البارت السابع
#قصة وعسى أن تسكن نار الانتقام
#الكاتبة مريم السعدي
ﺻﺒﺎﺣﻜﻢ ﻋﺎﻓﻴﻪ . ﻭﺩﻓﻮ . ﻭﺣﺮﻳﻪ
ﺻﺒﺎﺣﻜﻢ . ﻏﻴﺮﻩ . ﻭﻃﻨﻴﻪ
ﻏﺎﺩﻩ - ﻭﻓﻌﻼ ﻧﻔﺲ ﻣﻜﺎﻟﺖ ﻓﻮﺯ ﺭﺣﺖ ﻭﻳﺎﻫﺎ ﻟﻠﺒﻴﺖ ﺍﻟﺪﻳﺎﺟﺮﻭ ﺟﺎﻥ ﺻﻐﻴﺮ ﻛﻠﺶ ﺑﻲ ﻃﺮﻣﻪ ﻣﺘﺮﺗﻴﻦ ﻭﺑﻲ ﻣﻄﺒﺦ ﻫﻮ ﻣﻄﺒﺦ ﻫﻮ ﻫﻮﻝ ﻭﺑﻲ ﻏﺮﻓﻪ ﻭﺣﺪﻩ ﺟﻮﻩ ﻭﻓﻮﻙ ﻏﺮﻓﻪ
ﺑﺲ ﺗﻌﺒﺎﻥ ﺑﻘﻴﺖ ﺍﻓﺘﺮ ﻭﺍﺗﻔﺮﺝ ﺍﺑﻮ ﺍﻟﺒﻴﺖ ﻭﺭﺍﻳﻪ ﻭﻓﻮﺯﻳﻪ ﺗﺮﺩﺩ
ﻫﺎﻱ ﻫﻨﺎ ﺗﻨﺎﻣﻴﻦ ﺍﻧﺘﻲ ﻭﺑﻨﺎﺗﺞ ﻭﻋﺪﺝ ﻏﺮﻓﻪ ﻟﺦ ﻓﻮﻙ ﺟﺮﻳﺖ ﻧﻔﺲ ﻛﺰﺑﺮ ﻛﻠﺪﻱ ﺗﺬﻛﺮﺕ ﻛﻼﻡ ﻓﻬﺪ ﺑﺎﻭﻋﺖ ﻟﻠﺮﺟﺎﻝ
ﻋﻤﻲ ﺷﻜﺪ ﺗﺮﻳﺪ ﺍﺟﺎﺭﻩ
ﻭﺍﻟﻠﻪ ﺑﻨﺘﻲ ﺭﺍﻳﺪﻱ ٥٠٠ ﺑﺎﻟﺸﻬﺮ
ﻭﺍﻟﻠﻪ ﻋﻤﻮ ﻫﻮﺍﻱ ﺑﻌﺪ ﺍﺭﺧﺺ ﻣﺘﻨﻄﻲ
ﻓﻮﺯﻳﻪ - ﺣﺠﻲ ﻫﻲ ﺍﺭﻣﻠﻪ ﻭﻣﺎﻋﺪﻫﺎ ﺍﺣﺪ ﻭﻋﺪﻫﺎ ﻳﺘﺎﻣﻰ
ﻳﻠﻪ ﺍﻟﻬﺎ ٤٥٠ ﻭﺍﻟﻠﻪ ﻟﻮ ﺑﻴﺪﻱ ﻣﺎﺍﺧﺬ ﺑﺲ ﻫﻢ ﻭﺭﺍﻳﻪ ﻋﻼﺝ ﻭﺩﻛﺎﺗﺮ ﻩ ﺍﻧﻲ ﻭﺍﻟﺤﺠﻴﻪ
ﻻﻫﺎﻫﻲ ﻋﻨﻲ ﻣﺸﻜﻮﺭ ﺟﺎﻭﺑﺖ ﻭﺍﻧﻲ ﺍﺑﺎﻭﻉ ﻟﻔﻮﺯﻳﻪ ﺍﺭﻳﺪﻩ ﻋﻤﻲ
ﻫﺎﻱ ﻫﻲ ﺗﻮﻛﻠﻲ ﻋﻠﻰ ﺍﻟﻠﻪ ﻭﻳﺠﻌﻞ ﻭﺟﻬﻪ ﺧﻴﺮ ﻋﻠﻴﺞ ﺑﻨﻴﺘﻲ
ﻃﻠﻌﻨﺎ ﻭﺭﺟﻌﺖ ﺑﻴﺖ ﻓﻮﺯﻳﻪ ﺻﺎﻓﻨﻪ
ﻓﻮﺯ ﻛﻠﺸﻲ ﻣﺎﻋﺪﻱ ﻏﺮﺍﺽ ﺷﻮﻥ ﻭﺍﻟﺒﻴﺖ ﺛﻠﺞ
ﺍﻧﻲ ﺍﻧﻄﻴﺞ ﺯﻭﺍﻟﻲ ﻭﺍﻟﻠﻪ ﻟﻮﺑﻴﺪﻱ ﺍﺻﻠﺦ ﺑﻴﺘﻨﺎ ﻭﺍﻧﻄﻴﺞ ﺍﻟﺞ ﺑﺲ ﺷﺴﻮﻱ
ﺍﺩﺭﻱ ﺑﻴﺞ ﻣﺘﻘﺼﺮﻳﻦ ﺟﺮﻳﺖ ﻧﻔﺲ ﻣﻠﻴﺎﻥ حزن ﻛﺎﻟﺖ
ﺧﻞ ﻧﺤﺴﺐ ﻳﻜﻔﻲ ﺍﻟﺮﺍﺗﺐ
ﺍﻱ ﻫﻮ ٧٠٠
٤٥٠ ﻟﻠﺒﻴﺖ
ﻭﺍﻟﺒﺎﻗﻲ ﻣﺼﺮﻑ ﺍﻛﻞ ﻛﻮﻥ ﺍﻟﻠﻪ ﺗﻜﻔﻲ ﺑﺲ ﻛﻮﻥ ﺭﺑﺞ يكفيني ﺷﺮ ﺍﻟﺘﺎﻳﻬﺎﺕ
ﺍﻱ ﻭﺍﻟﻠﻪ
ﻛﺎﻟﺖ
ﺑﺎﻋﻲ ﻏﺎﺩﻩ ﺍﻟﺒﺎﺭﺣﻪ ﺍﺟﺘﻲ ﺍﻡ ﺭﺣﻴﻢ ﺍﻡ ﺍﻟﻄﺎﺑﻌﻪ ﻻﺳﺘﺎﺫ ﻳﺤﻴﻲ ﺭﺍﺩﺕ ﻗﺮﺽ ﻣﺎﻟﻲ ﻋﻠﻰ ﺭﺍﺗﺒﻬﺎ
ﺍﻱ
ﺍﻱ ﻭﺍﻧﻄﺎﻫﺎ ﺍﺳﺘﺎﺫ ﻳﺤﻴﻲ ﻭﻗﺴﻄﻠﻬﺎ ﻓﻠﻮﺳﻬﺎ ﻋﺎﻟﺮﺍﺗﺐ
ﻳﻌﻨﻲ ﻳﺼﻴﺮ
ﺍﻱ ﻭﻟﺞ ﻧﺮﻭﺡ ﻟﻠﻤﺠﻤﻊ ﺍﻧﻲ ﻭﻳﺎﺝ ﻭﻧﺸﺘﺮﻱ ﺛﻼﺟﻪ ﺻﻐﻴﺮﻩ ﻭﻃﺒﺎﺥ ﻭﻓﺮﺵ ﻋﻠﻴﻪ ﻭﻧﺎﺧﺬ ﺩﻳﻼﺏ ﺣﻤﻮﺩﻱ ﻣﻴﺮﻳﺪﻩ ﺍﻟﺤﺪﻳﺪ ﺧﻠﻲ ﻟﻠﺒﻨﺎﺕ
ﺍﻱ
ﺍﻱ ﻭﺍﺧﺬﻱ ﺍﻟﻘﺮﺽ ﻭﺍﻧﻄﻲ ﻣﻦ ﺍﻟﺮﺍﺗﺐ
ﺧﻮﺵ
ﺩﻳﻠﻪ ﻛﻮﻣﻲ ﺩﻧﺮﺟﻊ ﻟﻠﺒﻴﺖ ﻧﻨﻀﻔﻪ ﻭﻧﺎﺧﺬ ﺍﻟﻜﺮﺑﺖ ﻧﻔﺮﺷﻪ ﻗﺒﻞ ﺟﻴﻪ ﺍﻟﺒﻨﺎﺕ
ﺧﻮﺵ
ﻭﻓﻌﻼ ﺑﺪﻳﻨﺎ ﻧﻠﻤﻠﻢ ﻭﻧﺮﺗﺐ ﺍﻧﻲ ﻭﻓﻮﺯﻳﻪ ﻭﺭﺟﻌﻨﺎ ﻭﺛﺎﻧﻲ ﻳﻮﻡ ﺍﻟﺼﺒﺢ ﺩﺍﻭﻣﺖ ﻃﺒﻴﺖ ﻻﺳﺘﺎﺫ ﻳﺤﻴﻲ ﻛﺘﻠﻪ ﻛﺎﻝ
ﺍﻱ ﺑﻨﺘﻲ ﺑﺲ ﻣﺤﺪ ﻳﺪﺭﻱ ﺑﺴﺎﻟﻔﻪ ﺍﻟﻘﺮﺽ
ﻻ ﺍﺳﺘﺎﺫ ﻣﺎﺍﺣﺠﻲ
