المنتقم بقلم/ دنيا امجد dolly🍭( مكتمله)

الخاتمه❤❤

الخاتمه
المنتقم
بقلمى/donia❤

ف اوضه واسعه شيك جدا الوانها هاديه
رهف قاعده بتعيط ضامه رجليها وبتعيط وبتدعى ربنا فهد يقدر يوصلها

الباب اتفتح ودخل واحد بصينيه عليها اكل وعصير

رضا حمحم بخشونه: اتفضلى كلى

رهف رفعت وشها اترعبت ورجعت ورا بخوف: ا.انت م.مين ؟؟ ع.عاوزين منى ايه ..اطلب اللى انت عايزه وهطيعولك عاوز فلوس هعطيك كلم جوزى وهيعطيك اللى يكفيك

كانت بتتكلم وعيونها بتنزل دموع وحدها وبتتهز بخوف

رضا سابلها الاكل وطلع من غير ولا كلمه
وهى مكمله عياط وحاضنه بطنها ةخايفه وبتكلمه كأنو سامعها: ماتخافش بابا هيجى يا خودنا انا متأكده فهد مش هيسيبنى هيقلب الدنيا عليا وهيلاقينى
فضلت تتكلم لحد مافقدت وعيها من كتر الخوف

فهد ف الاجتماع باله مشغول على رهف
حسام همس جمبه: مالك؟؟ مسهم كدا ليه؟؟

فهد اتنهد: رهف مااتصلتش من ساعه ماخرجت

حسام كشر: ولا علا استنى هرن عليها

رن مره واتنين والتالته رد

علا بعد مااغمى عليها الناس اتلمو وحاولو يفوقوها وطلبو البوليس من وقت مافاقت وهى بتعيط وخايفه جدا وفحاله زهول غريبه سمعت رنه تليفونها اكتر من مره
فاقت وافتكرت ان معاها تليفون

علا بصوت مبحوح: حسام الحقنى ؟؟

حسام اتنفض من مكانه: مالك فى ايه؟؟ ايه اللى حصل

فهد وقف بخوف : فى ايه؟؟

حسام شاورله مش عارف

علا: رهف مش موجوده اخدوها .الحقنى

حسام مش فاهم: رهف مين اللى اخدوها ركزى كدا انتى فين وهجيلك

فهد سمع اسم رهف قلبه اتنفض بين ضلوعه ونزل ورى حسام وهو بيحاول يرن عليها بس الفون مغلق

علا ملته العنوان وفهد ساق بسرعه جداً لدرجه انو كان هيعمل حادثه

اخيرا وصلو المكان لقو علا قاعده على كرسى وبتعيط بهستيريا ووشها متبهدل من الماسكارا

فهد جرى عليها هو وحسام

علا رمت نفسها ف حضن حسام بيتعيط وبتتكلم بتوهان: اخدوها ...معرفتش احوشهم رهف ...حساام رهف .الحقوها. .....انا خايفه عليها

فهد حس ان ضربات قلبه خلاص عدت المعدل الطبيعى واخيرا نطق بانفاس سريعه وغاضبه: رهف ..ايه اللى حصل فهميينى