... بعد مرور يومين💜... قاعدين انا ورزان و الحاج ومهيد وعمي وانجي في مركز الشرطه.. بعد شويه جا شرطي وقال لينا وين رزان!! رزان انهجمت وساكته بس.. انجي اشرت عليها والشرطي قال ليها اتفضلي معاي😑مشى خطوتين وجا راجع قال لينا وين زوجه المرحوم😑قلت ليو انا قال لي تعالي😊مشينا معاه زي غرفه كدة انا قعدت ورزان واقفه والراجل قعد كمان قال ليها م عاوزة تقعدي🤨قعدت براحه وقال لينا طييب امم شوفو م بينفع معاي اللف والدوران اسالكم سؤال تجاوبي طوالي بدون حركه النساوين دي م تقعدو تتبكو لي وتكوركو مفهوم🤨م ردينا ليو بس قاعدين بنعاين ليو😹😹قال لينا طيب😒انتي يا اسمك رزان صح ح اسالك سؤال انتي السويتي العصير صح🤨رزان هزت راسها ب اي😑قال ليها طييب😑بقى بس ساكت وبيعاين لينا وانا قاعدة بكل اطمئنان وخاته الرحمن في قلبي وبي جواي بستغفر عكس رزان تماما الكانت بتحرك في رجلها وممططه عيونها😣بعد مسافه قال لي رزان ممم مالك متوترة؟!! 😏قالت ليو ااء في زول بيودو المركز و م يخاف وكمان يتهموه بعمليه قتل😰قال ليها وانا اتهمتك!!! انا م اتهمتك بس عاوز اخد معلومات ولا انتي براك اتهمتي روحك هه😏رزان انخلعت بس بردت اعصابها شويه عشن م تنكشف وقال ليها طيب يا رزان البت دي"اشر علي" بتبقى ليك شنو😑قالت ليو بت عمي🙃💔قال ليها اممم انتي بتعرفي المرحوم ايهم؟!! 😏 رزان قالت ليو لالا😰قال ليها كيف يعني هو راجل بت عمك كيف م بتعرفيهو ااء؟!! هه😀قالت ليو اي بعرف وشه بس😰قال لينا وانا سالتك من بتعرفي وشه ولا يده😹🤦♀️طيب قبيل قلتي م بتعرفي وتاني قلتي بتعرفيه اممم شكلو عندك انفصام طيب لو م بتعرفيه يوم مات كان بالصباح سويتو ليهم عصير مش🙂قالت ايوة سويته وبعرف انو بس هو راجل لوتس يعني تاني م بعرف عنه شي😰الشرطي بيسالها سؤال واضح وهي بتلف وبتدور دا الشي الشكك الشرطي فيها🙂بعد شويه جا زول دقى الباب.. قال ليو اتفضل😑جا واحد برضو شرطي ادا الملف للشرطي البيستجوب في رزان🤦♀️قال ليو لقينا الملف هاك🙂الشرطي البيستجوب قال ليهو بالله طلع ف ملف خههه قضيه لكن😏الراجل داك طلع والشرطي فتح الملف وقراه قال لي رزان دي م اول مره تجي المركز صح😏"بيلعب ب اعصابها😣💔" كانت عاوزة تقول لا اول مره وتاني شافت الملف وقالت حيفتكرها كذابه فقالت اي😓قال ليها ايواا قلتي لي بتمشي بيوت مشبوهه!! 