ﻭﺗﻨﻄﻴﻦ ﻣﻦ ﺭﺍﺗﺒﺞ ﺷﻮﻱ ﺷﻮﻱ ٥٠ . ٥٠
ﺍﻭﻙ ﺍﺳﺘﺎﺫ
ﺍﺧﺬﺕ ﻣﻨﻪ ﺑﻴﻮﻣﻬﺎ ٦٠٠ ﻭﺭﺣﺖ ﻟﻠﻤﺠﻤﻊ ﺍﺷﺘﺮﻳﺖ ﺛﻼﺟﻪ ﻭﻃﺒﺎﺥ ﺷﻜﺪ ﺭﺩﺕ ﻣﺴﺘﻌﻤﻞ ﻣﻠﻜﻴﺖ ﻭﺍﺧﺬﺕ ﻗﻨﻴﻨﻪ ﻏﺎﺯ ﻭﻛﺎﻭﻧﺘﺮ ﺻﻐﻴﺮ ﻣﺴﺘﻌﻤﻞ ﻭﻣﺒﺮﺩﻩ ﻭﺑﻨﻜﺎﺕ ﺻﺎﺭﺕ ﻛﻠﻬﺎ ﻣﻠﻴﻮﻥ ﻭﺭﺑﻊ ﻭﺭﺟﻌﺖ ﻟﻠﺒﻴﺖ ﺧﻠﻴﺘﻬﻦ ﻭﺑﻴﻨﺖ ﻣﻼﻣﺢ ﺍﻟﺒﻴﺖ ﺍﺭﺗﺎﺣﻴﺖ ﻧﻮﻋﺎ ﻣﺎ ﻃﺒﺖ ﺳﻨﺪ ﻛﻴﻔﺖ ﻛﺎﻟﺖ
ﻣﺎﻣﺎ ﻳﻌﻨﻲ ﺧﻠﺼﻨﺎ ﺑﻌﺪ ﻣﻨﺮﻭﺡ ﺫﺍﻙ ﺍﻟﺒﻴﺖ
ﺍﻱ ﺣﺒﻴﺒﻲ ﺧﻠﺺ
ﻭﺟﺘﻲ ﺭﻧﺪ ﺗﻠﻔﺘﺖ ﻟﻠﺒﻴﺖ ﻭﺑﺎﻭﻋﺘﻠﻲ ﺑﺸﻤﻮﺥ
ﻛﺎﻟﺖ
ﻣﺎﻣﺎ ﺍﺫﺍ ﺍﻧﺘﻲ ﻭﺳﻨﺪ ﺗﻨﺎﺯﻟﺘﻮ ﻋﻦ ﺣﻘﻜﻢ ﺍﻧﻲ ﻣﺎﺍﺗﻨﺎﺯﻝ
ﺷﻨﻮ ﻗﺼﺪﺝ ﺭﻧﺪ
ﻣﺎﻣﺎ ﻣﻮﻗﺘﺎ ﻣﻮﻗﺘﺎ ﻛﻌﺪﺗﻨﺎ ﻫﻨﺎ
ﺍﻱ ﺍﻟﻠﻪ ﻛﺮﻳﻢ ﻣﺎﻣﺎ
ﻏﺎﺩﻩ - ﺍﺑﺎﻭﻉ ﻟﺮﻧﺪ ﻭﻧﻀﺮﺗﻬﺎ ﻟﻠﺒﻴﺖ ﺍﻟﻤﺸﻤﺎﺯﻩ ﺑﺲ ﻣﺤﺠﺖ ﺷﻲ ﻃﺒﺖ ﻟﻠﻐﺮﻓﻪ ﺑﺪﻟﺖ ﻭﻧﺎﻣﺖ ﻭﺳﻨﺪ ﻭﻳﺎﻳﻪ ﺳﻮﻳﻨﺎ ﺍﻛﻞ ﻭﺭﺗﺒﻨﺎ ﻭﻫﻲ ﻭﻳﺎﻳﻪ ﺗﺤﺠﻴﻠﻲ ﻋﺎﻟﺪﺭﺍﺳﻪ ﻭﺍﻟﻤﻌﻠﻤﻪ ﻭﺍﻟﻤﺪﺭﺳﻪ ﺍﻟﺠﺪﻳﺪﻩ ﻭﺑﺎﻟﻲ ﻳﻢ ﺭﻧﺪ
ﺍﻧﻲ ﻭﺣﺪﻩ ﻣﻴﺘﻪ ﻃﻔﺖ ﺑﻌﻴﻨﻬﺎ ﺍﻟﺪﻧﻴﺎ ﺑﺲ ﺧﻞ ﺍﻭﺻﻞ ﻫﺎﻻﺛﻨﻴﻦ ﻟﺒﺮ ﺍﻻﻣﺎﻥ ﻓﻬﺪ ﻭﻳﻨﻚ ﻣﻌﻘﻮﻟﻪ ﻓﺺ ﻣﻠﺢ ﻭﺫﺍﺏ ﺍﻧﺖ ﻛﺘﻠﻲ ﺑﻴﺘﻚ ﻧﻔﺲ ﻣﻨﻄﻘﻪ ﺑﻴﺘﻨﺎ ﺍﻧﺖ ﻛﺘﻠﻲ ﺩﺍﺍﺑﻨﻲ ﻣﺎﻛﻮ ﺍﻱ ﺷﻲ ﻣﻠﻜﻴﻪ ﺑﺎﺳﻤﻚ ﺍﻱ ﺷﻲ ﻳﺜﺒﺖ ﻣﻬﻨﺘﻚ ﻟﻴﺶ ﻣﻌﻘﻮﻟﻪ ﺣﺘﻰ ﺭﺍﺗﺐ ﺗﻘﺎﻋﺪ ﻣﻴﻄﻠﻌﻠﻚ
ﻳﻮﻣﻴﻦ ﻭﺍﺧﺬﺗﻨﻲ ﻓﻮﺯﻳﻪ ﻧﻔﺘﺮ ﻋﺎﻟﺪﻭﺍﺋﺮ ﺍﻛﻮﻝ ﺑﻠﻜﻦ ﻳﻄﻠﻊ ﺗﻘﺎﻋﺪ ﻳﺤﻴﻴﻨﻲ ﻣﻨﻪ ﻭﻃﺒﻴﺖ ﻟﻮﺣﺪﻩ ﻣﻦ ﺍﻟﺪﻭﺍﺅﺭ ﻣﺎﺭﻳﺪ ﺍﺫﻛﺮ ﺍﺳﻤﻬﺎ ﻭﻭﻛﻔﺖ ﻛﺪﺍﻡ ﻣﺪﻳﺮﻫﺎ ﺍﺳﺘﻔﺴﺮ ﺑﺎﻭﻋﻠﻲ ﻣﻦ ﻓﻮﻙ ﻟﻴﺤﻮﻩ ﻳﺘﻔﺤﺺ ﺣﺴﻴﺖ ﻋﻴﻮﻧﻪ ﻋﺮﺗﻨﻲ
ﻛﺎﻝ
ﻟﻴﺶ ﻣﻴﻄﻠﻊ ﺗﻘﻌﺪ ﺍﺫﺍ ﺍﻟﺞ ﻣﻴﻄﻠﻊ ﺍﻟﻤﻦ ﻳﻄﻠﻊ ﻟﺰﻭﺟﺘﻲ
ﻧﺼﻴﺖ ﺭﺍﺳﻲ
ﻛﺎﻝ
ﺩﺑﺎﻋﻴﻠﻲ ﻳﺎﻋﻴﻨﻲ ﺧﻞ ﺍﻛﻤﻞ ﺍﻭﺭﺍﻗﺞ
ﻧﺘﺮﺕ ﺑﻲ
ﻳﻌﻨﻲ ﺷﻨﻮﻭ ﺍﻻ ﺗﺒﺎﻭﻉ ﺑﻮﺟﻬﻲ
ﻟﻌﺪ ﺍﻭﺭﺍﻗﺞ ﺍﻟﻨﺎﻗﺼﻪ ﺷﻮﻥ ﺗﻜﻤﻞ
ﺧﺰﺭﺗﻪ
ﻛﺎﻝ
ﻻﺍﺍﻩ ﻫﺎﻱ ﻣﻦ ﺍﻭﻟﻬﺎ ﻫﻴﺞ ﻣﺘﺮﻫﻢ ﺣﺘﻰ ﺍﻻﻭﺭﺍﻕ ﻣﺘﻜﻤﻞ ﺍﺫﺍ ﻣﻮ ﺑﻀﺤﻜﻪ ﺑﺴﺎﻟﻔﻪ ﺣﻠﻮﻩ
ﺑﺎﻭﻋﺖ ﻋﺎﻟﺸﺒﺎﻙ ﻓﻮﺯﻳﻪ ﺗﺒﺎﻭﻋﻠﻲ ﺑﻘﻠﻖ ﻣﺪﺍﺗﺴﻤﻊ ﺷﺪﻧﺤﺠﻲ ﻻﻥ ﻃﻠﺐ ﺍﻓﻮﺕ ﻭﺣﺪﻱ ﺟﺎﻭﺑﺘﻪ
ﻳﻌﻨﻲ ﺷﻨﻮ
ﻳﻌﻨﻲ ﻓﺎﻫﻤﺘﻨﻲ ﻭﺗﺪﻟﻠﻴﻦ
ﺧﺰﺭﺗﻪ ﺍﺑﺘﺴﻢ ﻭﻛﺎﻝ
ﺷﻮﻓﻲ ﺗﻮﻗﻴﻊ ﻭﺍﺧﺪ ﻭﻳﻄﻠﻊ ﺍﺧﻮﺝ ﺿﺎﺑﻂ ﻭﻋﺪﻩ ﺗﻘﺎﻋﺪ ﻳﻮﺻﻠﺞ ﺷﻬﺮﻳﺎ
ﺑﺎﻭﻋﺖ ﻻﺻﺒﻌﻪ ﻭﻳﻦ ﺩﻳﺎﺷﺮ ﻭﺑﺎﻭﻋﺘﻠﻪ
ﻳﻌﻨﻲ ﻫﻮ ﺍﺳﻤﻪ ﻫﻨﺎ
