أحببت أزعر بقلم مريم اليوسف

الجزء الرابع عشر

#أحببت_ازعر
#الجزء_الرابع_عشر

#بقلم_مريم_اليوسف

صف سيارتو قدام البيت .. وهو عم ينزل منها اجى يحيى وصف جنبو ..
التقو مع بعض وسلمو ع بعض
مجد : اهلا وسهلا تفضل .. تفضل البيت بيتك
يحيى : تسلم صهر
طلعو اول درجتين يلي قدام الباب وطلع قادمن ام ناصر وضحى مهيئن حالن للطلعة .. ضحة كانت فاكة حمالة الايد وامها جنبها ساحبة شنتة سفر
مجد :ع وين
ضحى :ع بيت اهلي
مجد :ليش
ضحى :قصدك ليش بدي ضل هون وانت مانك داير علي ومجافيني .. ولا لانو تصاوبت كشت نفسك مني
يحيى :هلأ اتصلتو فيني مشان هيك
ام ناصر :اي تعال وصلنا ع البيت .. احسن مانا قاعدين هون متل الغرب
مجد :يلي بدو يروح يروح ..بس ضحى مالك طلعة من هالبيت
ضحى :رح صدق انك متمسك فيني
مجد.: متسمك او لا .. انا جوزك وبحقلي امنعك .. يلا لفي وارجع ع غرفتك
ضحى :لك شوو صايبك ليش هيك متغير متلئمن .. بعمرك ماكنت هيك
مجد :ليش انتي يلي كنتي هيك ؟؟
ضحى :يلاا حط الحق علي .. يا استاذ لازم تكرس كل وقتك الي وتضل جنبي وترعاني بس وينك انت .. مابشوفك نهائيا ... ع الزمة نحنا متزوجين جديد ولا عم نطلق .. ماعم اعرف
مجد :كيف بدي اهتم فيكي واذا بدي مليون واسطة لفوت ع الغرفة .. كيف بدي اعتني فيكي وامك فوق راسك متل الحارس لك حكي معك ماعم تخليني احكي
امها :بلله شووو ... شو انا مانعتك عنها .. ولا عم تعمل هالحجج لانك مدايق من وجودي عندك بالبيت
مجد :اذا فهمتي هالحكي هيك فهميه متل مابدك ماني متطر برر لحدا .. بس هاد يلي عندي
ضحى :عم تقلع امي يا مجد
مجد :ماقلعت حدا ... ليش بتفهمو الامور متل مابدكن
ضحى :لانو ماعم تنفهم غير بهي الطريقة
يحيى :طولو بالكن .. اكيد مجد مو قصدو
مجد بقهر :لا يا سيدي قصدي .. امك من اول ما اجت على هالبيت وهية كابسة على خوانيقي ... واذا بتاخدها بتكون فضلت عراسي
ام ناصر :ياعيب الشوم بس .. بس شو بدو يطلع منك جاهل وفلتان ... وعفكرة بنتي رح اخدها معي لانو مابدي صهر متلك
مجد :والله ماعلى كيفك .. ضحى من هالبيت مالها طلعة
ضحى :مجد شوو صايرلك .. ليش هيك صااير
مجد :هاد انا ... وبدك تستحملي غصب عنك
ضحى :انا ضحى حبيبتك عم تقلي هالحكي
مجد :ايي الك الك .. لانو حبيبتي ماعم تفهم علي .. ماعم تحس بجوزا
ضحى :لك مانك شايف وضعي .. شوو المطلوب منيي
مجد : المطلوب فوتي ع غرفتك .. وانتي حماتي بدك ترجعي مع بنتك اهلا وسهلا بس بشروطي مابشروطك .. غير هيك مالك مكان ببيتي
ام ناصر :صار عندك بيت يا جربان يا فلتان يا حرامي الجاج
هالكلمة ضربت على عصبو .. بس حاول يتحكم بغضبوو ...
