البارت الخـــامس ..
يا من طوى الأيام.. برقاً خاطفاً كالمهر..
يلهثُ في خطاهُ شِهابُ
يتساءل المضمارُ: أين مُتيّمٌ بالفوز؟!...
أين حصانُه الوثّابُ؟!
تبكي الجيادُ..
إذا ترجَّل فارسٌ ومن الصهيل.. توجّعٌ..
وَعَذابُ ..
أرأيت دَمعَ الخيلِ؟!
كم من عبرةٍ في الروحِ..لم تعلم بها الأهدابُ
المرحوم ..غازي القصيبي ..
رعد بصراخ\حنيـــن لي أنا ..زوجتي ..ولو خانتني والله لا اذبحها بيديني..باذبحــــــها..
أنهى رعد كلامه بشهقة وهو يحس بآلة حادة تنغرس بجسمه بقوة..
بسبب سديم الي طعنته بالة حادة مو عارف وش تكون
وشاف الدم الي بدا يطلع من جرحه..
سديم بكره\أقتلك يا رعد ولا أسمح لك تلمس حنين..
وضغطت على يدها باقوى..لحتى حست بالدم يبلل يدها..
سمعت صرخة ايرم وهي تنادي جدها او اي احد يساعدهم..
تجاهلت كل شي وركزت عيونها بعيون رعد.. الي ماكان مصدق ان سديم القزمة الي يذكرها تمــوت فيه ممكن تطعنه او تقتله..
حسبها مجرد كلمات وتنقال..غضــب ويموت..حــزن وينتهي.. بس لما شاف الحقد الي بعيون سديم وهي تطعنه أدرك إنه بمواجهة نار كانت تحت الرماد..وتوها بدت تستعر هالنار وبتحرقه وبتحرق كل الي بطريقها...
سديم بصوت مبحوح\اختي ماتت من سنين وانت قتلتها..
حنين سال دمها وإنت السبب..من يومها حلفت اسيل دمك يارعد..خاف مني وخاف من حنين..خاف من ذنوبك يرعــد..
بلحظات صارت سديم بحضن يوسف الي ما اكتفى بجرح رعد الدامي..مد يده وضرب رعد بقوة بوجهه وهو يصرخ عليه..
يوسف بجنون\هـــذي لعبتي..ماتلمسها ثاني..
تراجع رعد بخطواته وجلس على ركبتيه ..ويده على المدية الصغيرة الي غرستها سديم في بطنه..يسمع ايرم وهي تكلمه..بس مايسمعها مو من الالم..
لا من كلمات سديم اللي طعنته بقلبه..حنين سال دمها..!!
بس أنا ماسيلت دم حنين..ما اذيتها بالجسد.. مــن سيل دم حنيـــن من الي تجــــرأ على حنين..
أنا الي طعنتني حنـــــين تركتني بالصحراء وخذت ولدي..
أنا المغــدور مو هــــي ...
أنتبه على جده يحضن وجهه بيدينه ويناديه باسمه..
الجد مساعد\رعـــد يابوي وش تحس؟؟عرضية يارعد صح عرضية..؟؟ماتقتل يا رعد.. إصابتك تقتل تكفى يارعد..
رعد يسحب الهواء لصدره المكتوم\أشهد إنها تقتل يبه..
أشهـــد إني غـــافي عن ثار وثار..
ايرم بخوف\رعد جرحك ينزف..كلمت الاسعاف..
رعد\مايحتاج اسعاف..بأروح مع جدي المستشفى..
الجد بجزع\ماتقدر شوف دمك..ماتقدر توقف
رعد بهدؤ\سطحية يبه لا تخاف..ياما خذيت طعون صرت اعرف الجرح ان كان يقتل..علموني بنات ظافر الي ماعلمتني اياه الدنيا..
ايرم بعصبية\انتي من وعيك الي سويتيه.؟؟تبين تقتلين رعد
والله كنت اظنك مو قاصدة كلامك وكل تهديدك غضب وعصبية بس..
كانت سديم واقفة ورى يوسف وظهرها على ظهره..وتناظر الدم الي بيدها وتحس الرجفة بعظامها..هي توعدت رعد من سنين وسنين..ماتوقعت بيوم تقدر عليه وتطعنه..واليوم قدرت طعنته غرست مدية ابوها في جسمه..وسال دمه المتلوث بجرايمه فيها وفي اختها..
وقررت ترد على ايرم وهي لازالت بنفس وضعيتها واقفة ورى يوسف..قررت تعلن كرهها له اكثر واكثر..
سديم بكره\لا مو غضب وعصبية..وهو قال لكم وش علموه بنات ظافر..وباقي له دروس باخليها لحنيــن..حرام اخذه كله وما اخلي لها شي تطعن فيه..
الجد بصدمة\وش مسوي في بنات ظافر يا رعد..؟؟
الي خطفت ولدك والي تطعنك تبي موتك..