ﻻ ﺑﺲ ﺍﺳﻤﻪ ﻣﻨﺘﺴﺐ ﺑﺮﺗﺒﻪ ﺿﺎﺑﻂ ﻣﺪﺍﺍﻟﻜﺎﻩ ﺑﺎﻟﻀﺒﻂ ﻭﻳﻦ ﺑﺲ ﻧﻌﺘﺒﺮﻩ ﻫﻨﺎ ﺷﻜﻮ ﻣﻨﻬﺎ
ﺑﺲ ﺍﺧﻮﻳﻪ ﻧﻘﻴﺐ
ﻫﺴﻪ ضابط ﻧﻘﻴﺐ ﻣﺎﺕ ﻭﺷﺒﻊ ﻣﻮﺕ ﻭﺍﺣﻨﺎ ﻣﻮﺟﻮﺩﻳﻦ . ﺑﺲ ﻣﻨﺘﻀﺮﻳﻦ ﻣﻮﺍﻓﻘﺘﺞ ﻭﺗﺘﻮﻗﻊ ﻫﺎﺍﺍ ﺷﺘﻜﻮﻟﻴﻦ ﺗﺮﻩ ﺍﻧﺘﻲ ﺧﺸﻴﺘﻲ ﺑﻜﻠﺒﻲ ﻭﻋﻘﻠﻲ
ﺩﻣﻌﺖ ﻋﻴﻨﻲ ﻭﺑﻠﻌﺖ ﺭﻳﻜﻲ ﻋﻠﻰ ﺻﻼﻓﺘﻪ ﻧﺘﺮﺕ ﺑﻲ
ﺍﻧﺖ ﻭﺍﺣﺪ ﻣﺘﺴﺘﺤﻲ ﺣﺮﺍﻣﺎﺕ ﻧﺠﻮﻣﻚ ﻋﻠﻰ ﻛﺘﻔﻚ
ﺩﺗﻌﺎﻱ ﺷﻠﻌﻴﻬﻦ ﻭﻛﻌﺪﻱ ﺑﻤﻜﺎﻧﻬﻦ ﻭﺍﻟﻠﻪ ﺍﺷﺒﻌﺞ ﻓﻠﻮﺱ
ﻋﻔﺖ ﺍﻟﻐﺮﻓﻪ ﻭﻃﻠﻌﺖ ﺍﺑﺠﻲ ﻭﺟﺴﻤﻲ ﻳﺮﺟﻒ ﻓﻮﺯﻳﻪ ﻣﺴﺎﻟﺘﻨﻲ ﺷﺒﻴﻪ ﺍﺑﺪ ﻓﻬﻤﺖ ﻭﺑﺲ ﻭﺻﻠﺖ ﻟﻠﺒﻴﺖ ﻫﻲ ﺗﻐﻠﻂ ﻋﻠﻴﻪ ﻭﺍﻧﻲ ﺍﻏﻠﻂ ﻋﻠﻴﻪ
ﺣﺪﻣﺎ ﺑﺮﺩ ﻛﻠﺒﻲ ﻛﻮﻣﻪ ﺑﺠﻴﺖ ﻭﺍﺻﻴﺢ ﻭﺍﻋﻴﻂ ﻣﻔﺮﻓﺤﻪ ﻭﻫﻲ ﺗﻮﺍﻓﻘﻨﻲ ﻭﺗﻐﻠﻂ ﻭﻳﺎﻳﻪ ﻭﺗﺼﻴﺢ
ﻫﺪﻳﺖ ﻭﺗﻤﺪﺩﺕ ﻛﺎﻟﺖ
ﺍﺻﺒﻠﺞ ﺟﺎﻱ
ﻣﺎﺭﻳﺪ ﻓﻮﺯ ﺣﺒﻴﺒﻪ ﺭﻭﺣﻲ ﺭﺟﻌﻲ ﻟﻠﺪﻭﺍﻡ ﺯﻣﻨﻴﺘﺞ ﺧﻠﺼﺖ
ﺍﻣﺸﻲ ﻭﻳﺎﻳﻪ ﻛﻮﻣﻲ ﻧﻌﻠﻲ ﺍﻟﺸﻴﻄﺎﻥ
ﻛﻤﺖ ﻭﻏﺴﻠﺖ ﻭﺭﺣﺖ ﻭﻳﺎﻫﺎ ﻭﺍﻧﻔﺘﺢ ﻣﻮﺿﻮﻉ ﻫﻨﺎﻙ ﺍﻧﻪ ﺍﻧﻲ ﻋﺰﻟﺖ ﺑﻴﺖ ﻭﺣﺪ ﻭﻣﺎﻋﺪﻱ ﻏﺮﺍﺽ ﻧﻮﻋﺎ ﻣﺎ ﻟﻤﺤﺖ ﻓﻮﺯﻳﻪ ﻭﻟﻜﻴﺖ ﺍلكل ﻳﻨﻄﻲ ﻣﻦ ﻋﺪﻩ ﻏﺮﺽ ﺍﻟﻠﻲ ﻧﻄﻪ ﺻﻮﺑﻪ ﻭﺍﻟﻠﻲ ﺟﺮﺍﺑﻲ ﻭﻛﻨﺘﻮﺭ ﻭﺍﻟﻠﻲ ﺑﻨﻜﺎﺕ ﺍﻧﺘﺮﺱ ﺑﻴﺘﻲ ﺣﺘﻰ ﻣﻴﺰ ﻟﻠﺪﺭﺍﺳﻪ ﻣﺎﻝ ﺑﻨﺎﺕ ﻭﺻﻠﺘﻬﺎ ﻟﺒﻴﺖ ﻭﺭﺗﺒﺘﻬﺎ ﻃﺒﺖ ﺳﻨﺪ ﻛﻴﻔﺖ ﺣﻴﻞ ﺑﻴﻬﺎ ﻭﺣﻀﻨﺘﻨﻲ
ﻭﺭﺟﻌﺖ ﺍﺩﻭﺍﻡ ﺑﺸﻜﻞ ﻳﻮﻣﻲ ﻭﺭﻧﺪ ﺍﻛﺒﺮ ﻣﺨﺎﻭﻓﻲ ﻭﺣﻴﺮﺗﻲ
ﺭﻧﺪ -
ﻳﻮﻣﺎ . ﻣﺎ !!!!
ﻳﻮﻣﺎ ﻣﺎ ﻓﺤﺴﺐ . ﺳﺎﻛﻮﻥ . ﺍﻧﺎﺍ ﺻﺮﺧﻪ . ﺭﻋﺐ ﺍﺻﺮﺧﻬﺎ ﺑﺎﺭﻛﺎﻥ ﻗﻠﻮﺑﻜﻢ ﺍﻟﻘﺎﺳﻴﻪ
ﻛﻢ ﻗﺴﻴﺘﻢ
ﺳﺎﺗﺬﻛﺮﻛﻢ . ﻛﻤﻼﺋﻤﻪ ﺍﻣﺎﻡ ﻗﺒﺢ ﻣﺸﺎﻋﺮ ﻗﻠﺒﻲ ﺍﻟﻤﺠﻠﻤﺪﻩ
ﺳﺎﺳﺘﻠﺬ ﺑﺎﻻﻣﻜﻢ
ﻫﺬﺍ ﺍﻧﺎ -- ﺍﺑﻨﻪ ﺍﻟﺤﻘﺪ
ﻣﻦ ﻳﻮﻡ ﺗﺮﻛﻨﺎ ﻭﺍﻧﻲ ﺣﻘﺪﻱ ﻳﺮﺑﻪ ﻭﻳﺎﻳﻪ ﻟﺤﻀﻪ ﺑﺎﺛﺮ ﻟﺤﻀﻪ ﻣﻮﻗﻒ ﺑﻌﺪ ﻣﻮﻗﻒ ﻳﺘﺠﺪﺩ ﻛﻤﺖ ﺍﻋﺸﻖ ﺗﻔﻜﻴﺮﻱ ﺑﺒﺎﺟﺮ ﻭﻛﻞ ﻳﻮﻡ . ﻃﺮﻳﻘﻪ ﺟﺪﻳﺪﻩ ﻟﻼﻧﺘﻘﺎﻡ . ﺑﺮﺍﺳﻲ ﺗﻨﺰﺭﻉ ﻭﺍﺯﻛﻴﻬﺎ ﺑﺪﺭﺍﺳﺘﻲ ﻭﺍﺻﺮﺍﺭﻱ
ﺍﺭﻳﺪ ﺍﻭﺻﻞ ﻻﻋﻠﻰ ﺷﻲ ﺍﻭﻻ ﺍﻧﻲ ﻭﺍﻟﻌﻴﻮﻥ ﻋﻠﻴﻪ ﺣﺘﻰ ﺍﻭﺻﻞ ﺍﺳﺮﻉ ﺟﻨﺖ ﺩﻭﻣﻲ ﺍﻻﻭﻟﻰ ﻗﺒﻞ ﺍﻟﻜﻞ
ﻣﻮﻫﻮﺑﻪ
ﻣﻦ ﻣﺪﺭﺳﻪ ﺍﻟﻤﻮﻫﻮﺑﻴﻦ ﺍﻟﻮﺣﻴﺪﻩ ﺑﺎﻟﻌﺎﺻﻤﻪ
ﺍﻻﻭﻟﻰ ﻋﻠﻴﻬﻢ
ﺫﻛﺎﺋﻲ
ﺩﻫﺎﺋﻲ
ﺣﻴﻠﺘﻲ
ﻭﺍﺻﺮﺍﺭﻱ ﺑﻜﺘﺎﺑﻲ ﻣﻮ ﺣﺒﺎ ﺑﺎﻟﻌﻠﻢ ﻻ
ﺑﺲ ﺣﺒﺎ ﻟﺘﻨﻔﻴﺬ ﺍﻻﻧﺘﻘﺎﻡ
ﺧﻄﺘﻲ ﺟﺎﻧﺖ
