رواية
#العقرب💔🔥🚫
الحلقه(18)
الكاتبة:-تاج الورفلي👑
الاء:-قعدت نستنى فيهم لين ادن المغرب وكملو نسمع في كلاكس برا لبست عبايتي وطلعت لقيت زيد مدرس ووراه زياد رانا ورانيا لبسو كابهم وكل وحده ركبتها اني لسياره لانهم توأم وخفتهم يتلخبطو وخشيت كملت مع لمزينه وخديت سيارتي وطلعت وراهم صوت لكلاكسات والعاب ناريه واني في كل دقيقه نقول ليوم عرس خواتك يااختي ليوم عرسهم لخدمتي عليهم ااااخ وين بنشكي همي ربي يردك لينا بخير فرحتي ناقصه ونحاول منبينش قدامهم باش منكسرش فرحتهم نسوق ودموعي ينزلو لين وصلنا لصاله نزلت وطلعت امنه وبدينا نزلو فيهم لين خشو زوز ديار باش يصورو فيهم نزلناهم وشفت سراج عيونه يحكو هلبا حجات ابتسمتله وخشيت وصوت الزمزامات وناس صاله معبيه سألت امنه امالي لقمان جو؟؟؟قتلي اي ورحبت بيهم ودخلتهم وجو وراهم لطفيه وملاك وامها وزوز بنات قالو صحبات يقين قلت باهي وخشيت وسيت مكياجي وسيت تسريحتي ونزلت كانت صاله معبيه قعدت ندور لقيت زوز طاولات امالي لقمان ومعاهم ملاك وامها ولطفيه ومرام وتانيه مقعمزين خواتي جيت نسلم عليهم ونحاول نبتسم وقعمزت وبدو يفرقو وناضو لبنات يرقصو بس في كل مره نسمع اصوات خفيه تقول من هادو لديرتلهم امنه عرس وكأنهم يقربولها وعازمتنا ...وندير في روحي ماسمعت شي ونساير ونضحك وقلبي وعقلي عند اريج وساعه ضحك وساعه رقص وتهدريز وفاتو ساعات ونادتني امنه مشيتلها قالت بيخشو خواتك مشيتلهم وحضنتهم واني ميته داخلي لا ام ولابو ولااخت اااااخ صبرك يارب طلعتهم وبدت صاله تنطفئ لاضواء وفتحو اسماء الله الحسنه وكل واحد شد مكانه ولمصوره واقفه تصور وخشت رانا شاده باقه ورد ووراها رانيه يمشو بشويه واصوات كنادرهم كانت كأنها تعفس ع قلبي 💔وبدو يزغرطو ويبخرو وكل واحد قعمزت علي لكوشه متاعها وخدو لقطات لتصوير وناضو رقصو شويه ورجعو وحطو العشي وبدو ناس يتعشو ولي تصور ولي تضحك ولي مقعمزتش بكل من رقيص وكملو ناس عشاهم وبدي لاةل بالاول يروح وطلعنا خواتي زوز ركبو في سيارات واني نقول لامنه خايفه اكتر منهم تقولي خلاص توا ولو متزوجات وعند رجالتهم وطلعت اني وامنه وصفيه واني ركبنا ووراهم لشقتهم واخواتي وخوات امنه قعدو مع باقي ناس لين تفضى الصاله تماما ووصلنا غادي وبدت تدريجه وصوت نوبه ونزلنا ركبتلهم شناطيهم لفيهم لحجات وخشينا وكل وحده خشت لحوشها واني تحشمت نسمع انه لام تنصح في بناتها في ليله دخول وتوصي فيهم واني ماعرفت شي زبطتني امنه ومشتلهم توشوشلهم في ودنهم وتوصي وكأنها ام وقالت ل صافيه ردي بالك عليهم وديريهم زي بناتك وصفيه قالت يشهد ربي قداش ماحبيتهم ولبنات كويسات ومنغير ماتوصي وقتها فرحت وتهنيت ع خواتي طلعت اني وامنه ورجعنا لصاله خدينا العشي ولقيت سراج مركب امه واخته وخواتي اتلاته يستنو فينا وملاك وامها روحو وخدينا حجاتنا ونطلق ورانا سراج لين وصلنا ونزلو خواتي ركبو وسلمت ع خالتي لطفيه وسراج قال ماتبو شي قلتله سلامتك دار باي ومشي وكل واحد لحوشه خشيت مدقدقه وحسيت بفراغ كبير هلبا لارانا ولارانيه ولااريج كلهم مشو💔يادوب بدلت ومسحت مكياجي ورقدت في نوم عمييق من تعب نضت تاني يوم وتفاجأت باخوله عندنا سلمت عليها وهيا تنفخ وتقيم