أحببت أزعر بقلم مريم اليوسف

الجزء الثامن

#أحببت_ازعر
#الجزء_الثامن

#بقلم_مريم_اليوسف

بعد ما اكتشفت الحظر الدنيا اسودت بوجها .. كلشي عم يتسكر بوجهن .. كل مابحاول يشيلو حواجز بتنبى حواجز اكبر واضخم ... ياترى ع مين الحق .. مين المذنب ..مين المظلوم .. مين الضحية .. بس بغبائهن كلن رح يصيرو ضحايا ..
انفتح الباب عليها ودخلت ندى لقتها قاعدة ومكتئبة
ندى :شبا القمر زعلانة
ضحى :حظرني
ندى : طيب روقي ..
ضحى :عم قلك حظرني يعني عم يسكر كل الطرق بوجهي لحتى ما اقدر اوصلو
ندى :قلتيلو ع حكي ابوكي
ضحى :ماعطاني فرصة احكيلو
ندى :بظن حتى لو قلتيلو رح يكون صعب بالوقت الحالي يستوعب هالشي
ضحى :شو صعب وماصعب .. عحد علمي دابح حالو لنصير مع بعض
ندى :ما اختلفنا .. بس حقو يقعد مع حالو شوي .. لازم يطعي مجال لكرامتو شوي .. الزلمة كرامتو صارت بين الاجرين من ورا اهلك .. خليه يستجمعا .. ويعيد الثقة لحالو
ضحى : بس كان لازم يسمعني وبعدا يقرر
ندى :لا تتغطي عليه .. سعمي مني
ضحى :لايمت .. لايمت بدنا نضل عم نحارب ..صار وقت ناخد هدنة .. يعني هلأ وقت مشت الامور ..صار يكبر راس .. لك كل الدنيا علي .. بدي نوقف انا واياه ضدد هالزمن مابدي هو والزمن يوقفو ضددي .. اذا هو كبر راس ونا صرت كبر راس بعمرنا مابتظبط امورنا .. وكمان عم تحكيلي عن الكرامة .. الكرامة والحب مابيجتمعو ... انا كل يوم كرامتي عم تتمردغ بالارض بين رجلين ابوكي واخوكي .. ليش مابفكر فيني انو انا ماااطالع بأيدي شي .. المهم يحملني مسؤولية
ندى :طيب طولي بالك .. ومجد يمكن مانو هيك .. هاد يلي عم تحكيه مجرد افتراضات
ضحى :لا مو مجرد افتراضات .. مجد هيك بفكر
ندى :بتعرفي شو .. انتي كمان لازم تعطي حالك فرصة
ضحى :ماهية موجودة هه😏😏 رح استغلها وشو كمان انسة ندى
ندى : شو نسيتي عرس ولاد عمك بعد بكرا
ضحى : عنجد ؟؟؟ رايح عن بالي
ندى : بعرف انو رايح عن بالك .. مشان هيك جيت قلك قومي نلبس مشان ننزل ع السوق
ضحى :اي والله بدا نزلة ناقصني كتير غراض
ندى :لكن يلا بسرعة شو ناطرة
قامت بسرعة تلبس وهية عم تحاول تسعد حالا وتعطي حالا فرصة متل ماقالتلا ندى
_____________________________
بعد يومين
ببيت ضحى
صوت امها طالع وهية معصبة
ام ناصر :ولييش يعني بدن يعملو العرس قدام بيتنا
بكر :قدام بيوتن ديق .. ونحنا عنا ساحة كبيرة .. وبعدين التنين ولاد اخوتي شوفيها
ام ناصر :فيها انو بيتنا رح يصير سبيل والطالع طالع والفايت فايت
بكر : لا مارح يصير شي رح يجهزو كلشي بالشادر(الشادر:خيمة العرس) ومارح خليهن يفوتو ع البيت منيح هيك