ﺍﺻﻌﺪ ﻭﺍﻗﺘﺮﻥ ﺑﺸﺨﺺ ﻏﻨﻲ ﻟﻠﻐﺎﻳﻪ ﻭﺍﺍﺫﻳﻬﻢ ﺑﻨﻔﻮﺫﻱ
ﺟﻤﺎﻟﻲ ﻭﺧﺸﻮﻧﻪ ﺟﺴﻤﻲ ﻛﺎﻧﺖ ﻣﺤﺪ ﺍﻧﻀﺎﺭ ﺍﻟﻨﺎﺱ ﺍﻟﻲ
ﻣﻦ ﻳﻮﻣﻬﺎ ﻭﺍﻧﻲ ﺍﺧﺘﺎﺭ ﻗﺮﻳﻨﺎﺗﻲ ﺑﺎﻟﺪﺭﺍﺳﻪ ﻭﺣﺪﻩ ﻭﺣﺪﻩ
ﺑﺎﻻﻭﻝ ﻣﺘﻮﺳﻂ ﺑﻠﺸﺖ ﺑﺠﻬﻴﻨﻪ ﺍﻟﻠﻲ ﻛﺎﻧﺖ ﻣﺘﺤﺠﻲ ﻭﻱ ﺍﺣﺪ ﻛﻮﻧﻬﺎ ﺍﻏﻨﻲ ﻃﺎﻟﺒﻪ ﺑﺎﻟﺼﻒ ﺑﺲ ﻣﻮ ﺍﻧﻲ ﺍﻟﻠﻲ ﺗﻮﻛﻒ ﺑﻮﺟﻬﻲ ﺳﺬﺍﺟﺘﻬﺎ
ﺟﻬﻴﻨﻪ ﻛﺎﻧﺖ ﺑﻴﻬﺎ ﻃﺒﻴﻌﻪ ﻣﺘﻜﺪﺭ ﺗﺴﻜﺖ ﻭﺩﺧﻠﺖ ﺍﻟﻤﻮﻫﻮﺑﻴﻦ ﻻﻧﻬﺎ ﺑﻨﺖ ﺍﺣﺪ ﻛﺒﺎﺭ ﺍﻟﺘﺠﺎﺭ ﺑﺒﻐﺪﺍﺩ ﺍﻟﻠﻲ ﺻﺮﻑ ﻋﺎﻟﻤﺪﺭﺳﻪ ﺗﺒﺎﺭﻳﺪ ﻭﺑﻨﺎﺀ ﻭﺣﻤﺎﻣﺎﺕ ﺟﺪﻳﺪﻩ ﻛﺎﻧﺖ ﻫﻲ ﻭﺍﺑﻦ ﻋﻤﻬﺎ ﺍﻟﻠﻲ ﻛﺎﻥ ﻣﺮﺣﻠﻪ ﺭﺍﺑﻌﻪ ﺍﺧﻮﻫﺎ ﺍﺷﻄﺮ ﻣﻨﻬﺎ ﺑﻬﻮﺍﻱ ﻭﻫﻲ ﻣﺎﺷﻲ ﺣﺎﻟﻬﺎ ﺑﺲ ﻣﻮ ﺑﺸﻄﺎﺭﺗﻲ
ﻣﻜﺎﻧﺖ ﺗﺤﺠﻲ ﻭﻱ ﺍﺣﺪ ﻛﺜﺮ ﻏﺮﻭﺭﻫﺎ ﻭﺑﻴﻮﻡ ﻣﻦ ﺍﻻﻳﺎﻡ
ﺍﻟﻤﺪﺭﺳﻪ - ﻭﻧﺒﺪﻱ ﺍﻟﺪﺭﺱ ﺑﺎﻟﺪﺭﺍﺳﻪ ﺍﻟﺘﻔﺼﻴﻠﻴﻪ ﻟﻠﺬﺭﻩ
ﺟﻬﻴﻨﻪ - ﺫﺭﻩ ﻟﻮ ﺷﺎﻣﻴﻪ
ﻣﻨﻮ ﺍﻟﺤﺠﻪ ﺑﻨﺎﺕ ﺷﺒﺎﺏ ﺭﺟﺎﺀ ﻫﺎﻱ ﻣﺪﺭﺳﻪ ﻣﻮﻫﻮﺑﻴﻦ ﻣﺎﻣﻌﻨﺎﻩ ﺍﻱ ﻟﻐﻮﻩ ﺯﺍﻳﺪﻩ ﺗﻄﻠﻌﻮﻥ ﺑﺮﻩ ﻭﻳﺘﺼﺪﺭ ﺍﺳﻤﻜﻢ ﻗﺎﺋﻤﻪ ﺍﻟﻤﺸﺎﻏﺒﻴﻦ ﻭﺗﻨﺰﻝ ﺩﺭﺟﻪ ﻣﻦ ﻛﻞ ﻣﺎﺩﻩ
ﺭﻧﺪ - ﺑﺎﻭﻋﺘﻠﻬﺎ ﻟﺠﻬﻴﻨﻪ ﺩﺍﺭﺕ ﻭﺟﻬﻪ ﻭﺟﺮﺕ ﻋﻴﻨﻬﺎ ﺭﺟﻌﺖ ﺍﻟﻤﺪﺭﺳﻪ ﻋﺮﻓﺖ ﻋﻦ ﻧﻔﺴﻬﺎ
ﺍﻧﻲ ﺳﺖ ﻭﻓﺎﺀ ﻣﺪﺭﺳﻪ ﻣﺎﺩﺭﻩ ﺍﻟﻜﻴﻤﻴﺎﺀ
ﺟﻬﻴﻨﻪ - ﻭﺑﺎﺀ ﻟﻮ ﻭﻓﺎﺀ
ﺭﻧﺪ - ﻟﻤﺤﺘﻬﺎ ﺍﻟﻤﺪﺭﺳﻪ ﻧﺘﺮﺕ ﺑﻴﻬﺎ ﻛﻮﻣﻲ ﺍﻟﻠﻲ ﺑﺎﻻﺧﻴﺮ
ﻧﻌﻢ ﺳﺖ
ﺑﺎﻭﻋﺖ ﻟﻤﻼﻣﺢ ﺟﻬﻴﻨﻪ ﺧﺎﻓﺖ ﻭﺑﻠﻌﺖ ﺭﻳﻚ ﺍﻟﻤﺪﺭﺳﻪ ﻛﺎﻟﺖ
ﻣﺮﺗﻴﻦ ﺗﺤﺠﻴﻦ ﻭﻧﻄﻴﺘﺞ ﺍﻧﺬﺍﺭ
ﺳﺖ ﻣﺤﺠﻴﺖ
ﻻ ﺣﺠﻴﺘﻲ ﻭﺳﻤﻌﺘﺞ ﻭﺷﻔﺘﺞ
ﺳﺖ ﻭﺍﻟﻠﻪ ﻣﻮﺍﻧﻲ
ﻭﺗﺤﻠﻔﻴﻦ ﺑﻌﺪ
ﺭﻧﺪ - ﻭﻛﻔﺖ ﺑﺎﻭﻋﺖ ﻟﻠﻤﺪﺭﺳﻪ ﺑﻮﺛﻮﻕ ﺳﺖ ﺍﻧﻲ ﺍﻟﺤﺠﻴﺖ ﻣﻮﻫﻲ ﺑﻘﺖ ﺍﻟﻤﺪﺭﺳﻪ ﻣﺴﺘﻐﺮﺑﻪ ﻭﺑﺎﻭﻋﺘﻠﻬﺎ ﻟﺠﻬﻴﻨﻪ ﻭﺑﺎﻭﻋﺘﻠﻲ ﻛﺎﻟﺖ
ﺍﻧﻲ ﺳﻤﻌﺘﻬﺎ ﺍﻟﻬﺎ ﻭﺷﻔﺘﻬﺎ ﺷﻨﻮ ﺗﻜﺬﺑﻴﻨﻲ
ﻻ ﺳﺖ ﺍﻟﻌﻔﻮ ﺑﺲ ﺍﺿﻮﺝ ﺍﺣﺪ ﻳﺘﺮﺯﻝ ﻣﻦ ﻭﺭﻩ ﺷﻲ ﺍﻧﻲ ﻣﺴﻮﻳﺘﻪ ﺍﻧﻲ ﺍﻟﺤﺠﻴﺖ
ﺗﻔﻀﻠﻲ ﻟﻠﻤﺪﻳﺮﻩ ﻭﻳﺎﻱ
ﺍﻭﻙ
ﺭﻧﺪ - ﻃﻠﻌﺖ ﺑﺜﻘﻪ ﺩﺭﺍﺳﺘﻲ ﻭﺗﻔﻮﻗﻲ ﻭﺍﻛﻔﻠﻲ ﻭﺭﺣﺖ ﻟﻠﻤﺪﻳﺮﻩ ﺑﻮﺛﻮﻕ ﻭﻛﺘﻠﻬﺎ ﺍﻧﻲ ﻭﻛﺪﺍﻣﻬﺎ ﺍﻋﺘﺬﺭﺕ ﻟﻠﻤﺪﺭﺳﻪ ﻭﺭﺟﻌﺖ ﺑﻌﺪ ﻣﺎﺍﻛﻠﺖ ﺭﺯﺍﻟﻪ ﻭﻛﻌﺪﺕ ﺑﻤﻜﺎﻧﻲ ﺍﻟﻤﺪﺭﺳﻪ ﻛﺎﻧﺖ ﻣﺴﺘﻐﺮﺑﻪ ﺣﺎﻟﺘﻲ ﺣﻴﻞ ﻭﺟﻬﻴﻨﻪ ﻣﺎﻋﺎﺩﺕ ﺣﺠﺖ ﺣﺪﻣﺎ ﻛﻤﻞ ﺍﻟﺪﺭﺱ ﺗﻘﺮﺑﺖ ﻳﻤﻲ ﺟﻨﺖ ﺩﻭﻡ ﺍﻭﻛﻒ ﻭﺣﺪﻱ ﺍﻗﺮﻩ . ﺗﻘﺮﺑﺖ ﻛﺎﻟﺖ
ﻟﻴﺶ ﻫﻴﺞ ﺳﻮﻳﺘﻲ
