابوت امي
ويصيحون لا اله الا الله
وعمي يبجي ويصرخ ام حمودي كومي محمد منو يربيه
شفنا التابوت ووكعنا عليه فتحنا جانت امي مدماية تدمي ووجهه مورم
هاي مو امي لا لا.
وج يمة صدك سويتيها يمةةةةةةةةة
ماكو مرة تكومنا بس رياجيل
كام عمي يجر بينا
اخذوا امي ومارحنا وياها الناس الغربة دفنتها.
عمي سوه فاتحة ابيته الجبير واخذنه هناك وايناس خابرت ع زوجها واجوا كلهم
هوايه ناس اجت لان عمي جان معروف وابن جبير عشيرة
النسوان كلها تعاطفت ويانه وتبجي ع بجينا مشايفات امي
وفجأه طبت خالتنا الي بالناصرية
تصرخ وتلطم اختي نسيمة
مخابريها وكايلين الها
شافتنه وكامت تصرخ
واحنه عبالك شفنا امنه حضناها خاله امي امي راحت خاله
كامت تنعى وشاركتنا حزنه.
شكرية سامعين فوك العزة شماته هي
تطب وتطلع تصيح حوبتي لو شكو مسوي ابيتي الفاتحة اني شكو
كل شويه نسمع حجايه منها
فرح شافتنه وماسلمت تباوع بحقد علينا
هسه شحصلت امي ترة ماتت وضلينا ايتام وجماله عافت حمودي صغير
خلصت الفاتحة وعمي بقانه عود يمة
وايناس اخذوها عيالها
وخالتي رجعت للناصريه
بقينا بس اني ونهلة يم بيت ابو علاء
بس شكريه سوت مشكله كالت ميبقن يمي يرحن لخوتهن احنه شكو بيهن
حالو عمي يحجي وياها بس مايفيد تكول لو اني لو هنا
-وج وابني شلون اذا وديتهن لاخوتهن
-عوفة يمنا وهنه وديهن لخوتهن
ضلت اسبوع معارك ومصايح ع هاي السالفة
الى ان طب ابو علاء
كال بوية انتن بنياتي الله يعلم بس الناس مترحم كاعدات يمي اوديجن لاخوتجن بعد
-لا عمو فدوه رجعنا لبيتنا
-بوية شلون تباتن وحدجن
-اي ماعلينا شي
-لا بويه شلون انتن يراد واحد يداريجن يخدمجن وانتن بنات بيت ميصير بويه
لازم اخوتجن عماجن يدرون امجن ماتت
خاف باجر يسمعون تصير سالفة وعشاير هاي بيها لان كاعدات يم ناس غرب
-زين عمو وحمودي
-حمودي اخذة اخذه من عدجن احنه نربي يمنا
-لا عمو لا فدوه متعلق بيه ويحبني واحبه مااكدر اعوفة اخوي شلون تاخذه مني
-عمي مايصير مايصير اطيجن ابني منين تصرفن عليه انتن حيرن بروحجن انوب اشمر الولد عليجن لا بوية مايصير حضرن روحجن اخذجن لبغداد
جان لا حول ولا قوة بيدنا غير بس الدموع هي الوسيله الي تعبر ع حزنا
نبجي من كل كلبنا وكطعنا الاكل والشرب
شلنا جنطنا جنت شايله حمودي جرته مني شكرية جيبي
كام يصرخ واني اصرخ
لا اطوني اياه هذا امانة امي يممي فدوه لا تاخذوه
ابو علاء بجة ع الموقف وعلاء
صرخ بويه عوفها لايه اني ازوجها وتربي حمودي
التفتت شكريه
انجب تاخذ معوقة شناقصك
صار صياح وعرك وعلاء يصيح متطلع ازوجها
اخر شي ابو علاء كله نوديها ونخطبها من اخوتها لعد فالتوه تزوجها
وشكرية تصيح ع جنازتي ياخذ هاي المعوقة
حمودي فرفح بيدها
واحنه صعدونا لبغداد اخذنا ابو علاء