ام ناصر :لا انت مابتعرف ... يعني لو وحدة من النسوان صار بدا تنيم ولادا بقلا روحي نيميه ببيكن .. ولا الحمام .. الكل بصير بدو يفوت ع الحمام .. وانا اكره علي نضف حمامات ورا حدا
بكر :مشان الله طولي بالك وخلي هالعرس يمضى على خير ... وكمان وحدة من البنات بتنضفو .. مرقيها ولوو
فتحت عيونا ضحى عصوت اهلا يلي طالع مبين انو في خناقة .. تجلست ولقت ندى اول مانها فايقة .. اتطلعو ببعض وضحكو
ندى :شوفي
ضحى :مابعرف قومي لنشوف
قامو ولحقو الصوت كان طالع من المطبخ .. قاعدين وعم يشربو قهوة ويتناقشو
ندى :الله الله على الرواق
امها :وانتو صح النووم
ندى :طيب شوفي من عند هالصبح
بكر : هكلانة هم كيف بدا تنضف الحمام بعد العرس
ضحى :ههه هلأ هي هية خلص ندى بتنضفو
ندى :بلله شووو .. وليش ماتنضفيه حضرتك
ضحى : لا والله مابنضف ورا حدا ... بكرا كل اهل الضيعة رح تفوت عليه .. انا مابنضف شي
ام ناصر : شايف حتى البنات مو قبلانين ينضفوه
فات ناصر وفتح البراد واخد قنينة مي وصار يشرب وقال :من كل عقلكن عم تتقاتلو عحمام مين بدو ينضفو وهو لسه ماتوسخ من اساسو
ندى :بس رح يتوسخ
ناصر :اي لاتفكرو وتنقهرو سلف ... بيت عمي اخدو مفتاح بيت جيرانا ورح يفتحوه مشان اذا حدا بدو ينيم ولادو واذا حدا بدو يفوت ع الحمام .. وبنات عمي رح ينضفوه .. يعني مافي داعي لكل هالدراما يلي عاملينو
ضحى :ايو جيران
ناصر :بيت ابو ناجي ..مانو فاضي
ام ناصر :اي ريحتني .. روح الله يريحيك
ناصر :من هالحياة ههه؟
ام ناصر : يووه ...بعيد الشر عن قلبك .. انو الله يريحيك بهل الحياة
ناصر : هههههه عم نمزح ولوو تسلميلي يارب
رجع قنينة المي ع البراد ومشي ليطلع من المطبخ ووقف جنب ضحى
ناصر :شو ام طمزة
ضحى :شو شو
ناصر :وينو سبع البرمبة .. ماقلتيلو يجي
ضحى :ماعم احكي معو
ناصر : اي بكون احسن .. لانو مارح تنبلع معي يكون هالبني ادم صهري
بكر :ناااصر
ناصر :ماعم نحكي شي ... انا برا عم ساعد الشباب بنصب الشادر
ضحى :اي منيح روح ساعدن بركي بتفيدن شوية بهندستك .. احسن مانك عم تنظر علينا
ناصر :لا مابو شي لسانك عم يتطور
ضحى :بفضل جهودكن
ناصر : هه😒😒😏
ام ناصر :يلا انتي واياها روحو خلونا نشتغل الشغلات وتلحقو تجهزو حالكن مشان العرس
ضحى :طيب بصير نجهز حالنا بدون مانشتغل الشغلات هههه
ام ناصر :اي روحو من وجهي
راحو وهنن عم يضحكو .. وام ناصر مبتسمة لانو ضحى رجعت لطبيعتها شوي .. وبكر كمان حاسس حالو فرحان لانو ولادو مبسوطين .. بس بيعرف انو يحيى وضحى في غصة بقلبن ..
