حرب الحب «قيد التعديل»

الفصل السابع..

نكمل روايتنا(حرب الحب)بقلم سلسبيل كوبك..
الفصل السابع...
اخر حاجة وقفنا عندها في الفصل السادس..
جنون ردت علي اللي بيتصل..
جنون:الو يا جورچ..
جورچ(بدموع):الوه يا جنون الحقي..
جنون(قامت وقفت): في ايه؟؟
جورچ(بدموع):طنط داليا اتنقلت المستشفي..
جنون(بصدمة):انت مجنون صح؟!!!
اياد(بقلق):حصل ايه يا جنون؟؟
جنون(بجمود):مستشفي ايه يا جورچ؟؟
جورچ(بدموع):مستشفي(*******)..
جنون:طيب..
فارس:حصل ايه؟؟؟
جنون:هاتي مفاتيح عربيتك يا شذي..
شذي:نيجي معاكي؟؟
جنون:لا انا راجعة تاني...عن اذنكوا..
جنون طلعت بسرعة و بدأت تدور عربيتها..
اياد:انا مش هسيبها لوحدها جنون مجنونة..
سجي:و لا انا..
نور:ممكن اوصلكوا؟؟
عطر:لا جنون هتزعق..
فارس:ممكن عربية حضرتك؟؟
نور:تمام اتفضلوا..
الكل ركب عربية نور و راحوا ورا جنون بسرعة..
كنان(ببرود):مكنش ليه لزوم..
شهاب:فعلا كان لازم نروح وراهم..
نور:خلاص يا جماعة ان شاء الله خير...
كنان:بكره حد يوقف شغلي...
عادل:معلش ظروف..
جنون وصلت المستشفي و لاحظت العربية اللي وراها بس مودتش للامر اهتمام..
جنون:لو سمحت مريضة هنا باسم داليا..او جورچ..
موظفة الاستقبال:ايوه يا فندم غرفة رقم 604..
جنون:شكرا..
جنون مشيت و الكل دخل وراها...
جنون(بحدة):ايه اللي جابكوا؟؟
فارس:مجنون اللي يقولك اننا ممكن نسيبك و انتي في الحالة دي..
جنون(ببرود):انا في قمة الهدوء..
شذي(بهمس):خلاص اسكتوا..
جنون:جورچ فين ماما و حصلها ايه؟؟
جورچ:طنط داليا ضغطها وطي فجأة فاغمي عليها لسة الدكتور مطمني..
جنون:الحمد لله
جنون دخلت لاوضة داليا لقت حواليها دكتور و ممرضة...
جنون:احم المريضة ايه حالتها؟؟
الدكتور:حضرتك مين؟؟
جنون:بنتها..
الدكتور:تمام متخافيش مدام داليا بخير هو بس ضغطها وطي فجأة..المحلول هيخلص و هي هتفوق..
جنون:تمام شكرا..
جنون قربت من مامتها و باست رأسها و خرجت..
اياد:طنط بخير؟؟
جنون:الحمد لله..
شذي:الحمد لله انا قلقت جدا عليكي..
سجي:ربنا يقومها بالسلامة..
جنون:هي بتولد يا بت..
عطر:يا الله...حتي و انتي كدة دبش..
جنون:يلا بيتك بيتك..فين فارس؟؟
اياد:روح علشان عارف انك هتدفعي الحساب و مش هترضي انه يدفع الحساب دفع و روح...
جنون:طيب...امشوا شكرا ليك يا جورچ...
جورچ:احنا اخوات يا ست البنات...
اياد:طب افضل معاكي انا..
جنون(بتنهيدة):طيب..
الكل مشي الا اياد و هو و جنون قعدوا علي الكراسي..جنون حطت رأسها علي كتف اياد..
جنون:تعرف ليه يا اياد انا خليتك تقعد معايا..
اياد:ليه؟؟
جنون:علشان بحسك شبهي ليك عالم لوحدك هادئ رزين..اتحملت المسئولية من و انت صغير...بس الفرق انك كنت راجل اما انا بنت...طول عمري بكره ان يكون في فرق بين الراجل و الست بس دي اصول..ليه اشقي و اتعب من وانا في ثانوي لسة ليه..
جنون:كنت بتألم و ببقي تعبانة بس لما كنت بشوف ابتسامة ماما و شجن بيهونوا عليا..
جنون:انا بحبهم جدا و لما جورچ كلمني قلبي كان وقف عن النبض روحي كانت بتتسحب...
اياد:تعرفي يا جنون انا بحب شخصيتك جدا...شخصية موزونة فيكي الحلو و فيكي الوحش..ملتزمة الشغل شغل الصحاب صحاب الاهل اهل...وقت الضحك بتضحكي مش قفوشة و علطول مكشرة لا انتي بجد شخصية عظيمة..
