The Playboy's Toy (Dangerous Man Series)

TPT - 19

Napapangiti na lang ako habang ipinagpagpatuloy ang pagsalansan ng mga pinamili ko. Natigil lang ako saglit nang madinig ko ang ringtone ng kanyang cellphone. Nabaling ang atensyon ko sa kanya nang sagutin niya ang sagot habang naglalakad papalayo sa pwesto ko.

Hindi ko na yun pinansin at nagpatuloy sa ginagawa.

"Samatha's going to visit..." anunsyo niya nang makabalik siya sa kusina. Tumango lamang ako at pinagpatuloy ang paghihiwa ng mga rekados na aking lulutuin para ngayong dinner.

"Ngayon daw?"

"Yeah." tinungkod niya ang kanyang parehong braso sa gilid ng island counter dahilan para bumakat ang mga ugat niya sa parteng yun. Nakatambad rin ang mabato niyang tiyan dahil hanggang ngayon ay hindi pa rin sumasagi ata sa isip niya ang magsuot ng t-shirt. Balak niya ba talaga akong akitin?

"She will be eating dinner with us."

"Okay." hindi ko magawang tumingin sa kanya ng diretso dahil sa pagkailang. Inaamin ko na ilang beses nang may nangyari sa amin ngunit hanggang ngayon ay hindi pa rin ako nasasanay sa presensya niya.

"Are you really alright?" naramdaman ko ang mainit niyang kamay nang hawakan niya ang baba ko at iangat ito. Hindi ko na nagawang umiwas sa nagtataka niyang titig sa akin nang mabilis niyang hulihin ang aking mata.

Napalunok ako muli. Hanggang kailan ba ako maiilang habang ginagawa niya ang bagay na 'to sa akin? Sobrang pinapabaliw niya ang buong sistema ko.

"Diba sinabi ko naman sayo kanina na ayos lang ako." mahina kong tinulak ang kanyang kamay papalayo sa akin.

"I'll just take a quick shower and will help you here. Okay?" lubusang nagulantang ang aking pagkatao nang marahan niya akong kabigin papalapit sa kanya at halikan ako sa aking noo. Parang tumigil ang pagtibok ng puso ko ng hindi inaasahan.

Sandali akong natulala at dahan-dahang prinoseso sa aking isip ang bagay na yun. Naikuyom ko ang aking kamay dahil sa nagsisimulang kilig sa aking sistema.

Hindi nga nagtagal si Tale at makalipas lang ang ilang minuto ay natanaw ko na siyang pababa ng hagdan. Hindi ko na masyadong itinuon ang tingin sa kanya dahil baka mawala na naman ako sa sarili ko at muling matulala. Mabuti na nga lang kanina ay agad akong nakabawi at pinagpatuloy na lang ang ginagawa.

Aksidenteng nabaling muli ang tingin ko sa kanya at saktong pagtingin ko ay yun din ang isang matamis na ngiti ang gumuhit sa kanyang labi. Tumungo siya kung saan nakapwesto ang mga cabinet dito sa kitchen at nay kinuha. Sumaglit din siya sa ref at may kinuha doon. Pasimple ko lamang siyang pinagmamasdan kung anong ginagawa niya nang aksidente kong nahiwa ang aking daliri.

"Ahh!" daing ko. Napansin ko ang paglingon niya sa akin na kalaunan ay lumapit na sa akin.

"What happened?" mabilis niyang kinuha ang kamay kong nasugatan. "Shit."

Maingat niya akong hinila patungo sa tapat ng faucet. Sandali niyang hinugasan ang daliri ko. Napadaing pa ako nang bigla itong humapdi.

"Does it hurt?" umiling lang ako bilang pagsalungat.

Matapos ay dinala niya ako sa sala at pinaupo dito.

"Wait for me here. Kukunin ko lang yung first aid kit."

Hindi rin nagtagal ay bumalik siya habang may bitbit na maliit na box. Umupo siya sa katabi ko. Kinuha niya muli ang kamay ko matapos niyang maglagay ng betadine sa bulak.

"Does it hurt?" maingat niyang tinaptap ang hiwa sa aking daliri at minsanan itong hinihipan. Muli akong umiling sa tanong niya.

Hindi ko maiwasang mapatitig sa seryoso niyang mukha habang abala sa paggamot sa sugat ko. Sa kabilang banda ay mamangha sa kanya. Ngayon ko lang nakita si Tale na ganito. Ang ibig kong sabihin, kitang-kita sa kanya ang labis na pagaalala sa akin na  hindi ko alam na meron din pala siyang parte na ganito.