حكي بقلبو :اذا مجد ما اجى وطلبا رح اخد جاها وروح اعتذر من الشيخ ولمجد انا بدي روح اطلبو عريس لضحى ... انا غلطت ولازم صلح هالغلط .. المفروض انا مربي اجيال وكون قدوة ... ومجد شب ابضاي وغلطت لما حكمت عليه من طفولتو ومن ابوه ..يارب سامحني
_____________________________
ببيت الشيخ
دخلت ام خالد لعند ياسمين ولقتها قاعدة ع التخت ومربعة رجليها وماخدة وضعية اليواغا
ام خالد :سمسومة .. شو عم تعملي ماما
حكتها وهية مغمضة عيونا :عم اعمل يوغا
ام خالد:وشو هي ؟
ياسمين :رياضة
ام خالد :شو هالرياضة هي وهلأ اذا قلبتك عجنبك بتغفي
ضحكت وفتحت عيونا وقال :هية استجمام .. مشان اطرد الطاقة السليبة
ام خالد :المهم .. مامهم شو يلي عم تعمليه .. جاي احكي معك بخصوص مجد
ياسمين :شبو
ام خالد :ليش كل مابيجي لعنا بتدحشي حالك بينن
ياسمين :لانو انا من راسي بروح بندحش فيهن ماهو جوزك بيندهلي وبصير يتطلب .. عملي ضيافة وجيبي قهوة
ام خالد :انا عرفانة شو عم يدور براس ابوكي
ياسمين :وانا كمان عرفانة
ام خالد :ورضيانة
ياسمين :يعني شو طالع بأيدي ..
ام خالد :انتي بتحبيه لهل الشب
ياسمين :لابحبو ولابكرهو .. هلأ انا بحترمو كتير وخصوصا الموقف يلي عملو معي ..بس مابقدر اتخيلو زوج او حبيب
ام خالد :ليش .. هلأ هو جيتي للصدق مجد شب مافي منو
ياسمين :وانا ماقلت هيك ..بس ماما انابحب
ام خالد :شوووو
ياسمين : والله غصب عني حبيت
ام خالد :ومين بكون
ياسمين :دكتور معي بالمشفى .. بس اقسم بلله مافي بينا اي شي حتى كلام مابنحكي مع بعض
ام خالد :وهو بحبك
ياسمين :ويمكن اكتر مابحبو .. اعترفلي بحبو بس اناقلتلو مابقدر اربطك فيني لانو مصيري بأيدبابا
ام خالد :طيب مزال بحبك ليش ما اجى
ياسمين :كان عم يجمع المهر .. واصلا هلأ حتى لو جمعو متأكدة انو بابا مارح يوافق
ام خالد:ليش
ياسمين :لانو بكون اخوها للبنت يلي راحو وطلبوها لمجد
ام خالد : وشو بدك تعملي هلأ
ياسمين بغصة:ولا شي .. يلي بدو اياه البابا رح يصير ..اذا بدو يزوجني لمجد ماعندي مانع ..
ام خالد :والدكتور ؟؟
ياسمين :رح انساه وكون مخلصة لجوزي .. مستحيل فكر برجل تاني وانا ع زمة واحد
ام خالد :الله ينولك يلي ببالك ياقلبي
ياسمين :تسلميلي يارب .. ولايحرمني من حنانك
__________________________
ببيت مجد
دخل البيت ومبين على انو في شي محيرو ..
دخل ع المطبخ .. وكانت زينة مشغلة الخلاط وعم تعمل كاتو
قرب منها وسحب الفيش من الحيط ليوقف الخلاط
زينة: ليش عملت هيك
مجد :هلأ بتشغليه .. بس بدي اسألك عم تحكي مع ضحى
زينة :عشو بدي حكيها
مجد : ما موبايلا معها
زينة :عنجد ؟؟ اي بس ماحكتني
مجد :طيب اتصلي فيها هلأ وحكيها
زينة :مابدي .. ليش هية ما اتصلت معي
مجد :بعدين بتزعلي منها عكيفك المهم هلأ اتصلي فيها
زينة : طيب شوبدك منها
مجد :في شادر عم ينصب قدام بيتن بدي اعرف مين بدو يتزوج عندن
