نهوه ابن عمي 🙁

بارت 13

بعدني اشتاك وادعيلك 🙏
بعدني لهسه اغنيلك 🎤
بعدني من اكعد لوحدي 🙎‍♂️
مكان بصفي اخليلك 💔😔
☆☆☆☆☆☆☆☆☆☆☆☆☆☆☆☆☆☆

غزل:بعد الي صار قررت ارجع لهلي واطلك منه ما اكدر اتحمل اعيش وياا وهوو مزوج أفراح الي رادت تموتني نص ساعه وطلعنا من المستشفئ وطول الطريق ذياب يحاول يحجي وياي ويفهمني بس اني معنده هاهيه كولشي انتهئ 💔 وصلت للبيت والموجودين عرفوا بحملي وكاموا يباركولي واني اكتفيت ابتسم بوجهم ابتسامه متصنعه صار الليل واني روحي تلوب جني طير مذبوح دموعي ما جاي تنزل علئ خدي العبره خانكتني رحت اتصلت علئ اخويه علي وكتله تعال اخذني من البصره الفجر ذياب ما يكدر يجبني جذبت عليه واحسه ما اقتنع بس ما اكدر اكوله علئ التيلفون صارت 12 بلليل قفلت غرفتي وحدي بيها وطلعت جنطه صغيره حطيت بيها الهويه مالتي وشغلات مهمه وشكم ملابس الي وهاهيه ما اخذت اي شي ثاني الذهب ما ذهب بقيتهم بمكانهم كملت ورحت حطيت راسي علئ المخده وفكره تاخذني وفكره جيبني اذا صار الصبح وذياب ما لكاني شنووو راح يسوي واصلا علئ شنوو اهتم شيسوي مو اني راح اروح بأرادتي وبدون ما يدري خلص كافي تفكير غفيت من تعب والقهر كعدت علئ صوت المنبه ساعه 3:30 نزلت علئ كيف علمود محد يسمعني ويكعد رحت غسلت وبدلت وانتضرت اخوي كتله اوكفلي براس الشارع ومن توصل دك عليه دك علي عليه بسرعه شلت غراضي وطلعت من البيت وصلت
غزل:شفت اخوي علي كاعد بالسياره وينتضرني الدمعه صارت بطرف عيني هدائت نفسي ورحتله ابتسمت بوجه وانطلقنا ضلينا نسولف واني العبره خانكتني وكوه احجي وعلي حس بيه شي
علي:غزوله بيج شي اشووو احسج مو علئ بعضج احجيلي شنوو صايرر
غزل بتهرب: لا ما بيه شي بس شويه تعبانه
علي:نامي لعد بين منوصل عود اني اكعدج
غزل:وصدك نمت بسرعه بالسياره علمود اتهرب من واقعي وارتباكي
علي:مرت كم ساعه وصلنا بغداد وغرل نايمه وضعها ابد ما عاجبني كعدتها
غزل:كعدت علئ صوت اخويه يكولي وصلنا نزلت من السياره اباوع علئ بيتنا اشتاقيت لهلي كلش هواي اجه علي ورايه دك الجرس لان الباب مسدود من جوه فتحت امي بس شفتها رحت ركض لحضنها وكمت ابجي بصوت عالي طلعت قهري كله من حضنت امي
ام غزل:يمه اسم الله بنيتي شبيج ليش تبجين شووو باوعيلي غزوله
غزل:ما جاوبتها اكتفيت بس ابجي وعلئ صوت بجي طلع ابوي واخواتي دخلوني جوه واختي جابلتي مي هديت شويه
ابو غزل:بنيتي احجيلي شبيج ليش تبجين صاير وياج شي ذياب بي شي
غزل بدموع:بااابااا ذياب اتزوج عليه أفراح سولفتلهم كولشي وعلئ حملي
ابو غزل: هاهيه بابا علئ راحتج بعد ماكو رجعه بالبدايه اني جبرتج بس هسه لا ما ادخل بيج القرار قرارج والف مبروك ع حمل بنيتي
غزل:امي واخواني ساعه يباروكلي وساعه يهدئوا بيه كومتني امي لغرفتي غسلت وبدلت ورجعت نمت النوم الوسيله الوحيده الي اتخلص من الي بالي
ذياب:بعد ما طلعت غزل من المستشفئ وشفتها معنده وما تقبل تفهم مني انه ما ضغطت عليها لأن مو زين عليها كلت خلي تهداء واحجي ويها بالليل راحت نامت بغرفه وحدها وانه كاره الدنيا والي بيها وأفراح تفتر يمي
ذياب:اممشييي ولللي عن خلقتي لا اجرم بيج دوختيني وانه دايخ
عافتني وراحت ضليت افكر بغزل لحد ما غلبني النعاس ونمت ما كعدت غيرر الساعه 6 الصبح غسلت ورحت كبل علئ غرفه غزل لكيتها مفتوحه بس هيه ماكو دورت البيت كله وما لكيتها تخبلت نار وشبت بكلبي وين راحت وهيه ما تندل شبرر بالبصره كمت اصيح واكسر بالغراض وعلئ صياحي كعدوا اهلي كلهم
ام ذياب:يااااا ياااا يمه شجاك تسودنت شنهي الجرالك
ذياب بعصبيه:غززززل ماكوو ما شفتوها
ام ذياب:عزززه العزاني وين راحت البارحه شفتها نايمه بغرفتها
ذياب:ما ادري ارتفع ضغطي وخشمي كام يطك دم كعدت علئ القنفه وانه نار مشتعله بكلبي شعل
ذياب:عفتهم وطلعت ادور عليها ما خليت مكان يعتب عليه ما دورت بي ما لكيتها انوب ادك عليها الخط مشغول.......

مساء الخير حبايب شلونكم
اكلكم عود اخذولكم فره ع الحساب الي نشرته البارحه  مال المقابله نزلت اريدكم تخبلوها بالتعليقات 😂😂
والتصويت هم هاا ترى اهم شي عزيز الكلب هذا 😅

تصبحون على شي حلو وكيوت مثلكم 🙈😍