قتلو امي بسحر

البارت13

ادم. اذا خالتي راح تروح ويانه خلي حماده يبقه يم البنات

سجاد اي

سجاد طلعنه انا وادم وامي خابرت ع عمامي. وجدي حته الكل ينجمع بيته لان البيت مو بس الي. الكل مشارك بي حاله حال المزرعه وعمي كرار اله نصه صراحه خفت خاف سوسن الحيه تسوي مشكله بس عمي فقير ماراح يحجي شي. طريق كله ندعي ماتصير هوسه اكره سوالف الورث بس شسوي مظطر. اعيش وحدي ماخلي حنان بنفس البيت وحنان ماتتحمل الهوسه وبيتنه ماشاء الله الكل بي

سجاد يمه انتي شتكولين راضيه عليه انا عيش بيت وحدي انا وبناتي ومرتي

زينب يمه انت اول وتالي تحتاج بيت بحدك لان بناتك جاي يكبرن ومن حقك وهسه حنان تعبانه وحنان بنيتي انا الي ربيتها. وين ماتكون راحتها انا وياها

سجاد الله يخليج الي ويطول بعمرج يمه

سجاد وانت ادم

ادم شوف انا مالي علاقه منك البوي انا ماعندي شكال والله فرحت من راح يكون الك بيت بحدك صحيح خفت ع البنات لان منطقه جديده بس احسلك. بس خوفك من سوسن هاي الحيه اذا سوت مشكله قسم بالله انا اكتلها. كدام الكل مو عمي صاير طلي يمها مايحجي شي يسده حلكه واحد غيره كاسر ضهرها من زمان. بس اخخخخ والله احسه يخاف منها

سجاد مو سالفه يخاف منها بويه بس هيه مسكتته مايكدر يحجي عينك عينك. كدامنه تشربه

ادم. ادري شنو من مرا عين صلفه ماتخاف من احد ولا من اهل ولا شي هيه رجال وعمي المره

سجاد الله كريم ان شاء الله خير

سجاد وصلنه الساعه12 البيتنه الضهر

سجاد السلام عليكم

(الجد احمد )وعليكم السلام شصاير بويه كلحنه. جمعتنه شبيك حنان ان شاء الله بخير

سجاد اول شي هسه شوي. وعمي يوصل. اجه من بغداد ان شاء الله ورا الغده. احجيلكم

سجاد راحت امي تحجي ابوي طه. شوي واجت. وجه يبشر بلخير تغدينه وخلصنه وكلحنه زلم نجمعنه بالديوان البره حجيت العمي عبدالله كلشي. ضل يبجي حقه بنيته ماكافي خسر مرته كعدت اواسي بس انا منو يواسيني

سجاد الله بلخير

الكل هلا

سجاد راح احجي ولحد يقاطعني

الجد احجي بويه

سجاد كلكم شفتو حاله حنان قبل يومين وشلون تعبانه. وهناك بلمزرعه ازيد كسرت الدنيا وخنكت نفسها اخذتها الكربلاء انا وادم وامي وبنتي. واخذناها السيد ابو صديق ادم وادم شاهد وصار كلشي كباله مرتي مسحوره وكلكم تعرفون الحسر موجود وحته بلقران مذكور يعني لا خرافات ولا بطيخ وهم الجن موجود. مرتي مسحوره محضريله. جني بي سحر حته يكتله و مو من هسه من. زمان وكلساع يجدد عليه يعني حنان بين كل فتره وفتره تكره الدنيا من ورا هذا شي. الله يسامح الي جاي يسوي بيها هيج هذا السحر جاي يكتل بيها لان هوه جني محضرينه بجني. ومرتي مالها علاج علاجها بس يم الله وهذا السحر جاي ياكل بجسمها ولو شايفين حالتها قبل يومين تبجون عليه. السيد انطاني الهت ماي مقري عليه وايات قران. وكلي. لازم تطلع من البيت انا قررت اعيش بلمزرعه مالتنه بيت وموجود وانتم محد كاعد بي بس وكت. المناسبات مرتي ماتتحمل صايح تفقد اعصابها ولازم شي ماطول كلكم موجودين تقبلون تنطوني. البيت الي بلمزرعه لو شوفلي بيت