حبايب دوسو ع النجمة حتى القصة توصل للكل
........................
يمر طيفك يناغيني
وارد اردود
وادري الطيف ماينجاس
........................................................................
كومي لج سوي ريوك راح اتأخر من وراج جلبه شكم مره كايلج من اكعد الكاج كاعده قلبي لو ماتعرفين الاتنكتلين يلا ترتاحين
كمت بخوف واتعثرر من وره صياحه والله عموو المنبه عطلان
وراحت عليه نومه
سحلني من شعري وكلي عيديهه بعد نوب حتى نوم الليل ماتشوفي
دموعي تنزل وحدهه كتله صار عمو بس هد شعري والله مااعيدهه
زمخ عليه كلي يلااا فضيهه سوي زقنبوت بدون هل تنعوص
طلعت ركض للمطبخ بسرعه غسلت وجهي وكعدت اسويله ريوك
وره شويه طبت مره عمي صبحت عليه ورديت عليهه شافت عيوني عرفتني باجية بس ماحجت لان تدري بعمي وسوالفه وماتكدر تحجي وياه لان راح يأذيهه وماناخذ منه بس الصياح
وره شويه طب عمي كال ها الفاهيه لسه ماخلصتي ادري انتي شنوو هنا لافايده لا زايده حتى خدامه ماترهمين
نهضمت من حجايته حيل
خلصت الريوك بسرعه وحطيته كدامه
كعد ياكل مثل الوحش حتى مايسمي بااسم الله ولامره شفتة من يبدي ياكل يسمي بسم الرحمن ولو شيسمي وهوه صلاه ميصلي بس نافخ نفسه كدام العالم ع يابه هوه متدين ويخاف الله بس الناس الاغلب الناس تدري بسوالفه المكسره الي يحاول يغطيهن بالرياء مالته
بليل شخصية منحطه وفارغه كلهه شرب وسكر وعربده ويجي يكلب البيت كلاب علينه اول مايطب يسحل مرته من شعرهه للغرفة ويقفل الباب ومانسمع بس صياحهه وتوسلاته بي حتى يعوفهه بناتهه يضلن بس يباوعن ودموعهن تجري ويرجفن واني اضل مااعرف شسوي اهدي نفسي لو اهدي فطومه الي عمرهه ٣ سنوات وتتخبل من تشوف ابوهه شون يضرب امهه وصياحه الي يرج البيت رج تضل بس تناشغ بلكوه تسكت
اما بلنهار شخصية مؤمنه حاط سبحته بايدة وينفخ بروحة
وكل ساع ينطي قول لو حكمه لويألفهه من عندة لو يحجي وحده كلهه غلط وبلمكلوبي بس الناس تغلس من تسمعة تدري بي وبسوالفه اغلب الناس تعرفه هوه مجرد انسان جشع كلشي يسوي في سبيل الفلوس وراحته مستعد يبيع حتى ابنه في سبيل يحصل كم فلس ع رغم هوه حالتة زينهة وعنده مطعم الوارد مالته كلش زين
بس الطمع الي عدة يخلي مايشبع ابدد مامهما صار عدة فلوس يريد يزودهن ومانعرف وين يوديهن
عمي عده ولد واحد اسمه منير كلش حباب واخلاقه عكس
ابوه ومايرضى بلظلم ولاراضي بسوالف ابوه الي يسويهه
الوحيد الي يكدر يوكف بوجه ابوه ويدافع عن امه يخليهه وره ظهره ويكله اكتلني قبل لاتمد ايدك عليهه وابوه يحطهم ثنيهم ويكومهم ع ثاني ويضل يضرب بيهم بس جان منير ينام ع امه في سبيل الضربات تجي كلهه علي لحد ماعمي يتعب ويطيح ع صفحه
