نرجس/ارتاحي اهو انجيبلك دبش تغيري وترقدي وكان تبي اي حاجة كلميني بنرقد هني معاك
سمر/لالا شكرا مدجيبليش شي اني هكي مرتاحة
نرجس/لكن لازم وقاعدة بتكمل كلمها قطعتها سمر
سمر/لوسمحتي خليني فحالي منبيش شي ومنبيش نتكلم بللهي عليك وكانت تتكلم وتبكي
نرجس/اسفة حبيبتي خلاص ارقدي ورتاحي وكانت تقول فداخلها عندها الحق تبكي الي صيرلها مش شوية
سمر/حطت راسها على مخدة ودموعها ينزلو كانت تبكي من غير صوت تبكي بقهرة مشعرفا يربي هدا ابتلاء ولا ياربي انت انقتني من مجرم الي كنت بنخدا
وفمكان تاني عند اهل سمر وتحديدا اول موصلت ام سمر سهام وخالتها فوزية قعدو فسيارة ويشوفو قداش فيه سيارت قدام حوشهم واول مدرسو جاهم مصطفى خو سهام
سهام/شن بنقوللهم يافوزية شن بندير كلهم هني حتى خطيب سمر هني كلهم جو
فوزية/قلتلك متتصليش بيهم خلي نوصلو بعدين ساهل انتي قلتيلهم شوفي توا شن ديري اهو مصطفى جاي جااي حي علينااا ليوم وخلاااص انزلي انزلي ياسهام نهارنا مشوم وخلاص
مصطفى/ااااا ياااسهااام وين بنتك المصون وييين بنيتك الي مدلعتيها اني قلت من اول مرة عمرها متربي بروحها قلتلك بنتك تبي راجل يكسرلها راسها