😏طبعا انا لمنن سمعت بيوت مشبوهه انخلعت😲للحظه اتزكرت كلامها الفي المكتب انو كانت حامل😲حتى بعد انا وايهم اتزوجنا م قدرت اساله اذ هو عنده بيبي بالحرام من رزان😓💔معناه ايهم برئ وهي بتمشي بيوت مشبوهه😰طبعا فاتحه خشمي ميه متر والشرطي بيستفزها بكلامه😑قال ليها دام بتمشي بيوت مشبوهه احتمال تكوني انتي القتلتيه هه😏رزان بس مسكت خشمها عندها لانو اي كلمه مممكن يوديها ف ستين دهيه💔قال ليها طيب انتي هسي م بتعرفي ايهم خاالص!! قالت ليو ابدا💔قلت ليها رزان كان بينكم علاقه كيف م بتعرفيه🙃🙂حمرت لي واتوترت زيادة😣قال لي اهاا بالله كمان ف علاقات هه سمح طيب انتي ي رزان قلتي م بتعرفيه😏للحظه حست روحها خلااص ح تنهار ياخ حبل الكذب صغير وكان قعدت تكذب ل بكره ح تنعرف😭الشرطي قال ليها م عاوزة تتكلمي🤨قالت ليو اي ياخ بعرفه بعرفه ارتحت!! 😭قال ليها طييب مش قلت م عاوز كذب🤨انتي دام مشيتي ووقفتي سويتي العصير معناها انتي هسي في خطر يا اما تبرري لي انك بريئه ولا القضيه تثبت عليك🤨قعدت تبكي قالت دي م انا ياخ للمره الالف م عندي دخل ف الموضوع دا😭😭💔قال لينا تعالو معاي🙃😑فتح الباب ومشينا معاه ل غرفه تانيه كان فيها شرطي برضو وخاتي قدامه جهاز كدة و قطن ومناديل وحاجات غريبه غايتو لمن خفت😓💔الراجل قال لينا اقعدو.. واشر ع الكراسي..قعدنا ورزان تتمخت ف المنديل😹الشرطي بتاع قبيل مشى جمب القاعد وطلع كيس م بعرف فيهو شنو😑لبس جونتيات وقال لي عاوزين نفحص البصمات تعالي جيبي يدك😑مشيت وبكل ثقه وشاف بصمتي وبعد شويه طلع من الكيس كبايه😑💔الجاب الكبايه شنوو!! لا دقيقه دي كبايه ناس خالتو محاسن😲بقيت م فاهمه شي وقال ل رزان دورك😑رزان قامت وجسمها ناشل مويه من الخوف😰💔ختت يدها ف الجهاز وبصمتها ابت تمشي💔الشرطي شال منديل وقال ليها امسحي يديك من العرق😒مسحت يدها وختتها تاني وظهرت😰الشرطي ابتسم بالجنبه كدة وقال لينا يلا اتفضلو قدامي 😏مااشين لمن وصلنا الغرفه بتاعت قبيل قال لي انتي امشي ل اهلك👈كانو قاعدين بعيد وبيعاينو لينا لمن كنا ماشين ف الممر💔مشيت عليهم ومهبطه وعمي حسن متعصب انو كيف يدخلو بته ف الموضوع دا😰قعدت بين ابوي و مهيد.. ابوي قال لي قالو ليك شنو ي بتي💜ابتسمت ليو لانو صراحه غالبني اتكلم💔عمي حسن قال لي ل ابوي اسمع والله بتي دي كان حصل ليها اي شي تلوم نفسك😠ابوي قال ليهو م ح يحصل ليها شي كان هي م عندها ذنب في الحصل والله يكضب الشينه😒قلت ل ابوي الجاب الكبايه هنا شنو!! قال لي اي كبايه!! قلت ليو كبايه ناس خالتو محاسن💔قال لي لمن كنا ف المستشفى والدكتور قال ايهم اتوفى مسموم انا ضربت لمهيد وكلمته بالحصل عشن الناس يعرفو وكدة وهو اقترح انو نمسك الكبايه ومنها ممكن نعرف بصمة اي زول مسك الكبايه واحتمال يكون هو الكبى السم😑💔مهيد كان قاعد وبسمع بس.. قلت ليو م منطقيه لكن هسي مسكتها رزان و انجي ومسكها هو زاتو ودي كلها بصمات م ممكن نتهم اي زول💔مهيد قال لي كلامك صح بس لمن تخوفي زول وتزنقيه شديد