وقارك سيدتي (مكتملة )

جزء ثمانية عشر

دخلوا للداخل و تفرقات الجوقة كلا مشا نعس ... في الصباح فاق كلشي كيوجدو راسهم...فطروا و هما يهزو الخيام ديالهم
المؤطر :سمعوني كلكم اليوم غادي نديرو رحلة للفوق جبل . و لكن كاين مشكل انه كيقولوا ان ذلك الجبل مسكون ( هنا البنات بداو كيغوتوا ) ششششش سكااات متخافوش حنا مجموعين كلنا يعني مغادي يوقع لينا والو ...
تحركو التلاميذ و شي لاصق مع شي خايفين من ذاك الجبل ... كانت لمياء لاصقة في زياد : والله حتى خايفة
زياد :انا معاك و نتي تخافي
اما جوهرة فكانت مع كمال و يسرى في حين ليث كان سابقهم .. بقاااو كيتمشاو حتى للواحد اللحضة كمال توخر عليهم و مشا كيقلب على واحد العشبة.. جوهرة لاحضات هادشي و هي تبعو ... حتى بعدو عليهم المجموعة
جوهرة تابعة كمال و هي تحبسو اما هو تخلع : اش جيتي دير هنا ؟؟
كمال : راه نتي اللي علاش تابعاني
جوهرة : بغيت نشوف مالك؟
كمال جبد واحد التصويرة ؛ كنقلب على هذا العشبة كتنقص الوزن
جوهرة مخنزرة : مخليني تلبعك على قبل هادشي .... ما حسوا بجوج حتا طاحوا في واحد الحفرة و بقاو كيغوتوا باش يجيو يعتقوهوم ...
عند ليث مني مالقاش جوهرة و كمال اضطر يمشي يقلب عليهم تبعاتو لمياء و زياد و يسرى ..
ليث :غادي نتفرقوا الجوج انا و يسرى و نتا زياد مع لمياء مفهوووم
الكل : مفهوم
تشتت مبشي كيقلب حتى للواحد الحضة كانو جوج طرق
ليث : يسرى نتي غادي تمشي من هنا و انا من هنا في ديك نصف ساعة نلقاك هنا ياك معاك ساعتك
يسرى :اه معاية
ليث :لا ملقيتكش غادي ندخل نقلب عليك
يسرى دخلات للديك الطريق و بدات كتعيط ليهم بسمياتهم حتال واحد اللحضة طاحت في واحد الشبكة اللي شقلباتها و طلعاتها للفوق و بدات كتغوت باش يجي ليث يعاونها
جاااو شي وحدين مغطيين غار عوراتهم و مطلسين على وجوههم شي حاجة بالكحل ... طلوا على كمال و جوهرة اللي في الحفرة .. رشوا عليهم شي حاجة حتى غيبات جوهرة و كمال ووهزوهم و داوهم للمجهول .. في حين حتى يسرى رشوا عليها شي حاجة و غيبات و هزوها داوها للمجهول ... كانت عبارة عن فاكهة لستنشقها الواحد كيغيب في بلاصتو
.....ليث رجع للبلاصة فاش دار مع يسرى يطلاقاو ساعة مرجعاتش ... تشوش عليها و هو يطلاقا مع زياد و لمياء ..
ليث: زيدو عليهم غبرات معاهم يسرى بديت كنخاف عليهم
لمياء : حتى انا قلبي مقبوط علية .. يالله ما نحبسوش تقلاب ..
زياد : حسن بلا ما نتفرقوا عاود
....بقااااو الدراري كيقلبو و معاهم لمياء .. في حين في جهة خرى ... كانت جوهرة و كمال و يسرى مربوطين و ضايرين بيهم الناس كقولوا هووو هووو هووو
جوهرة حلات عينيها على ذاك الصداع و هي تصدم بشي وحدين معريين من الفوق و مغطيين غير عورتهم كيقولوا هووو هووو هووو .... جوهرة ضورات جنابها و هي تلقا كمال و يسرى و بدات كتحرك فيهم
جوهرة:فيييقوووووا خلاص
فاقوا كمال غار شاف داكشي تصدم و يسرى شافت فيهم بتقزز و غمضات عينيها ..
