روايه✨🌸
#العقرب🔞💔🔥
الحلقه:-(2)
الكاتبة:-تاج الورفلي👑
سراج:-اريج💜
اريج:-ابتسمت
سراج:-كيف حالك
اريج:-الحمدالله
سراج:-خيرك امس مترديش ع رسألي
اريج:-معنديش جواجي راسي بيتفجر
سراج:-اها
اريج:-سراج نبيك ف موضوع
سراج:-قولي؟
اريج:-مش هني
سراج:-وين
اريج:-سيريييين...سيرييييين
سيرين:-نعمم
اريج:-تعالي
سيرين:-طلعت نعم
اريج:-من فيها لكوجينه ل ف دور تاني
اريج:-خواتك بس
اريج:-هيا
سراج:-وين
اريج:-تعالى واسكت......دخلاته من دروج ل ع برا للدور تاني وخشت للكوجينه
رنا:-خلعتيني
اريج:-اطلعو شويه بنات
رنا:-شدت في تقوى وطلعو
اريج:-سكرت باب لكوجينه وجبدت لكرسي متاع طاوله وقعمزت.....واشرت ع لكرسي تاني قعمز
سراج:-خدي لكرسي وقعمز
اريج:-افهم لكلام لنبي نقولهولك كويس
سراج:-نسمع فيك
اريج:-نبي ننفصلو
سراج:-نعمم؟؟؟؟شن ننفصلو متاعك هاذي ف فراسك حاجه انتي شن تحسي اربعه سنين مع بعض مشت هباءا منثورا
اريج:لوضع تغير
سراج؛-شن لتغير متغيرش شي غير انه امك ماتت يااريج
اريج:-مع موت امي تغير هلبا حجات
سراج:-الي هما
اريج:-شوف اني توا نشالله نفضى انه نكلمك يعني بنبدا ندور ف خدمه نخدم وندير بالي ع خواتي ونوصلهم لمدرستهم ولجامعتهوخلاها
فاضيه ف سريب الحب يعني عندي مسؤليه كبييييبره ياسراج وانت بروحك تبي وقت نفضيهولك ونهتم بيك يعني حتى انت مسؤليه ف اني قررت انه ننفصلو وننهو كل شي ونشالله ربي يجيبلك بنت الحلال لتسعدك
سراج:-شد ادين اريج
اريج؛-عيونها دمعو
سراج:-عارف انه لكلام هاذا مش من قلبك وانك تحبيني هلبا وبرضو فاهم المسؤليه لعليك وخواتك مش ساهلات ومعندكش ع من تتكي بس تأكدي مهما صار اني معاك يااريج اني سندك اني كل شي ح نوقف معاك في المره قبل الحلوه الي تبيه نديرهولك ومستعد نتزوجك بعد اربعين امك ع طول وتجيبي خواتك ف حوشنا وتردي بالك عليهم
اريج:-اكيد لا شن بيقولو علينا ناس
سراج؛+مدام انتي معاي ناس مجرد كلام واني نحبكك اكتر ماتتوقعي اريج
اريج:-ابتسمت وحست بحب سراج ليها لكبير وانه مساندها
سراج:-وقف
اريج:-وقفت ...بتروح
سراج؛-اي وقت عندي مندير
اريج:-شافتله. 🥺
سراج:-خيرك
اريج:-نزلو دموعها وحضناته نحبكك😭🖤
سراج؛-حتا اني نحبك وانتي عارفه
اريج:-وخرت من عليه ربي يحفظك ليا
سراج:-وليا
اريج:-فتحت باب لكوجينه وطلعت ووراها سراج
ونزلوو
---
لطفيه:-هي هي طالعه
الاء؛-وين ياخالتي لطفيه
لطفيه:-سراج بيروح خلاص
الاء:-اها سلمي ع مرام لطفيه:-يوصل نشالله هاذا حد السو