بتخلي يعترف وانجي امس الشرطه اتكلمو معاها والليله ع رزان ومنها في زول ح يعترف💔عمي حسن حمر لي مهيد قال ليو قصدك شنو قصدك بتي هي القتلته!! مهيد م ردى عليو عشن عارف النقاش معاه عقيم🤦♀️💔بعد شويه جات رزان طالعه وبتتبكى عاينت ليها واصلا م عبرتها لانو عارفاها مستهبله🤦♀️جا الشرطي وساق الحاج معاه وبقو بيتكلمو بعيد وانا شايفاهم🤦♀️عمي مسك يد رزان وقال ليها يلا ارح ديل شنو المتخلفين ديل الزول مات وارتاح من الدنيا يجو يقولو في زول سممه ويشرونا من مركز لمركز😒😒م عاينت ليه ولا عبرته😑💔بس العبره خنقتني شدييد ياخ الزول الميت البتتكلم عنه دا كان راجلي في يوم من الايان وكان حبيب بتك ياخ خاف ربك💔بعد الحاج والشرطي خلصو ابوي قال لينا يلا🙃طلعنا انا وميهد والحاج ساق العربيه💜مشينا بيتنا😍نزلت وسلمت ع هديل وامي😍مهيد نزل معانا وقعد يتونس مع ناس امي😀الحاج مشى الصالون واانا مشيت معاه قلت ليو الشرطي قال ليك شنو قبيل!! قال لي بكره تاني حنمشي تاني لحدي م وحدة فيهم تعترفي و ع فكره انتي داخله معاهم🙃قلت ليو عارفه بس مستحيل اقتله يعني💔... بالجد تاني يوم مشينا و ح نضطر كل مره نمشي لحدي م نعرف مين العمل السم💔اول وحدة دخلت انجي وقعدت قريب ل ربع ساعه💔جات طالعه عاديه بس ظاهر ملامخ الزعل ف وشها💔واكيد الشرطي حاول يهددها انها هي القتلته ع امل تخاف وتعترف بس هي بريئه واقنعته بالقصه.. دخلت انا بعديها وكل مره الشرطي يقول شي بجاوب ليو بكل ثقه وحكيت ليو للمره التالته القصه من البدايه للنهايه بكل التفاصيل الممله وكان بيعاين لي بنظرات تهديد بس مف شي عشن اخاف لاني متاكدة مستحيل اسويها ولمن شافني ثابته احتمال اتنازل شويه وقال لي خلاص اطلعي🤦♀️💔رزان جات داخله وكانت بتحاول تثبت انها قويه ومستحيل تسوويها لكن الشرطي كان اذكى منها وبلف ليها السؤال ويسألها اساله م مباشره وهي اصلا بترد ب خشمها و م بتفكر ف الجواب البتقوله😑قال ليها انتي القتلتيه حاوولي تعترفي😏قالت ليو ابدا😰💔قال ليها عايني انا شغال هنا قريب ل 12 سنه ومستحيل اغلط وظاهر من وشك انك قتلتيه😏قالت ليو م من حقك تتهمني💔قال ليها القصه عادي بس بتدفعي الديه وخلاص قايلاها صعبه سهليها علينا ياخ وخشمي وجعني من الكلام اعترفي😑😏قالت ليو بس دي م انا💔قال ليها اقنعيني😏دي انتي ياخ وبعدين دقيقه اوريك مف غير بصمتين ف الكبايه بصمتك وبصم المرحوم ود دليل ع انو دي انتي لانو بصم انجي و لوتس ماف "هو بصمه انجي في بس بيحاول يحنكها عشن تعترف🤦♀️" معانا اذا جينا نرتب الحكايه ع حسب كلاممكم كلكم انو انجي دخلت المطبخ وانت جيتي تساعديها قامت انجي طلعت وانتي سويتي العصير