جنون:لا كدة قلبنا دراما و كادت الدموع تسقط من عيناي...
اياد(بضحك):و اوحش صفة بقي انك بتخفي تعبك و حزنك بسرعة...
جنون:طيب يا عم الفيلسوف...بحبك جدا يا اياد..
اياد:انا كنت عارف انك بتحبيني و انا اساسا اتحب ما تيجي نتجوز..
جنون(ضربته علي كتفه):يا حيوان مش قصدي...بحبك كأخ فاكر اول يوم شوفتك فيه وديتك قلم..
اياد:احم احم يخرب بيت اللي جابك يا شيخة...فكرتيني ليه؟؟
جنون:علشان تعرف بس..
الممرضة:المريضة فاقت..
جنون:شكرا..
جنون و اياد خدوا داليا و روحوا للبيت و جنون فضلت قاعدة معاها...
...........................................................
-في مكان تاني...
_عند شجن..
شجن(بعصبية):استاذ عز احترم نفسك كدة كتير..
عز:انا عملت ايه بقولك هقولك كلمة في الارشيف..
شجن(بعصبية):قولتلك لا و غور من وشي...
أوبي:شجن كنت عايز..
أوبي:بتعمل ايه هنا؟؟
عز(بتوتر):لا مفيش حاجة...
شجن(بعصبية):لا كداب قاعد عمال يقولي تعالي هقولك كلمة في الارشيف و انا عارفة نواياه كويس شخص مش محترم..
أوبي(بحدة):تعالي ورايا..
عز(بخوف):ليه بس يا فندم؟؟
أوبي(بحدة):سمعتني..
عز:حاضر..
أوبي دخل مكتبه و عز دخل وراه و شجن باصه باستغراب...
_في مكتب اوبي..
أوبي(بحدة):و يا تري ايه الكلمة اللي جنابك كنت هتقولها ل شجن احب اعرفها..
عز(بخوف):ها لا مفيش دي حاجة بالشغل..
أوبي(بحدة):احب اعرف..
عز:مفيش حاجة يا فندم..
أوبي مسك عز من هدومه..
أوبي(بحدة):بص بقي شجن من طريق و انت من طريق..شجن او غيرها لو حد اشتكي منك هتبقي مرفوض و مخصوم منك راتب شهر كامل..
عز(بخوف و خنقة):حاضر يا فندم حاضر..
أوبي(بحدة):اخرج حالا..
عز خرج بسرعة و مشي من غير ما يبص ل شجن..
شجن(باستغراب):هو حصل ايه؟؟عمله ايه؟؟
أوبي:ورق الصفقة الجديدة يبقي علي مكتبي..
شجن:حاضر..بس حب استطلاع..
أوبي:خير؟؟
شجن:عملتله ايه؟؟
أوبي:و انتي مالك؟؟
شجن:طيب خلاص..
اوبي:نفذي اللي قولتلك عليه..
شجن:حاضر..
..............................................................
-في مكان تاني....
_عند كنان و فرقته...
نور:يا تري حصل ايه؟؟
عادل:طب نكلمهم..
شهاب:بقول كدة..
كنان(ببرود):هو في حد بيعبر الكلاب و كمان انا داخل العملية دي علشان خاطر بابا و اللواء رأفت...
علي:الصراحة يا كنان انا مش مستحمل يكون معانا اربع بنات بالشكل ده و الجمال ده..
نور:رجالة ناقصة..
كنان(ببرود):شاور علي واحدة و هتجيلك راكعة بس انت شخلل جيبك..البنات كدة..
تامر:بالعكس باين اوي انهم محترمين..بلاش سوء ظن..
كنان:ماشي يا محترم..
عادل:نجرب...كدة كدة هنبقي مع بعض في روسيا غصب عننا و الصراحة انا الامر محبب عندي..
شهاب:محدش هيقدر علي القائدة بتاعتهم..
تامر:و طالما هي قائدتهم و محدش هيقدر عليها يبقي هما تحت ايديها و اكيد زيها...
نور:وجهة نظر صحيحة..
كنان(بسخرية):انتوا متقدروش عليها اما انا مفتكرش..
نور:بلاش يا كنان..
شهاب:مش هيقدر اسااسا يا نور..
عادل:اسد المخابرات و مش هيقدر..
كنان:قولهم..
علي:بلاش مخاطرة..
تامر:اهم حاجة العملية و الناس اللي محتاجة مساعدة دي..
نور:ايوه...
