فـتـاة مـن فـولاذ

خسارة ابنة

حلقـة خاصـة إحتفالًا بنجاح الروايـة
*توضيح*

ريما متجوزة أرسلان وخلفت ولد وبنت (ليث وچنى)
يزن متجوز إيلا وخلفت بنت وولد (ريما وأسد)
صُهيب متجوز رهف وخلف منها ولد واحد (مالك)
عُمر اتجوز بروين وخلف بنت واحدة (ماذي)

بعد مرور عشر سنوات

ريما & ليث ⁦♥️⁩
چنى & اسد ⁦♥️⁩
ماذي & مالك ⁦♥️⁩

الكل قاعدين سوى في الجنينـة بيضحكوا وبيهزروا سوى ومنشغلين في حلفة الباربيكيو
وسمعوا صوت صراخ وعرفوا مين سببه!

أرسلان بملل: مش هنخلص بقى منهم أنا تعبت.

يزن بضحك: هو مافيش حل غير الجواز ليهم.

إيلا بسخرية: مع دول؟! أنتَ بتهزر دول طول النهار ماسكين شعر بعض ولا نافعين وبنت ريما صعبة بصراحة مش عارفة أنا ابني تاعب قلبه معاها ليه.

ريما بصتلها ببرود: والله بقى أنا بنتي مش أي حد ديه اللي هتكمل عهدي مع اخوها وبعدين لو مش بنت الملكة تبقى صعبة هيبقى مين؟! ده الغرور عنوان بنت الليث وبنتي لازم تاخده مني.

يزن بضحك: مش ده ابني أنا بقولك أهو زي ما قولتها زمان بنتك لابني بعد ميت سنـة ومش هسمح تبقى لغيره لازم تاخد صك ملكية عيلة العادلي.

أرسلان بغيرةٍ: ده بعينك أنتَ وابنك ولو بعد ميت سنـة مش هتبقى ليه يا يزن أنا بنتي مش هتتجوز هتفضل جنبي كدا.

إيلا بغيرة: نعم يا أستاذ أرسلان طب ما أنا بنتي طول النهار مع ابنك اشمعنى يعني؟! أنتَ ابنك ياخد بنتي وأنا بنتك تاخد ابني هي كدا ماليش فيه

ريما: أنا لو هوافق عشان خاطر زينو وبس الولد راجل زي أبوه وبنت الملكة بنت الملكه محتاجة راجل ومش هلاقي أحسن منه لبنتي

يزن بضحك وغمزها : يسلم السند بتاعي

ريما ضحكت: عيب عليك يا زينو ده أنت حبيبي وتوأمي.

أرسلان بص ليهم بملل ولفوا على صوت صراخ الاتنين وأرسلان استغل صراخ عياله وشد ريما لحضنه وقعدها جنبه وهي بصت ليه بصدمـة لقته غمزها بشقاوة خليتها تضحك.

وجه أسد هو ماشي وباين على وشه ملامح الغضب وچنى جايه وراه وريما غمزت يزن وهو حرك رأسه بيأس منهم و بصوا يشوفوا موقف كل يوم تقريبًا.

چنى بغضب وشدت أيده و وقفته قدامها : لما تكون بتتكلم يا أستاذ أسد كمل كلامك للآخر
ومش چنى الرعدي بنت الملكة اللي حد يسبها ويمشي.

أسد بغضب: إنتِ للمرة المليون ايدك تبقى جنبك وإنتِ بتتكلمي معايا.

چنى بغضب: صوتك لو علي عليا هقطع لسانك ومتخلقش لسه اللي يرفع صوته عليا وأنا ساكتـة بس عشان خاطر زينو وأعرف أنا مين أنا السلطانـة.