ﺑﺎﻭﻋﺘﻠﻬﺎ ﺍﺑﺘﺴﻢ ﺟﺎﻥ ﺍﻻﺳﺘﻐﺮﺍﺏ ﺗﺎﺭﺱ ﻭﺟﻬﻪ ﺟﺎﻭﺑﺘﻬﺎ
ﺟﺎﻥ ﻣﺒﻴﻦ ﻋﻠﻴﺞ ﺧﺎﻳﻔﻪ
ﺍﻱ ﻓﻌﻼ ﺧﻔﺖ ﻻﺗﻜﻮﻝ ﻟﺒﺎﺑﺎ
ﺍﻱ ﻫﺎﻫﻲ
ﺭﺯﻟﺘﺞ ﺍﻟﻤﺪﻳﺮﻩ
ﺍﻣﻢ ﻭﻃﻠﺒﺖ ﻭﻟﻲ ﺍﻣﺮﻱ
ﻭﺣﺘﺠﻴﺒﻴﻦ ﺍﺑﻮﺝ
ﻭﺍﻟﺪﻱ ﻣﺘﻮﻓﻲ ﺟﺎﻭﺑﺘﻬﺎ ﺑﺜﻘﻪ
ﻓﻜﺖ ﻋﻴﻨﻬﺎ ﻛﺎﻟﺖ
ﺍﻧﻲ ﺍﺳﻔﻪ
ﻣﻴﻬﻢ ﻋﺎﺩﻱ ﺑﺲ ﻟﺘﺴﻮﻳﻬﺎ ﺑﻌﺪ
ﻻﻻ ﻣﺎﺳﻮﻳﻬﺎ ﺗﻌﺎﻱ ﺍﻋﺮﻓﺞ ﻋﻠﻰ ﺻﺪﻳﻘﺎﺗﻲ ﻭﺑﻨﺎﺕ ﻋﻤﻲ
ﻻ ﺩﺍﺍﺩﺭﺱ
ﺍﻭﻙ ﻋﺎﺩﻱ ﺍﺩﺭﺱ ﻭﻳﺎﺝ
ﺗﻌﺎﻱ -- ﻣﺸﺖ ﻭﻳﺎﻳﻪ ﺟﻨﺖ ﺍﻣﺸﻲ ﻭﺍﺩﺭﺱ ﺻﻮﺕ ﻋﺎﻟﻲ ﻭﻫﻲ ﻫﻢ ﺗﻘﺮﻩ ﺍﻻﻗﺮﺍﻩ ﻭﺗﺒﺎﻭﻋﻠﻲ ﺑﺤﻴﺮﻩ ﻭﺗﺒﺎﻭﻉ ﻟﻬﺪﻭﻣﻲ ﺑﺬﺍﻙ ﺍﻟﻮﻛﺖ ﻛﺎﻥ ﻗﺒﻞ ﻋﺮﻛﻪ ﻣﺎﻣﺎ ﻭﻃﺮﺩﺗﻬﺎ ﻣﻦ ﺑﻴﺖ ﺟﺪﻭ ﻓﻬﺪﻭﻣﻲ ﺍﺭﻗﻰ ﻫﺪﻭﻡ ﻋﻤﻮ ﺍﺻﻴﻞ ﺟﺎﻳﺒﻬﺎ ﺷﻮﻱ ﻭﺗﺮﻛﺘﻨﻲ ﺟﻬﻴﻨﻪ
ﻭﺑﺪﺕ ﻳﻮﻣﻴﻪ ﺗﺠﻲ ﻳﻤﻲ -- ﻗﺮﻳﺘﻲ ﺍﻻﻣﺘﺤﺎﻥ ﺗﺴﺎﻝ ﻭﺍﺣﺎﻭﺏ ﺍﻛﻴﺪ ﻃﺒﻌﺎ
ﺯﻳﻦ ﻓﻬﻤﺘﻲ ﺍﻟﻔﻘﺮﻩ ﺍﻟﺮﺍﺑﻌﻪ
ﺷﻲ ﻃﺒﻴﻌﻲ
ﻣﻤﻜﻦ ﺗﻔﻬﻤﻴﻬﺎ ﺍﻟﻲ ﺍﺳﺘﺎﺫﻱ ﺍﻟﺨﺎﺹ ﻣﻔﻬﻤﻬﺎ ﺯﻳﻦ
ﻭﻓﻬﺘﻤﻬﺎ ﻋﻠﻴﻬﺎ ﻭﻃﺒﻘﺘﻬﺎ ﻛﺪﺍﻣﻲ ﻭﺍﺧﺬﺕ ﺩﺭﺟﻪ ﻋﺎﻟﻴﻪ ﺑﺲ ﻣﻮ ﻛﺎﻣﻠﻪ
ﻛﺎﻧﺖ ﺩﺭﺟﺎﺗﻲ ﻛﺎﻣﻠﻪ ﻣﻊ ﻋﻼﻣﻪ ﺍﻻﻣﺘﻴﺎﺯ ﺍﻟﻠﻲ ﻣﻴﺤﺼﻠﻬﺎ ﻏﻴﺮﻱ ﻛﻨﺖ ﺍﺟﺎﻭﺏ ﺟﻮﺍﺏ ﺍﻛﺒﺮ ﻣﻦ ﻋﻤﺮﻱ ﻭﻫﺎﻟﺸﻲ ﺑﺴﺒﺐ . ﻻﻧﻨﻲ ﺍﺩﺭﺱ ﺍﻟﺼﻔﻮﻑ ﺍﻟﻠﻲ ﻓﻮﻕ ﻋﻤﺮﻱ ﻣﻊ ﺩﺭﻭﺳﻲ
ﻛﻨﺖ ﻣﺎﻧﺎﻡ ﻏﻴﺮ ٤ ﺳﺎﻋﺎﺕ ﻭﺳﺎﻋﺘﻴﻦ ﺑﺎﻟﻨﻬﺎﺭ ﻭﺑﺲ ﺍﻗﺮﻩ
ﺍﺫﺍ ﺍﻧﻲ ﺍﻭﻝ ﺍﻗﺮﻩ ﺍﻭﻝ ﻭﺛﺎﻧﻲ ﻣﺘﻮﺳﻂ
ﺟﻨﺖ ﺑﺲ ﺍﺭﻳﺪ ﺍﻛﻤﻞ ﻣﺮﺣﻠﻪ ﻭﺍﻭﺻﻞ ﻟﻤﺒﺘﻐﺎﻱ ﻣﺪﺍﺍﺗﺤﻤﻞ ﺍﺻﺒﺮ ﺍﻛﺜﺮ
ﻣﺠﻨﺖ ﺍﺣﺠﻲ ﺍﺑﺪ ﻣﺠﺮﺩ ﻛﻢ ﻟﻜﻤﻪ ﺍﻛﻞ ﻭﺍﻛﻤﺰ ﻟﺪﺭﺍﺳﺘﻲ ﺍﺳﻤﻊ ﺳﻨﺪ ﻭﻣﺎﻣﺎ ﻳﺴﻮﻟﻔﻮﻥ ﻭﺍﺗﻲ ﺍﺑﺪﺍﻱ ﺍﺣﺘﻜﺎﻙ ﺑﺎﻟﺒﺸﺮ ﺑﻌﺪ ﻭﻓﺎﻩ ﺧﺎﻟﻮ ﻣﺎﻋﺪﻱ ﻏﻴﺮ ﺟﻬﻴﻨﻪ ﻭﺣﺘﻰ ﻣﺎﺍﺣﺠﻲ ﻭﻳﺎﻫﺎ ﻣﻌﺘﺒﺮﺗﻬﺎ ﻛﺘﺎﺏ ﻣﻦ ﺍﺩﺭﺳﻬﺎ ﺍﺗﻘﻦ ﺍﻟﻤﺎﺩﻩ ﺍﻛﺜﺮ
ﻋﻴﻮﻥ ﺍﻻﺳﺎﺗﺬﻩ ﻋﻠﻴﻪ ﺩﻛﺎﺗﺮﻩ ﻛﺎﻣﻮ ﻳﺠﻮﻥ ﻋﻠﻤﻮﺩ ﻣﺴﺎﺑﻘﺎﺕ ﻭﺍﻧﻲ ﺍﻻﻭﻟﻰ ﺩﻭﻣﻲ ﻭﺻﺎﺭﺕ ﻋﻴﻮﻥ ﺍﺑﻮ ﺟﻬﻴﻨﻪ ﻋﻠﻴﻪ ﻣﻦ ﺍﻛﻪ ﻋﺮﻓﺘﻨﻲ ﻋﻠﻴﻪ ﺟﻬﻴﻨﻪ ﻭﺗﻘﺮﺑﺖ ﺍﺑﺎﻭﻉ ﺷﺨﺼﻴﺘﻪ ﻭﻓﺨﺎﻣﻪ ﻟﺒﺴﻪ ﻭﺳﻴﺎﺭﺗﻪ ﻛﺎﻝ
ﺍﻧﺘﻲ ﺭﻧﺪ ﺍﻟﺨﺎﺑﺼﻴﻦ ﺍﻟﻤﺪﺭﺳﻪ ﻋﻠﻴﺞ ﻭﺍﻟﻠﻪ ﺑﺎﺑﺎ ﻃﻠﻌﺘﻲ ﺻﺪﻙ ﺭﻧﺪ
ﺗﺴﻠﻢ ﻋﻤﻮ
ﺑﻨﻴﺘﻲ ﻣﻤﻜﻦ ﺗﺪﺭﺳﻴﻦ ﺟﻬﻴﻨﻪ ﻻﻥ ﻣﺪﺗﻔﻬﻢ ﺑﺲ ﻋﻠﻴﺞ ﻭﻛﺘﻠﻬﺎ ﺍﻧﻲ ﺑﻨﻔﺴﻲ ﺍﻃﻠﺐ ﻣﻨﻬﺎ ﻫﺎﻟﻄﻠﺐ
ﺍﺑﺘﺴﻤﺖ ﺑﻤﻤﻨﻮﻧﻴﻪ ﻭﺟﺎﻭﺑﺖ
ﺍﻱ ﻋﻤﻮ ﻋﺎﺩﻱ
