لين :أعمل إيه يا مريم انتي شايفه بيتعامل معايا ازاي وعنده كمية برود ف كلامه معايا أنا بحبه بس مش عارفه هو بيحبني ولا لأه انا بجد تعبت منه ومن الطريقة دي حرام عليه بجد
مريم :طب بس اعدي يا لين يا حبيبتي متعمليش في نفسك كدا هو كدا ليث ودي شخصيته وبعدين متنسيش ان من وقت ما بابا وماما توفوا الله يرحمهم في الحادثه وهما راجعين من الحج وهو اتولي كل الأعمال بابا ومسؤليتنا فغصب عنه طريقته كدا بس اصبري وبعد كدا واجهيه واعرفي آخرك معاه ايه بيحبك وعايزك ولا لأه
لين: حاضر يا مريم هو فعلا ربنا يعينه ويحميه ويبعد عنه البنات المزز ال حواليه دول وهو قمر وحاجه جامده كدا لوحده هييييييييح بقا
مريم : ياهبله انتي عندك يبت انفصام في الشخصيه عليا النعمه، يلا يا اختي قومي نعمل بيتزا ونشوف فيلم رومانسي ولا أي حاجه بدل الفراغ ال احنا فيه دا.
########
لين المحمدي : طالبه في كلية التجاره في العام الثالت تبلغ من العمر عشرين عام، جميله وملامحها رقيقه جدا شعرها مائل للأصفر بشرتها بيضة كالثلج عنيها زرقه بلون السما ، فتنه بمعنى الكلمه، متوسطة الطول وجسمها حرفيا عود البطل، يتيمة من وهيا طفلة وعاشت مع خالتها وجوز خالتها ومع مريم
مريم الدسوقي : بنت خالة لين ومعاها في نفس كلية التجاره وتبلغ من العمر عشرين عام، جميلة جدا وملامحها هاديه شعرها أسود كسواد الليل وحواجبها ورموشها كثيفه تبصلهم تسحرك من جمالهم وعنيها عسلي فاتح، وبشرتها بيضه وجسمها نحيف ومتوسطة الطول
#########
يحيى : يا ليث انت عارف ان آخرة ال بتعمله دا ايه هيبقا فيها موتك لو بس حسوا انك شغال مع المخابرات وبتنقل ليهم المعلومات وبتخرب عليهم شغلهم
ليث : بقولك ايه يا يحيى متدخلش ف ال ملكش فيه وانا هعرف احمي نفسي كويس جدا ومحدش يقدر يقربلي
يحيى: يبني انا خايف عليك وع اخواتك هما كمان هيبقا في خطر ع حياتهم دي مافيا، يعني بيقتلوا وهما مغمضين والدم عندهم زي المياه عندنا يا ليث
ليث : خلاص يا يحيى روح ع مكتبك وشوف شغلك وبطل رغي كتير ف الفاضي
يحيى :حاضر يا ليث، انت حر
ليث: هو عمر فين مشوفتوش انهارده خالص هو لسه مجاش الشركه
يحيى: لا يا عم مجاش معرفش اخوك دا بيختفي فين كدا بقاله فتره قلقان من ناحيته
ليث: خلاص روح انت يا يحيى وانا هشوف الحوار دا
يحيى: تمام عن إذنك
################
ليث الدسوقي : يبلغ من العمر ثمانية وعشرون عاما متخرج من كلية هندسة قسم حسابات ومعلومات؛ جذاب بطريقة مش طبيعيه وخطر ع قلوب البنات ال بيشوفوه، طوووويل وجسمه رياضي وعنده عضلات سداسية وبشرته قمحي وملامحه حادة وعينيه لونها بني، عنده شركة من أكبر الشركات لصناعة كل الأجهزة الإلكترونية، وكل ما هو خاص بالتكنولوجيا
عمر الدسوقي : اخو ليث ومريم، ويبلغ من العمر خامسة وعشرون عاما؛ وطويل وجسمه رياضي، بس طبعا مش زيي ليث؛ وخريج كلية هندسه زي ليث وشغال معاه في الشركة
يحيى الدسوقي : ابن عم ليث وعمر ومريم؛ يبلغ من العمر ثمانية وعشرون عاما وخريج كلية تجارة وشغال مع ليث ف الشركة، وصاحب ليث وطول عمرهم مع بعض وجذاب وهادي وف نفس حلاوة ليث وبيخاف ديما ع ليث اكتر من نفسه
#########
عمر : يا أحمد أنا مكنتش عارف انهم إخوان وعايزين يدمروا البلد وأنهم بيزرعوا جوانا أفكار غلط والله ما مكنت أعرف وانا عايز أبعد عنهم بس بيهددوني وانا خايف ع اخواتي وانا عارفهم مش هيسبوني في حالي وبالذات لئن انا كمان ال كنت بجيب ليهم المواقع ال بيحتجوها عن طريق الشركه بتاعتي انا واخويا وليث لو عرف ممكن يقتلني اخويا عصبي وفي عصبيته مبشوفش قدامه
أحمد : اهدي يا عمر خلاص انت لازم تتكلم مع يحيى وهو هيعرف يتكلم مع ليث ويقنعه وهتلاقوا حل ان شاء الله، بس اوعي ترجع ليهم يا عمر تاني
عمر : لأه طبعا عمري ما هرجع ليهم تاني دول عالم كفره ولا يعرفوا حاجه عن دين ربنا كل ال ف دماغهم القتل بس
أحمد : ربنا يستر ويعديها ع خير يا عمر، قوم روح الشركه عشان اخوك وأنا هروح شغلي ونتقابل تاني يا صاحبي
عمر : ماشي يا أحمد ربنا يباركلي فيك ومتحرمش منك يا صاحبي
أحمد :ولا منك يا عمر؛ يلا سلام
عمر :سلام
