مليكة گلبي

الفصل الثلاثون (الاخير)

حسيت  بيهة تحركت فتحت عيونهة بتعب ودحگتلي  حاوطت وجهة:  حمدلله علة السلامة مليكة گلبي

صافنه وما تحچي بس ساكته ودموعهة يسيلن_ شمالهة حبيبة گلبي تبچي خلص حبيبتي براق مات وخلصنه منه وانتي نسيتي وانه ماحبيت اذكرچ بي حته لا تسوء حالتچ مثل هسة

حچيتلهة عن المريت بي بدون ذكر التفاصيل اكيد وهي ترجف بس جامدة وما تحچي حضنتهة واهديهة وهي انفجرت بالبچي خليتهة تفرغ طاقتهة حته ترتاح  بس دمرتني بصوتهة چنت احس مثل الخناجر ويطعنوني بگلبي تلفت اعصابي وتذكرت براق اااخ براق لو بدك عايش چان حرت شسويت بيك مرتي منهارة بسببة اااخ انه صوچي ما كتلته من عذبت حبيبته گبالة صوچي

حسيت بيهة هدأت وخرتهة من يمي وشهگتهة بعدهة بصدرهة دموعهة ينزلون علة خدودهة ومغمضة عيونهة وتبچي بهدوء رجعتهة لحضني وامسح ظهرهة

_ مليكة حبيبتي تسمعيني

_ ا... اي  😭

_ شششش خلص حبييتي اااش اهدي
ضلت علة هالحال ساعة او اكثر اخر شي نامت رجعتهة علة السرير وضميتهة خاف تفز بكابوس مثلي من شفت ابوي يتعذب

ضليت الليل كلة وياهة وهي بس تفز وتبچي ومن تشوفني تحظني وترجع تنام وانه اطمنهة مثل ما توقعت راح يصير تندهة كوابيس نفس الشيصار بية ديصير بيهة وانه مازلت علة كوابيسي بس من احضن مليكة  يالله اتخلص منهن

گلبي انكسر علة حالهة مثل الطفل توم تبچي وبعدين ترجع تنام

مليكة:  احس نفسي بخطر دائم خايفة من كولشي متمسكة بقائد اخاف يروح مني وارجع اعيش العذاب الشفته خفت يكون كل هذة حلم واصلا بعدني مخطوفة  كلشوية افز بنومي من الاحلام صوت قائد يرن باذني من يصيح ويگول عووووفهة هي بريئة كلة ببالي ما راح احس دا اراجع العشته واتذكر كل كلمة وحرف من الصار اي اتذكر كولشي بسبب الفلم تذكرت الشي المفروض ما اتذكرة بس للاسف تذكرته

فتحت عيني ولگيت قائد گاعد وعيونه حمر وشعرة مخربط  ونظرات عبارة عن الظلام عرفت بشنو ديفكر هه اكيد ببراق الحقير  ضليت هادئة غمضت عيوني واجتني ذكرى من التعذيب اني ما حچيتلكم عن التعذيب الحصلته والتفاصيل مجرد گلت تعذبت بس لو تعرفون شنو چان يسوي يجيب بسمار ويدگة بجسمي من الاطراف يخلي بس مزرف بس اللي مدا اگدر استوعبة شلون گعدت من النوم واني جسمي كولة طبيعي مابي اثار شرحلي قائد كولشي صار وياية وشلون العلاج اخذ وقت حته يلتئم جسمي وخلاني كلة بالمخدر حته ما احس بالالم

بس اكثر شي يعذبني هو صرخات قائد من تلمسني براق اااه چانت تحرگني حرگ بالرغم ذاك الوقت ما احبة بس هسة حسيت بي وتأذيت اكثر شلون تحمل يشوفني وية غيرة واتعذب جوة عدوة عصرت قميصة وهو حضني اكثر ويهمسلي

_ ششش انه هنا لا تخافين

بديت ابجي واحضنه اكثر اخاف اتركة  _ لتعوفني فدوة