عشـقي لم يكن بالحسبان

بارت 45

🏵️💮🏵️💮🦠☹️
ملاك....
لم يكن لدي نقطه ضعف ، من اين ظهرت أنت ؟الياس
🏵️💮🏵️💮🦠
الدكتوره.... ملاك انتي حامل
ملاك.... يي اعرف
الدكتوره.... ملاك بس انتي حاامل بتؤام
وشون حتقتلين طفلين
ملاك.... هناا جانت الصدمه على وجهي دكتوره انتي شدكوولين فدوه تاكدي
الدكتوره... ملاك هااي داشوفهم كدامي وصحتهم ابد موزينه والنبض مالتهم كلش ضعيف
ملاك... شنوو مجاي استوعب رررربي
الدكتوره... ام ملاك تعاي شوفي ذوله الاطفال
ام ملاك... ي ملاك كومي اريد احجي ويااج
طلعت من الدكتوره واني متصنته مكااني مااعرف شكول
ام ملاك... جنتي ردتي ذبي وشوفي الله انطاج اثنين مو واحد لج شون تردين ذبين طفلين
ملاك..... يمه ليش
ام ملاك..  ملاك كاافي عنااد لهنا وكاافي تره اذا ماخذتي علاج وذبيتي  اطفالج انسي اني امج
وتره اكول للياس هوه يصرف وياج اذا ماترديهم ولديهم وانطيهم اله وكملي حياتج بدون ذنب
ملاك... هناا سكتت وعرفت اني غلطانه شون فكرت اذب اطفالي رجعنه للدكتوره سجلتلي علاج وانطتني ابر لتثبيت الاطفال وضربتني همات. وخلتلي كانونه
ومغذي وكلتلي لازم يوميه مغذي لحد متستقر حالة الجنين
ضليت كاعده لحد مخلص المغذي ورجعنه يم مريم
ابو ملاك... شنو وين رحتو
ام ملاك.. شويه ملاك مرضانه ورحنه للدكتوره
ابو ملاك.. يله حضروا نفسكم نرجع
ام ملاك... يله هسه نلم غراض مريم ونطلع
طلعوا ابوي واسد واحنه لمينه الغراض واني سلت ازوله وطلعنه امير وزهراء وامي وابوي بسيارة
واني ومريم واسد بسيارة اسد
ضلت ازل بحضني. وكل مااباوع عليها اذكر بيها عشق شكد اشتاقيت اله
وصلنه البيت ساعدت مريم توصل لغرفته وخطيه غسلت وبدلت ونامت لان عمليه وزهراء سوت الاكل وامي بدلت للطفله لان تخاف عليها خاف تتاذه
اذا احنه بدلنه الها
خلتها بحضني سويت اله ممه شربته ونامت
اسماء.... بعد الي صاار اليااس قليل يدخل للبيت. واخر مره دخل لغرفة هبه يوم الزواج اصلا بعد موصل لهناك يدخل بغرفته يبدل ويطلع وهيه ظل لازكه شتريد وشتريد
الياس... اجيت تعباان سبحت وبدلت دخلت انام
مااحس اله شي يمي ويتحرك على جسمي فتحت عيني لكيته هبه وملابسه قصيره وتمشي بصبعه على جسمي
اليااس...طفرت بسرعه لج انتي منو سمحلج ادخلين غرفتي
هبه..  حبيبي شبيك اني زوجتك
اليااس.. هبه واصله عندي انو هسه اكوم اكتلج ميرفلي جفن شفي شري. ولي مني
بدت تنزع ملابسه
اليااس.... لججججج شنو انتي رجال شنو هل وكااحه امشي ولي عن خلقتي
هبه.. تره انته زوحي يحقلي اسوي الي اريده
اليااس... استغفرر الله العلي العظيم تولين من الغرفه لو اكوم وتعرفيني
هبه.. لا مااطلع والي تريده سوي
اسماء... جنه كاعدين جوه ونسمع صوت فوك همزسن بس اني وعمتي بلبيت عمتي كلتلي انتي صعدي رجليه تاذيني
صعدت استغفر الله لكيت اليااس جاار هبه من شعره وذباه بغرفته
والمشكله اليااس ملابس غير بجامه وهيه لبسه يخزي يااربي شسوي
جر لحزام وطبكه وبلش ضرب بيه
اليااس.. من شفته موخرت اني واصله عندي كمت جريته وطلعته من الغرفه ودخلته غرفته
وجريت الحزام ذبيت كل حرماني وضوجتي وتعب وحزن وحب بيه اجرمت بيه
اسماء... ركضت لعمتي صعدت تركض