مجد :ضحى لجوااا
ضحى :والله معد اقعدلك بهل البيت مزال عم تحكي امي هيك .. عم تقلع امي يا مجد .. انا اهلي خط احمر عم حذرك
مجد :لجوااااا
يحيى :طولوو باللكن شبكن
ام ناصر :مانك شايف هالمجنون ... كيف عمي عقلبنا وعطيناك .. كيييف
مجد : شو ياضحى
ضحى :رايحة ع بيت اهلي
مجد :اذا طلعتي من هالبيت مالك رجعة
ضحى :وانا مابدي ارجع .. تضرب منك لبيتك
ام ناصر :امشي امي .. امشي
مجد : حماتي لاتخربي بيت بنتك
ام ناصر :ليش هو تعمر لينخرب
مجد : طيب ياضحى ... روحي الله معك
يحيى :استهدوا بالرحمن ... ضحى رجعي ع بيت زوجك ولاتكبرو القصة
مجد :لا خدها معد بدي اياها ..
فات ع البيت وطبش الباب وراه
وقفت ضحى مكانها وعم تطلع ع الباب .. قلبها انشلع من مكانو ... مابدا تروح .. هاد المكان يلي تعبت لوصلتلو هيك فجأة عم تتخلى عنو بهل السهولة
ام ناصر :ع شو عم تطلعي ... امشي قداامي يلاا .. هالعالم ******
يحيى :امي بشرفك شووو عملتي ... وعفكرة كلشي حكاه مجد صح .. انتي يلي عم تبعديهن عن بعض .. مفكرة ماني ملاحظ عليكي ... وانتي ضحى .. مانك شايفة امك شو عم تعمل لتبعد بينك وبين زوجك
ام ناصر صارت تبكي وتقول :الله يسامحك يا يحيى هلأ انا بدي اخرب بيت بنتي ... ليش عم تظلموني .. ليش
ضحى :خلص ماما بكفي .. انا مصدقتك .. يلا قومي نروح .. الظاهر بلش يظهر على حقيقتو .. ويمكن طول عمري مغشوشة فيه
ام ناصر يااااما نصحناكي وانتي ماعم تفهمي .. شفتي بعينك جوزك على حقيقتو
يحيى :لاحول ولاقوة الا بلله
ام ناصر : الله يسامحك يا يحيى عم تظلم امك ... بس روح الله يهديك مارح قول اكتر من هيك
يحيى :ماما اسف ماقصدي .. بس انتي يمكن بدون ماتنتبهي خربتي بيناتن
امو :خلص خراااس ... مابدي اسمع منك شي يا ابن بطني.. عم تتتهم امك زور وباطل ... لك قلعني قداامك وماحكيت شي .. شوبدي اترجى منك بس
تركتو وراحت ركبت بسيارتو .. ولحقتها ضحى
نفخ بنفاذ صبر وراح ركب سيارتو وساق فيهن ع البيت
بعد ماراحو .. طلع مجد ووقف ع باب البيت وشرد بمكان سيارة يحيى .. حط اديه يجيابو ونفخ ولف وفات ع البيت
_____________________
الباب عم يندق
فتحت ندى دفشوها وفاتو .. محدا حكي شي ووجاهن مابتتفسر
ندى :اهلين!!!؟؟؟؟؟
محدا رد وكل واحد فات ع غرفة
ندى :شبكنن ... شو صاير
امها عم تفك الحجاب طلعت راسها من الغرفة يلي دخلت عليها وقالت : صهرك المحترم قلعنا
ندى :شوووو ... عم تحكي جد
امها : لك شو بدي احكي لاحكي .. خليني ساكتة احسن
ندى :شو تضلي ساكتة احكيلي
طلعت امها ووقفت بوجها وصارت تردح على مجد .. ويحيى وقف وراها وكتف اديه بعدم رضا ... هز راسو بقهر وقرب بعد امو عن طريقو وطلع من البيت وطبش الباب وراه
ندى :يحيى شبو
امها :قال مجد على حق بنظر اخوكي .. لك قلعني من البيت واخوكي صافف معو ..
وضحى قعدت بتختها ودموعها على ملا وجها .. كتفت اديها وشردت قداما وصوت امها بأدنها وهية عم تسب تقاتل ع مجد .. وهية مقهورة كتير .. ورح تفجر من الغضب .. يمكن لانو حست حالها غلطت وعم تتندم
برا ويحيى عم يركب السيارة وصلتو رسالة .. فتحها ولا من مجد :انتبه عليها
يحيى :الله يعينك احسن شي
__________________________
واقف بغرفتو وحاطط ايده بجيابو وشارد بالتخت ..