زينة :عحد علمي محدا خاطب
مجد :لكن ليش عم ينصبو شارد
زينة :بركي عزا
مجد :شو فيهمة .. عزا بدن يزينو ويحطو بفلات
زينة :طيب رح اتصل فيها لخلص الكاتو
مجد :ما وقت الكاتو هلأ يلا اتصلي فيها
زينة :ماشي .. هات موبايلك موبايلي مافيه رصيد
مجد :يعني لو بدي اتصل فيها من عندي ماكنت طلبت منك
زينة : رح اتصل فيها واتساب واذا ماعندها نت بتحولي رصيد
مجد :امري لا الله يلا روحي اتصلي فيها
_________________________
ببيت ضحى
طالعة من غرفتها ومعها كيس والظاهر فيه تيابها يلي بدا تلبسن ع العرس .. ومشت لغرفة القعدة
كانت ندى ويحيى قاعدين جنب بعض ومعن بطاقة
ضحى :ندى يلا قومي نروح لعند ضحى نلحق نروح معا ع الصالون
ندى :حكيت معا وقال لسه بعد نص ساعة
ضحى :طيب قومي نروح بنضل هالنص ساعة عندن .. ليكي برا عم تعجق ومابدنا نطلع قدام الشباب
يحيى :طيب اذا بدكن تروحو قومو لوصلكن
ندى :بس لخبي كرت العرس واجي
قامت ووقفتا ضحى :وقالت فرجيني انا ماشفت كرت العرس لسه
ندى :خدي شوفي .. حلو ما
ضحى :اي والله شي كلااس .. اصلا يلي مزين الكرت هو اسمي🙂🙂
يحيى : ههههه شي اكيد اسمك يلي محليه
ندى :ليش انت العروس
ضحى :ماضروري كون العروس .. بكفي اسمها ع اسمي
ندى :وانتي الصادقة اسم ستك الله يرحما
ضحى :المهم الاسم ضحى
يحيى :بكرا لتتزوجو انا يلي بدا اختار بطاقات العرس
ضحى :تسلميلي يا اخي .. الله يفرحني فيك وشوفك احلا عريس
يحيى :الله كريم .. يلا مشينا
رن موبايل ضحى اخدتو من جزدانا وتفاجئت بأسم زينة
ندى :مين
ضحى :زينة اخت مجد
يحيى :مابدك تردي ؟
ضحى :مبلى .. بس شو ذكرها فيني .. وانا اصلا ماتواصلت معها من يوم رجعلي الموبايل
ندى :هههه اكيد مجد هو خبرا .. هلأ يلا ردي
ضحى :الو
زينة :كيفك يا خاينة
ضحى :هههه مشتاقتلك
زينة :اي واضح الاشتياق
ضحى:صدقيني ظروف
زينة :خلص صدقتك .. قوليلي كيفك
ضحى :الحمد لله من الله بخير
زينة :ومن العبد
ضحى :الحمد لله .. انتي كيفك
زينة :تمام مشتاقة والله
ضحى :دووم يارب
زينة :بدي اسألك مين عم يتزوج عنكن
اتطلعت بوجه اخواتا وابتسمت
يحيى وزينة: ؟؟؟؟
فتحت السبيكر وقالت :شو قلتي زينة ماسمعت
زينة :عم اسألك في شادر عم ينصب قدام بيتكن عرس مين
ضحى :وانتي مين خبرك
زينة:اااه .. اي مراد اخي قلي ..قلت لأسألك
ضحى (بعدم تصديق ) :قلتيلي مراد
زينة :اي والله مراد
ضحى :رح خبرك بس لاتخبري مجد
زينة : مافهمت
كانت عم تحبس الضحكة .. اخدت نفس وقالت :اليوم عرسي
زينة :شووووو .. عم تمزحي
ضحى : لا ليش لامزح
زينة :لا لا اكيد عم تكذبي
ضحى :شو مصلحتي لاكذب .. خلص انا اليوم عرسي .. وصارت الشغلة ع السريع مشان . وسكتت
زينة :مشان مجد ؟
ضحى :اي .. خلص اخوكي تركني وراح.. واهلي جبروني ع ابن عمي وانا وافقت
زينة صوتا تغير وكأنها عم تبكي : ضحى بشرفك لاتمزحي هيك مزح ..