ﻳﻌﻨﻲ ﺍﺟﻴﺒﻬﺎ ﻟﺒﻴﺘﻜﻢ ﻣﻨﻮ ﻋﺪﻛﻢ ﺑﺎﻟﺒﻴﺖ ﺟﺎﻭﺑﺖ ﻭﺍﻋﺮﻑ ﻗﺼﺪﻩ ﺷﻴﻠﻤﺢ
ﻋﺪﻱ ﻭﻟﺪ ﻋﻢ ﻛﻮﻣﻪ ﻛﺎﻝ
ﻟﻌﺪ ﻣﻤﻜﻦ ﻳﺤﻴﺞ ﺍﻟﺴﺎﻳﻖ ﻳﺎﺧﺬﺝ ﻣﻦ ﺑﻴﺘﻜﻢ ﻭﻳﺮﺟﻌﺞ ﻟﺒﻴﺘﻜﻢ ﺑﻮﻛﺖ ﺍﻟﺘﺮﺩﻱ ﺗﺪﺭﺳﻮﻥ ﺳﻮﻩ
ﺍﻱ ﻋﻤﻮ ﻋﺎﺩﻱ ﺑﺎﻭﻋﺖ ﻟﺠﻬﻴﻨﻪ ﻛﻴﻔﺖ ﻭﻫﺎﻱ ﺍﻧﻲ ﺍﺻﻌﺪ ﺍﻭﻝ ﺩﺭﺟﻪ ﻭﻓﻌﻼ ﻛﺎﻡ ﺑﻴﻦ ﻳﻮﻡ ﻭﻳﻮﻡ ﻳﺪﺯ ﺍﻟﺴﺎﻳﻖ ﻟﺒﻴﺘﻨﺎ ﻳﺎﺧﺬﻧﻲ ﻟﺒﻴﺘﻬﻢ ﻛﺎﻥ ﺑﻨﺎﺀﻩ ﺍﺳﻄﻮﺭﻱ
ﻛﺎﻥ ﺭﺟﻞ ﺍﻋﻤﺎﻝ ﺑﺎﻟﺒﻨﺎﺀ ﻋﻤﻠﻪ ﻣﺸﻬﻮﺭ ﺑﻨﺎﺀ ﺑﻴﺘﻬﻢ ﻛﻠﺶ ﺣﻠﻮ ﻭﺭﺍﻗﻲ ﻗﺼﺮ ﻟﻜﻦ ﻣﻮ ﺑﻜﺒﺮ ﻗﺼﺮ ﺑﻴﺖ ﺟﺪﻭ ﺭﻏﻢ ﺑﻨﺎﺀﻩ ﺍﺭﻗﻰ
ﺍﻣﻬﺎ ﺣﺒﺘﻨﻲ ﻛﻠﺶ ﻭﻋﻴﻮﻥ ﺍﺑﻦ ﻋﻤﻬﺎ ﺭﻏﻢ ﺻﻐﺮ ﺳﻨﻲ ﻭﺳﻨﻪ ﺻﺎﺭﺕ ﻋﻠﻴﻪ ﻛﺎﻥ ﻳﺴﻜﻦ ﺑﺼﻒ ﺑﻴﺘﻬﻢ . ﻋﻤﻬﺎ ﻭﻫﻢ ﺭﺍﻗﻲ ﺑﻴﺘﻬﻢ ﻛﻠﺶ
ﺻﺮﺕ ﻳﻮﻣﻴﻪ ﺍﺭﻭﺡ ﺍﺩﺭﺳﻬﺎ ﻭﺍﻣﻬﺎ ﺑﻜﻞ ﻣﻤﻨﻮﻧﻴﻪ ﻭﺑﺴﺒﺐ ﺗﺤﺴﻦ ﻣﺴﺘﻮﻯ ﺑﻨﺘﻬﺎ ﺗﺴﺘﻘﺒﻠﻨﻲ
ﻭﺭﻏﻢ ﺍﻧﻪ ﻛﻨﺖ ﺍﺿﻴﻊ ٣ ﺳﺎﻋﺎﺕ ﻣﻦ ﻭﻗﺘﻲ ﻋﺪﻫﻢ ﺍﻻ ﺍﻧﻲ ﻛﻨﺖ ﺍﻗﺮﻩ ﻭﻳﺎﻫﺎ ﻭﺩﺍﺭﻳﺪ ﺍﻛﺴﺒﻬﺎ ﻏﺮﻓﺘﻬﺎ ﺟﺒﻴﺮﻩ ﻛﻠﺶ ﻭﻛﺎﻧﻤﺎ ﻏﺮﻓﻪ ﻋﺮﻭﺳﻪ ﻭﺍﻧﻲ ﺑﻨﻀﺮﺗﻲ ﺍﻟﺸﺒﻌﺎﻧﻪ ﺍﻣﺜﻞ ﻋﺪﻡ ﺍﻻﻫﺘﻤﺎﻡ ﺍﻻ ﺩﺍﺧﻠﻲ ﻳﻐﻠﻲ ﻟﻮ ﻭﺍﻟﺪﻱ ﻧﻔﺲ ﻭﺍﻟﺪﻫﺎ ﻣﻜﺎﻥ ﺍﻧﻲ ﻣﺮﺗﺎﺣﻪ ﻗﻠﺐ ﻭﺿﻤﻴﺮ
ﻟﺤﺪ ﻣﺎﺷﻠﻨﺎ ﻭﺻﺎﺭﺣﺖ ﺍﻡ ﺟﻬﻴﻨﻪ ﺑﺎﻟﻤﻮﺿﻮﻉ ﻭﺣﺠﻴﺘﻠﻬﺎ ﺍﻟﺘﻔﺎﺻﻴﻞ ﺑﻜﻌﺪﻩ ﻭﺣﺪﻩ ﻣﺨﺘﺼﺮﻩ ﻛﺎﻟﺖ
ﺍﻧﻲ ﺍﻭﺩﻳﺞ ﻭﺍﺟﻴﺒﺞ ﻭﻱ ﺍﻟﺴﺎﻳﻖ ﻣﻌﻠﻴﺞ ﺣﺘﻰ ﻟﻮ ﺷﻠﺘﻲ
ﻫﺰﻳﺖ ﺭﺍﺳﻲ ﻭﺑﺎﻭﻋﺖ ﻟﺠﻬﻴﻨﻪ ﺍﻟﺼﺎﻓﻨﻪ ﻋﻠﻰ ﻗﺎﺑﻠﻴﻪ ﺗﺤﻤﻠﻲ
ﻭﻣﻦ ﻳﻮﻣﻬﺎ
ﺻﺎﺭﻭ ﻫﻤﻪ ﺧﻄﻲ ﻟﺒﻴﺘﻨﺎ ﺍﻟﺠﺪﻳﺪ ﻳﻮﺩﻭﻧﻲ ﻭﻳﺠﻴﺒﻮﻧﻲ
ﺍﻟﻤﺪﺭﺳﻪ ﻗﺮﻳﺒﻪ ﻋﻠﻰ ﺑﻴﺘﻬﻢ ﺍﺭﻭﺡ ﻣﻦ ﺩﺭﺏ ﺍﻟﻤﺪﺭﺳﻪ ﻋﺪﻫﻢ ﻧﻜﻤﻞ ﻭﺍﺟﺒﺎﺗﻨﺎ ﻟﻠﺴﺘﻪ ﺍﺭﺟﻊ ﻟﺒﻴﺘﻨﺎ ﻭﺍﺩﺭﺱ ﻣﻦ ﺟﺪﻳﺪ ﻣﻮﺍﺩﻱ ﻭﻣﻮﺍﺩ ﺍﻟﺴﻨﻴﻦ ﺍﻟﻘﺎﺩﻣﻪ
ﺟﻨﺖ ﺍﺗﻐﺪﻩ ﻋﺪﻫﻢ ﻭﺟﻬﻴﻨﻪ ﺗﻌﻠﻘﺖ ﺑﻴﻪ ﻛﻠﺶ ﻋﺮﻓﺘﻨﻲ ﻋﻠﻰ ﺑﻨﺖ عمها ﺳﺮﻯ ﻛﺎﻧﺖ ﺻﻒ ﺭﺍﺑﻊ ﻭﻱ ﺍﺑﻦ عمها ﺍﻟﻠﺦ ﺍﻟﻠﻲ ﻛﺎﻥ ﻭﻳﺎﻧﺎ
ﻭﺍﻟﺪﻩ ﺟﻬﻴﻨﻪ ﺗﻜﻔﻠﺖ ﺑﺎﻗﻨﺎﻉ ﻣﺎﻣﺎ ﻣﺘﻮﺳﻠﻪ ﺑﻴﻬﺎ ﻋﻠﻰ ﺍﻧﻪ ﺑﻨﺘﻬﺎ ﻭﺣﻴﺪﻩ ﻭﻣﺎﻣﺎ ﺍﻣﻨﺖ ﺑﻴﻬﺎ ﻭﺍﺧﺬﺕ ﺭﻗﻢ ﺗﻠﻔﻮﻧﻬﺎ ﻭﻛﺎﻥ ﺍﺗﺼﺎﻝ ﻳﻮﻣﻲ ﺑﻴﻨﻬﻢ
ﻭﺍلدﺗﻲ ﺭﻏﻢ ﻣﺎﺩﺧﻠﺖ ﺑﺰﻭﺑﻌﻪ ﺍﻟﻌﻤﻞ ﻭﺍﻟﺘﻮﻓﻴﺮ ﺍﻟﻨﺎ ﻟﻜﻦ ﻛﺎﻧﺖ ﺑﻜﻞ ﻟﻴﻠﻪ ﺗﺠﻲ ﻗﺮﻳﺒﻪ ﻣﻨﻲ ﺗﺘﻠﻤﺲ ﺷﻌﺮﻱ ﻭﻻﻥ ﻟﻐﻪ ﺍﻟﺤﻮﺍﺭ ﻣﻘﻄﻮﻋﻪ ﺑﻴﻨﻨﺎ ﻛﺎﻧﺖ ﺗﺘﺎﻣﻠﻨﻲ ﺑﻘﻠﻖ ﻭﺗﻬﻤﺲ
