اسكريبت طفله احبت شاب
كامل
معرفش الكلام دا هيتصدق ولا لا بس هحكى
انا بنت أسمى ليله و الاسم دا مطلعش عليا من فراغ حياتى غريبه شويه تعالى نعرفها
ف يوم كان فيه رياح هديه و جميله فيها حياه كان فيه بيت مكون من طابقتين و الظاهر على العيله دى أن حياتها كويسه و كانت العيله مكونه من اب و ام و ابن ف اليوم الغريب دا طلبت الام من الأب أنه يطلع يشيل ورق الشجر اللى جابه الهوا من الطريق و فعلا طلع الزوج عشان يشيل الورق بس يشاء القدر أنه يسمع صوت طفل صغير بيعيط اوى قلبه رق ليه و راح على مكان الصوت شاف طفله جميله بخدود حمره و و شفايف صغيره حمره ملفوفه ف بطنيه اطفال بيضه و محطوط ف صندوق و معاه جواب و سلسله دهب و سلسله فضه و الاتنين شكلهم رقيق و جمال اوى رق قلبه ليها و شالها و ضمها ليه بحنيه و دخل بيها جوه كانت ف الوقت دا الام ف المطبخ و لما سمعت صوت طفل بيعيط خرجت تشوف ف ايه و كان الحوار هو
هى : مين دى ياحبيبى
هو :طفله جميله اوى اوى لقتها وانا بكنس الورق بره ايه رايك نربيها
هى : يا قلبى هاتها بسم الله و بدأت تشيلها براحه حست بحد بيشد فستانها لقت ابنها اللى عنده 7 سنين بيشد هدومها عشان يشوف الطفله بعد ما سمع صوت عياطها
و مره واحده قال
الطفل : مين دى ياماما
الام : دى اختك ياحبيبى
الطفل : عايز اشيلها شويه يا ماما
الام : ماشى يا حبيبى بس خد بالك منها
الطفل طبعا خد الطفله الصغيره و راح قعد يلاعبها و ف الوقت دا فتح الاب الجواب و كان المكتوب كالتالى
البنت دى بنتى و انا أسمى ..... ساكنه ف ..... و ابوها...... ابوها مات قبل و لادتها ب 3 شهور بسبب مرض خطير و انا عندى نفس المرض بس البنت مفيش فيها حاجه و سليمه انا حالتى دلوقتي متدهوره جدا و ف اخر ايام حياتى انا قولتلك الاسم و العنوان عشان لو عايز تتأكد و خليت حد يجيب البنت عندك بذات لان قبل ولادتها بكام يوم حلمت أن الدكتور قال أن مفيش امل اعيش بعد الولاده الا ساعات معدوده و نسبه الشفاء ضعيفه و حلمت ب بيتك و ب العنوان و نفس كل حاجه حتى ب الليله اللى هبعت فيها كلها هوا و انت هتطلع تشوفها يمكن متصدقش بس ربنا أراد انك انت اللى تخلى بالك منها السلسله الدهب من والدها و الفضه منى ابقى قولها انى بحبها اوى و ابوها كان بيموت فيها بس ملناش حظ نشوفها ارجوك كان نفسى اسميها ليله عشان تبقى شبه الليله اللى جت فيها بتمنى تخلى بالك منها
قفل الجواب و مسح الدمعه اللى نزلت من عينه و الام وقتها شافت الجواب لما وقفت جنبه و بصو لبعض و بعدين بصوا للبنت و بعدها بكام اسبوع اتاكدو من كلام الست و كشفوا على الطفله و طلعت سليمه دى كده اول جزء من حياتى بدأت اكبر و اتعلم المشى و كنت دائما امسك ف ايد الياس و اتعلم معاه خطوه خطوه كنت ارجع من المدرسه كل يوم أجرى عليه و يطلعلى شوكولا زى كل مره و اخد واحد تانيه بعد ما اخلص الهووم ورك بتاعى بدأت اكبر اكتر واكتر و بيقت بنوته كبيره و طبعا بقى عندى 17 سنه و بقيت جميله واى شاب يتمنانى الا اللى قلبى اختاره