واحد الرجل كيهضر بلغة بربرية مقدروش يفهموها : اليوم جاونة 3 تاع الزوجات اذن غادي يتقامو 3 تاع الاعراس في عرس واحد . بالنسبة اللي شعرها غوز ( جوهرة ) غادي تكون للمستشار ( على حساب القبائل عندهم ) في حين انا الحاكم غادي يكونوا عندي جوج اللي هما يسرى و كمال ( هاذ القبيلة كتخلط كلشي 😂😂😂)
جوهرة:كتفهموا شي حاجة؟؟؟
كمال :مكنفهم والو ( ايي على اخر يامك غادي تولي عروسة )
يسرى : ييييع هادشي مقزز
حتا نوضوهم و كل راجل خاد واحد و هما مربوطين ... وصلوا كل واحد فيهم عند العيالات ... اللي بداو كيطلسو ليهم شي عجب في وجههم
المرأة: واااش نخلي ليهم حوايجهم و لا نبدلو ليهم
المراة لاخرى:غار خليهم ليهم ( جوهرة و يسرى و كمال وسطهم ما فاهمين والو )
خرجوهم عاود مجلخين ليهم حالتهم و كان المستشار قاعد بوحدو حتى قعدو حداه جوهرة مربوطة ليها ايديها .. اما الحاكم فقعد وسط من يسرى و كمال ... بقاو دوك رجال القبائل كيشطحو و كيديرو حركات برجليهم و يقولوا بفمهم هووووو .. و هما ما فاهمين والو ...
عند المجموعة لاخرى.
بقات كتقلب حتى لقات واحد الضوء من بعيد و مني مشاو ليه .. ليث كان سابقهم حتى كيبان ليه بنادم كيشطح وسط من العافية و زياد و لمياء تابعينو ... تخبى ليث و عطاهم اشارة حتى هما يتخباو ... و مني طل ليث بانت ليه جوهرة قاعدة حدا هذاك و كانو رابطينهم ...
زياد بصدمة :اشنو هادشي ؟؟
ليث : غالبا هذا عرس
لمياء :شوفوا راهم يسرى و كمال
ضارو الدراري فين شيرات ليهم كمال و يسرى و هما يبانو ليهم حتا هنا عرسان
ليث : غادي نتسناو حتى تسالي الحفلة و يمشي كلشي للخيامو و نقوليكم اشنو نديرو
بقاو دوك البرباريين كيرقصوا حتى سالاو و هما يفرقوا العيالات الحمام.. كانوا كياكلو بوحشية الدرجة عافت يسرى و بغات تقية .....سالة الحفل و الرجال كلا مشا للخاميتو اما الحاكم و المستشار فجرو يسرى و كمال و جوهرة و كلا سد عليه في خيمتو ...
ليث مشا للخيمة اللي فيها جوهرة في حين زياد مشا للخيمة اللي فيها يسرى و كمال اما لمياء فتخبات مزيان ...
عند جوهرة
شافت هذاك تسرح في الناموسية كيتسناها تمتعوا و بدا كيهضر بديك اللغة البربرية تاعوا اللي ما قشبلات فيها جوهرة حتى شي حاجة ... حتى دخل ليث للغرفة و هو يغوت المستشار .. مضيعش ليث معاه الهضرة .. عطاه ببونية حتى سخف و هو يجر جوهرة ..
اما الحاكم فجلس و جر كمال بغا يبوسوا .. كمال ما فهم والو غار كيبان ليه هذاك بغا يبوسوا شمائز منو و هو يضربوا برجلوا و يسرى لوات ايديها عليه حتا خنقاتوا وخا مربوطيين حتى دخل زياد و هو يفك ايدين كمال .. و حيدات يسرى ايديها و هو يشد كمال عطا للحاكم ببونية .. و شد كمال من ايدين يسرى و خرجوا... خرجات المجموعة كلها و هما يتبعوهم هاذوك البربريين ... يسرى شاد في ايديها كمال و زياد شاد في ايدين لمياء و ليث شاد في ايدين جوهرة ... و كيجريو باقسى ما عندهم حتى قدو يرواغوهم و فاتوهم
... لمياء بغات تسخف بجرى :ناااري بحالة عمرني جريت
جوهرة :عندك الصح عيينا اوووووف اشنو كانوا باغين منا
ليث :تزوجوا بهم
كمال : اوااااه ناااري مزيان اللي جيتو كون مشاو فيها البنات
زياد حابس الضحكة :حتى نتا معاااهم
كمال بصدمة :حتاااا انا حتااا انا معاهم كككك كنت غنتزوج داك الشارف الغليض انااا اناااا
بقاااو غاظين و كمال ما بغاش يسكت من كثرة الصدمة و البنات كيضحكوا عليه ... حتا وصلوا للمخيم و كلا مشا نعس في خيمتو ..
