بسم الله الرحمن الرحيم
الهم صلى على محمد وال محمد
مساء الخير حبايب كلبي
ورجعت وياكم باول بارت من قصة سند .مهره
بقلمي.. حنين العلي
سند..... نايم بفراشي والجوو ثلج ماكدر اطلع راسي من البطانيه وفوكها لحاف من هذه الثكيل
وحسبه توديني وحسبه تجيبني
افكر باخوتي صارو شباب وهمه كاضيها بس نوم
لازم الكالهم شغل وحمل البيت ثكل عليه وابوي مريض مايكدر لازم نتعاون ومانضل بهالوضع التعبان بعدني امدد بفراشي ومتعاجز اكوم واسمع الاذان ياذن الفجر،
تعوذت الشيطان وكمت طبيت للحمام توضيت
وطلعت احس اديه جمدن من البرد لكيت امي
مشغله الصوبه وحاطه جاي عليها يتخدر صبحت عليها جاوبتني بتعب
.
.
.
ام سند :هلا يمه هلا بهالصباح استوني رايحه اكعدك
سند: كاعد حجيه بس مالي واهس اكوم من البرد واليوم لازم التحق واحس جسمي متكسر، مامتعود على نوم وهاي اجازتي نمت هواي
ام سند: صلي ييمه على ماحضرلك الريوك وملابسك حضرتهن يم فراشك خل اشوف ابوك كعد
سند: صليت وكعدت يم الحجيه ودي احضن الصوبه اشيلها واحطها بحظني من البرد
باوعت لصينيه الريوك لكيتها استوها خابزه خبز حار ودهن حر وروبه ضربتلي كرصتين خبز وماعون دهن حر وكمت لبست ملابسي العسكريه
وطلعت مصرف خليته بأيد امي
يمه دبري روحج بيهن بلكي ينطوني نهايه الشهر
واحجي وي اخوتي خل يدورلهم شغل كافي، نوم
ام سند : ييمه وين يلكولهم شغل واحنه بمنطقه
ريفيه الوادم عايشه على تمرات والنخله غسان
كال اروح اشتغل بغداد بس ييمه انته الله يهديك
ماترضى شعلي زعاطيط وتخاف عليهم صاروو زلم ماينخاف عليهم يبعد امك
سند : الله كريم تهون لا تشلين هم بس
اندعيلي اوصل بسلامه اخذت جنطه ملابسي
واستوني اريد اطلع تذكرت فريحه اختي رجعت
فتحت باب الغرفه لكيتها نايمه بستها براسها
وطلعت محفضتي خليت جوه راسها مصرف
وطلعت امي تذب ماي وراي الجو بارد كلشي وضباب وانفاسي يطلع منها بخار امشي والكاع اثر نده عليها وريحه الزرع وطين من الصبح ترد الروح
لبست جفوف طلعتهن من جنطه مالتي
بس احس روحي مثلج لبس قمصله عسكريه وامشي لحد ماوصلت الشارع العام انتضر تجي
سياره والتحق للوحده مالتي بقيت واكف على شارع بده الجو يكشف تقريبا فوك الساعه اجت سياره طالعه البغداد صعدت
ВЫ ЧИТАЕТЕ
سند مهره
Художественная прозаقصه حقيقيه من واقعنه الأليم من ارض بلاد الرافدين فتاه عانت مراره الحياه عاشت مع وحوش بشريه لا تعرف الرحمه وعندما تسنت لها الفرصه للحياة مع من تحب فيأتي اليوم المشؤم المضلم فهل من نور بعد ضلام