عادل:طب هو اكيد حصلت حاجة...ما تتصلي يا نور..
نور:طيب..
علي:افتحي الاسبيكر..
نور:طيب..
نور اتصلت ب جنون...بعد فترة الخط اتفتح..
جنون(بزعيق):شجن و ربي لاقتلك..
جنون(بزعيق):طلعي لسانك طلعي هأجي اقطعهولك..
جنون(بزعيق):شايفة يا ماما بتعمل ايه؟؟
جنون(بزعيق):و ربي لاربيكوا انتوا الاتنين عيال مشافتش تربية...
جنون قفلت الخط و هي اساسا نسيت انها كانت علي التليفون...
جنون(بصدمة):يا نهار اسود!!!!!استغفر الله العظيم منكوا لله...
شجن:احسن تستاهلي...
جنون اتصلت ب نور اللي كانت بتحاول تكتم ضحكها هي و الباقي...
الخط اتفتح..
جنون:احم اسفة كنت بكلم اختي..حضرتك كنتي عايزة ايه؟؟
نور:و لا اي حاجة..انتي خرجتي بسرعة فقلقنا عليكي..
جنون:لا الحمد لله لحقنا الموقف..
نور:طب كان في ايه؟؟
جنون:مفيش..
جنون:مفيش فلوس يا زفتة و غوري من وشي مش شيفاني بتكلم في التليفون...
نور:تمام اسيبك مع اختك المجنونة و نتقابل بعدين..
جنون:تمام شكرا...و شكرا لسؤالك..
نور:علي ايه بس...يلا باي..
عادل(بضحك):يا نهار شخصيتها قوية جدا..
شهاب:بس باين انها شخصية محترمة...
كنان(بحدة):مش يلا كله علي بيته...كفاية النهاردة ضاع بسبب الزفتة دي..
علي:خلاص يلا يا تامر..
و الكل روح علي بيته...
كنان روح علي بيته لقي الكل نايم طلع كان رايح ناحية اوضته بس سمع صوت عياط راح لاوضة اخته و فتحها..
كنان(بخضة):ندي مالك؟؟
كنان جري علي ندي و خدها في حضنه..
كنان:هششش اهدي يا حبيبتي..حصل ايه؟؟
ندي(بعياط):مفيش حاجة..
كنان(بحدة):ندي ازاي يعني مفيش حاجة..
ندي(بعياط):ماما بوظتلي رسمتي الجديدة و قعدت تهزق فيا..
كنان(بشوية حنية):خلاص يا حبيبتي حصل خير...ممكن كان يحصل اي حاجة تانية خليكي واثقة ان ربنا هيعوضك..
ندي(بدموع):طيب..
كنان:يلا قومي اغسلي وشك عايز اشوف ضحكتك..
ندي(بابتسامة و دموع):تسلملي يا حبيبي..
كنان:يلا خليكي مبسوطة علطول و انا هكلم ماما في الموضوع ده...
ندي:لا علشان متزعقش...
كنان:لا متخافيش مفيش حاجة...يلا نامي..
ندي:حاضر..
كنان خرج بره اوضة ندي و راح اوضته دخل الحمام يأخد دوش...و بدأ يفكر في جنون...
عادل:بس مش هتقدر عليها هي قوية..
تامر:باين عليها انها محترمة و اكيد اللي تحت ايديها محترمين زيها...
نور:ايوه صح يا كنان..
كنان اتعصب و خرج غير هدومه ل هدوم بيتي و نام...
.............................................................
-في مكان تاني....
_في بيت جنون..
جنون:تعالي هنا يا حيوانة انتي..
شجن(بصريخ):ماما...
جنون:تعالي يا جبانة ياللي بتتحامي في غيرك..
جنون(بصريخ):اه..حرام عليكي..
داليا:مضايقة اختك ليه يا بت؟؟
جنون:بتضربيني بالشبشب علشان البت دي...
داليا:لا ما انا راحة اضربها اهو...
شجن:جنون و النبي خليها تبعد عني..
جنون:ولعوا في بعض..
شجن:دودو انا حبيبتك صح..
داليا:غوروا انتوا الاتنين انا تعبانة..
جنون:تعبانة يا دودد تعبانة مش تعبانة..
داليا:انا ثعبان يا حيوانة انتي..
جنون:ما الثعبان ايه حيوان فبيخلف ايه حيوانات برضو...
شجن:لا عجبتيني..
داليا(بحدة):علي اوضتكم..
جنون:كنت راحة اساساا باي..
شجن:و انا باي..
داليا(بابتسامة):ربنا يهديكوا و يخليكوا ليا يا رب...
الكل دخل اوضته نام...
...............................................................
