Horror Stories...

Dhaba...

Horror Story...

                              Ye baat kuch 2 saal purani hai... Mai apne doston se saath ghumne ja raha tha... Hum sab mila ke 4 dost the Raj, Rohan, Dev aur mai (Sanjay)... Hum sab bohot khush the... Humne koi manzil tai nahi ki thi bus ek safar chun liya tha yaadon se bahar uss safar ko banane ke liye hum nikal pade the... Koi nahi janta tha ki woh yaadon sa safar iss kadar darr bhar dega hamare dil me aur hum uss yaad se kabhi bahar hi nahi aa payenge...

                             Bus bus se travel kar rahe the pura din aur sabko bhookh lagi thi hala ki hum sabne snacks saath liye huve the par snacks se kisi ka bhi peth nahi bhara... Toh kuch waqt ke baad ek dhaba dikha hum sab bus se utar gaye khana khane ke liye... Hum sabne apna mann pasand khane order kiye... Maine Dhokla, Dev ne Aloo aur Gobi ke Parathe, Rohan ne Idli Dosa sambhar aur Raj ne gulaab jamun aur rasgulle mangaye... Hum sab milkar saath kha rahe the... Par mujhe bohot ajeeb laga... Ye safar itna sunsaan tha aur yaha sirf ek dhaba woh bhi itne saare khano ke saath aur iss dhabe par jyada bheed bhi nahi hai aur hum 4 ke siva yaha 3 log aur log hi hai... 2 log shayad shayad husband and wife aur ek ladka tha jo akele kha raha tha... Mere doston ne kaha tu bohot jyada soch raha hai chal ab khane pe dhiyaan de... Par pata nahi kyun ye baat mere dil me sehem si gayi thi...

                              Hum sabka khana khatam hogaya tha... Raj haath dhone ke liye dhabe ke washroom me gaya... Karib 20 minutes ho chuke the par uska koi pata nahi tha... Fir Rohan Raj ko dekhne ke liye jaata hai... Par 10 minutes ho chuke hote hai uska bhi koi pata nahi tha... Dev kehne laga dono ko gaye huve aadha ghanta ho chuka hai dono aaye kyun nahi abhi tak mai zara dekh ke aata hoon... Mujhe bohot ajeeb lag raha tha toh maine Dev se kaha ki mai bhi tumhare saath chalta hoon...

                             Hum jaise hi washroom ke paas pohoche waha bohot saara khoon tha... Hum Raj aur Rohan ki chinta hone lagi toh hum uss washroom se bahar aaye dhabe ke owner se baat karne ke liye par woh waha nahi tha... Hum usko dhundhne ke liye uske kitchen me gaye... Aur waha jo humne dekha toh hamara dil mano jaise ruk hi gaya tha... Woh aadmi insaano ko maar kar unka pakata tha unka khana banata tha... Aur woh khud kuch haath aur   pair kha raha tha... Mujhse woh sab dekha nahi gaya mujhse wahi par ulti hogayi... Maine par khudko sambhala jaise taise karke... Main aur Dev waha se bhagne hi ja rahe the tab tak kuch 3 log hamare paas aa gaye humein rokne ke liye... Aur ye wahi 2 log the jo uss dhabe pe khana kha rahe the... Maine guar se dekha toh woh 3 log marr chuke the  aur woh bhoot the... Aur jo owner tha woh bhi bhoot tha... Mai kuch samaj nahi pa raha tha ki yaha se kaise bhaag ke niklun... Maine aur Dev ne Rohan aur Raj ko toh kho hi chuke the aur ab ek dusre ko khone se darr rahe the... Tabhi pata nahi kaha se achanak ek tez roshni aayi aur dekhte dekhte woh sab gayab hogaye... Mai aur Dev behosh hogaye the... Jab aankh khuli toh hum dono hospital me the... Police humse puch rahi thi ki kya hua aur Rohan Raj kaha hai... Humne sab bataya par unhone hamari baat par yakeen karne se mana kar diya...

                             Rohan aur Raj ke baarein me kuch pata nahi chala unhe kabhi bhi... Aur issi tarah woh 2 saal darr me guzaar gaye... Aaj bhi uss haadse ko yaad karte hai toh mai aur Dev bohot darr jaate hai aur bohot bura lagta hai ki hum Raj aur Rohan ko bacha nahi paaye...

- A.K
@alfaazon___ki___duniya