الفصل الحادي و العشرون
اوس بترحيب اتفضلوا
صافحه أسر و جلس، و كذلك عمار
اوس باستغراب خير يا أسر باشا؟
أسر بحزم عشق ياسر البنهاوي اختفيت من امبارح و اظن انك تعرفها، و الدليل على كدا المكالمات اللي بينكم
ابتلع اوس ريقه و تبرجل و كان يفكر في حل للخروج من ذلك المأزق و كيفية الخروج منه....؟!
عمار و اسر كانوا في انتظار إجابته
اوس بتردد انا و هي كنا مرتبطين
عمار بعصبية مرتبطين ايه يا روح امك انت بتستهبل
نظر له أسر و قال عمار من فضلك.. خلي يكمل
اوس بضيق انا مقبلش ايه اهانه من حد و لو أن ساكت فدا عشان موقفك مش اكتر
أسر بجدية و ثقة لا متقلقش محدش يقدر يغلط في عيله البنهاوي، و اتفضل كمل
اوس ببرود انت متعرفش المرتبطين بيكونوا ازاي؟!
أسر بغضب لا اظبط في كلامك كدا، احسنلك
اوس بلامبالاة تمام يا أسر باشا بس انا و عشق مرتبطين و هي كانت معايا امبارح و بعدين مشيت سابتني
عمار بغضب كنتم مرتبطين ازاي يعني؟
نظر له اوس و قال عادي
نفخ عمار بعصبية و قال يعني العلاقة من اني نوع؟ و بعدين انتم ارتبطوا ازاي؟ و امتي؟!
تنهد اوس و قال انا قابلتها صدفة.....
أسر بسخرية صدفة؟!
اوس بضيق أسر باشا انا مش هكدب عليك في حاجه و بعدين انا هقول اللي حصل بظبط يمكن يساعدكم.... و من الواضح أن الموضوع في اتهام ليا
قطعه أسر و قال أنجز.....
تنهد اوس و قال اول مرة شوفتها كانت في كافية.......
دخل أوس إلى كافية و طلب قهوة و انتظر قليلا....
وقتها دخلت عشق الكافية و كان معاها يارا و طبعا عشق متعودة تتدخل الكافية دا ديما لأن قريب من الجامعه و كان ديما بيكون معاها حد من صحابها اللي هما (يارا - جني - رحيم - أنس) أو أوقات كلهم.....
طلبت عصير ليها و لي يارا و فضلوا يتكلموا
اوس مكنش مركز معاهم، أكنها مش صدفه مدبرة يعني.....؟!
كان يجلس على الطاولة المجاورة ليهم شابان، و قام واحد منهم و اتجه إليهم و قال ممكن اسالك على حاجه
يارا بصيت لعشق باستغراب و قالت اتفضل؟
ابتسم و قال بصراحة مقدرش أشوف الحلاوة دي و متكلمش