وكبيته ف الكبابي وجهزتي حقت ايهم ولوتس وكبيتي السم في وحدة من الكبابي وختيتها ف صينيه وانجي جات تشيل الصينيه وختتها ف الطربيزة وايهم شربه وبكدة مف غير بصمتين وانتي هسي ف منطقه الخطر😏رزان بقت تبكي و م قادرة تقول شي.. هو قال ليها يعني البكيه دي انو كلامي صح وانتي المتهمه😏رزان للحظها لسانها انربط وعرفت روحها في خطر والحكايه كلها قالبه عليها هي والشرطي كشفها بس ممكن تكذب تاني وتقول هي م قتلته و كل يوم يحو يستجوبها لحدي ف الاخر م تعترف.. عرغت انو حبل الكذب قصير ولازم تتحاسب وبعدين كيف تسمح ل روحها تقتل زول كانت حبته ولو يوم واحد وهو كان بيحترمها💔للحظه اعترفت بانو هي الفقدته ما هو الفقدها💔حتى اللحظات الجميله العاشتها معاه ماعنو كان بتكذب عليه ف حبها💔لانو مرات بتحبه ومرات بتكون م طايقه الوضع بس هسي اكتشفت انو هي بتحبه بالجد💔من يوم مات ممكن اقول قربت ل ربنا وندمت ع السوته💔ي ريت لو ترجع بالزمن عشن توقف الكانت بتسوي فيهو💔.. الشرطي طق طق ليها ف وشها وقاال ليها التهمه ثبتت وحتتعاقبي😊عندك اي كلمات!! ولا لسه عاوزة تدافعي عن نفسك😏هزت راسها ب لا💔ووافقت كلامه انو هي القتلته💔هو ابتسم وقال ليها كان تكلمينا من زمان عشن م تتعبي روحك ووتتعبينا معاك اصلا وحدة لافه مف زول جايب خبرها كل يوم ف شقه ومع راجل م بتغلبها تقتل زول😊الكلام وقع في قلبها زي السكين💔بس كلامه صح هي وحدة لافه وكل يوم ف شقه وكل يوم مع راجل جديد💔بس فكره انو هي تقتل ايهم دي بالغلط💔م حاولت تفتح خشمها وتفهمه انو كانت عاوزة تقتل لوتس بعد عرفت انو ربنا عارفها انو هي كانت عاوزة تقتل لوتس عشن ترجع ل ايهم بس حصل العكس ربنا شال منها ايهم وبكدة تتعذب زيادة.. 💔الشرطي قال ليها عاوز اعرف السبب ليه قتلتيه.. م ردت عليو ومصره تبكي بس.. قال ليها ردي علي"ضرب الطربيزة ب يده شديد" رزان اعترفت انو هي عاوزة تقتل لوتس وبالغلط مات ايهم💔كان مفروض لوتس تشرب العصير المسموم بس ايهم الشربه💔.. بعد الشرطي حقق معاها وهي كلمته بكل شي ولمن طلع كلم عمي وابوي والحاج ضرب ل خالتو محاسن وانجي عشن يكلمهم المحكمه حتكون بعد اسبوع وهم حيقررو العقاب💔ورزان سجنوها لحدي يوم المحكمه وعمي هاج وعصب وشاكل الشرطه ف الاخر هددوه قال ليو لو م ح تسكت ح نسجنك مع بتك😊👈عمي اصلا م كان همه شي غير انو يطلع بته من السجن ولمن هددوه زاد زيادة و فالاخر سجنوه و حيطلعو نهايه اليوم😒..