مجد :ماكان لازم تروح .. ماكان لازم تروح .. ماصدقت ايمت دخلت ع البيت .. طلعت منو بهل السهولة .. لا والف لا .. واليوم قبل بكرا لازم ترجعي ياضحى
حرك رجليه ليطلع بس وقفو صوت موبايلو عم يرن
اخدو من جيبتو ورد
مجد :اي حضرة العقيد
العقيد :تعال فورا
مجد :شوفيي
العقيد :لقينا الفاعل
مجد :مسكتو عمران؟؟
العقيد :لاا حدا تاني
مجد:مييين
العقيد :تعال وبتعرف
مجد :جاي .. جاي
_________________________
دخل يحيى على بيتو ..رما مفاتيحو وقعد بقهر ..
طلعت ياسمين من جوا وشافتو على هالحالة قربت وقعدت جنبو
ياسمين :شبك حبيبي
يحيى :لك امي .. اوووف
ياسمين :خير في شي
يحيى :امي عملت كلشي بتقدر عليه لتوقع بين ضحى ومجد
ياسمين :عم تحكي جد
يحيى : والله .. وضحى هلأ عند اهلي
ياسمين : يااخ .. اصبح كبرانة كتير
يحيى :اي والله .. ومجد الله يعينو من وين بدو يلاقيها ولا من وين
ياسمين : اي والله معك حق ويلو امك وويلو ضحى المريضة
يحيى :مابس هيك
ياسمين :شوفي كمان
يحيى : ضحى تقوصت عن قصد
ياسمين شهقت بصدمة وقالت :شووووو
يحيى :بس هالحكي بضل بيناتنا
ياسمين :اكيد .. بس احكيلي
يحيى :هاد يلي بعرفو
ياسمين :يعني هو مين كان بدو يقوص ضحى ولا مجد
يحيى :مامبين ..
ياسمين : يارب تحميهن ..
يحيى :آمين
ياسمين :نحنا لازم نوقف جنبن
يحيى :شو طالع بالايد
ياسمين :بيطلع كتير .. لازم نقنع ضحى ترجع عبيت جوزا ونفهما الغلط وين ..
يحيى :هيك قولتك
ياسمين :اكيد.. مجد بكون زعلان كتير عليها .. حرام بكفيه يلي فيه .. وكمان والله مجد طول عمرو يعمل منيح مع هالعالم وماببين لازم نعمل معو شي والو شي بسيط
يحيى بغيرة :شو قصتك انت ومجد .. كأنو كتير عم تمديحه
ياسمين :اي بدي امدحو ... مجد مفضل علي لموت .. انا مدينة لمجد بحياتي
يحيى :مافهمت
ياسمين : انا انخطفت من فترة من واحد مهوس اجى خطبني وبابا رفضو .. خطفني ليعلم علي وعلى اهلي وياخدني بالرخيص .. بس مجد اجا بالوقت المناسب وانقذني
يحيى :ايمت صار هالحكي
ياسمين :لما فجأة اختفيت من المشفى وبعد فترة انخطبت لمجد .. برأيك بوقتا ممكن ارفضو لمجد وهو عمل معي كل هاد
يحيى :مجدد؟؟!
ياسمين :اي اي مجد ... تحسين كان ناوي يقتلني بس مجد وقف بوجهو .. اخي ماحن علي متل ماعمل مجد
يحيى : يا الله يا مجد شو انك عظيم .. والله مابيستاهل كلشي عم يصير فيه
ياسمين :مجد مابيستاهل الا كل خير ..قوم خلينا نرجعلو ضحى
ابتسملا وقال :يلا البسي
قبل ماتقوم قرصتو من خدو وقالت:غيرتك هي لاتعيدا
يحيى :ههههه بأمرك
ياسمين :مجد اخي بعهد الله
يحيى :ان شاء الله
______________________________
بغرفة العقيد
قاعد مجد وشارد بالولد يلي قدامو .. وهداك حاطط راسو بالارض وجسمو عم ينتفض من كتر الخوف.. انفتح الباب ودخل العقيد وقال :مجد معد فيني اتركن مع بعض اكتر من هيك
مجد :اصلا خلصت منو
العقيد :يا عسكري
دخل عسكري وضرب تحية :احترامي سيدي
العقيد :خدوه
قرب من الولد .. وشدو من دراعو وطلعو
قرب العقيد وقعد مكان الشب
العقيد :شو طلع معك
مجد: طلع كتير
العقيد :شو يعني
مجد :مافهمت
العقيد:شو ناوي تعمل معو
مجد :ماني ناوي اعمل شي .. العمل الكن .. بالعادة شوبتعملو بهيك حالات
