منقذي ذو النجوم

بارت 19

ماكو حتى الطفل يمهم ماباقي بكلبه ذرة رحمه....وجهت نضرتي لااخر شخص جان كاعد قريب ع المكان الي كاعده بي اني ......جانت اخر شخص اتوقعه يساعدني اختي الكلمه الي مااريد احجيها واكولها ولااعترف عندي اخت نزلت دمعه من عيني هيه دارت وجه عني ......سندت روحي بلكوه كمت .......

كمت بدون سند بدون مااحد حتى يشفق عليه هه صرت ادور رحمه بين هذوله الي ماعدهم كلب اصلااا شايلين حجاره بداله مو كلب ....حتى الي ماعنده كلب يساعد ....

عساها بختكم كلكم حتى اختي بعد صارت منهم وبيهم ....وين يايمه تعالي شوفي شسوو بيه دمروني الله يدمرهم......

تمددت واني افكر شلون بيه وراح ابدي حياة جديده ومااعرفه لااحمد بلاااصل والحقيقه مااطيقه الشخص الوحيد الي الكه يمه الامان محرومه منه والطريق اله مستحيل.....

اجه اليوم الي ودوني للصالون لامثل البنات الباقيات اختاريت بدله ولااي شي البنات يحلمن بهيج شي اني ولاشي حصلت وكأنه داياخذون فد غرض ماالي اي كلمه ورأي ياريت لساني منكطع ولاموافقه ذاك اليوم ع زواج منه بلحضة ضعف ماجنت مفكره وحاسبه للعواقب .....

دخلت للصالون جانن كاعدات شكم وحده هاي الي امها وياها وهاي الي اختها وياها وهاي الي وحده من اقاربها اني الجابوني وهمه وجوهم غاضبه عبالك مسوين فضل عليه انه راح يزوجوني ولااحمد حته اختي الي هيه من لحمي ودمي ماوكفت ويايه وحته جيه للصالون ماكو ماجايه....هه...

بدت ام الصالون تشتغل بيه واني دموعي تنزل وهنه يضحكن يكولن تخاف وماتتحمل وجع اني ابداا ماداابجي ع هيج اشياء تافه انحرمت من انه ابجي عليها اصلاا البنيه اذا صارتلها شي بسيط تلكه اهلها كله يمها اني غريبه بلعالم ماعندي لاام ولااب ولااخت ولااخ....

خلصت وبدت بلمكياج غيرتني ١٨٠ درجه اصلاا مو اني هاي ...اني مايعجبني ابدااا المكياج الغامق والثخين جان اوفر زياده.....شعري ماخليتها تلعب بي وتصبغه بس سوتلي تسريحه كتلها تخفف شويه من المكياح ماكالت شي خففت.....

ام الصالون كالت امشي وياي عندي بعد شي احطه عمتي رادت تجي كلتلها لا ماتصير بس هيه كعدن ماكامت ولاوحده.....دخلتني وكالت هسه اجي درت وجهي وتفاجأت باالي ماخذ كلبي درت وجهي عنه بسرعه.........

لبسني الكلاده بكل حنيه ورقه لومامبتعد شويه واكله لاتعوفني يمك الكه الامان انت هو اكثر شخص تفكر بيه وتهتم بيه تره مايحبوني هذوله والله مايحبني احد بكدك.....

حجيتله انه عوفني ولاتضل عايش بوهم كال واحله وهم والله واقسلملج ياريم يجي يوم والله يجمعنا سويه عبالج اتخله عنج هاي اصلااا ماريدج تفكرين بي ...محد ياخذني منج غير الموت .....وطلع هنانه انهد حيلي كعدت ع الكرسي نزلت دمعتي واني اتلمس الكلاده......