كتلهم ليش شنو الفكره ....كالت سلمى انه تتزوجين شهاب ....
ريم:شنوووو لووو اموووت شنو اتزوج شهاب خليهم يموتوني ولااتزوج....
شهاب:دكعدي جنج ارنب وتكمزين بس كدامهم نكول تزوجنه وطبعااا هنانه الزواج يصير لمده قصيره جدا اكثر شي شهرين واحد القوانين ماكو حمل فااني اتزوجج يعني قصدي علاساس اتزوجج وتصيرين حامل ومن ناخذج للمستشفى نجهض الطفل تشردين مناك....
ريم:ماادري والله شااكول وشلون اشكركم.....
كمنه وصار الليل نفس الشي شهاب ضل يمي كتله انطيني خل اجرب الاركيله ..كالي امشي لج .. ماقبل
شويه وشاف ثكلت وجهي علي كال هاج اخذت شويه بس شنووو اختنكت متت ضليت اكح وهو يضحك عليه ...
شمرت الاركيله بوجه وكتله هاك مو بلازم اصلاا لانه مجان عندك رضا انه تنطيني هيج صار بيه...كالي اي اي فكري براحتج....
كمت سويت نفس البارحه وسديت الشباك ونمت ..
ماكعدت الا ع سلمى وتكومني وجها اصفر كالت جاين ياخذوج .....كتلها شنووو كولي غيرها شنو جاين ياخذوني كتلها شهاب وينه.....
سلمى:ولجججج ماادري واصلااا يموتوا اذا عرفوا بي ...
كمت واني ابجي حطت الشال ع راسي وسمعت صوت خشن كال يله وينها هاي ....
كمت واني ارجف طلعت ووجه كلامه لسلمى وكال هاج لبسيها هاي يعني تدرين مانطلع ولاوحده بدون نقاب....
لبستني ايا سلمى وطلعنه واني بس ابجي نوب ماوكفنه ولامره بلطريق....
فجأه وكفت السياره وع ماسمعت سيطره.....بس عادي ماصار شي ولاسألوهم شي مشينه ووصلنه كدام عماره جبيره نزلوني نوب دااعثر لانه الجبه جبيره عليه ....
وصلنه لغرفه هم جان بيها بنات واني اكول بنفسي كل ذني خاطفيهن خطيه بس الي فاجئني من حجتلي بنيه من سألتها انتِ منين خاطفيج وين اهلج....
كالت شنو شداتحجين اني ماخاطفيني ولاشي وانما مجبوره وبس .....
عفتهن ماحجيت وياهم.....
دخلت وحده شنو من راقيه شنو من رافعه خشمها للسمه وكأنه ماخالقين غيرها بلدنيا باوعت للجميع واندارت عليه كالت شسمج....
كتلها ريم كالت راح تصيرين عصفورتي شنو رأيج كتلها لاوالله مااريد اصير اتنرفزت من حجي طلعت وشويه اجو كالو نزلي النقاب ع وجهج ويله بسرعه مامنج خير وفايده....
طلعت وبلطريق جنت كاعده يم الشباك رفعت النقاب شفتهم مالاحظو كلت فرصتج هاي ريم منو يكول يساعدوني ويكدرون يطلعوني مناك....
فتحت الباب وهو داس بريك قوي بسرعه طلعت من السياره وصرت اركض مثل المجنونه اتعثر وااكوم واركض بسرعه ....
الى ان لحك عليه ولزمني من ايدي كال هسه طريق عام شوفي شراح اسويلج .. ...
متت خوف كلت يله ريم هسه فادتج حركاتج الدراميه عبالج مثل المسلسلات الهنديه تكدرين تشردين منهم اووف شكد غبيه اني....
طلعوني وساق بسرعه وصلنه لنفس مكاني الي كاعده بي يم سلمى.....
دخلني للغرفه سحل من السياره وذبني سلمى كامت بسرعه وتكول شكو شكو وهو مايسمع صار الضرب يجيني بكل مكان يضربني راشديات ويدفرني همينه بلكوه سلمى وخرته وطلعته بره اني كمت ابجي وجسمي يون عليه.....
شويه ودخلت سلمى كومتني وغسلتلي ومددتني وغطتني وطلعت....اني استسلمت للنوم نمت ....
بعد ماادري شكد كمت جان المغرب يمكن حيل شكد نايمه ولاحاسه بروحي .....
سلمى كالتلي نومتج شكد ثكيله اكعد بيج حتى تتغدين ماتكعدين .....وها شهاب هم اجه وسأل عنج....
كمت شويه شويه اخذتلي ملابس من مالت سلمى ودخلت للحمام سبحت بماي دافي وابجي مشتاقه لااهلي شوكت اخلص من هاي السالفه....
طلعت شفتها محضرتلي اكل كعدت اكلتلي بلكوه لكمتين مااشتهي ....
بليل ماجان بيه حيل اكعد سديت الشباك وخليت علي الشرشف ونمت جسمي يأذيني وحتى شهاب ماشفته ...
كعدت بنص الليل عطشانه شربت ماي ورجعت اريد انام ماكو مايجني نوم لانه نمت من وكت اتكلب بلفراش....
كمت فتحت الشباك جفلت من شفت شهاب كاعد كتله يممممه فزززتني ليش تبقه كاعد هنانه .....
كال هو اني اكعد اكعد بهاي الاماكن فااكعد هنا هم احميج ....
كالي ليش كمتي خوما صوت موبايلي ضوجج كتله لا اصلاا ماحاسه بشي بس كعدت اشرب ماي ومااجاني نوم....
كليلي شلون صرتي سمعت محصله كتله ليش شسويتيلهم بله بشرفج ....
كتله شردت منهم ولزموني....كال كفوو والله ...
شهاب:بس عندي الج خبر ان شاء الله راح اشردج منانه وبااسرع وقت ...
هو كال هيج سمعنه صوت رجال ثاني اي تشردها مووو !.
يتبع .
STAI LEGGENDO
منقذي ذو النجوم
Storie d'amoreوكفت السياره جان بيها شابين وبنيه بس حال البنيه ماعجبني كتلهم صفو على اليمين وهسه اجيكم رحت كتلهم اني فد دقيقه بس استجوب ذيج السياره واجيكم كالو حاضر سيدي تقدمت حاس مو بس احساس متيقن اكو شي غريب نزلو الشباب وره الاجرائات كتلهم منو البنيه الي وياكم و...
بارت 17
Comincia dall'inizio