العقيد :اذا بدك بتشتكي عليه بزيد حكمو واذا بدك بتسقط حقك وبينخفض حكمو
مجد :لا بدي اشتكي ولا بدي اتنازل .. عملو يلي لازم ينعمل .. خلي الحكم ياخد مجراه
مجد : شو صار مع عمران .. ما انعرف عنو شي
العقيد :شوبدك فيه مزال ظهر القاتل الحقيقي
مجد :عمران شب وسخ .. واكيد رح يرجع لوساختو ويستغل بنات كتير
العقيد : عم ندور مانا نسيانين الموضوع .. المخبرين تبعوتنا بكل مكان .. عممنا صورتو ع الكل
مجد :ان شاء الله خير
العقيد:شو تشرب
مجد :لا ولاشي يسلمو اديك .. بدي روح عندي شوية شغل
وقف وقال بالاذن .. رن موبايل العقيد اخدو من على الطاولة وقال :مجد لحظة شوي
وقف مجد واتطلع عليه نظرات استفهام .. رد العقيد على الموبايل تحت انظار مجد
العقيد :اي ... اي ... متأكد انو هو... طيب طيب
سكر الخط وقال :عمران التقى
مجد :وينو
العقيد :بس مو ع الاكيد مشبهين عليه
مجد.: انا بعرفو .. عطيني العنوان
________________________
ببيت ابو ناصر
انفتح الباب ودخل يحيى وياسمين
دخلت ياسمين ع غرفة القعدة لقت حماتها وندى
ياسمين :مرحبا
وقفت ام ناصر بلهفة واخدت كنتها بالاحضان
ام ناصر :اهلين بالعروس .. اهلين بالقمر
ياسمين :تسلميلي مرت عمو
ام ناصر:نور البيت .. تفضلي حبيبتي تفضلي
ندى :وانا مالي حصة بعروستنا الحلوة
ياسمين :هههه مبلى كلني الك
يحيى :بلله شو وانا شو خليتولي
ندى : هية الك ببيتك وبس اما هون مالك دخل فيها
يحيى :شي حلو عم تقلبوها علي
امو تجاهلتو لانها لساتا زعلانة منو وطلعت من الغرفة كلها ..
ياسمين :شبها مرت عمي
ندى :متناقرة شوي مع جوزك
ياسمين : يلا بسيطة .. ضحى وينا .. خبرت انها هون ...جيت اتطمن عليها
ندى :بغرفتها .. تعو نروح لعندا
يحيى :كيفها
ندى :من اول ما اجت وهية عم تبكي مدري شبها
يحيى :ياسمين ادخلي انتي لعندها وانا رايح شوف امي
ياسمين :اوكي حبيبي
دقت الباب وفاتت ويحيى راح يشوف امو ويراضيها
______________________
وصل مجد ع العنوان .. فتح باب السيارة ونزل مشي بالحارة وهو عم يتلفت حواليه .. ظهر قدامو شب ..قرب ومشي معو
:انت من طرف العقيد
مجد:اي .. وينو عمران
: لمحتو طالع من هي الحارة بس مابعرف اذا هو او لأ
وقف مجد وقال :كيف يعني مابتعرف .. مامعك صورة الو
: مبلا .. بس يلي شفتو الو شوارب .. ويمكن مايكون هو
مجد : يعني جيتي لهون طلعت ع الفاضي
:طيب شو رايك ننطر بركي بيرجع وبتشوفو انت بعينك
مجد :لا مابدي شوف حدا .. انا راجع .. واذا شفتو فورا بتصورو
:امرك
مجد: هه والله متعوب عليكن
تركو ورجع ع سيارتو .. ركبها وانطلق
اجا شب من الشب الاول والابتسامة ع وجهو
:شو
اظهر سكين من ورا ضهرو وقال :قطعنا الشريط الفرام وزرعت صاعق ع خزان البنازين مشان اذا مافجرت نفجرا ههههه ... يعني راحت عليه
:هههه لخبر ماهر بيك لكن
_________________________
ياسمين قاعدة جنب ضحى وعم تحكي : لاتخلي العالم تشمت فيكن ... الحب يلي كان بينكن ماصار متلو والكل عم يحكي عن حبكن ... ضحى بصراحة لاتواخذيني بس حسيت امك عم تخرب بينكن يمكن ملاقيتو ماقد المقام .. وعبت براسك وانتي صدقتي .. انتي بتصدقي انو مجد ممكن مايهتم فيكي ... بتشكي انو مجد بينفر منك .. مجد بيعمل المستحيل كرمالك .. مجد هالفترة مضغوط شوي ولازم توقفي جنبو ..
