..................
تيم
جنت اكلب بليوتيوب واشوف فيديو مكتوب عليه
"ماهوه سبب العقد الموجود في رقبة لانا محمد ولم تتخلا عنه ابداً "
دخلت علمود اشوف السبب
المقدم:هذا العقد ابد مشايفيج بدونه شنو السبب
لانا:هذا هدية من شخص عزيز عليه
المقدم:يعني ام اب حبيب
لانا:صديق طفولتي
المقدم:موجودين لسه سوه انتو
لانا:لا جنه سوه بس من جان عمري ٨ سنوات بابا صار عنده شغل بااربيل وانتقلنه الااربيل
اني من سمعت اتخبلت بقيت افتر بلغرفه لانا حبيبتي هيه نفسها واني معرفتها ياربي اشلون معرفتها
اتصلت على سيف
تيم:الو سيف هسه تعرفلي عنوان المغنيه لانا محمد
سيف:شكو شصاير
تيم :طلعت هيه نفسها حبيبتي مو كتلك نفس اسمها
سيف:واشلون اتأكدت
تيم:عرفت من اليوتيوب هسه بعدين احجيلك كلشي هسه تروح تعرفلي عنوانها الصبح اروح الااربيل اني وياك موو تتأخر بس
سيف:اوك
تيم:نزلت بس اصيح علمود اكل الاامي،يمه
ام تيم:ها يمه شصاير
تيم :يمه لكيتها
ام تيم:منو يمه
تيم :يمه لانا
ام تيم:وين لكيتها يمه هستوك صعدت
تيم:يمه طلعت المغنيه لانا محمد
ام تيم:يامغنيه مااعرفها
تيم:راويتها صورتها،هاي يمه
ام تيم:يمه فدوه شهل جمال
تيم:اي يمه صايره تخبل احلى بعد من قبل باجر اني رايح الااربيل علمود اشوفها
ام تيم:يمه ليش وين عرفت هيه وين
تيم:هسه سيف راح يجيبلي عنوانها
رسل:هاا شصاير تيم
تيم:حضنت رسل،تعرفين المغنيه لانا محمد
رسل:اي اعرفها اشبيها
تيم:هيه نفسها لانا حبيبتي
رسل:يالله صدك تحجي والبارحه طلعت بلقاء تكول هذا العقد هديه بس مااجت ابالي هيه نفسها ابد ياربي جنن هيه
تيم :اي يله يمه رايح انام علمود الصبح اروح تصبحين على خير
ام تيم :وانت بالف خير يمه
ثاني يوم كعدت بدون حته مكوم من الفراش
دكيت على سيف
تيم:الو ها سيف عرفت كلشي
سيف:اي عرفت علمودك حته منمت وانت مبين شابع نوم
تيم:ههه لاياشبع نوم الليل كله افكر بيها،يله لعد الصداقه الزينه بيمن تنعرف
سيف:ههه اي تقشمرني بذني سوالفك
تيم:يله كملت بعد ساعه واطلع علما اسبح واتريك
سيف:اوك منتضرك اني
سبحت وتريكت
تيم:يمه ادعيلي
ام تيم:توصل بسلامه يمه وانشاءالله تلتقي بيها
صعدت بلسيارة وشغلت اغانيها وصلت لسيف
سيف:صباح الخير هله والله من الصبح وصوت لانا
تيم:ولك عذبتني بس تدري خايف لتطلع مرتبطه بغيري
سيف:لتخاف هسه نوصل ونعرف بس مااعتقد مرتبطه اصلا
تيم:منو كلك
سيف:محد كلي بس مبين ولك خفف السرعه راح نموت قبل لنوصللها ساعه وحده متاثر
تيم:ولك اريد اوصللها قبل اليل لان اذا لليل يعني منا لباجر مراح اشوفها
سيف:راح يخبلني ويا الحمد لله مااحب
تيم:ولك جربه وراح تموت الف موته
سيف:لا اجربه ولا يجربني
تيم:الك يوم توكع ههه
سيف:الله كريم
الضهر
سيف:ولك تيم اوكف خلي نتغداء ترا متنه جوع
تيم:انت شتحجي اريد اوصل بس
سيف:ههه انت تاليك تموتني اهنا ولك بس نتغداء على السريع
تيم:خلي الكه مطعم
سيف:مطول كلت الكه مطعم يعني ايست مراح نتغداء اهنا الله يصبرني على خبالك بس
تيم:يله انزل
سيف:اي واخيرا
دخلنه للمطعم تغدينه وطلعنه
المغرب دخلنه الااربيل
تيم :انطيني العنوان ورقمها
سيف:غير نروح للفندق اول
تيم:لا اول اروحلها
سيف:هذا العنوان والرقم
بقينه ندور ونسئل على العنوان لحد موصلنه الساعه تقريبا ال ٨ بليل وصلنه لبيتهم وجنت اريد اتأكد بيتهم او لا دكيت عليها
تيم :الوو
لانا:منو ويايه
تيم:نونايتي
لانا:منو انت وبعدين محد يسميني هذا الاسم غير بس شخص واحد
تيم:واني نفسي هذا الشخص