الاء:-ان شاء لله
---------
فات اليوم زي كل عزي عزو ناس وروحو والبنات ضمو لحوش وركبو ل اريج
اريج:-اسمعوني كويس
تقوى:-قولي
رانا:-شن فيه
اريج:-يقيين
يقين:-خيرككك؟؟
اريج:-تكلممي كويس وانتبهي لما نكلمك
يقين؛-وكانه منبيش
اريج:-هااااتي تليفوون هاتييييه
يقين؛-توا ف شن جي تليفون خيرك نسمع فيك هي
اريج:-من ليوم منبيش نشوفك مقعمزه بروحك لوطا ولاحتى تخطمي ممن جنب دار لوسخ ل لوطا
يقين:+باهي
اريج:-كلامي مفهووم
يقين:-اي
اريج؛-حاجه تانيه لازم تعرفو انه اي حاجه متاع امي كتبتها لراجلها
رانيا:-جتىىى لحووش
اريج:-كل شي حتى معاشها منقدروش ناخدوه
الاء:-تبصررري من شني بنصرفو حني به
اريج:-تنهدت اني بنخدم
تقوى:-شن بتخدمي وانتي امي موقفاتك ع لقرايه حتى شهاده معندكش
اريج:-يفتحها ربي لمهم نبيكم تبعدو ع سعيد قداش متقدرو معادش تاكلو شي من لهوا جايبه تمام وشدو روحكم نبيكم تجيبوها من ألأوائل باش تقيمولي راسي وتفرحوني منبيكمش تفكرو في شي كل شي ح نأمن هولكم لمهم مديروش شي غلط
رانا؛-حاضر
اريج:-يقين تسمعي فيا
يقين:-هزت براسها
اريج:-👏👏هي كل وحده لفراشها
تقوى :-باست اريج وخست لمكانها ليله هاذي كلهم رقدو الا اريج عقلها يرفع ويجيب
#تاني يوم الصبح⛅
اريج:-ناضت غسلت وجها وصلت لبست عبايتها وقامت شنطه وطلعت
سراج:-الوو
اريج:-صباح الخير
سراج:-صباح نور
اريج:-مشيت للخدمه ولامزال
سراج:-اهو في طريق انتي وين
اريج:-طالعه ندور ف خدمه
سراج:-كان تريحيني يااريج بس وتفوتي لخدمه واني مستعد نصرف عليكم
اريج:-لابجد شكرا سراج
سراج:-ربي يهديك
اريج:+مهم اني توا ف طريق بااي
سراج:-بااي وسكر
اريج:-خشت لشركه
اريج:-السلام عليكم
الموضفه:-وعليكم السلام تفضلي؟
اريج:-مش محتاجين سكرتيرا
الموضفه:-لا الحق
اريج:-اها شكرا وطلعت
..
اريج مشت لجميع لاماكن مص يومها وهيا دور ف لخدمه وملقتش لانه معندهاش شهاده
تاج الورفلي:-ونصيحه يابنات خدوها مني ردو بالكم تبطلو قرايه ع خاطر زواج ولااي شي لانه مش حتنفعكم غير شهاده
اريج:-بعد يوم مليئ بتعب خشت لمطعم
اريج:-سلام
الولد:-وعليكم سلام
اريج:-بالله منبكري ندور ف خدمه وملقيتش تبو طباخه
الولد:-لا لحق عندنا
اريج:-تنهدت بحزن وطلعت
الولد:-استني اختي
اريج:-تلفتت نعم
الولد؛-فيه وحده نعرفها تبي شغاله
اريج:-شافتله شغاله؟💔
الولد:-اي او كنتي تبي تخدمي
اريج:-نزلت راسها كانت بترفض بس معندهاش خيار تاني ..اي عادي.