في خشمها واني احترمتها ع خاطر امها بس قتلها امتى وصلتي قتلي ليوم صبح قتلها الحمدالله ع سلامتك وخشيت توضيت وصليت ظهر ولقيت الشغالات مشالله ضامين لحوش وحوسه العرس مرتبين دواليب ولاكأنو عندنا عرس صليت وقريت شويه قرأن وقلبي بيتقطع من يقين ونضراتها لحزينه نسمع في امنه تزغرط نضت نجري ونسأل فيها شن فيه قتلي تهنو ازوز تحشمت😅وفرحت وقلت ربي يهنيهم خشيت بعدها درت دوش سخون نزل عليا التعب كله وطلعت قعمزت تغديت وامنه فرحانه بخوله وتسأل فيها شويه سمعت كلمه من خوله؟
خوله:-ماما تعرفت ع واحد في باريس ويبي يتقدملي
امنه:-به ياماما من هاذا ومن عيلته وشن يخدم
خوله:-ياماما مهندس وعايش في باريس هوا وماليه
امنه:-باهي كيف بيتقدمولك وهما في باريس يجو هني وله
خوله:-ياماما للاسف مش ح يقدرو ميجوش ل ليبيا بكل
امنه:-كيف هكي كيف يعني تبي تمشي بلا خطوبه بلا شي كيف صارت هاذي
الاء:-وكنت نسمع واني ساكته والواضح انه خوله قدرت تسيطر ع امها وتفقت انها تكلمهم وتتعرف عليهم في تليفون ولاخطوبه لاشي حفله في باريس وتروح لحوشها امنه كانت مش مقتنعه نهائيا بس خوله كانت عندها كلمه ع امها وطالعه علي سيطرتها فتنهدت وسكتت وقلتلها باهي لعشيه نكلمهم قعمزت اني اولا كلمه منبيش نغلط منبيش ندوي خوله نظراتها كلها استفزاز ليا وحاولت نبعد عيوني وندير ع وجه المرأه لعاملتنا كويس وقدرتنا💓وتغدينا كلنا مع بعض ورجعت رقدت قاعده تعبانه ونضت بعد العصر صليت ونزلت لوطه نسمع في عياط مفهمت شي
امنه:-اني مش حنقبل انك تتزوجيييي واحد منغير لانعرفو اصله من فصله لامالي ولاحد تتزوجي بلافضانيه ولاتلبيسه
شن تحسابي روحك معندكش عمام خوال ولاشن شن بيحكو عليا ناس يقولو بنتها تزوجت في باريس حتى العريس امها متعرفاااااش شني ديري قدر ل امك وعمامك وخوالك مش بيتزوج بنت رعايه هوا عندك مالي يجي يخطب منهم
خوله:-اني حره ولامه نطلب منك فلوس تعالي تحكمي في عرسي
امنه:-سكتت وكأنه حد ضربها باموس شويه وقالت مفيش زواج منغير خطوبه واني رافضه
خوله:-اني كبيره وح نتحكم في روحي تي انتو قاعدين في العصر القديم خطوبه فضانيه بيان زواج محضر شن هاذا ارتقو توا بدو يوم واحد حفله ع البحر ولا في مكان راقي وكل واحد حوشه
امنه:-حني جاهلين وانتي مثقفه مفيش زواج الي مايجي لولد ونتعرف عليه ونشوفه ويجو يخطبوك ويفضو فيك رجاله وبعدين ساهل
خوله:-انتي تحلمي ماما باااي اني ح نطلع من لحوش هاذا وبنمشي عند صاحبتي للاسبوع الجاي نركب طيارتي ل باريس وتفضلي في اخر شهر باش تحضري عرسي وناضت
الاء:-اني عجز لساني ع لكلام نصدمت ومعادش عرفت شن نقول نزلت راسي وسكتت وامنه مستمره مصدومه قريب عشره دقايق ونسمع في خوله تنزل في شناطي لجابتهم نفسهم قاعده ماطلعت منهم شي بدت تكشخ ع شغالات يركبولها في شناطي في سيارتها لبست عبايه وخدت لمفتاح وقتلها سلام ناضت امنه وبصوت جدي قتلها خوووله ..خوله تلفتتلها امنه قالتلها لو طلعتي من هالحوش معادش فيه رجعه ولااني امك ولاانتي بنتي خوله ردت عليها بكل برود قتلها تم وسكرت لباب وطلعت وقتها بس حسيت باانهيار داخلي ل اول مره نشوف دموع امنه ينزلو وتبكي تخيلو بنتها ربتها وكبرتها وخلتها بخدمتها بشهادتها وسفرتها ل باريس وفي لاخير مدارتلهاش حتى اعتبار انها تاخد رأيها معادش لقيت روحي غير نضت وحضنت امنه ونهارت بالبكي وقتلي اني لسهرت ليالي وسنين هاذي كلها نقوللها لااني امك ولاانتي بنتك تقولي تم ....