لعنة الفراعنة (قيد التعديل )

الفصل السابع والعشرين(الخاتمه)

في الموقع الذي سيتم التصوير به كان جاسر يقف وهو يرتدي تيشرت ابيض وبنطال جينز اسود وكوتشي ونظاره شمس وهو يصرخ على هذا وذاك / آيوه اعدل الاضاءه كده
جاء اليه المصور / مستر جاسر هنبدأ بالملابس الرجال الأول بعدين ملابس النساء ونختم بفستان الزفاف
هز جاسر رأسه وتحدث بجديه كبيره / مش هوصيك يا ماندو المسابقه دي مهمه جدا لينا كاسم وسمعه للشركه
ماندو ببسمه / اكيد يا فندم متقلقش هظبط كل حاجه
اقترب منه حسام وهو يحمل قطعه ثياب / جاسر بص كده ده اخر تعديل للدريس ايه رأيك افضل ولا إيه
جاسر وهو يبتسم له / حلو جدا يا حسام انت فنان يابني
حسام بغمزه / تلميذك يا باشا
عانقه جاسر ثم أبعده / اشطا يلا بقي بسرعه عشان اللوكيشن يكون جاهز قبل التصوير
هز حسام رأسه

سمر وهي تنظر لنيرة التي تأكل لب وتشاهد مايحدث امامها وهي تأكل ببرود
جلست شمر بجانبها / هو الجو اللي هناك ده مش واكل معاكي ولا إيه
نظر لها نيرة بتعجب / يعني إيه
سمر بسخريه / يعني تقومي زي الجذمه تعملي مسكات زي بقيت البنات
نيره وهي تتحدث ببرود / لا مش بحب حجات البنات دي
فجأه صرخت نيره بألم عندما شعرت بصفعه تهبط علي رقبتها من الخلف وسمر تصرخ / قومي يا بت انتي اعملي مسكات واتشيكي واقسم بالله اما لقيتك زي العروسه بعد ساعه هشوه وشك ده فاهمه
نهضت نيرة برعب /حاضر حاضر
ولكن سقطت أرضا وهي تركض / حسبي الله ونعم الوكيل
ضحكت الفتيات عليها بشده
بينما نور كانت تضع مسك ونزعته فتحدثت كريمه / شوفوا الست دي أصغر مني والله ياخربيتك بشرتها صافيه عني
نور وهي ترفع يدها في وجهه كريمه وتقلد نسمه في فيلم ايظن / الله اكبي الله اكبي
ساره بضحك / امال لو شوفتتيها وهي بنت بقي يا ختتتتي كانت مطيره عقل مالك وهو ماشي يراقب الناس حد بيبص عليها ولا لا
ميسره بضحك / مهي لسه بنت اهي مش باين عليها سن
نور بخجل وهي تغطي وجهها / الله بقي كسفتوني
سمر وهي تدفعها وتجلس بجانبها / ميغركيش شويه العقل الي قدامكم دول نور أساسا عبيطه وهبله من صغرها اه والله ومازالت هبله ياعيني ومالك مستحملها لا وبيدعلها كمان
نور بضحك / موتي بغيظك يا ختي
سمر وهي تشير لنور / بزمتك ده منظر وآحده المفروض في يوم من الايام كانت ظابط
ضحك الجميع بينما نور تحدثت / اصلك مشوفتنيش في المهمات بقي وأنا خطيره ده اللوا كان بيوكلي أصعب المهمات اه والله وكنت بفشل فيها عادي
ضحكت الفتيات بصخب
نور / يلا الله يرحمه الحمدلله مات بعد ما استقلت والا كانو قالوا اني موته بالقلب
ميسره وهي لا تستطيع التنفس / هموووت ده انتم فظاع
نور بضحك / سمر كانت مدرسه لا واي مدرسه كانت مدرسه بلطجيه خرج من تحت ايدها اجدعها بلطجيه فيكى يا مصر
سمر وهي تعدل ثيابها / يابنتي كفايه عطوه ده كان عليه وآحده( يا ابله) تجيب أجلك
ضحك الجميع بينما تحدثت ناري / ماما كانت من صغرنا بتعلمنا الرقص البلدي وبابا دايما يقفشنا ويعلقنا هههههههههه
روجي بضحك وهي تهز اكتافها بحركات مضحكه / فاكره يا أبلتي