ضحى :ماني عم امزح .. ورح ابتعلك كرت العرس لتشوفيه وتتأكدي
زينة :طيب يلا بعتيه .. مارح صدق لشوفو
ضحى :ثواني
سكرت وضحكة ضحكة كبيرة
يحيى :انتي مجنونة
ضحى : مزحة .. خليه يحترق شي شوي لكن انابيحظرني
يحيى :بس هي كذبة كبيرة
ضحى :لاكبيرة ولاصغيرة .. يعني اول ما يخبر رح يتصل فيني وانا رح قولو اني عم امزح
ندى : اي مابتقصر فيه .. خدي اختي صوري الكرت
ضحى :معقول يلاحظو
ندى :حاولي ماتظرهي اسم الاب يلي ع الكرت
ضحى :هههه وهو هيك
هاتي هالكرت لهون
اخدتو وصورتو .. وبعتت الصورة
ندى حطت الكرت ع الكومادينا فوق التلفزيون
ندى :يلا رح نتأخر
ضحى :خدي مسكيلي غراضي لالبس برجلي
اخدت ندى الغراض منها .. وموبايل ضحى حطتو ع خزانة الاحذية .. ونسوه وطلعو
اول ماركبو السيارة
ضحى :ندى عطيني موبايلي
ندى :ليش ماعطيتك اياه
ضحى :لاا
ندى :ييي ... يمكن حطيتو ع خزانة الكنادر
ضحى :اي نزلي جيبيه
ندى :اي خلصينا عاد هلأ مين رح يتصل فيكي رئيس الوزراء
ضحى : لك بدنا نتصور بالصالون
ندى :بنصور بموبايلي اصلا موبايلي صورو احلا
ضحى :طيب ماشي .. يحيى امشي مابدي انزل قدام الشباب هلأ
دور السيارة ومشو
________________________________
طلعت ندى من غرفتها وتوجهت فورا ع المطبخ .. ومجد شافها ولحقها فورا
مجد :حكيتي معها ؟
زينة : لا ماعندا نت
مجد : عطيني موبايلك
زينة : حكيت
مجد :وليش عم تخبي عني ؟؟شو قالتلك
زينة نزلت راسها وماحكت
مجد : لك احكي.. شو قالتلك ...بهدلتك يعني
زينة :لا
مجد :لكن شو
زينة :عرسها هية
مجد :شوووووو
زينة :هية هيك قالتلي
مجد :كيف .. ومين
زينة :قال ابن عما
مجد :ههه لا لا بتكون عم تكذب عليكي
زينة :لا والله ماعم تكذب حتى صورتلي كرت العرس .. وقال عملوه بسرعة مشان ماتعملن مشكلة .. وكمان نبهتني انو ماخبرك
مجد :وين الصورة
عطتو الموبايل وشاف الصورة ..اسمها واسم ابن عمها غطاس
مجد :كييف واييمت
زينة :بترجاك اخي اهدى .. مانها من نصيبك
مجد.:قلتيلي قالتلك انو عملو هالشي بسرعة مشان ما اعملن مشاكل
زينة :ماقالت هيك حرفيا ..
مجد.:بس هيك كان قصدا
زينة :خلص يصطفلو اصلا هنن الخسرانين
مجد :مابدن اعملن مشاكل .. بسيطة انا رح فرجيكن كيف بتصير المشاكل
زينة :اخي بنرجاك لاتتهور
تركها وطلع وهو طالع عم يكبس بموبايلو .. وطلب رقمها بعد ما شال الحظر عن رقمها ..
حطو ع اندو بس محدا عم يرد
مجد بعصبية :طبعا مارح ترد عروس ...انا بفرجيكن اذا رح خليه هالليلة تمرق على خير
________________________________
المسا
انفتح باب بيت اهل الضحى
ودخلت ضحى وندى كانو لابسين فساتين طويلة للأرض مع فوقها حجاباتن ع نفس الالوان ومكياخ طفيف جدا .. ومع انو كان خفيف كانو حلوين جدا ومبينين طبيعيات ..
ضحى :رح صلي المغرب قبل مايروح علي
ندى :وانا كمان .. منيح ذكرتيني نتوضى قبل ما نلبس ونتمكيج
ضحى :ما انا حابسة هالحساب هههه
ندى :اشقد بدو لآذان العشي
ضحى :نص ساعة
ندى :اي منيح رح نلحق المغرب لكن .