ﺭﺑﻲ ﺍﻣﺎﻧﺘﻚ ﻫﺎﻱ ﺩﺧﻴﻠﻚ ﺍﺣﻔﻀﻬﺎ
ﻛﻨﺖ ﺍﻃﻤﻨﻬﺎ ﺍﺳﺤﺐ ﺍﻳﺪﻫﺎ ﻭﺍﻭﺑﻮﺳﻬﺎ ﻭﺍﻧﺎﻡ
ﻛﺎﻥ ﻫﺎﻟﺸﻲ ﻳﻜﻔﻴﻬﺎ ﻭﻳﻜﻔﻴﻨﻲ ﺍﻟﻲ ﻻﻧﻨﻲ ﺍﺭﺿﻲ ﺭﻭﺡ ﺧﺎﻟﻮ ﺍﻟﻤﺎﻓﺎﺭﻗﺘﻨﻲ ﻛﻞ ﻟﻴﻠﻪ ﺗﺰﻭﺭﻧﻲ ﻭﺗﻨﻄﻴﻨﻲ ﻋﺰﻡ ﺳﻠﺴﻠﻪ ﺍﺭﻳﺎﻡ ﺍﻟﻠﻲ ﺍﺧﺬﺗﻬﺎ ﻣﻦ ﻣﺮﺕ ﻋﻤﻮ ﺍﺻﻴﻞ ﻭﻧﻄﺘﻨﻴﺎﻫﺎ ﻣﺘﻔﻬﻤﻪ ﺣﺒﻲ ﺍﻟﻪ ﺧﻠﻴﺖ ﺑﺼﺪﺭﻱ ﺑﻌﺪﻣﺎ ﻃﻠﻌﺖ ﺻﻮﺭﻩ ﺍﻣﻬﺎ ﻣﻨﻬﺎ ﺑﻘﻴﺖ ﺑﺲ ﺻﻮﺭﻩ ﺧﺎﻟﻮ ﻭﻟﻴﻠﻴﻪ ﺍﻓﺘﺤﻬﺎ ﺍﺗﺎﻣﻞ ﻭﺟﻬﺎﺍ ﻭﺍﺑﺘﺴﻢ
ﺍﻧﻲ ﺩﺍﻳﻤﻠﺞ ﺿﻬﺮ ﺑﺲ ﺧﺎﻑ ﺍﺭﻭﺡ . ﺻﻴﺮﻱ ﻭﻱ ﻛﻞ ﺍﻟﺜﻌﺎﻟﺐ ﺫﻳﺒﻪ
ﻣﺒﺠﻴﺖ ﺑﻴﻮﻡ ﻣﻦ ﺗﻮﻓﻰ ﻟﺤﺪ ﺍﻻﻥ . ﻻﻥ ﺍﺩﺭﻱ ﺑﻲ ﻭﻓﻲ ﻭﻣﻌﺎﻓﻨﻲ
ﺧﺎﻟﻮ ﺷﻬﻴﺪ ﻭﻫﻮ ﻋﺎﻳﺶ ﺑﺲ ﺑﻐﻴﺮ ﻣﻜﺎﻥ ﻣﻜﺎﻥ ﺑﻲ ﺣﻴﺎﻩ ﺣﻠﻮﻩ ﻧﺎﺱ ﻳﻘﺪﺭﻭﻥ ﻃﻴﺒﺘﻪ ﻭﻗﻮﺗﻪ ﻭﺍﻻﻫﻢ ﺭﻳﻮﻣﻪ ﻳﻤﻪ
ﺍﻻﻳﺎﻡ ﺗﻤﺸﻲ ﺑﺴﺮﻋﻪ ﻭﻣﺎﻣﺎ ﺣﻤﻠﻬﺎ ﺯﺍﺩ ﺍﺟﺎﺭ ﻭﺍﺣﻨﺎ ﻭﺍﻟﻤﺼﺮﻑ
ﻣﻮﻟﺪ ﻣﺎﻋﺪﻧﺎ ﺧﻂ ﻻﻥ ﻣﺘﻜﺪﺭ ﻣﺎﻣﺎ . ﺍﻟﺤﺮ ﻭﺍﻟﺒﺮﺩ ﻭﺍﺟﻬﻨﺎ ﺑﺘﻌﺐ
ﺍﻟﺸﻤﻌﻪ ﻭﺍﻟﻼﻟﻪ ﻛﺎﻧﺖ ﺻﺪﻳﻘﺘﻲ ﺍﻟﺼﺪﻭﻗﻪ ﻣﻦ ﻳﻌﻢ ﺍﻟﻬﺪﻭﺀ ﺑﺒﻴﺘﻨﺎ ﻭﺍﺩﺭﺱ ﻋﻠﻴﻬﺎ
ﺟﻨﺖ ﻋﻠﻰ ﺳﺎﻋﻪ ﺍﺻﺮﺥ ﻣﻦ ﺍﻟﺤﺮ
ﺭﺑﻴﻴﻴﻴﻴﻲ ﻳﻨﺘﻘﻢ ﻣﻨﻨﻨﻨﻜﻢ ﻭﻳﺤﺮﻛﻜﻢ ﺑﻨﺎﺭ ﺟﻬﻨﻢ
ﻭﺗﺠﻴﻨﻲ ﻣﺎﻣﺎ ﺭﻛﺾ ﺧﺎﻳﻔﻪ ﻋﻠﻴﻪ ﺍﻧﺼﻲ ﻋﻠﻰ ﻛﺘﺎﺑﻲ
ﺷﺒﻴﺞ ﻣﺎﻣﺎ
ﻣﺎﺑﻴﻪ ﺍﺟﺎوﺏ ﺑﻨﺘﺮﻩ ﻛﺎﺭﻫﻪ ﺣﻴﺎﺗﻲ ﻭﺍﺑﻮﻳﻪ ﻳﻮﻣﻴﻪ ﺍﻟﺴﻮﺍﻝ ﻳﺘﺮﺩﺩ
ﻟﻴﺶ ﺍﺟﻴﻨﺎ ﻟﻠﺪﻧﻴﺎ
ﻟﻴﺶ ﺟﺒﺘﻨﺎ ﻭﻋﻔﺘﻨﺎ
ﺟﻨﺖ ﺍﻛﺮﻩ ﺳﻨﺪ ﻭﺿﻌﻔﻬﺎ ﻭﺩﻣﻮﻋﻬﺎ ﺑﺎﻗﻞ ﻣﻮﻗﻒ ﺿﻌﻒ ﻭﺍﻛﺮﻩ ﺍﻣﻲ ﻣﻦ ﺗﺘﻮﺳﻞ ﻭﺗﺘﺸﻜﺮ ﻣﻦ ﺧﺎﻟﻪ ﻭﻓﻮﺯﻳﻪ ﻭﺍﺧﻮﻫﺎ ﺍﺫﺍ ﻋﻄﻞ ﺷﻲ ﻭﺻﻠﺤﻮﻩ ﺍﻭ ﺳﻮﻩ ﺷﻲ ﺍﻟﻨﺎ
ﺍﻟﺴﻨﻴﻦ ﺗﻤﺸﻲ ﺭﻛﺾ ﻭﺍﺣﺴﻬﺎ ﻭﺍﻛﻔﻪ
ﺍﻣﺘﺤﻨﺖ ﺍﻭﻝ ﻭﻃﻠﻌﺖ ﺍﻭﻟﻰ ﻭﻛﺮﻣﻮﻧﻲ ﺑﻤﺒﻠﻎ ﻣﺎﻟﻲ
ﻭﻭﺻﻠﺖ ﺛﺎﻧﻲ ﻭﺳﻨﺪ ﺻﺎﺭﺕ ﺳﺎﺩﺱ ﺑﻐﻴﺮ ﻣﺪﺭﺳﻪ ﻭﻣﻦ ﺍﻟﺜﺎﻧﻲ ﻣﺘﻮﺳﻂ ﺳﻮﻳﺖ ﺳﻨﻪ ﻋﺒﻮﺭ ﻟﻠﺮﺍﺑﻊ . ﻭﺟﻬﻴﻨﻪ ﻣﺘﺮﻛﺘﻬﺎ ﺭﻏﻢ ﻋﺒﺮﺕ ﺍﻟﺜﺎﻟﺚ ﻣﺘﻮﺳﻂ ﻭﻫﻲ ﺑﻘﺖ ﺑﻲ
ﻭﺗﻌﺮﻓﺖ ﻋﻠﻰ ﺻﺪﻳﻘﻪ ﺟﺪﻳﺪﻩ ﺍﻧﻀﻤﺖ ﻟﻘﺎﺋﻤﻪ ﺍﻻﻏﻨﻴﺎﺀ ﻭﺫﻭﻱ ﺍﻟﻤﻮﻫﻼﺕ
ﻫﺒﻪ
ﻛﺎﻧﺖ ﺍﻻﻗﺮﺏ ﻟﻤﺴﻮﺍﺗﻴﻪ ﺑﺲ ﻣﻮ ﻣﺜﻠﻲ ﻛﺎﻥ ﻋﺪﻫﺎ ﺍﺥ ﺑﺎﻟﺠﺎﻣﻌﻪ ﻃﺒﻴﺐ ﻳﺎﺧﺬﻫﺎ ﻭﻳﺠﻴﺒﻬﺎ
ﻫﺎﻟﻔﺘﺮﻩ ﻛﺒﺮﺕ ﻭﺭﻏﻢ ﻋﻤﺮﻱ ١٤ ﺳﻨﻪ ﺍﻻ ﺍﻧﻪ ﺍﻧﻲ ﺍﻟﻮﺣﻴﺪﻩ ﻣﻦ ﺍﻟﻤﺪﺭﺳﻪ ﻛﻠﻬﺎ ﻋﺎﺑﺮﻩ ﺳﻨﺘﻴﻦ ﺍﺻﻐﺮ ﻃﺎﻟﺒﻪ ﺑﺎﻟﺮﺍﺑﻊ .
