-من غير ما ادخل في تفاصيل متهمش حد فيكم انا عارفه ان كل اللي عايزين تعرفوه هو اسمي و سني واني ملبوسه ولا ديه حاله نفسيه
. في الاول بس سيبوني احكي عن كل اللي حصلي لإني مش ضامنة اني اعرف احكي تاني او هعيش تاني ولا لا.....
. انا اسمي فاطمه في سنة رابعه حقوق مليش غير اخت واحدة اسمها مريم وماتت في 1كلية..
مش مهم ماتت امته علي اد هي ماتت ازاي وتقريبا الحكاية بدأت من هناا..
_ انا و مريم كنا صحاب اكتر من إننا اخوات تقريبا انا كنت بعتبرها اعز صديقة ليا وكنا بنحكي لبعض كل حاجه وبتاخد رأيي في كل حاجه وده كمان عشان مامتنا ماتت من واحنا صغيرين وبابا معظم الوقت في الشغل....
الموضوع حصل يوم الاربع اللي فات كان عندي محاضرات كتير اليوم دا وكنت هرجع البيت الساعة 10بليل وبابا كدا كدا بيرجع البيت الساعة 12.
. كالعادة صحيت الصبح سلمت علي اختي وقالتلي انها هتقعد في البيت مش هتخرج..
انا متعودة اني اتصل بيها كل يوم وانا مروحه عشان تسليني في الطريق لحد ما أوصل..
_ اختي مش من النوع اللي بتقفل تليفونها او مش بترد عليا.
. المهم خلصت اخر سيكشن وركبت العربية عشان ارجع البيت واتصلت بيها بس مش بترد..
اتصلت اكتر من 20مره بس في الاخر التليفون اتقفل.
. قولت اكيد نايمه وتليفونها فصل شحن بس مش عادتها تنام الساعة 9 بليل يعني..
رجعت البيت وفتحت الباب بس غريبة الشقة كلها مضلمة وانا عارفة ان اختي مش بتحب الضلمة ...
. ولعت النور لقيت الشقة كلها مقلوبة كإن حد كان بيسرقنا بالظبط .. من كتر خوفي دخلت جري علي اوضة اختي.
.أوضتها كانت ضلمة بس باين من نور الصالة انها مش علي السرير ..
مشيت خطوة واحدة لجوة الاوضة بس حسيت بحاجة لزجه في رجلي.
. فتحت النور عشان اشوف ايه ده؟
.. دم!
الدم جاي من جنب السرير بالظبط..
قربت ناحية الدم وانا خايفة اوي بس شوفت ابشع منظر ممكن اشوفه في حياتي ..
_ اختي كانت مربوطة من رقبتها في رجل السرير و مدبوحة وبتنزل دم اكنها لسه مدبوحة حالا ..
.. رجعت لورا خطوتين وصوت بأعلي صوتي .
. المنظر كان يخوف اوي لدرجة اني سيبت اختي وجريت بره الشقة عشان اشوف اي حد يلحقني ..
بالفعل خرجت بره الشقة وانا بصوت وبعيط وقفلت الشقة وقعدت ع السلم .
.. طبعا الجيران كلهم اتلموا عليا وقعدوا يهدوني بس محدش قدر يدخل لأختي اتصلت بأبويا عشان يجي.
.. فضلت قاعدة قدام الباب مش قادره ادخل لحد ما ابويا جالي..
ابويا كان بيعيط طبعا وانا كنت منهارة ابويا اتصل بالاسعاف قبل ما يخش الشقة.
. بس حصل حاجه غريبة اوي... باب الشقة فتح!
.. اختي اللي فتحت باب الشقة!
. بس اختي سليمة وحتي قربتها مفيهاش اي اثر للدبح و هدومها مش عليها دم !!
-ابويا ضربني بالقلم من كتر مكان مضايق وخد مريم في حضنه وقعد يدعي عليا ويقول اني اتجننت والجيران كانوا في صفه ..
قعدت اقولهم باعلي صوتي وانا بعيط انا مش مجنونة حتي كمان بصوا اثر الدم علي رجلي.
رفعت بطن رجلي عشان اوري لابويا
بس مفيش اثر لاي حاجة!
.. كان ناقص حاجة واحدة بس عشان اقنعهم اني مش مجنونة واني شوفت اختي مدبوحة
.. خليت ابويا يدخل اوضه مريم ويشوف الدم جنب السرير.
. ابويا قالي بصوت غاضب اوي "لما نشوف اخرة جنانك"ابويا اعتذر للجيران علي الازعاج وقعد يقول اني مجنونة وخل الشقة وقفل باب الشقة ودخل اوضة مريم زي ما قولت عشان يشوف الدم..
__ مشيت جنب ابويا وانا خايفة ومريم ماشيه ببطئ شديد اوي ورانا دخلنا اوضتها.
.. الاوضة كانت منورة زي مسيبتها بالظبط.
قولتله قرب شويه ناحية السرير عشان تشوف الدم.
. ابويا قرب جنب السرير بس ثبت مكانه فجاة
وعنيه اتسعت ونظراته بقا كلها خوف.
.قربت منه عشان اقوله صدقت بقا ان كان فيه دم.
. بصيت علي الارض لقيت جثة مريم مدبوحة بنفس الطريقة و مربوطة من رقبتها في السرير
. ابويا قالي بخوف شديد اوي اومال مين اللي فتحتلنا الباب دي !!
.. في اللحظة ديه كل انوار الشقة اتقفلت و باب الاوضة اترزع جامد.
. وسمعنا صوت ضحكات مخيفة اوي جايه من بره.
انا دلوقتي في اوضة ضلمه مع ابويا و جثة اختي.
فتحت بسرعة كشاف الموبايل وابويا خده مني وراح عند الباب وهو خايف اوي وحاول يفتح الباب لكن.....!
يتبع.....