ملقيتش كلمات تواسيها سكتت وقعدت نطبطب عليها نضت درت كيكه كراميل لانه امنه تحبها ودرت نسكافي ركبت ندير دوره ع خواتي لقيت يقين مقعمزه تقرا في القرأن وسيرين تتفرج وتقوى شاده نت نزلت جبت سفره نسكافي والكيكه وقعمزت جنبها واضحه الخيبه في عيونها قعدت نهدرزلها ع مواقف في لمدرسه وتضحك بدموعها وفي كل ضحكه كنت نشوف حزن كبير بس مشيت الموقت في ضحك وكلينا الكيكه وبعدها قالتلي بنمشي نتكا شويه تعبانه قتلها ليوم ندير العشي اني ع خاطر عيونك قتلي سلملي عيونك حبيبتي الحلوه قتلها شن خاطرك؟ قتلي عصبان😋 نصدمت امتا بنلحق ندير عصبان.😳بس مبيتش نكسر في خاطرها قتلها فيه مسارين قتلي ياعيني فيه خضره ومسارين وكل ماتحتاجيه قتلها واحلا عصبان لعيونك ابتسمت وحسيتها فرحانه اني حسيت بيها او والله رغم تعب وعرس بس ركبت نوتي في خضرتي وندير في لعصبان وخدي مني وقت هلباااااااااا كملته في ليل مخر ويبي جهد طاب لعصبان وحطيته في صواني ومشروب وزينت طاوله ونديتها فرحت وقتلي والله قداش ليا خاطري فيه ومنحبش ناكله من اي وحده لا ماتكون نضيفه وجي في وقته قعمزت هيا وخوتي وبدت تاكل واني راح تعب كله لما شفتها فرحانه وكلينا وجو ضمو لحوسه وغسلو لماعين قتلها متبيش شي؟قتلي شكرا وربي يحفظكم ليا حسيتها لكلمه طالعه من اعماقها ابتسمت وركبت تكيت بس كنت زعلانه ونفكر اكيده في موضوع لقمان من امس ميردش عليا واولاين شن فيه كتبتله لقمان فهمني علاش متبيش ترد ع رسألي شاف ومردش وقعدت نقوله لقمان شن فييييه رد
واخيرا رد عليا تبي تعرفي شن فيه قتله اي قالو ياالاء اني جيت معاك راجل وطلبتك للحلال تمام وقدرت ضروفك انك اختك ليها تلاته شهور مخطوفه وقلت يلا نستنا لين تجي اختها بسلامه بس نتفاجأ امس عرس خواتك زوز واني لقاعد نستنى فيك شني كلب؟؟؟قتله حشاك بس اني لو اتجوزت من بيدير باله ع باقي خواتي قالي مش عذر خواتك عيشات زي لملكات في حوش امنه وانتي قلتيها بفمك صح قالي الاء مدام درتو عرس معناها عادي معندكش كيف تبرري توا الا لو انتي متبنيش سلام وتوا معادش تكلميني الا لما تقرري انك تبدي حياتك بالحلال معاي اما لعب نم هوا ميمشيش معاي ووسكر نت قعدت نفكر كلامه فيه وجهة نظر ل امتى بنقعدو هكي في حوش امنه ل امتى بتصرف علينا اختي ربي يرجعها بسلامه بس هاذا في لاخير راجل وصبر عليا بس لامتى بيراجيني وكل هاتفكير في راسي بس هاشن بنقول ل امنه بنتزوج نتحشم شن بتقول عليا تبي تخليلي خوتها قعدت نفكر في كلامه ورقدت مرو لايام عاديه جدا نفس روتين نوض نصلي نفطر نقعمزو نضحكو نتغدو نتعشو نرقدو ولقمان ولابي قلبه يحن غليا ويكلمني وفي يوم نضت ع صوت دوشه شفت ساعه لقيتها سبعه لطف شن دوشه ع صبح قعدت نتكسل ونحك في عيوني ونزلت لقيت رانا ورانيه سلمو عليا وهما يضحكو او واضحين مرتاحات مسرع فات السبوع محسيتش بيه قتلهم خيركم جاين ع صبح قتلي امنه مه اليوم رحلتهم ل تركيا قتلها ااه نسيت بتسافرو قتلي اي مزال ساعتين ع رحله وقلت نسلمو عليكم قبل شويه بديت نسمع في صوت كلاكس قتلي رانا هي سلامات