ام فهد..... يمه اليااس عليك بداعتي عوفه يمه برضاتي عليك بداعت الحسين عوفه وعلي رجليه ماتن يمه اليااس
اليااس.... يمكن لو ماامي محلفتني جاان ماتت جوه ايدي طلعت بدلت ملابسي وطلعت من البيت
هبه..  مااضل اروح لهلي شنو هوه ويضربني اخخ يمه
ام فهد... انتي ماتكعدين وتراددين وهوه كلج ابتعدي عني شوفي الولد مدوهن وانتي مفكره بي اهمداج
اسماء.... بدلت ونزلت تريد تروح لهله وتلاكت وياها بيبي
الحجيه ام عمر... خيرر وين موليه يمصخمه
هبه.... مااضل عد اليااس موتني الحقيرر
الحجيه ام عمرر... ضربته راجدي فرته ماكو حقير غيرج ياامصخمه صخم الله وجهج انتي مو مال رجل ازلفي عني واني اعلمه شون يطلكج
دنكت على رجليه
هبه. لالا فدوه لاتخلينه يطلكني
الحجيه ام عمرر.. چاكومي ردي لغرفتج وانطمري بيه
هبه... رجعت للغرفه محد شاف طولها بعد
ملاك. خابرت اسماء وحجينه اني. وياها شويه وسولفتلي شسوه بيه
وحجيت ويه عشق وكطعته
كملنه العشه ونزلنه كلنه تعشينه
ام ملاك... ابو اميرر اني اريد احجيلك سالفه.
ابو ملاك.. احجي
ام ملاك..  ها ام م
ابو ملاك.. شكو احجي شبيج
ام ملاك... مو هوه ملاك
ابو ملاك.. شبيه
ام ملاك... راح اكلك بس مادري شون اكلك ملاك حاامل
ابو ملاك.. شنوو صدك تحجين ياامره
ام ملاك... ولله ملاك حاامل وسولفتله كلشي من وكعت لحد هسه.بس مكالتله انو بيه تؤام ولاكلتله ردت اسقط
ابو ملاك.... ولياس يدري
ملاك... فدوه اترجاكم مااريد احد يعرف بويه اني اربي ابني لاتكول
ابو ملاك... مو من اصولنه مانكول لابو الطفل الي بطنج هوه مو ابن حراام
ملاك.. بابا اترجااك تعرف شنو يذلوني باابني. ومراح تكدر اسوي شي بابا 😭😭😭
ابو ملاك.... ماادري يااكلاك شون تصفه
ملاك...، 😭😭😭😭😣
ابو ملاك.. تعاي يابعد حيلي وضحكتي يابعد شيباتي
ملاك.. رحت وحضنته. ااااااخ ااااااااااااااااااااااخخ يااريحتك ريحة الجنه المكان الي امنت بي هوه حضن ابوي وماخاني
شويه وشلنه الاماعين وغسلناها. وراحوا ناامو
وخطيه مريم ضلت كل شوي تفز علمود ازول تريد حليب
وامي ابد معافته واني صعدت غسلت وبدلت وصليت وضليت اقره قران
سمعت صوت ازل تبجي نزلت دكيت الباب
فتحتلي مريم خطيه كوه واكفه ولازمه ازل تسكت بيه واسد يمه اخذت ازل تبجي تفركعت من البجي خطيه خفت لايصير بيه شي
شويه وطلع ابوي
لكاه تبجي اخذاه وضل يقره باذانه قرأن
ناامت بس سمعت صوت ابوي خلاه. بجربايه وراح
وضلينه على نفس الموال الصبح اجه عمي وعمتي وبيبي علمود مريم تغدوا يمنه
الحجيه ام عمر... شنهو اسمه 
مريم.. ازل
الحجيه ام عمر.. ياحبوبه شنهو من اسم يااهل سماه
مريم.... سمته ملاك
الحجيه ام عمرر. خووش
ملاك... معاجبه لاسم والله ياالله
خلصنه وعزلنه البيت وعمي مقبل يبقى يكول وراي شغل اخذهن وراح
واحنه. كملنه تعزيل البيت ولعصر رحنه اني وزهراء للسوك وامير  وجهزنه لطفل زهراء وعجبني شكم بدله اخذتهن لعشق واخذت شكم لبيسه لاطفال ماعرفهم ولد لو بنات فلهذا مجهزت وبعد وكت
كملنه كل احتياجات زهراء واخذنه لمريم هماات خطيه لان مو كلشي جااهز
ورجعنه لبيت
لكينه امي مكمله العشه واحنه همات جبنه وياانه عشه