ناري بضحك اكثر / ودلوقتي ماسكه بناتي بتعلمهم الرقص
نرمين / وبنتي ههههههههه
سما / وبنتي ههههههههه
رحمة وهي تضحك بشده / وللأسف بنتي كمان هههههههه
كريمه وهي تضحك/ فيروس ودمر أجيال المستقبل
سمر وهي تتحدث بتذمر / الله مش بعلمهم عشان مستقبلهم
ميسره بفخر / أنا بعرف يابنتي
سمر وهي تجذبها وتشير لدانه / شغلي يابت يا دانه اي اغنيه وقوموا يلا هيصوا شويه اي الميتم ده
ذهبت دانه وقامت بتشغيل اغنيه ( في عشق البنات) فنهضت ميسره وأخذت ترقص مع سمر ومعهم البنات كلهن
ولكن كانت ميسره احرف وآحده طبعا بعد الخبره سمر
كان الجميع ينظر لميسره بتعجب وانبهار بحركاتها التي تقوم بها
ذهبت كريمه واحضرتك أحدي عبائات والدها وايضا شال للرأس وأخذت بعض الأوراق وأخذت تمطر ميسره بها وكأنها ثري عربي
بينما انفجر الجميع في الضحك وأخذت ميسره تتمايل اكثر ونيره تصفر بشده وتصفق / عظمه علي عظمه علي عظمه يا ست
بينما كريمه تلقي لها قبله في الهواء / والله حبيتك تتجوزيني واعطيكي ميت بجره
ضحك الجميع بشده وبعد ساعه من الرقص تعب الجميع وبشده فتحدثت جميله ببسمه / تعالي يلا عشان نشيل الماسك ده واحطلك واحد تاني
هزت ميسره رأسها ومدت يدها لجميله فجذبتها جميله لتقف وهي تضحك
دخلت نيره عليهم وهي تشمر قدم واخري لا وتضع طرف القميص في البنطال والآخر لا
‏سمر وهي تنتفض بفزع / مش تقولوا ان فيه رجاله هنا يا جماعه ينفع كده
‏نيره وهي تنظر بتعجب وتعدل نظارتها / رجاله مين يا سمر ده انا نيره
‏سمر وهي تصفعها / ولما انتي نيره عامله في نفسك كده ليه ها
‏وضعت يدها علي خدها بصدمه ولم تكد تستوعب ما يحدث حتي وكدا صفعه اخري تسقط علي خدها الاخر ولكن ليس بعنف ثم امسكتها سمر من ثيابها/ هو مش انا قولتلك تعملي مسكات يا زفته انتي
‏نيرة بتذمر / الله منا غسلت وشي بدوڤ اهو وزي الفل
‏سمر وهي تنظر لها بقرف / اوعي تكوني نسيتي زبده الكاكاو
‏نيره وهي تكاد تركض / صحيح استني هروح اح....
‏سمر وهي تجذبها وتصرخ بها / اسمعها يابت انتي غصب عنك هتلبسي فستان وتحطي ميكب انتي فاهمه
‏ثم أشارت لدانه / شايفه دانه دي
‏هزت نيره رأسها بخوف / ايون
‏سمر / دانه دي ارجل من ارجل راجل بس شوفتيها
بتدلع علي ليث إزاي
نيره وهي مازالت معلقه / آه الصراحه محن اوفر
دانه بحاجب مرفوع / محن ايه يا ام محن
كريمه بضحك /آيوه يا سمر ربيها البت دي
نسرين بضحك/ آه والله أصلها منشفاها آوي علي المسكين حسام
طمطم بضحك شديد / مش عارفه متحملك إزاي بس
سمر وهي تنظر لها بدقه / مش هينفع كده انا هربيكي يابت انتي دانه اتصلي بليث واتدلعي عليه ووريها البت دي تتكلم إزاي عشان بعدها هتتصل بجوزها وتعمل نفس اللي عملتيه
نيره وهي تنظر لدانه بترجي / ابوس ايدك خفي دلع انا مش هعرف
سمر بحده / يلا يا دانه
دانه بضحك / اشمعنا انا يا سمر الله ما تتصلي انتي واتدلعي علي سراج او نور تدلع علي مالك اقولك خلي ناري هي أساسا دلوعه معندهاش مشكله
سمر / أولا لأنكم نفس النوع لسانكم طويل وكمان مينفعش ناري دي جوزها قليل ادب مشافش ثانيه تربيه هيقل ادبه
