كعدتني سلمى الصبح اتريكنه كالت امشي اطلعج نتمشه شويه...
طلعنه ودخلنه للبستان ونتمشه كالت شعجب ماتسأليني عن طبيعة شغلي وليش اسوي هيج....
كتلها كل واحد وعنده اسبابه وضروفه ومو من حقي اتدخل....
كالتلي والله عجبتيني صح حجيج ....واني ارتاح شخصيا اذا واحد ماادخل بشي يعنيلي ...ينرفزني الشخص الي يتدخل....
كتلها زين تكدرين دبريلي موبايل اتصل بي كالت علااساس عبالج مافكرت بهاي السالفه بس هنانه كل المكالمات مراقبه كلشي كلشي مراقب ....
بس ان شاء الله صبريلي بس ارتب وضعي واكولج الفكره الي ببالي اسويها ....
ضلينه نحجي شويه ورجعنه للبيت كعدت بملل ماعندي شي اسوي ....
كالت تعرفين تسوين كيك كتلها اي اعرف ليش ....كالت وحده عيدميلادها خلي نسويلها كلت بفرح اي اني هم اجي مو ....
كالت ياحبيبتي انتِ ماتعرفين الي هنانه واني مااريد اطلعج واشوفج هاي العالم اخاف عليج....
كمت وجابتلي مكونات الكيك وسويته وكريم هم خليت اتذكرت علي جان يحب الكريم من نسوي كيك جان يمد اصبعه ع كريم.....
خلصتها طلعت كولش حلوه....بقه شويه كريم هيه راحت كمت سويت وحده ثانيه بس اصغر حطيت كريم هم علي ....
اندكت الباب لبست الشال وطلعت شفته شهاب كتله سلمى مو بلبيت كال ادري بس شميت ريحة كيك...
ريم:ادري خشم بزون لو شنو...
شهاب:لاخشم ذئب ....
شهاب:اي والله بهاي حقك انت ذئب ....
ريم:بس مابقه سويت الكيك واخذته سلمى كله حتى اني ماضكت....
شهاب:ابد مابقيتو منا منا ...
ريم:قابل يعني اجذب......
شهاب:اي تجذبين دااشوف كيك هناك بلمطبخ ....المطبخ يبين لانه مفتوح كله.....
ريم:والله من صدك ذئب خشمك خشم ذئب وعيونك هم طلعن هيج.....كتله انتظر هنانه اجيبه واجي....
رحت اخذته واخذت ويا بصينيه قواطي بيبسي وسجينه وشوكه ومواعين وانطيته بيد شهاب....
اخذت شرشف وتمشيت يم البستان كتله الحكني .....
كعدنه هناك كصيت وخليت بماعون اله وحطيت شوكه ...كال شنو هاي الشوكه تره مايجيك طعم الكيك الا لمن تاكله باايدك اخذ باايده واكل بس شنو يذب الكريم مالته يكول مااحبه....
شويه واجت سلمى كالت الله شلون كعده واني وادور عليج كعدت هيه همين خلصنه وكمنه نسولف ....
سلمى:اي شنو رأيك شهاب بلخطه الي كتلك اياها ذاك اليوم حتى نشر ريم...
شهاب:ماادري والله شكولج خاف يكشفونه ونوب نحير بروحنه .....
YOU ARE READING
منقذي ذو النجوم
Romanceوكفت السياره جان بيها شابين وبنيه بس حال البنيه ماعجبني كتلهم صفو على اليمين وهسه اجيكم رحت كتلهم اني فد دقيقه بس استجوب ذيج السياره واجيكم كالو حاضر سيدي تقدمت حاس مو بس احساس متيقن اكو شي غريب نزلو الشباب وره الاجرائات كتلهم منو البنيه الي وياكم و...
بارت 17
Start from the beginning