ﺑﻴﻨﺖ ﻣﻼﻣﺤﻲ ﺧﺸﻨﻪ ﻋﻠﻰ ﺍﻫﻞ ﺍﺑﻮﻳﻪ ﻻﻥ ﻣﺎﻣﺎ ﻧﺎﻋﻤﻪ
ﻃﻮﻳﻠﻪ ﻭﺻﺎﺣﺒﻪ ﺟﺴﻢ
ﺍﻟﻤﻨﺢ ﺍﻟجت ﺍﺧﺬﻫﺎ ﺍﺷﺘﺮﻱ ﺑﻴﻬﺎ ﻣﻼﺑﺲ ﺣﺘﻰ ﺍﻭﺍﻟﻢ ﺍﻗﺮﺍﻧﻲ ﺑﻬﺎﻱ ﺍﻟﻤﺪﺭﺳﻪ
ﻫﺒﻪ ﻛﺎﻧﺖ ﺍﻻﻗﺮﺏ
ﻏنية ﻻﺑﻌﺪ ﺣﺪ
ﻭﺍﻟﺪﻫﺎ ﻭﻭﺍﻟﺪﺗﻬﺎ ﻣﻨﻔﺼﻠﻴﻦ ﻭﻋﺪﻫﺎ ﺑﻜﻞ ﺑﻴﺖ ﻣﻨﻬﻢ ﻏﺮﻓﻪ ﺑﺲ ﻛﺎﻧﺖ ﻓﺎﻗﺪﻩ ﻣﻌﻨﻰ ﺍﻟﻌﺎﺋﻠﻪ
ﻭﺍﻟﺪﺗﻬﺎ ﻋﺪﻫﺎ ﻣﺨﺘﺒﺮ ﺗﺤﻠﻴﻞ ﻭﻭﺍﻟﺪﻫﺎ ﻋﺪﻩ ﻣﺴﺘﺸﻔﻰ ﺍﻫﻠﻴﻪ ﻛﺎﻧﺖ ﺗﺰﺥ ﺛﺮﺍﺀ ﻭﻣﻦ ﺗﻘﺮﺑﺖ ﻣﻨﻬﺎ . ﺣﻴﻞ ﺍﺳﺘﻔﺎﺩﻳﺖ ﺭﻏﻢ ﻣﺎﻛﻨﺖ ﺍﺳﺎﻋﺪﻫﺎ ﺑﺎﻟﺪﺭﻭﺱ ﺑﺲ ﻣﺘﻮﻓﻲ ﺍﻟﺪﺗﻨﻄﻴﻨﻴﺎﻩ
ﻋﺮﻓﺖ ﻛﻞ ﻗﺼﺘﻲ
ﻭﺻﺎﺭﺕ ﺗﺴﺎﻋﺪﻧﻲ
ﻣﻼﺑﺲ
ﻭﺍﺣﺬﻳﻪ ﻭﺟﻨﻂ ﺷﺘﺸﺘرﻱ ﻟﺮﻭﺣﻬﺎ ﺗﺸﺘﺮﻳﻠﻲ
ﻭﺗﺮﻛﺖ ﻛﻞ ﺍﻟﻤﺪﺭﺳﻴﻦ ﻭﺍﻛﺘﻔﺖ ﺑﻴﻪ ﻛﻤﺖ ﺍﻗﻀﻲ ﺍﻏﻠﺐ ﺍﻟﻮﻛﺖ ﻭﻳﺎﻫﺎ ﻣﻨﺤﺠﻲ ﻫﻮﺍﻱ ﺑﺲ ﻧﺪﺭﺱ ﻭﺍﻏﻠﺐ ﺍﻟﻠﻲ ﻧﺎﻛﻠﻪ
ﺗﻄﻠﺒﻪ ﻣﻦ ﺍﻟﻤﻄﻌﻢ ﺭﻏﻢ ﻣﺎﻋﺪﻫﻢ ﺧﺪﺍﻣﻪ
ﻭﺗﺮﻛﺖ ﺟﻬﻴﻨﻪ ﻧﻮﻋﺎ ﻣﺎ ﻻﻥ ﺑﺎﻟﻌﻄﻞ ﻛﻨﺖ ﺍﺩﺭﺳﻬﺎ ﻭﺗﻨﻄﻴﻨﻲ ﺑﻤﻜﺎﻧﻬﺎ ﻓﻠﻮﺱ
ﻭﺍﻟﺪﺗﻲ ﻣﻜﺎﻧﺖ ﺗﺮﺿﻰ ﺍﺧﺬ ﺑﺲ ﻛﻨﺖ ﺍﺧﺬ ﺑﺪﻭﻥ ﻋﻠﻤﻬﺎ ﻻﻥ ﺍﻟﺪﺭﺍﺳﻪ ﻳﺮﺍﺩﻟﻬﺎ ﻣﻼﺯﻡ ﺧﺼﻮﺻﺎ ﻣﺪﺭﺳﺘﻨﺎ
ﻏﺎﺩﻩ - ﻫﺎﻟﻔﺘﺮﻩ ﺍﻟﻤﻀﺖ ﺍﻧﺪﻟﻴﺖ ﻃﺮﻳﻖ ﺍﻟﺒﺎﻻﺕ ﻭﻋﺮﻓﺘﻬﺎ ﻻﻥ ﻣﺴﺘﺤﻴﻞ ﺍﻛﺪﺭ ﺍﻭﻓﺮﻟﻬﻢ ﻟﺒﺲ ﺭﻧﺪ ﻛﺎﻧﺖ ﺗﻠﺒﺲ ﻣﺎﺭﻛﺎﺕ ﻣﻦ ﺻﺪﻳﻘﺎﺗﻬﺎ ﻭﻻﻧﻬﺎ ﺗﺘﻌﺐ ﺑﺘﺪﺭﻳﺴﻬﻢ ﻛﻨﺖ ﺍﺳﻜﺖ ﺍﻛﻮﻝ ﺗﻌﺒﻬﺎ ﻫﺬﺍ
ﻟﺤﺪﻣﺎ ﻓﺪ ﻣﺮﻩ ﺟﺘﻨﻲ ﻓﺎﻳﺮ ﺩﻣﻬﺎ
ﺭﻧﺪ - ﺩﺍﺍﺩﺭﺱ ﻫﺒﻪ ﺗﻌﺒﺘﻨﻲ ﻣﻜﺎﻋﺪ ﺗﻔﻬﻢ ﻭﺍﺣﺲ ﺍﻟﻮﻛﺖ ﺧﻠﺺ ﻭﺍﻧﻲ ﻣﺪﺍﺭﺳﻪ ﺷﻲ ﺍﺭﻳﺪ ﺍﻛﻤﻞ ﻭﺍﺳﺒﻖ ﺩﺭﻭﺳﻲ ﻧﺘﺮﺕ
ﻫﺒﻪ ﻭﻳﻦ ﺑﺎﻟﺞ ﺍﻟﻴﻮﻡ
ﻭﻳﺎﺝ ﺷﺒﻴﺞ
ﻟﻌﺪ ﻟﻴﺶ ﻣﺪﺗﻔﻬﻤﻴﻦ
ﺻﻌﺐ ﻣﺪﺍﻓﻬﻤﻪ
ﺷﺴﻮﻳﻠﺞ ﺍﻟﻮﻛﺖ ﺧﻠﺺ
ﻧﺎﻃﻴﺘﺞ ﻓﻠﻮﺱ ﺍﻧﻲ ﻭﺍﺫﺍ ﻣﺨﻠﺺ ﺑﺲ ﺍﻟﺤﺬﺍﺀ ﻭﺍﻟﺠﻨﻄﻪ ﻣﺎﻝ ﺫﺍﻙ ﺍﻻﺳﺒﻮﻉ ﺏ٧٠ ﺩﻭﻻﺭ ﻣﻠﺰﻣﻪ ﺗﺪﺭﺳﻴﻨﻲ . ﻛﻠﺶ ﺯﻳﻦ
ﻭﻛﻔﺖ ﻣﻨﺘﻔﻈﻪ ﻧﺘﺮﺕ ﺑﺼﻴﺎﺡ ﻭﺻﻞ ﻻﻣﻬﺎ
ﻓﻠﻮﺳﺞ ﺑﺎﺟﺮ ﺍﺭﺩﻫﺎ ﺍﻟﺞ ﻭﻏﺮﺍﺿﺞ ﺍﺧﺬﻳﻬﺎ ﻭﺩﻳﺮ ﺑﺎﻟﺞ ﺗﺤﺎﺟﻴﻨﻲ ﺑﻌﺪﺩﺩ
ﺍﻣﻬﺎ ﺿﻠﺖ ﺗﺘﻮﺳﻞ ﺑﻴﻪ ﻻﻥ ﻛﻞ ﺍﻟﻤﺪﺭﺳﻴﻦ ﻳﻨﻄﻮﻥ ﺍﻟﻨﺎﺩﻩ ﻭﻳﺮﺣﻮﻥ ﻣﻌﻠﻴﻬﻢ ﻓﻬﻤﺖ ﻣﻔﻬﻤﺖ ﻟﺠﺎﻻ ﺍﻧﻲ ﺍﻧﺘﻀﺮﻫﺎ ﺗﺨﻞ ﻭﺣﺪﻫﺎ ﻳﻠﻪ . ﻃﻠﻌﺖ ﻣﻦ ﺍﻟﺒﻴﺖ ﺍﻋﺼﺎﺑﻲ ﺗﺮﺟﻒ ﻭﺑﻤﻞ ﺧﻄﻮﻩ ﺍﻟﻌﻦ ﻭﺍﺩﻋﻲ ﺑﺎﺑﻮﻳﻪ ﻭﺍﻫﻠﻪ ﻭﺻﻠﺖ ﺍﻟﺒﻴﺖ ﺍﻣﻲ ﺷﺎﻓﺘﻨﻲ
ﻭﺣﺠﻴﺘﻠﻬﺎ ﺍﺣﺘﺎﺟﻴﺖ ﺍﺣﺠﻲ ﻛﺎﻟﺖ
ﻃﺰﺯﻋﻮﻓﻴﻬﻢ ﺍﻧﻲ ﻳﻤﺞ ﻣﺎﻣﺎ
ﺣﻠﻔﺖ ﻣﺎﺩﺭﺱ ﺑﻌﺪ ﺍﺩﺭﺱ ﻭﺣﺪﻱ ﻭﻣﺎﻣﺎ ﻳﻤﻲ
ﺣﺒﻴﺒﺘﻲ ﻫﻲ ﺷﻨﻮ ﺍﻟﺨﺮﻙ ﻫﺎﻱ ﻣﻮ ﺳﻨﺪ ﺗﻠﺒﺲ ﻭﺍﻟﻠﻪ ﺗﺨﺒﻞ ﻫﺪﻭﻣﻬﺎ ﻭﺍﻧﻲ ﺍﺧﺘﺎﺭ ﻗﻄﻌﻪ ﻗﻄﻌﻪ
ﻭﺍﻓﻘﺖ ﻣﺎﻣﺎ ﻻﻭﻝ ﻣﺮﻩ ﻻﻥ ﺭﺿﻪ ﺍﻟﻨﺎﺱ ﻏﺎﻳﻪ ﻻﺗﺪﺭﻙ ﺑﺲ ﺑﻘﺖ ﺟﻬﻴﻨﻪ ﺑﺎﻟﻌﻄﻞ ﺍﺩﺭﺳﻬﺎ ﻭﺍﺟﺮﻱ ﺍﻟﺨﻂ ﺍﻟﻠﻲ ﻳﻮﺩﻳﻨﻲ ﻭﻳﺠﻴﺒﻨﻲ ﻭﻳﺎﻫﺎ ﺭﻏﻢ ﺍﻟﺒﻌﺪ ﺍﻟﻤﺪﺭﺳﻪ ﻋﻦ ﺑﻴﺘﻨﺎ
ﻏﺎﺩﻩ - ﻛﻮﻩ ﺳﻴﻄﺮﺕ ﻭﺩﻓﻌﺖ ٢٠٠ﻣﻦ ﺍﻟﺪﻳﻦ ﻭﺑﻘﻪ ﻣﻠﻴﻮﻥ ﻭﺍﻧﺼﺪﻡ ﺑﺘﻠﻔﻮﻥ ﺍﺣﺎﻧﻲ ﻟﻠﺸﻐﻞ
ﺍﻧﺘﻲ ﻭﺍﻟﺪﻩ ﺳﻨﺪ ﻋﻘﻴﻞ
ﺑﻠﻌﺖ ﺭﻳﻚ
ﺍﻱ ﻧﻌﻢ
ﺗﻔﻀﻠﻲ ﻟﻠﻤﺴﺘﺸﻔﻰ . ﺑﻨﺘﺞ ﺳﻮﺕ ﺣﺎﺩﺙ
ﻣﺘﺎﺑﻌﻪ ﻣﻤﺘﻌﻪ
ﻳﺘﺒﻊ
ﻣﺮﻳﻢ ﺍﻟﺴﻌﺪﻱ