ناري بتذمر / جرا ايه يا سمر خالد مش قليل الادب
جميله وهي تهز رأسهأ / لا قليل الادب مش انا امه وبقولك مشافش ثانيه تربيه ولو اتصلتي بيه دلوقتي هتلاقيه بيقول كلام للكبار فقط
دانه وهي تخرج هاتفها وتتحدث بصوت منخفض / قال يعني ليث هو اللي محترم ده اسود من خالد ميت مره بس انتم مخدوعين في بروده
اتصلت دانه ثواني وسمعت الرد أشارت لها سمر بفتح المكبر فعلت دانه ما قالته وسمعت صوت ليث الحنون / الو يا قلبي
دانه / الو يا ليث
نظرت لها سمر بحاجب مرفوع فتحدثت دانه بدلع / قصدي الو يا قلبي
ضحك ليث بشده / يا باشا قول اللي يعجبك اخبار قمري ايه
دانه قد اندمجت معه وتتحدث برقه / كويسه يا قلبي بس مشتاقه ليك
سمعت تنهد ليث / وانا اكثر يا عمري والله أنا لو عليا مش هسيبك تخرجي من حضني أبدا
ضحكت دانه بخجل / بحبك اوي يا ليث
ليث / يابنت الحلال بلاش عشان هسيب اللي في أيدي واجيلك دلوقتي
دانه بدلع / تعالي طيب
ليث بضحك وهو ينظر امامه للجميع / اااه ياباشا والله فيه شغل كتير هنا بس اوعدك اخلصه واجيلك وهاخدك علي الجزيره بتاعتنا وهنقضي فيها يومين ومش هطلعك من حضني أبدا وكل ثانيه ها......
نظر ليث للهاتف بتعجب ثم انفجر ضاحكا فهي مازالت حتي الآن تخجل منه
نظر دانه اهم بخدود محمره
كريمه / ليه بس يابنتي قطعتي احلام الشاب كده
ضربتها دانه في كتفها فضحكت كريمه بشده وهي تنظر لنيره /يلا ياباشا دورك
نظرت لها سمر وأخذت هاتف نيره من جيب بنطالها ووضعته في يدها / يلا اتصلي
كريمه وهي تركض / استني استني
ثم خرجت وغابت دقيقه وعادت بسرعه /جبتلكم فشار يا جماعه
ثم نظرت لنيرة بترقب ونيرة تكاد تقتلها ثم امسكت هاتفها واجرت اتصال بحسام ثواني وسمعت رده عليها بصوت حنون / قلبي بيرن
نيرة وقد نست / صباحو يا كبير
شعرت بصفعه تسقط علي رقبتها نظرت وجدت سمر تنظر لها بغضب وتهمش بغيظ / متعزمي عليه بنفس شيشه يا بت
ثم تحدثت بعيون غاضبه / اتدلعي
زفرت نيرة / أنا مش عارفه انا ساكتلكم ليه
ضحكت دانه / والله كنت عارف ان سمر هي اللي هتنفع معاكي
نظرت لها نيره بقرف وكادت ترد لولا سماع صوت حسام وهو يتحدث / في حاجه يا نونو
نيره وهي تحاول أن تكون رقيقه / لا يا قلب نونو من جوا
أبعد حسام الهاتف عنه برعب ونظر له ثم تحدث / الو مين معايا لو سمحت يا نسرين ادي الفون لنيره
ضحكت سمر / الواد اخذ صدمه حياته
نيرة بغيظ / دي انا نيرة يا حسام
حسام وهو يهز رأسه / معاكي يا قلبي بس اتخيلت حاجه كده
نيرة وهي تتدلع عليه بسبب إشارات سمر / اتخيلت ايه يا حبيبي
حسام بصراخ ورعب /في إيه يا نيرة انتي تعبانه ولا ايه
ضحك الجميع ولكن كتموا الضحكه
فاشارت سمر بالاستمرار نيره وهي تمثل الحزن / ليه بس انا كويسه يا حياتي
حسام وهو يبتلع ريقه وينظر حلوه للعمال الذين يستغربون حالته نزع حسام كرفاته بتوتر مما يحدث / في إيه يا نيرة مالك يا قلبي قولي لو فيه حاجه متقلقنيش
كريمه / الواد هيروح منك يابنت المركوب يخربيتك
طمطم بضحك / الراجل ياعيني هينشل