لانا :تيم
تيم:لسه تذكريني
لانا :واشلون انساك
تيم :هذا الشباك الي على الشارع غرفتج
لانا:اي
تيم:اني جوه بلباب واكف شوفيني من فوك
لانا:اشلون عرفت بيتي
تيم:انزلي هسه اريد "هبة من السماء" اشوفج وبعدين احجيلج كلشي
لانا:يله جايه،بتول ولج كومي انزلي ويايه
بتول:وين رايحه
لانا:ولج تيم بلباب
بتول:منو تيم
لانا:حبيب طفولتي الي حجيتلج عنه
بتول:شجابه وين عرفج
لانا:مااعرف شي بس انزلي ويايه وهسه نعرف كلشي
تيم:طلعت ورف كلبي عليها وشفت بنيه وياهاطالعه عرفتها اختها
لانا:بتعجب انت مو تيم نجم
تيم:بشحمه ولحمه
لانا:ولاجنت متوقعه اكثر مغني احبه يطلع نفسه انت
تيم:تحبيني يعني لسه
لانا:خجلت من حجيه وهزيت براسي بمعنى اي
تيم:متجين تحضنيني يعني ممشتاقتلي
لانا:اهنا بلشارع هسه يشوفنه احد
(فضيحة المغني والمغنيه تيم ولانا )
تيم:ههه ولج اتمنه اخطفج هسه والله على كد ممشتاقلج متدرين شكد تعبت من دونج
اني واحجي اجت حضنتني احس النفس رجعتلي من بعد ١٨سنة وصارت تبجي
تيم:احبج
لانا:ها
تيم :ها هسه صرتي تستحين ومن جنه صغار كبل كتيلي واني هم ههه
لانا:هه جنت صغيره
تيم:يعني هسه بطلتي تحبيني
لانا:لا اموت عليك يله كافي هسه ردتها من الله على الله راح يشوفنه احد
تيم:هه يله بس تجين نتعشه سوه
لانا:هسه
تيم :اي
لانا:لعد تجي اختي ويايه
تيم:تخافين من عندي
لانا:ههه لااعرفك خو اني بس محد بلبيت تروح ويانه
تيم:هله بيها نخليها هيه وسيف سوه واحنه نبقه وحدنه هه صدك معرفتكم هذا سيف ابن عمي
سيف:ولا تكعد راحه انت اشرف بيج مرت اخويه متدرين اشسوه بيه بلطريق خبلني والله كل شويه واكول راح اموت وغير حته غداء مرادني اتغداء ههه
لانا :ههه صدك،وين يمته صرت مرت اخوك ههه الي الشرف وهايه اختي بتول
تيم:هامتردين اصيرين مرتي،نشرف بيج بتول
بتول :الي الشرف
لانا:ها لا اريد
تيم:ههه يله خلي نروح
لانا :اي بس ادخل ابدل واجي
راحت هيه واختها
سيف:ولك هاي شنو اختها هم جنن
تيم:ها اشبيك وكعت
سيف:ها لا اني مااوكع
تيم:اي مبين متوكع ابد ههه
سيف: لا ولك تدري ممفكر هسه
بعد شويه اجتي هيه واختها
سيف:اني راح اكعد ورا يم بتول
لانا:بس ميصير
سيف:لا انتِ بعد الحب ههه
صعدت لانا يم تيم واني وبتول ورا طول الطريق مشال اغاني لانا
لانا:هلكد حلوات اغانيي
تيم :اصلا من عرفت اسمج ولسه مااعرف انتِ حبيبتي واني بس اسمع بيهن
سيف:اصلا خبصنه بيهن انتِ شتحجين حته اغانيه بعد ميسمعهن
لانا:لهل درجه
سيف:والله واكثر والغرفة كلها صورج من جنتي صغيره وميخلي احد يدخللها
بتول:والله وطلعت اختي اكو احد ميت عليها واني ماادري
تيم:غير اختج تنوكل مو بس تنحب
لانا:ههه ترا كافي وربي اخجل
تيم:هاي انتِ المغنيه واتخجلين
لانا:ليش المغنيه متخجل ههه
تيم:والله واحلى مغنية شافتها عيني
وصلنه للمطعم بقينه نحجي بتول وسيف بسرعه توالمو سوه حسبالك صار عمر واحد يعرف الخ
سيف:شنو ادرسين
بتول :ادرس اعلام
سيف:ها يعني اعلاميه المستقبل
بتول:مبقه شي هاي اخر سنة واتخرج
تيم:والله وطلعتو عائله معروفه
لانا:اي اشلون لعد
شويه ودك مبايل لانا
تيم:ها ليش متردين
لانا:هذا مدير اعمالي اكيد علمود الحفلات لو الاغاني
تيم :عادي ردي عليه
لانا:هلو بيك حسين
حسين :انتِ وين
لانا:بلمطعم ليش
حسين:يامطعم هسه اجي عندي شي وياج
لانا:كاعدة ويا اصدقائي اكو شي
حسين:اي دزيلي الموقع
لانا:دزيتله الموقع
تيم:هاشصاير
لانا:مااعرف هسه يجي واعرف شصاير .
البارت 2
Start from the beginning