وطول الطريق يحجي ويانه يكول يعز علي اوديجن بس انتن بنات مايصير اذا اخوتجن مارادوجن وعد ارجع اخذجن
كتله بس حمودي نريده فدوه
مايصير بتي شلون اذب بزري عليكم شتكول الناس
عمو احنه اخواته
اي بويه صح بس انتن راح تكعدن يم اخوتجن وما اضن يقبلون
اخخخ ياربي شظامة النه الدنيا بعد من عذاب ومصايب
وصلنا لبغداد ودليته ع بيت اخوتي جان بيت ابوي وقسمه الهم واحد كاعد بصف الثاني
دكينا الباب ع ريسان
طلع شافنا تعجب
عمي كله ذن خواتك امهن ماتت بالانفجار وبقن مالهن احد ذن عرضكم بويه حافضوا عليهن
هز راسة وكال فوتن شال عمي نهلة حطها بالعربانه ودفعتها فوتتها جوه وبقوا يسولفون
برة
راح ابو علاء احس هسه ماتت امي من خذو حمودي مني كلشي يذكرنا بامي راح
كال فوتن نهلة تمشي بعربانتها واني كو اجر برجلي وامشي حتى عكازتي مجبتها
-شافتنا مرت ريسان
-شكو عندي شعبة الكسور شنو هذن شجابهن
كالها تعاي اكلج
طبوا جوا احنه كعدنا بالصاله وصارت تصيح
واني شعندي جايبهن يمي ميرحن يم اخوتك اشفت بيتي جبير ووين اخليهن متكلي
يحاول يهديها وهي قافلة
اني اباوع ع نهلة وهي تباوعلي ونبجي
ليش الناس هيج قست كلوبها ليش كلمن يفكر بنفسى ليش ماكو رحمة بين الناس
ليش تكاطعوا الاخوه والعمام والاهل والجيران شصار بالدنيا زين الي مثل وضعنا وين يروح كلونا شنسوي
بقينا نسمع للحجي
كلتله منا لساعة ماالكاهن بالبيت وديهن عد نعيم ماعندي مكان اني
اخخخ فوك كسرتنا وضليمتنا كاموا واحد يشمرنا ع لخ
يومين احنه يجيبونا منا ويشمرونا منا كعدنا اخر شي يم نعيم عود عنده غرفة فوك
بس هم مرته مقبلت تصيح غرفة الجهال ومنو يخدمهن
لزمها نعيم شبعها كتل وراحت لهلها
ورجع علينا شنو اني ابتليت بيجن
تالي اختي صافي اجت كالت اني اخذجن يمي
الحمد لله من عدنة اخت بيها ذرة رحمه
اخذتنا لبيت ابن عمي الي هو زوجها
وكعدتنا بغرفة فرغتها النه
-صافي مشكورة ماقصرتي بس احنه ماعدنه احد وين نروح
-ادري بيجن واني الله شاهد ع كد حالي وماعندي امكانية بس نتقاسم الاكل والشرب وربج ميكطع بلكت ع كصتجن رجلي تطلع وضيفته
واخليجن ع طول يمي
حضنتها ربي يخليج ويحفظج ويحفظ اطفالج والله انت ماكو منج
لا حبيبتي شصار ترة الدنيا بخير بعدها اخوتي مابيهم خير ابد اني اعرفهم من زمان هو اني مايسئلون علي ترديهم يسئلون عليجن
الله كريم الله لا يحوجنه لحد
بقينا يمها اني كمت اساعدها بالبيت ونهلة خيطت الها ملابس تعجبت بخياطها
جانت عدها مكينه بالبيت ونهلة خيطة الهاقماشاتها وفرحة بينا
بس احنه انوح ونبجي صرنه ع حمودي مو ع امنا حيل متعلقين بيه
ايناس سمعت بينا واجتنا
سئلت ع حمودي كتلها اخذوه من عدنا
ضلت تبجي وتلطلم عليه
بقت تروح وترجع علينا
ومر شهر ع كعدتنا ماشفنا ابو علاء رجع علينا ولا اجه
وللحكاية بقية ام مصطفى