في الصباح
فاق ليث بدل حوايجو و قرر يمشي للعند جوهرة يطمأن عليها ...
فاقت جوهرة و لمياء .. كانت لمياء غادي تخرج و هي تحبسها جوهرة
جوهرة : اشنو قلنا واش تعاونيني نلقاو المجرم
لمياء : اه وخا ولكن ديري في بالك كندير هادشي على قبل بابا
جوهرة مدات ليها ايديها : خاص تصفا القلوب لا بغيتي نحققوا شي نتيجة ..
لمياء : موافقة ..
لمياء فين وصلتي في القضية ( في هاذ الوقيتة جا ليث و سمع حديثهم )
جوهرة: كناخد معلومات من عند ليث عارفاني بغيتو على قبل مصلاحتي ( ليث زير قبضة تاع ايديه و تعصب ولا كولو حمر )
لمياء:دابا فيمن شاكة
جوهرة:في واحد الاستاذ ( دخل عليهم ديك ساعة ليث )
ليث كيصفق :وااااااو كنتي باغاني على قبل مصلاحتك
جوهرة بصدمة:ماشي داكشي اللي فبالك ليث عفااك سمع لية
ليث بعينين حمرين:حسن ليك بعدي مني فهمتي
خرج ليث و تبعاتو جوهرة كتجري.. حتا وقفاتو
جوهرة:قبل ما تمشي خاصك تسمعني بعدااا
ليث مشا بلا ما يتسنط ليها حتى غوتات جوهرة و تصدم ليث من داكشي اللي سمع
جوهرة ؛ انا كنقلب على شكون قتل رانيا
ليث : و لكن راه باباة لمياء
جوهرة قطاعاتو :لا ماشي هو
قعد ليث و جوهرة عاودات ليه كلشي من a ل z و ليث مصدوم
جوهرة:سمعني انا كنعتابرك صديق ليا بغيتو يبقا سر
ليث شد ايدين جوهرة:غادي نعاونك باش لقاو المجرم
جوهرة :كنتمنى ( عنق ليث جوهرة و بقاو كيهضرو على القضية )
دوزو نهار اخور تماااك و رجعوا في حالتهم و شدو الطريق للمدينة خاصة ان جوهرة مرتاحة مغاديش تقلب غير بوحدها بل معاها حتى لمياء و ليث و زياد اللي عاودات ليه لمياء كلشي ...
في الغد ..
كانت المدرسة...
كانوا مجموعين كلهم .. لمياء و زياد و ليث و جوهرة و كمال و يسرى
كمال تنهد : انا عارف راسي اش غادي ندير وخا 8 سنين طويلة و لكن ما عندي ما ندير الطب هو حلم حياتي
يسرى :انا من ورى الباك غادي ندفع للمعهد الموسيقى و في نفس الوقت غنكمل للماستر ديالي في الاقتصاد
زياد :بحالك غادي ندير 2 حوايج في نفس الوقت سباق السيارات و إدارة الاعمال و لكن ماشي هنا غنسافر للندن
للمياء:انا غندرس المحامات و ماشي هنا حتا انا غنمشي للندن
ليث :هي العشير غادي نتفارقوا انا غتقرى إدارة الاعمال في امريكا و نتي جوهرة
كان كلشي كيشوف فيها كيتسنى جوابها هي براسها ما عرفاش شنو دير باقة حايرة في مستقبالها
يسرى :شنو باقة ما عرفتيش راسك شنو باغة ديري
لمياء بضحكة جانبية :تصلاح معاك تكوني محققة
جوهرة : باقي معرفتش صراحة .
ليث :باقي العام طويل غادي تعرفي شنو ديري..
يسرى شافت في الساعة :عندي موعد مع الاستاذ عماد على قبل شي حاجة يالله هاني خليتكم .. مشات يسرى و تبعها كمال معصب حيتاش شافها تقربات من ذاك عماد بزااف و بقاو بربعة بيهم كيهضرو على المجرم
ليث :اشنو واش باقة شاكة في الاستاذ
جوهرة : كلفت واحد يراقبو هاديك التلميذة هي بنت الاستاذ و لكن مع مرأة خرى عندو القضية مفشكلة
لمياء : انا كيبان لية غار نساو نقدمو الدليل تاع انه المجرم باقي كيضور للمحكمة و نخرجوا بابا
جوهرة :القاضي صعيب يثيق
زايد :عندكم شي اقتراح.
ليث : عندي واحد الفكرة ... بقااا ليث كيقول ليهم الفكرة و عجباتهم كلهم