نيرة وهي تتحدث بجديه وتنظر لهم بألم هل لهذه الدرجه هي لا تحدثه جيدا اخذت نيره الهاتف وخرجت للصاله فكادت كريمه تنادي عليها فاوقفتها سمر وهي تتحدث ببسمه / اللي كنت عايزه يوصل ليها وصل سيبوها هي هتكمل الطريق
ثم اخذت تصفق بيدها / يلا يا بنات شطبوا عشان قربنا علي الميعاد
بينما في الخارج تحدثت نيره بحب / حسام
حسام وهو لا يعي ما يحدث معها فتحدث بهدوء /نعم يا نيره في إيه بس
نيرة بدموع وبسمه عاشقه / لازم تعرف اني بعشقك يا حسام تعرف من اول يوم ليا في آلشركه لما طربقتها علي دماغكم لان وقتها شوفتك واقف مع واحده صفره كده روحت غيرت آوي مش عارفه كان هبل ولا إيه بس اول مره شوفتك حبيتك يا حسام يمكن في الاول كان إعجاب بس بعدين اتقلب لحب وعشق حاولت اخبيه تحت تصرفاتي الصبيانيه دي عشان مضعفش في يوم باختصار يا حسام انا بعشقك بجنون يا حسام
كانت تتحدث وهي تبتسم احيانا وأحيانا اخر تمسح دموعها وأحيانا اخري تقوم بتعبيرات مثل الأطفال سمعت صوت بجانبها / وانا بموت فيكي يا نيره من اول ما عيني وقعت عليكي حسيت انك مش هتدخلي حياتي وخلاص زي اي واحده
نظرت له نيره بتعجب من وجوده فضحك / اول ما اتصلتي وبدأتي تقولي كلام وكده قلقلت فجيت علي طول
فتح حسام زراعيه لها فضحكت وركضت له وعانقته بحب شديد وعشق / بعشقك
حسام ببسمه / بحبك بكل حالاتك يا نيره بعشقك زي ما انتي كده
ابتعدت سمر عن الباب وصفرت / المهمه نجحت يا شباب
صرخت الفتيات بفرحه والبعض اخذ يزغرط ككريمه وجميله التي مازالت تحاول تعلم كيف تفعلها
وهكذا مرت الساعات في مرح وضحك بين الفتيات ومواقف نور التي اخذت سمر تحكيها لهم تحت تذمرها مثل الأطفال
عند اقتراب موعد ذهاب ميسره للموقع نظرت ميسره في المرأه ببسمه شديده / إيه ده وشي اتسنفر خالص ده ولا كأنه سحر
سمر بضحك / امال يعني عايزه تطلعي علي التلفزيون وانتي بهالات سوده يابنتي يلا بسرعه يا بنات لموا العده وعلي الموقع
ضحكت ميسره بشده عليهم وهم يتخبطون في بعض من سرعتهم
واخيرا انتهي الجميع واغلقت كريمه المنزل تماما واطفأت انواره ونظر للسياره الخاصه بدانه / يا جماعه نونو عندكم
طمطم بضحك / ايون تيته هنا
كريمه / توكلنا علي الله
وهكذا انتلقطت السيارات الي الموقع المطلوب
ميسره وهي تنظر لنونو التي تضحك باستمتاع / إلا صحيح يا نونو اسمك الحقيقي ايه من ساعه ما دخلت بيتكم وهو نونو
ضحكت كريمه بصخب / مش هتصدقي
ميسره / ليه يعني اسمها ايه
كريمه وهي تكاد تنفجر / اسمها نانسي وانا كريمه شوفتي القهر
انفجرت ميسره بالضحك تحت تذمر نونو عليهم / ماله نانسي يا ختي انتي وهي
ميسره بضحك / لا قمر يا نانسي
ثواني وكانت السيارات تصطف امام المعبد نظر الجميع له بانبهار شديد فمع الزينه والاضواء أصبح ساحر وخصوصا مع غروب الشمس
دخلت ميسره وهي تنظر حولها بانبهار وجدت جاسر يقف مع احد الرجال نادت عليه فالتفت لها ببسمه واسعه ثم اقترب منها وهو يقبل رأسها / جاهزه يا قمري
ميسره ببسمه / شمس
نظر لها بتعجب
فتحدثت وهي تتذكر كلمات ابريس / بحب شمس اكثر من قمر