ضحى :شو يلي ضاغطو بلله
ياسمين :رح قلك بس لاتخافي
ضحى :خااف؟؟ ليش شو صاير .. ياسمين احكي .. مجد منيح
ياسمين :اي اي منيح .. بس يلي صار انو الطلقة يلي اجت بكتفك كانت مقصودة ومانها طايشة
ضحى :شووووو
ياسمين :هششش .. نوسي صوتك .. اهلك مابيعرفو .. بس يحيى بيعرف .. وماخبر اهلك مشان مايحط الحق ع مجد ..ومجد ماحب يخبرك ويخوفك .. مجد كل هالفترة مشغول وعم يحاول يعرف مين هو يلي ممكن يعمل هيك
ضحى :ياحبيبي يامجد .. معقول انا اظلمك يا روحي .. العما شو اني جحشة .. جحشةةة
صارت تتلفت حواليها عم تدور ع الموبايل
ضحى :وين موبايلي
شافتو ياسمين ع الطاولة جابتو لضحى وقالت :انا رح شوف يحيى
فورا اتصلت فيه
رد عليها :اهلين حبيبي
صارت تبكي : حبيبي سامحني .. اسفة والله اسفة
مجد :مامشكلة يا روحي .. بعرف اني اهملتك وحقك علي
ضحى :انت يلي حقك علي .. انا ما عذرتك ..وكمان امي بعرف ماقصرت وكبرت براسي كتير عليك
مجد :مامشكلة ياعمري .. المهم صحتك هلأ
ضحى :مجد بدي اياك .. بترجاك تعال
مجد :بسرعة الريح وحياتك .. يلا جهزي حالك بدي اجي اخدك ونروح ع بيتنا
ضحى :ناطرتك
مجد : ضحى
ضحى :قلي
مجد :بحبك
ضحى : بموت فيك
مجد :انطريني جايكي
ضحى : رح انطرك بفارغ صبري .. لا تطول
مجد :هههه والله مارح طول .. عدي للتلاتة وبكون عندك
سكر وهو مبستم .. اتطلع قدامو وتفاجئ بقطيع غنم .. دعس ع الفرام ... بس مافي فرام .. فتل الدركسيون بقوة فجأة طارت السيارة بالهوى ونزلت بالوادي
_______________________________
راكبة زينة بالسرفيس ومعها وراق عم تقلب فيهن
زينة عم تحكي حالا بهمس :هههه هلأ بندرس انا وضحى سوا 😅😅
فجأة وقف السرفيس
رفقت راسا .. ولا صاحب السرفيس وقف مع سيارة جاي بأتجاه معاكس وصارو يحكو مع بعض
:ع وين طريقك
:ع الضيعة
:وراق سرفيسك نظاميات
:لا في شي ع الطريق
:صاير حادث كبير ..والشرطة معبية المكان
:الله يستر .. خير شوفي
:سيارة نازلة بالوادي .. عم يقولو يلي بقلبها مفحم
: فجرت ؟؟
النار واصلة للجو .. كانت الاطفائية عم تطفي .. قالو السيارة كانت مأسرعة ووقع بالوادي اول ماوصلت ع الحماوة فجر خزان البانزين
:الله يستر .. ماعرفت مين صاحب السيارة
:لا والله ..مين ماكان الله يرحمو ويصبر اهلو
:آمين
:المهم عم قلك الشرطة مطروشة طرش .. وعم يوقفو الرايح والجاي مشان هيك اذا وراق سيارتك خالصين لاتقرب
:اي والله خالصين ... مشكور
يلي قاعدين بالسرفيس صابتن حالة هلع وخوف .. وصارو يسالو شوفي ومين ياترى
ابو السرفيس :والله يا جماعة يلي سمعتوه .. علني علمكن .. لاتواخذوني متطر نزلكن هون
:ولا يهمك .. بننزل هون
نزلو وزينة نزلت معن وحست قلبا مقبوض .. مجرد سماعها بصوت الحادث جسمها تزلزل .. نزلت ووقفت لانو الطريق عام واكيد رح يجي شي سرفيس تروح فيه ع الضيعة .. وهية واقفة فجأة وقفت قداما سيارة .. اتطلعت ع الشوفير ولا ناصر
ناصر :خير في شي لحتى واقفة هون
زينة :قال في حادث لقدام شوي وصاحب السرفيس قال وراقو خالصين فنزلنا هون
ناصر : الله يستر .. طيب طلعي لوصلك
زينة :مابدي عذبك
ناصر :ايو عذاب .. طلعي بوصلك بطريقي احسن من الوقفة
زينة :بسس...