اول مدخلنه للبيت بدلت ونزلت لازوله ابوس والعب وياها يااربي اجنن. ربي يحفظها بس كل مااشمها اشم ريحة عشق بيه حتى جبته الها نفس الريحه
كلمنه عشه وكعدنه شويه وكلمن رااح ناام
ملاك واتصلت بنرجس وضلينه نحجي كلش نقهرت عليه لان سمعت يااربي ليش هيج حضنه
وخلصت ونفس الروتين يمرر
مرر اسبوعين على كل الاحداث. وضليت اراجع وابوي ماابد معاجبه وضعي وانو اضم سالفة الاطفال وقرب الدوام جهزنه غرراض اني ومريم من بغداد وملابس النه ولازوله حبيبت عمتها
ورجعنه للبصرة
اني واسد ومريم وازل
وصلنه لبيت اسد اني كبل نمت ومريم كذالك واسد راح يجيب اكل
ورجعت نفس المعانات
نرجس.... مرر فتره وملاك اجت للبصره وليوم اروح عليها علمود ازل اشوفها
العصر بدلت وطلعت
وتلاكه وياي علاء
علاء.... وين رايحه
نرجس.... 😒😒لبيت اسد
علاء.  شسوين
نرجس... وانته شعليك
علاء... احجي عدل لااعلمج شون تحجين
نرجس... هفف
علاء.... معزومه على العرس هذا الخميس
نرجس.... طكيته هلهوله حتى امي وابوي طلعوا للطرمه
علاء.... اسكتي لج فضحتينه
ام نرجس... شكو تهلهلين
نرجس... فرحانه ابن عمي حيزوج شون ماهلهل
وخليت. وطلعت اخذاني خويلد لبيت اسد
واكيد سلام
نرجس... يمه فدوه شنو ازوله تخبل ربي يحميهاا
مريم... ههه حب من ذوقج
وكعدنه اني والبنات سوالف
نرجس.. لج ملاك زواج علاء هذا الخميس
ملاك... بااعي لاسوين الي اني سويته كوتي قويه وعنااد وياا حضري زواجه واصلا انتو منفصلين
نرجس... ييي انشالله
ضليت يم البناات بس كلبي مخنوك واحس روحي ماادري شبيه اريده بس شون اجيبه مااكدر انزل راس اله ولاامدر اعوفه رربي ساعدني
خلصنه عشه ومر عليه بابا اخذني للبيت
ورجعت لمئسااتي ومرر الاسبوع ولاكاانو البارحه كلي
مر بسرعه بلحضه
وواجه يوم الأربعاء وجان بيه حنة علاء واجت يمي ملاك وصعدنه  نباوع  من فووك وكلبي ميت شون يحنون بي وشون طاالع. بس ماكو بوجه ابتساامه واليااس وياا. واكف بصفه
من شفت شون اليااس خله حنه على اصابيعه ولفاه بورق. هناا انتهيت وطلعت كل حركت كلبي بجي مكتوم
وكااموا يضربون جيلات واحس كل جيله تجي بكلبي مو بلهوه
وعده اليوم واجه. اليوم الي بي نوخذ كلبي الي رااحت ذكريااتي
بس جنت قويه رحت للصالون اني وملاك وحفيت حواجبي وسويت تنضيف بشره ومكيااج وتسريحه وفستتان مفتوح من الفخذ ليجوه وملاك همات بس لبست فستان طويل وحجااب
لان متحب تسوي تسريحه او تفتحت شعره
ورحت للعرس لبست عباتي وطلعت
سوو زفه ورحنه صعدت بسياره اسد
وصلنه لبيت العروس
يعع تخززي بس هوه كل هذا علمود يقهرني
وكف يمه هوه هوه هيبه والطول وهيه كصيره وسمينه  وتلعب النفس
واكف يمه اخذو صور واخذاه للسياره صعداه وصعد هوه وازاد يسوق وجدي بصدر
اسد يسوي مسابقة ويه سيارة ازاد واني كل مااصير بصفه هوه منزل الجامه نزلت الجامه وهلهلت يمه
هوه خزرني بس ضليت اهله واذب شكليت
وملاك لازمه ايدي منااك يمكن سحبت كل قوته
ملاك.. جاان زواج علاء ووجانت نرجس قويه وتحملت بس جاانت تضعف بس مااخليه وسوت الي مجنت متوقعه سوي وجان الياس حاضر وصاعده يمه هبه وامه وبيبي
وجان كااشخ هوه هيبه ولبس زايد علي والحيه مزينه والعكال
نرجس......

يتبع....
🏵️💮🦠🏵️💮
ترى مرخوصلك تاخذني وين تريد
لا تتقيد بزعلي🤍
💮🏵️🦠💮🏵️