-في الصباح الباكر....
_في اوضة جنون...
جنون كانت نايمة لقت تليفونها بيرن خدته من غير ما تبص فيه و ردت...
جنون(بنوم):الو..
كنان:صباح الخير...
جنون(بنوم):مين الباشا؟؟
كنان:انا كنان مسجلتيش رقمي..
جنون(بنوم):و اسجله ليه يا خنزير الحلل؟؟
كنان(بحدة):جنون؟!!!
جنون(بخضة):ايه في ايه؟؟ايه ده هو انت؟؟
جنون:طب بذمتك في حد بيتصل بحد الساعة 6 الصبح...
كنان(بجدية):عايزك في مبني المخابرات في اوضة الاجتماعات حالا...الكل جاي..
جنون:طيب...حاضر هعدي علي شذي..
كنان:الكل هنا الا انتي..
جنون(لنفسها):يا ولاد ال...استغفر الله العظيم..
جنون:طيب حاضر..
جنون قامت و غسلت وشها و خرجت بدأت تلبس هدومها...
"جنون لبست بنطلون باللون الاسود طويل و تي شيرت زيتي و عليه كلام باللون الاسود و بنص كم مايل علي الكتف كتفها باين و قصير..و لبست كوتشي ابيض عالي شوية..و عملت شعرها علي شكل ضفيرة و نزلت كام خصلة علي وشها و اختارت شنطة ضهر باللون الاسود"..
جنون:و ربي لاربيكوا اول ما اشوفكوا...
جنون خرجت و ركبت الموتسكل بتاعها و راحت علي مبني المخابرات...
جنون:ازيك يا عمو محمد..
محمد:ازيك يا بنتي اطلعي كنان بيه فوق..
جنون:تمام شكرا...
جنون طلعت و راحت لاوضة الاجتماعات و خبطت..
كنان:ادخل..
جنون دخلت و اتصدمت..
جنون:فين الباقي؟؟
جنون كانت ورا الباب كنان قرب منها و قفل الباب و حاوطها علي الباب بأيديه...
كنان:مفيش حد..
جنون(ببرود):هو محدش علمك ان الكدب عيب..
كنان رفع ايديه و لمس وش جنون..
جنون(بعصبية):ابعد ايدك شخص مش محترم فعلا..
كنان(بضحك):اسف يا رعد بيه..
جنون(بعصبية):مستفز..
جنون زقت كنان بأيديها و قعدت علي كرسي..
جنون:خير كنت عايزني ليه و ايه سبب الكدب؟؟
كنان قرب منها و حاوط جنون و هي في الكرسي و بص في عيونها...
جنون(بحدة):لو فاكرني من البنات الزبالة بتوعك تبقي غلطان..
جنون زقت كنان و قامت وقفت..
جنون:و لو استمريت علي طريقتك دي انسي اننا نشتغل مع بعض..
كنان قرب من جنون و جنون مرجعتش و لا خطوة..لغاية ما كنان كان قريب من جنون جدا جنون رجعت غصب عنها...
كنان حاوط خصر جنون بأيده و قربها منه جنون كانت مصدومة و ساكته و فجأة جنون ضربته برأسها علي انفه..
جنون(بحدة):متفتكرش اني هستسلم بسهولة انا مش زي الكلبوبات بتوعك..
جنون فتحت الباب و خرجت بعصبية..
كنان(بعصبية):يا بنت ال........
كنان:و ربي لادفعك التمن غالي يا جنون...
كنان خد الجاكت بتاعه و نزل بعصبية..
محمد:جنون جنون..
جنون(بضيق):نعم يا عمو..
محمد:في حاجة حصلت؟؟
جنون(بضيق):لا مفيش..
-جنون ركبت الموتسكل و قبل ما تتحرك شافت كنان بصتله بغضب و مشيت...
محمد:هو حصل ايه يا بيه علشان جنون تعمل كدة؟؟
كنان(بسخرية):مبقاش غير الخدامين يتكلموا..
-كنان ساب الراجل و راح ركب عربيته بغضب..
_عند جنون..
جنون(بعصبية):الحيوان قليل الادب السافل الحقير...
جنون(بعصبية):فاكرني زي البنات بتوعه السافلين زيه..
جنون(بعصبية):ربنا يأخدك يا زفت الطين و ربي لاخليك متساوش جنيه في سوق الرجالة...
جنون(بعصبية):عاااا عايزة اصرخ...ربنا يأخدك..
-جنون راحت لمكان هادئ و ركنت الموتسكل بتاعها و كان في كراسي خشب و جنون قعدت علي واحد و فضلت باصة للماية اللي قدامها و من غير ما تحس الوقت خدها و فاقت علي تليفونها اللي بيرن..