الولد:-طلع رقم وسماهولها
اريج:-09246....هاذا
الولد:-اي وتقدري تكلميها من توا
اريج:-شكرا
الولد:-عفوا
اريج:-طلعت
-------
تقوى:-اني جعت لغدي مزال
ألاء:-ستني اختك لين تجي
رنا:-خيرها عطلت
اريج:-فتحت لباب سلام عليكم
كلهم:-وعليكم سلام
تقوى:-منبكري نستنو فيك باش نتغدو
اريج:-لاكولو صحتين
سيرين شافت ل الاء والاء نفس شي....
اريج؛-ركبت لدار بدلت حوايجها وطاحت رقدت من ععب
الاء:-شفتو وجهها اشبح شن فيه
تقوى:-مابعدها من صبح ربي طالعهدور ف خدمه
سيرين:-ياريت غير تحسو بيها بس وتسمعو كلامها
يقين:-سادك تسمعي ف لكلام انتي
سيرين:-اسمعو هاذي شدوها خير منطربقلها رقبتها
يقين:-نننننن
---------
سراج:-روحتي
اريج:-وصلها مسج وقراته مبتش ترد
سراج:-زعلانه؟
سراج:-تشوفي ومتبيش تردي .قوليلي شن درتلك.به خلاص ....تبكي؟؟؟عندي احساس انك تبكي
اريج:-حطت تليفون وتمسح ف دموعها...سبحان الله ديما يحس بيا
اريج؛-سكرت تليفون ورقدت
يقين:-الووو
وسام:-هاحبي شجو
يقين:-مليحح 🤤
وسام:-غضوى تطلعي نهيجو ع طريق الشط
يقين:-ياعيني امتى
وسام'-خليها قبل لمغرب بساعه
يقين:-تم نتلاقو ياحبي وسام:-تم❤👏
----
اريج:-السلام عليكم
امنه:-وعليكم سلام
اريج:-كيف حالك
امنه:-لحمدالله من معاي
اريج:-فيه ولد عطاني رقمك زقالي تبي شغاله
امنه:-اي والله قداش ليا من يوم ندور
اريج:-ها اني نبي نشتغل لو مفيش مانع
امنه:-اكيدددد
اريج:-به اكتى نقدر نبدا او وين تسكني؟؟
امنه؛-نسكن في.....تقدري تجيني غضوى وتبدي من غضوى
اريج؛-خلاص نشالله صبح نجيك
امنه:-بعون الله
اريج:-سكرت وحطت تليفون جنبها حضنت لمخده ورقدت
#ساعه واحد ف ليل
تقوى:-اريج اريييج هووو ارييج
اريج:+همممم
الاء:-نوضي خلاص اريج:-ساعه كم
الاء:-لواحد
اريج:+ناضت مخلوعه هاااا اواحد ظهر
الاء:-بسم الله عليك خيرك ساعه واحد ف ليل
اريج:-حطت ايدها ع قلبها خلعتوني
هاشم:+طقطقطق
رانا:-مني
اريج:-خشش
هاشم:-مطيبتوش عشي
اريج:-خدامين امك هما ها...
هاشم:-فوتيني خييير انتي
اريج:-وقفت نعم نعم تكلم كوييس وكانه تحساب روحك بتقعد هكي طول ليوم سكران وتخش تبيهم كلهم يخدموك لا ره تبي تعيش برا اخدم مش شغالين عندك دير تمره لروحك ندادك يخدمو وقايمين ماليهم مش زيك لاهي ف لعفن
هاشم:-شافلهااااا بنضره حاده وطلع وخلاها
اريج:-شن منوضكم توا ؟؟؟
تقوى:-به خيرك كيف بنرقدو غير نخلعنا عليك
سيرين؛-خشت اريج سعيد يبيك لوطه
اريج:-خيره؟؟؟
سيرين:-منعرفش
اريج:-قامت شعرها ونزلتله......نعم
سعيد:-_ابتسم.جايك بعرض
اريج:-قامت حاجبه هه الي هوا
سعيد......
يتبع ف لحلقه (3)
شن تتوقعو سعيد يقول ل اريج
تفاااعل مييييت💔