انجي لمن عرفت الحقيقه قعدت ف الارض وبقت تبكي بحرقه ع اخوها المعنده ذنب ف الموضوع💔بس انا كنت ف حاله صدمه وبتكلم براي يعني هسي كنت ح اموت انا😰يعني كان هسي انا ميته😭😭😭ليه بس ليه ي ريت لو شربت العصير و مشربه ايهم😭😭😭😭😭ليه بس هي من الاساس تسوي كدة😭😭😭اخر ما اتوصلت ليو انو تقتلني بس ليه عشن شنو انا سويت ليها شنو😭😭😭😭😭💔م حصل غلطت عليها حتى لو حاولت اني اغلط عليها بتراجع😭😭😭بس هسي وبكل بساطه عاوزة تقتلني وي ريت لو مت وارتحت من الدنيا دي😭😭💔....... بعد مرور 5 ايام.. اهل ايهم من اهل امه وابوه قاعدين بيتناقشو ف خصوص العقاب حيكون كيف بعد عرفو انو رزان هي السبب🤦♀️طبعا انا قاعدة معاهم بس ع اساس مرت المرحوم😓💔طبعا كل زول و بي رايه وخالتي قالت رأيها وفي الاخر اتفقو انو اهل رزان يدفعو الديه وحتتسجن😓خالتي م كانت عاوزة تعاقبها وتخليها على الله بس الاهل م كانو راضين وف الاخر قرروا😓💔... بعد مرور شهرين💜... قاعدة مع ناس امي😍وطبعا بقدر الامكان بحاول اتناسى القصه وابدا اعيش حياتي💜والحاجه الوحيده الكانت مصبراني هو ولدي الف بطني😍وبمناسبه رزان ف السجن وعمي دفع الديه🙃وكل اسبوع بمشي ل خالتو محاسن اسلم عليها😍💜وهي م مقصره معاي حتى بعد ايهم مات😔💜طبعا حاليا انا وهديل ف الغرفه بعد ما الحاج قال لينا مهيد جا😍المهم طردنا ومشينا غرفتنا والحاج ومهيد ف الصالون بيتونسو🌚💜بعد ساعه ونص كدة طلعت اشرب مويه لقيته فات🐸شربت ومشيت للحاج قلت ليو خير الشمار شنو🐸قال لي تدفعي كم😹😹قلت ليو ادفع انا ي حاج!! بتك يحاج تدفع ليك كويس لكن🐸💔😔قال لي مهيد عاوز يعرس😀قلت ليو واو ربنا يوفقه ويتمه ليو ع خير😀💜قال لي ان شاءالله امين وطبعا العروس بيعرفها وهي بتعرفه🐸😹قلت ليو اهاا دي منو🐸💔قال لي بت محاسن عجبته شديد وقال ح يعرسها ومنها يمسك البيت بعد ما مات ايهم💜💜بالجد فررحت من جوة قلبي وخالتي محاسن كان عرفت اكيد ح تفرح وبعدين مهيد وقف معاهم كتير ح تحسه زي ولدها لمن يتزوج انجي😍💜وبعدين ايهم و مهيد كانو صحبان زمان وبيعرفو بعض💜احتمال اول مره افرح بعد ما مات ايهم بس الحمدلله💜قلت ليو العرس بتين🐸💔قال لي الشفقانه دي اصبري الولد لازم يكلمه ميساء اول ويكلم ابوه ويشوف محاسن كان بتوافق ومنها يخطبو والموضوع طويل😹😹قلت ليو سمح💜بابا!! 🌚💜قال لي اشحتي ساي دون بابا وحركات دي لانو م شبهك😹😹قلت ليو سمح😒عاوزة امشي السوق اشتري قمصان😑😒💜قال لي طيب كلمي امك ولا هديل تمشي تشتري ليك انتي م تمشي عشن الله لا قدر تقومي تقعي ولا يحصل ليك شي ولي ولدك💜ماعنو كنت عاوزة اقول ليو لا عاوزة امشي بس كان فتحت خشمي تاني ح يرفض ف رضيت بكلامه وتاني يوم امي وهديل مشو السوق واشترو لي قمصان واسعه🤭😹طبعا بطني كل يوم بتكبر وحاسه باحراج شويه😅💔بس منتظره بتين يطلع ويفتح عيونه وي ريت لو طلع ولد ياخ ع الاقل يكون بيشبه ايهم😔💜...
يتبع......