جنون مسحت دموعها بسرعة و ردت علي التليفون..
جنون:احم الو يا ماما...
داليا:ماما!!يبقي فيكي حاجة..
جنون:ايه اللي بتقوليه ده يا دودو انا بخير اهو..
داليا:فينك يا بنتي صحيت ملقتكيش...
جنون:كان في شغل بعمله و خلصته و هروح المبني زمان الكل راح علي هناك...هضطر اقفل عن اذنك..
داليا:ربنا ينورلك طريقك يا حبيبتي..
جنون:ادعيلي يا دودو..
داليا:طيب يا حبيبتي..بدعيلك علطول..
جنون قفلت مع داليا و كملت قعدتها زي ما هي..
..........................................................
-في مكان تاني....
_في بيت فريد..
جهاد:ازيك؟؟
فريد(بجمود):اخيرا خلصتي التمارين مع الراجل الزبالة ده...
جهاد:في ايه؟؟
فريد(بجمود):الراجل ده مشفهوش هنا تاني...فاهمة؟؟
جهاد:لا مش فاهمة دي حياتي..
فريد(بزعيق):حياتك ايه انتي نسيتي انك زوجة و ام و ممكن تبقي جدة قريب ايه للدرجة دي انتي مهملة اوي...
ندي(بعياط):كفاية و النبي..
جهاد(بزعيق):انا مش شايفة اني بعمل حاجة غلط..
فريد(بزعيق):حياتك كلها غلط...
ندي(بعياط):خلاص و النبي يا بابا..خلاص يا ماما..
أوبي(بقلق):في ايه؟؟مالك يا ندي؟؟
ندي(بعياط):بابا و ماما بيتخانقوا...
أوبي:في ايه يا بابا حصل ايه؟؟
فريد:مفيش حاجة...مفيش حاجة يا اوبي..
جهاد سابتهم و طلعت علي اوضة كنان...
فريد:تعالي يا ندي..
ندي جريت علي فريد و حضنته و قعدت تعيط..
فريد:خلاص يا حبيبتي حصل خير حاجة بسيطة..
اوبي:ايه يا ندوش العيون الجمر دي تعيط...
ندي:شكرا...
_عند كنان..
جهاد(بدموع):كنان كنان..
كنان(بقلق):في ايه؟؟حصل ايه؟؟
جهاد(بدموع):ابوك زعقلي..
كنان(بتنهيدة):حصل ايه؟؟
جهاد حكت كل اللي حصل ل كنان..
كنان:طيب عنده حق جوزك و يمنعك براحته...
جهاد:يعني انا طالعة علشان اتحامي فيك تعمل كدة..
كنان:الراجل جوزك و مش عايزك تكلمي الشخص ده براحته...
جهاد:طيب يا كنان طيب..
جهاد سابت كنان و خرجت...كنان قام خد دوش و خرج غير هدومه...
"كنان لبس بنطلون جينز و تي شيرت ابيض و خد جاكت اسود جلد و لبس كوتشي ابيض في اسود و لبس ساعته و حط البرفيوم بتاعه"..
كنان نزل و موداش اي حد اهتمام و لسة هيركب عربيته لقي شهاب...
شهاب:استني يا عم عربيتي عطلت خدني معاك..
كنان:اركب..
كنان ركب عربيته و جمبه شهاب و طول الطريق ساكت..
شهاب:ما تشغل اغاني يا ابني..
كنان:شغل انت..
شهاب:مالك؟؟.
كنان:مليش يا شهاب..
بعد فترة وصلوا للمبني..
_عند الباقي..
اياد:بس ايه بنات روسيا هيبقوا مزز و قمرات كدة..
شذي:علشان انت عيل سافل يا سافل..
نور(بضحك):انتوا من الصبح بتتخانقوا واضح انكم فرقة مترابطة اوي..
فارس:اوي اوي..
عادل:كنان اتأخر..
علي:هتلاقيه جاي هو و شهاب..
الباب خبط..
سجي:ادخل..
شهاب:صباح الخير يا عيال..
عطر:شايفنا بنلعب بالرملة مثلا..
جنون:عطر خلاص....عايزين نبدأ شغلنا..
كنان:زي ما قولت قبل كدة شغلنا هيبقي بره المبني..
الباب اتفتح فجأة...
شخص:الحقنا يا اياد بيه...

_السؤال:يا تري ايه اللي حصل؟؟
............................................................
يتبع::😍💙..
بحبكوا😍💙..
يا رب الرواية تنال إعجابكم😘💙..
رأيكوا يهمني😘💙..