Bad Times at Sunrise (La Fortuna Series #3)

Kabanata 1

Inginuso niya ang isang couch malapit sa 'kin kaya napunta roon ang tingin ko. I saw our things there so I went ahead and settled myself on it. I stared at her impatiently. Ilang sandali pa'y umalis na siya roon upang puntahan ako.

"Anong nakuha mo?" bungad niya nang makaupo na sa harap ko.

"Nothing special."

Inirapan niya ako bago kinuha ang isang paperbag sa tabi niya. Pinadulas niya 'yon sa lamesa papunta sa harap ko. Nagtataka ko siyang tinignan.

"Ano 'to?" tanong ko.

"Magpalit ka ng damit. This is a white party. Ang out of place tignan niyang red dress mo. Para kang regla."

Inilibot ko ang tingin ko sa paligid at natantong tama nga siya. The country club was filled with tycoons and socialites in their stylish white suits and dresses. Isang party ang idinaraos kaya lahat ay abala sa kani-kaniyang pagso-socialize. There were round tables in the middle and a buffet table at the side. Pansin ko ang pasulyap-sulyap ng iilang panauhin sa kinaroroonan ko. They were looking at me with undisguised disgust in their eyes. Napangiwi ako. God, if only I could eat the rich.

Tatayo na sana ako upang magpalit ng damit nang dumapo ang tingin ko sa isang lalaki sa pinakagilid ng bar counter. Nakasuot siya ng specs at mariing nakatitig sa kung anong bagay sa harap niya. Mas hinabaan ko ang leeg ko upang makita kung ano 'yon. My eyes twinkled in astonishment when I realized that he was reading. He was fucking reading a thick book amidst the loud music and chatters from everyone in the crowd. Tumagal ang tingin ko sa kaniya.

He had a clean-cut hair that was styled too neatly for my liking. Dahil madilim sa pwesto niya'y tumingkad ang bahagyang Mestizo niyang balat. Hindi siya maputla pero may kaputian ang kulay ng balat niya. Suot niya ang isang puting T-shirt na ipinares sa gray niyang joggers at puting sapatos. Mukha siyang mabango at... mayaman.

Nilingon ko si Minerva. "At your eleven o'clock. Sino 'yon?"

Tinaasan niya ako ng kilay. Nilagok niya muna ang alak sa rocks glass niya bago tinignan na ang lalaking tinutukoy ko. Kumunot ang noo niya at nang ibalik sa 'kin ang tingin ay bakas na sa mga mata niya ang sarkasmo.

"Pumili ka ng bagong prospect. 'Wag siya."

Sumimangot ako. "Bakit? Mukhang easy target nga, e."

"He's not. He's a Benavidos," she said a matter-of-factly.

Bahagya akong natigilan upang pag-isipan ang sinabi niya. A Benavidos? It didn't take long before I realized that the guy was the Governor's son. Bumalik ang tingin ko sa lalaking 'yon at nakitang hinihilot niya na ngayon ang sentido niya. Marahil ay naiingayan na siya sa naghalo-halo nang boses sa buong espasyo. He leaned back on his chair, removed his specs, and massaged his eyelids.

Napatalon ako sa inuupuan ko nang magtama ang mga mata namin. I looked away and turned to Minerva again. May kakaibang kalabog na sa puso ko.

"A-anong problema kung isa siyang Benavidos?" nauutal kong tanong. Huminga ako ng malalim upang pakalmahin ang sarili ko. "Isn't that great? Big time na tayo 'pag nakuha ko ang loob niya. He's one of The Elites."

Humalakhak siya't 'di ako makapaniwalang tinignan. "Huwag ka nang mangarap, Sunny. Hinding-hindi ka niya magugustuhan."

Makahulugan niyang tinignan ang suot ko. I looked down at myself and gasped when I saw my cleavage. Itinaas ko ang tube dress ko upang takpan 'yon. Ngumuso ako at inabot ang rocks glass niya upang makainom nang agawin niya 'yon. She shook her head in conviction.

"Bata ka pa," aniya.

"Disiotso na ako!"

"Isip-bata ka pa," pagtama niyang mas lalong sinimangutan ko.