ناصر :بس شو يابنت الحلال .. صرنا قرايبين
خلجت منو .. فتحت الباب وركبت .. وعلامات الخوف على وجها
ناصر :فيكي شي
زينة :مابعرف .. بخاف من الحوادث
ناصر :ماعرفتي شو صاير
زينة :قالو انو سيارة واقعة بالوادي وشاعلة .. وقال يلي بقلبا مفحم
ناصر :يالطيف ..
زينة :اي والله الله يلطف
ناصر :هلأ لما نوصل انتي لا تتطلعي
زينة :اكيد .. مابسترجي اتطلع اصلا
وهنن ماشيين بلشت تظهر قدامن سيارات الاسعاف والاطفائية والشرطة ع الطريق .. وفي رافعة عم تسحب السيارة.. من عيدا الناس والسيارات يلي مجتمعة
نزلت نظرها قبل ماتوصل وتشوف ..بس سرعان مارفعت نظرها..
ناصر :خلص لاتطلعي اذا بتخافي ...
كان حجر عينا متجمد بالسيارة
ناصر : طلع قلبك قوي
زينة صارت تضرب ع تابلو السيارة :وقف..وقفففف... ووقففف
ناصر :شووفي
زينة :هي سيارة مجدد
ناصر رفع نظرو بسرعة ع السيارة يلي عم تنسحب... وبالفعل هاد البيك اب تبع مجد
فاق من صدمتو ع نزلت زينة من السيارة وعم عم تصرخ وتبكي
بس وقفوها رجال الشرطة
زينة :تركوووني ... بدي شوووف اخي ... تركوووني ...ياااامجد ... يا عيوونيي .. شو صار فيك .. ياروح اختك
نزل ناصر وراها وهو مصدوم بشكل كبير .. ممكن زينة طلعت ردة فعلها بس هو بحالة جمود .. بدو يهديها او يدو حدا يوعيه ..
الشرطة لو سمحتي المكان خطرر
زينة :اخييي...وييينووو .. ويينووو..قلي انو عاايش .. قلي انو عاايش .... يا مجددد ... عم تسمعني
التفتت ع ناصر ومسكتو من تيابو ...رووح شوفوو مشاان الله روح شووفو عااايش؟؟ ... ناصر مشاان الله تصررف ..
مسح دموعو يلي نفرو من عيونو وراح لعند الشرطي حكي بصوت مخنوق :شوو صاير .. ويلي كان بالسيارة شو وضعو
الشرطي :ان لله وان اليه راجعون
زينة :لااااااااا .... لااااااااا .... مجد لاااتموووت ... لااااتموووت
ناصر:زينة هدي .. طولي بالك .. هي حكمة الله
زينة :مااات اخي ... مااات العريس ... لك لسه مافرح ... والله لسه مافرح بحياتووو ... يااامجد قوم يا اخي .. قوووم يا حبيبييي
ناصر معد تحكم بدموعو ...رجع قرب من الشرطي مرة تاينة وقال :وينو ممكن شوفو
الشرطي :سيارة الاسعاف من شوي اخدتو .. فيكن تلحقوها ع المشفى
ناصر :لا حول ولا قوة الا بلله .. لا حول ولاقوة الا بلله
الشرطي طلع كيس وفي بقلبو نص هوية محروقة وقال: هي الو ؟؟
اتطلع ناصر بالهوية كان مبين فقط الاسم : مجد .. ونص الكنية
هز براسو وهو عم يبكي
الشرطي بأسف :البقية بحياتكن
هز براسو .. ورجع لعند زينة يلي قاعدة ع الارض وماسكة راسها بين ايدها وعم تصرخ وتبكي
ناصر :زينة قومي خلينا نروح
زينة: بدي روح لعندو .. مشااان الله يا ناصر خدني لعندو
الشرطي عم يتطلع عليهن وعلى وضعن المحزن
ناصر :قومي ..رح خليكي تروحي لعندو وتشوفيه .. بس بسرعة قرب الشرطة وهمس بأدنو : اصحك تاخدها .. الجثة مفحمة للاسف
حط اديه التنتين على وجهو وزاد بكاه اكترر
________________________
ضحى جهزت حالا وناطرة زوجها يجي ياخدها ... بس اتأخر .. طلعت تشوف اهلها برا وتقعد معن شوي ..