بنستاحشوكم وحضنتا وسلمنا وطلعو قعدت نقرا في سوره الفلق ومنبيش ناخدهم بالعين قتلها نوضوك بكررري قتلي امنه لاعادي اصلا كنت عارفه ليوم رحلتهم قتلها اها به بنمشي نكمل نومي قتلي به وخشت دارها رجعت رقدت وكاالعاده من تعب نضت ساعه تلاته اوووف فاتني ظهر توضيت وصليت ودرت دوره ع خواتي كل وحده دير في حاجه نزلت لقيت امنه تبكي خييرك يااابله امنه😨قتلي تخيلي توا باعتتلي خوله صور لابسه لابيض وعرسها دايرينه توا ع البحر وقتلي منوره محضرتيش عرسي يعني فاتت كلامي وتجوزت قتلها لاحوله ولاقوه الا بالله علي العظيم والله ماعارفه شن نقولك ربي يصبرك بس هيا مش قالت عرسي في نهايه شهر قتلي هاذي معندهاش طارقه تتزوج حتى في يوم قتلها توا تندم وترجعلك قتلي لانبيها ولاتجيني✋بستها ع راسها وقتلها اعتبريني بنتك ابتسمت في وسط دموعها وقتلي ربي يخليكم ليا وحاولت نغيرلها جوها هداكه لاسبوع تام وفاتو اسبوعين ومعاها وكلمونا البنات من تركيا ويضحكو ويهيجو وامنه في قمت سعادتها ذكرت كلام لقمان وجيت قعمزت جنبها ومتردده قتلي تبي تقولي شي االاء نزلت راسي وقامتهولي باايدها قتلي ماتتحشميش قولي قتلها عارفه ممكن انه تعبناك بس اقري لمحادته وهطيتها تليفون وقرت لمحادته وقعدت تشوفلي وترجع عيونها ع تليفون تشوفلي وترجع عيونها ع تليفون واني كنت متوتره وعارفه اني نحطيت في وضع محرج هلبااااااااا شويه ضحكت ومدتلي تليفون واني نشبحلها ونستنى فيها شن بتقول قتلي قولي ل امالي لقمان بعد غضوى يتفضو يخطبوك .....اووو وين تلقوني غير نضت حضنتها ونبوس فيها ونقوللها انتي احلا امنه شفتها عيني😍وهيا تضحك واني نفكر كيف بنقول ل لقمان ونفرحه قمت عيوني وكأنه من صب عليا نااااااااار شفت يقين وعيونها دموع شفتلي بنضره حزن ولوم ونزلت راسها ومشت قداش ماكانت صعبه عليا لحظه هاذي لاكن رجعت نضحك من فرحتي بالقمان حب اني وياه سنين واني نراجي في شي هاذا سنيييين قتلها بس ابله امنه لانبي حفله ولانبي شي يجو يخطبوني ويقرو لفاتحه ونروح لحوشي قتلي علااااااش متفرحيش زيك زي اي بنت وقعدت مسره ع كلمتي وقتلها اني اختي قاعده سامطتني في كبدي مفيش فرح الا لما نشوفها ومن هني لهني عاد وافقت امنه خطوبه وقرايه فاتحه بس كلمت لقمان وحكيتله وفرح هلبا وقتله خطوبه وفاتحه بس معجباش الحال ونفس شي ماليه بس قتله ولامش موافقه وماوافق لين يبسني وح نختصرلكم شن صار جو خطبوني وطلعت نشري في حوايج بسيطه اربعه اروب خمسه توت زوز عبايات وحجات بسيطه وقرو لفاتحه في نهار وروحت في ليل بقفطان بسيط ابيض وسراج جاني واني نبكي ونقوله نبي اختي في يوم زي هاذا وهوا عيونه دموووع ويطبطب ع ايدي ويقولي نوعدك نرجعها ومش ناسيها حضنت امنه واو وصيتها ع خواتي وقتلي في عيوني نحطهم وروحت لحوشي ومشت ليلتي زي ليله كل عروسه وتاني يوم لقيت امنه متصله ورديت قتلي تهنيتي قتلها اي وبدت تزغرط واني فرحانه ولقمان يحضن فيا من الخلف واو وترني 😤
يتبع......في حلقه(19)
غضوى بنحكو علي العقرب وشن صارلها وتو روحكم للحلقه لاخيره قربت رأيكم في العقرب بكل صدق واني ح نتابع تعليقات❤
الكاتبة:-تاج الورفلي👑
