🔥روٌايَــــــــــــــــــــــاتٌ حَــــــــــــــسٌــــــن الجَــــــــــامّـــــعــــــيٌ 🔥
______________________
في الجامعه عند نووسه:-
نوسة : مقعمزة بدووون اهتمام للمحاضرة...اووف يا بنات تعبانه وحاسه روحي بندووووخ...!
نور : ووووك طبعا بدوخي من الحوش للجامعه ومن الجامعه للحوش...!
نوسة : مفهمتش قصدك يعني فهميني اكتر...!
نور : يعني يا حبيبتي خوودي وقت راحه اطلعي تفسحي غيري جووو والله لو مكانك نطلع ونرووح ساعه 3 الفجر بوك ومييت عمامك ومتبرييين منكم عيشي وشوفي حياتك...!
نوسة : فكرت شوية وقالت...صح كلامك والله حاسه روووحي تعبانه ونبي نطلع من البلاد ونغير نفسيتي شووية من الضغط وتعب هذه...!
نور : ايه وامك او اختك لو اعترضوا خليكي قووية عليهم وقووي عيينك متخليهمش يتحكموا فيييك...!
نوسة : ايه ايه فعلا والله...لازم اليووم نكلمهم نبي ناخد فلوس من حاطهم بووي ونمشي ناخد راحه في اوتيل...!
نور : ايه نوضي وغيري ستايل حوايجك مدابيا نحي حتى حجاب هههههههه...!
نوسة : امممممم فكرة حلوة اصلا الجوو نو ووشاح فووقها هلبا هكي علينا راهو...!
نور : اي اي كملي الدووام واطلعي وديري اللي قتلك عليييه حبيبتي عيشي حياتك اصلا العمر مرة وحده وعيشيه بطوول والعرض...!
نوسة : ابتسمت بمعنى موافقه...وبدت تراجي في الوقت امتى بيتم وتروووح...!
______________________
حسن الجامعي :- انتهى الدووام في الجامعه وكل ووحده طالعه وفي راسسها الف موضوع وتبي تنهي كل شي زاعجها ومش عاجبها وفي بالهم ان حياتهم رح تتغير للأفضل ويعشوا الحياة اللي كانوا يتمنوها لكن ميعرفووش ان كل وحده رح تندم على كل ششي خططوله وداروووه لأنهم رح يدمروا حياتهم بإيديهم...!
______________________
نوسة : هاي حبيبتي شن بديري اليوووم...!؟؟
روز : مش عارفه خايفه ومتوترة شوية...!
نوسة : من شنو خايفه خيرك شن في...!؟
روز : رح نهرب اني والياس الليلة💔...وخايفه من عيلتي ونخسرهم بس اني نحبه يا نوسة!
نوسة : اي اي بري اهربي معاه عادي...لكن علاش بتهربي وانتي عيلتك معيشتك احلى عيشه ومدلعينك يعني مهووش سبب قوي تهربي عشانه منهم يعني...!
روز : اي عارفه...بسس اني نحبه يعني مستحيلا نفكر ناخد واحد غييره هو...!
نوسة : مبررده مش عارفه شنو الشي اللي حبيتيه فيييه...لا عنده فلوس ولا شي غير واقف 24 ساعه على روسنا مداير رووحه يحبك...!
روز : خيرك نووسة درهتيلي كبدي راهو...هو يحبني اني متأكد وواثقه فييه للموت❤...!
نوسة : غبييييييه غبييييييه غبيييه...فكري في واحد عنده فلوس عنده شهره عنده جمهور مش شكل هذه شلتوت...!
روز : اءءءءءء...اسسكتي خلاص اني نبي نرووح توا يادووب نلم حوايجي وفي ليل نهرب...!
نوسة : تي ووين بتهربوا انهار احررف على دماغك...!
روز : قالي رح نسافروا لأسطنبوول الله فرحانه هلبا يا نووسة فرحانه بنطير من الفرحه...!
نوسة : انتي اكيده في دماغك حاجه...قصدي نبي نفهم كيييف صدقتييه مش عارفه...!
روز : خلاص هوو حجز ووراني حتى تذاكر واني مستحيل نضيع الفرصه...!
نوسة : باهي وعيلتك يا ماما...بيسامحووك وكان سيبك مني بيسندك مني بيقعد في جنبك...!
روز : تلفتت بغل...ههههه شووف مز يتكلم على عيلة وانتي علاش مش محترمه عيلتك ومقدره قيمتهم...قووووولي😑!
نوسة : توتر😨...اءءءءءءءء م ماهو هما معيشيني في فقر وهم وداره كبد مش زي بعضنا احني راهو...!
روز : شووفي حبيبتي...اني عيلتي مدلعيني بالفلوس صح بسس اني نبي الاهتمام المعنوي نبي حب واهتمام...هذه هو حب العيلة...اما انتي تبي الفلوس ومش مقدرة نعمة امك ولة اختك...ساد لن بوك متوفي خيرك...!
نوسة : ونبي صكري فمك خلاص ياسر اصلا حتى اني رح نسافر...!
روز : 😳وووين رح تسافري احكيلي...؟؟؟
نوسة : مزال مفكرتش وين نسافر بزبط وامووري ملخبطه مرات نمشي ومرات لا...!
روز : خلاص حبيبتي...اني تأخرت لازم نروح وندووش ونلم حوايجي ونظم امووري...!
نوسة : اي اي بري اهربي هبله...وجه الفقر!
روز : تعالي نحضنك...خلاص حبيبتي خليكي مع عيلتك وشوفي حياتك وكملي قرايتك...مضطرة نوووقف قرايتي على خاطره لأن نحبه...!
نوسة : اوكي حبيبتي...ديري بالك على روحك يا عمري...تواصلي معاي متنسيش وطمنيني...!
روز : باي...وتجمعوا دموعها...رح نستاحشكم💔!
نوسة : رح نستاحشك حتى اني يا عمري💔...!
YOU ARE READING
عشت و شفت ( روايات ليبية )
Mystery / Thriller{ مصير واحد وقصص مختلفه ... رواية ( عشت و شفت ) تحكي على ثلاثة بنات يتعرضوا لقصص تجبرهم انهم يهربوا خارج ليبيا وينتقلوا لتركيا وعندما تواقعوا الأفضل وتحسن في حياتهم...انقلبت الاقدار وكل وحده وقعت في مشكلة كبيرة ووقعوا هن ثلاثة في دوامة الندم...وكل م...
حلقة 2 🔥
Start from the beginning