لقت يحيى قاعد حد امو وعم يحاول يمازحها
يحيى :خلصنا ولوو
امو :روح بعد عني .. انا ماعندي ولاد
ياسمين :مشاني مرت عموو
ام ناصر :طيب مشانك هالمرة بس ههههه
يحيى: يخليلي اياكي حبيبتي هههههه يعني لولاكي كنت نمت بالشارع اليوم
ام ناصر :انا يلي رضيت عليك مو مرتك ههههه
يحيى :انتو النتنتين على عيني وراسي هههه
واقفة وعم تطلع عليهن وتبتسم .. اندق الباب
وقف يحيى ليفتح بس سبقت عليه ضحى وقالت :انا بفتح
راحت فتحت وكان ابوها
بكر :هي عروستنا عنا
مسكت ايد ابوها وباستها
بكر:الله يرضى عليكي يارب
ضحى :ويديمك فوق راسنا
شلح من رجلو وحط ايدو ع كتف بنتو ودخلو
بكر :وينو جوزك
ضحى :هلأ بعد شوي بيجي
بكر :منيح بتتغدو معنا اليوم لكن
ضحى :ان شاء الله
اندق الباب
ضحى :اكيد مجد انا بفتح ..
راحت فتحت ولا زلمة ومرتو من اهل الضيعة
:مرحبا يابنتي
ضحى :اهلا .. تفضلو
بكر من وراها :اهلا ابو عثمان تفضلو تفضلو
ام ناصر من جوا :ابو عثمان ؟؟هاد اول مرة بيجي لعنا
قامت هية ويحيى وطلعو
ابو عثمان :مشاان الله يا ابو ناصر داخل على الله وعليك ...
ام عثمان مسكت ايد ضحى وقالت :دخيلك يابنتي .. والله ولد وطايش ..
ضحى سحبت ايدا من ام عثمان واتطلعت بأهلا ورجعت اتطلعت بام عثمان وقالت:شوفي
ابو عثمان :والله مابعرف شو صاير لعقلو هالولد بس اكيد ماكان بوعيو
بكر :شووفي وايو ولد
ابو عثمان :ابني .. راح سلم حالو للشرطة واعترف انو هو يلي قوص عبنتكن ليلة عرسا
ام عثمان والله ولد ومراهق .. مالنا غيرو .. مشاان الله
الكل عم يتطلع ببعضن بصدمة
بكر :ابنكن قوص على ضحى ؟؟
ابو عثمان :والله مابعرف .. راح سلم حالو للشرطة واعترف
بكر :يحيى انت بتعرف شي ؟؟
يحيى : اي بابا ضحى كانت مقصودة .. بس مجد كان عم يدور ع الفاعل
ياسمين :معقول يطلع هاد الولد
ابو عثمان :والله مراهق .. والله مراهق
اندق الباب
ضحى :ولايهمك انا رح احكي مع مجد وهو رح يحلها
يحيى :انا بفتح
راح فتح .. وكان ناصر منزل راسو
يحيى :مامعك مفتاح
رفع راسو وكانو عيونو حمر من كتر البكي
يحيى :نااصر شبككك
ناصر اجت عينو بعين ضحى وزاد بكاه
امو قربت منو بسرعة : امي شبك ..شو صاير عليك .. لييش بكيااان .. حداا صايرلو شييي
ناصر عيونو بعيون ضحى ودموعو ماوقفت .. ضحى من نظرة ناصر قلبها شعل بنار ..قربت منو وقالت :نااصر شوفي ...
نزل ع الارض وحط ايده على وجهو وتابع بكي
نزلت لعندو ضحى وقالت :نااصر مجد صايرلو شيي
يحيى بصدمة اتطلع بضحى ورجع اتطلع بناصر ومسكو من كتافو وقال:نااصر احكييي.. مجد صايرلو شييي
ناصر هز براسو بأي
بكر :شوو صايرلو احكييي
ناصر :عمل حاادث ..