ابتسم جاسر ثم نظر للفتيات واشار لعربه كبيره / هناك يابنات اوضه التجهيز وانا هبعت ليكم البنت اللي مسئوله عن اللبس
ناري وهي تجذب ميسره / نخلص الأول المكيب
ذهبت ميسره معهم ودخلت العربه وجدتها رائعه معده بكل شئ يحتاجونه فجلست ميسره امام المرآه كما اختبرتها ناري والتفت الفتيات حولها وبدأوا في العمل
وبعد مرور ربع ساعه وجدوا فتاه تدخل عليهم ببسمه واسعه وخلفها فتاتين تجران حامل ثياب ملئ بالثياب
فجأه سمع الجميع صوت اغنيه تصدح / اووه اووه اوووه اوه اووه اوووه اوووه اووه اووه لبسوني وروجوني........ عايز البت تموت لما تشوفني
نظرت ميسره لكريمه وهي وضعت اغنيه (كاجولوه روشنوه)
انفجر الجميع ضاحكا علي اختيار كريمه بينما دانه والفتيات تقمن بحركات بايديهن وهن يغنين / هيييييه ههييييه اوووووه اوووووه
سمر بغناء / كاجولوه روشنوه لبسسسسسسسووووه امريككككككككوه اوووه اوووه اوووه
بينما نور تغني من الفتيات / هيييييه هيييييييه اوووووه اوووووه
ميسره / آيوه بقي
الجميع / اووه اوووه اوووه اوووووه اوووه اووه
وهكذا قضي الجميع الوقت وهو يغني ويضحك حتي انتهت مساعده حسام من تنظيم الثياب المكونه من بنطال وتيشيرت بهم لمحه من الازياء الصعيديه
وخرجت ميسره لهم فانبهر الجميع بها بينما هي غمزت بمشاكسه لهم بينما المصور كان ينظر لها كالمسحور وبدأ في اخذ لقطات لها بأكثر من وضع وأكثر من فستان مختلف حتي حل المساء وانتشرت الاضواء التي تأتي من المصابيح
بينما كريمه وضعت اغنيه مليونير وأخذت تغني معها بينما صلاح يضرب كف علي كف وهي تغني / مليونير مليونير بكره هبقي مليونير
ضحكت نيرة وأخذت تغني معها هي ودانه والأن حان وقت آخر عرض
ذهبت ميسره مع المساعده لعربه الثياب وساعدتها لترتدي الفستان مع وجود كريمه التي تنظر لها بفرحه وتخفي دموعها وبعد أن انتهت الفتاه خرجت وتركتها نظرت كريمه لها وضمتها / قمر ياقلبي قمر
ابتسمت ميسره ونظرت لنفسها في المرآه بشرود ثم وجدت كريمه تمسك الفستان وتخرج معها وفي الخارج نسرينو طمطمو نيره ودانه كانوا ينتظرونها فحملن ذيل الفستان مع كريمه وذهبوا لممر العرض وجدت ميسرة المكان مظلم نظرت بتعجب حولها فجأه بدأت تسمع صوت قرع علي الطبول او الدف صوت قريب منه نظرت بتعجب حولها وجدت الممر ينير بالتدريج وهو ملئ بالورود الحمراء والبيضاء وشباب تقف علي طريفي الممر اتضح انهم عائله دانه يحملون دفوف ويعزفون مقطوعه اغنيه هي تعرفها ولكن لاتتذكرها جيدا ثواني وصدحت موسيقي ( الزين والزينه) وميسره تنظر للشباب وهم يغنون مع الاغنيه ويقفون مع جاسر وفي عيونه دموع تركهم جاسر واقترب منها ومسك يدها بحنان ثم وضع زراعها بزراعه وسار بها في الممر تحت غناء الجميع وضربهم علي الدفوف والفتيات يرمين عليها الورود في منظر جعلها تدمع وهي تنظر لهم بتعجب واتضح ان المغني الرئيسي الاغنيه هو مراد والشباب يرددون خلفه كما كان هناك شاب رأته في منزل دانه يقف عند منظم الاغاني فجأه أضاء اخر مصباح في الممر كاشفا عن نجم الليله بحلته الباهره كان يقف وينظر لها ببسمه