ضحى بلهفة وخوف :هو منيح ماهيك .. هو عايش .. ماهيك ... قوول .. عاايش ماهيييك
تركون وفات لجوا
ضحى واقفة مكانها مصدومة .. حجر عينها وقف .. دمعة باردة استقرت تحت عينا
قربت ياسمين وندى منها
ندى :ضحى .. شبك .. عم تسمعيني
ضحى :مجد ماات؟؟
ياسمين :لا ان شاء الله لااا .. ناصر ماحكي شي.. تعي بنسمعو
ضحى :هو ماحكيي... لو عايش كان حكي ... مجد رااح وتركني ... رااح وتركني
فجأة وقعت بأرضها
ندى :ضحىىىىى...
قربت عليها هية وياسمين .. والكل اجا لعندها .. ويحيى حملها ودخلها لجوا
__________________________
بمكان ما
مجتمعين المجرمين التلاتة (ماهر وعلا وعمران) قاعدين على طاولة مدورة بغرفة اشبه بالمستودع
ماهر :هههه بلش ينتشر خبر موتو لهل الوسخة بكل الضيعة
علا :الله لايرحمو
عمران :اووه واخيرا .. هلأ رح نعرف نشتغل على راحتنا .. وكل واحد رح ياخد بتارو
علا :ههههه ..شو مبسوطة
ماهر رفع كاسو وقال : نخبكن هههه .. نخب الدعس على اول صرصور
رفعوا كاساتن لفوق .. دقوهن ببعض وصارو يشربو .. فجاة موبايلات التلاتة رنت برنة مسج مع بعضها
اتطلعو ببعض بأستغراب .. انو معقول تكون صدفة
فتحو موبايلاتن وشهقو مع بعض
ماهر :مصييبة مصييبةة
علا :شو ماكانت مصيبتك مارح تكون متل مصيبتي انا انتيهت
عمراان :انا انفضحت .. انا انفضحت
علاا هجمت على ماهر وقااالت :شووو هاااد مااهر
ماهر :معقول ما مات
علااا: نحنا انفضحناااا
ماهر :اهدو... اهدوو..رح اعرف مين يلي نشر هدول
عمران :بشررفككك ...بسرررعة ..صووور اختي بكل مواقع التواصل
علا :لكن شووبقول انا ياريت صور .. كنت قلت تطبيق .
ماهر : انا ادلة بتفوتني ع السجن مؤبد ... مؤؤبدد.. عم تفهمو ..
مسك الموبايل واتصل ع حدا :معك دقايق بدي تعرفلي مين يلي ناشر عني هي المعلوماتت .... بسرررعةةةة
رما الموبايل وقعد وحط راسو بين ايده .. شوووصار .. مين هااد ... لك مجد ماات .. مااات انا شفت جثتوو.. مين نشر هدوول
اجاه مسج .. مسك الموبايل بأدين مرتجفة .. (مكتوب بالمسج .. هاد الرقم يلي نشر الفضايح )
فورا اتصل فيه
ماهر :الوو
:الو
ماهر :مين انت
:عفواا
ماهر :انت يلي ناشر عني الفضايح ع مواقع التواصل قليي مين انت ..
:شوبدك مني
ماهر :امسحن وشومابدك بعطيك ... اطلب الرقم يلي بدك اياه
:اسف .. انا مأمن انو انشرن
ماهر :مين مأمنك وميين انت
:انا هدول المعلومات عطاني اياهن رفيقي وقلي اذا بصيبني شي بتنشرن ... (وبغصة )واليوم رفيقي مات .. وعم نفذ وصيتو
ماهر : يا ولااد الحراام ... وانا شو دخلني بموت رفيقك
.. اصلا هو مات بحادث انا مادخلني
:وشو عرفك انو مات بحادث .. اكيد انت ورا قتلو
ماهر :لا لا .. بس خبرت
:لسه اهلو ماخبرو شو خبرك انت
ماهر :بدك تمسحن ولا بفرجيك وجهي التاني
:مارح امسح شي .. وهي وصية رفيقي
ماهر :ينعن ابوك على ابوه .. هالحقير الواطي وحتى هو ميت مارح اخلص منوو .. مجدد انت شووو شيطااان ..شيطاان
تغير صوت المتصل وقال :وحياتك ملااك
ماهر :ميين
:الملااك شخصيا
ماهر :مجد ؟؟
مجد.:بشحمو ولحمو
ماهر :مامتت ياحقير
مجد:عم قلك ملااك ليش الملااك بموت

يتبع....