دخلو صلو .. وبعدها وقفو ع المراية
ضحى :والله حاسة انو مانا حاطين شي
ندى :بدك اخواتك او ابوكي يقبرونا
ضحى :صحي شو رأيك بالعروس وبفستانا
ندى :حلو .. بس في احلى
ضحى :لك هاد اكتر واحد لبقلا ماشفتي كيف كتافها عراض ..
ندى :ههههه انتي عشو بتدققي
________________________
برا .. حوالي الشارد بس بعاد شوي .. واقف مجد قدام سيارتو وحاوليه اخوه مراد وحمود والباقي كلها رجال مسلحة
مراد :مجد بشرفك حاج جنان .. خلينا نرجع
حمود :اي والله يامعلم .. لاتبلي حالك
ما عم يرد عليهن ..
اخد موبايلو ورن عليها كمان ماردت
مجد :مراد عطيني موبايلك
اخد موبايلو واتصل فيها كمان ماردت
مراد :يا اخي
مجد بعصبية : مشانو للرب تخرسو ... ماني متستحمل ولاحرف
مراد :بس هيك مابتنحل الامور
مجد رفع ايدو بأصبعين ✌: شغلتين مافي غيرن اذا ماكانت الي مارح تكون لغيري
مراد :بدك تقتلها ؟؟
مجد :ولابشوفا رايحة مع حدا غيري
حمود :وتبلي حالك وتفوت ع السجن
مجد :حدني الجهنم ساعتها .. المهم ماتكون مع غيري
مراد: طيب ليش عم تتصل فيها
مجد :مشان اعطيها فرصة .. تعيش
مراد :بدك تخطفها
مجد :يا بتجي وبتعيش معي يا اما رح تموت هون .. والقرار الها
مراد :واذا ماردت
مجد :......
مراد :طيب شو ناطر
مجد :ليجو العرسان هه😏
مراد :خلينا نخبر تحسين
مجد: اصحك مراد
مراد :الله يجيب العواقب سليمة
___________________________
الاغاني اشتغلت والناس قامت ع الدبكة نسوان ورجال .. بس العراسان لسه ماوصلو
وداخل البيت
ضحى :قبل ما انسى بشرفك ابعتيلي صوري بسرعة .. انتي مجنونة بكرا بتمسحيهن
ندى :خليصنا طلعي هلأ ليكي كيف اشتغلت الاغاني
ضحى :بدك نطلع هيك لحالنا هلا بتجي امي وبنطلع معها.. المهم بعتيلي الصور
ندى :افتحي بلوتث .. ما معي ميغا
ضحى :اي صحي موبايلي نسيتو هون ..وين حطيته
ندى :شوفيه ع خزانة الكنادر بالصالون
ضحى : لك من شوي سمعتو كأنو عم يرن وانا قول لا يمكن ماهو ... ومأمنة انو معي
ندى :ههه مبروك عليكي الزهايمر
طلعت ضحى بسرعة واخدت موبايلا .. ولاحوالي الخمسين مكالمة من مجد وزينة وارقام مابتعرفها ...اول ماشافت هالكمية من المكالمات نقزا قلبا ورجف حيلا .. فتحت ع الرسائل .. كانو كم رسالة وكلن من مجد .. :ردي يا عروس ... ردي لتضمني حياتك شقهت وحطت ايدا عتما بخوف .. عرفت انو مجد معصب كتير وموصلو لمرحلة اكبر من الجحشنة ..
ضحى :ياربي انا شو علمت
كبست ع الاتصال .. واتصلت فيه وهية عم ترجف
مجد :واخيراا رديتي ياعروس
ضحى :مجددد
مجد : اسمعي ضحى اذا بتطلعي ع الاسكي الرصاصة رح تكون بنص راسك ... اقسم بلله لحول هالعرس لمجزرة
ضحى :مجد اهدى واسمعني
مجد :مافي وقت لاسمعك .. ناطرك برا .. اذا مااطلعتي قلتلك شو رح اعمل
ضحى :مارح يصير شي
مجد :لاا رح يصير .. الضيعة مليانة رجال بس ناطرة اشارة مني
ضحى :لاتتهور ..لك انا ماني العروس
مجد :شوووو
ضحى :اي العروس ما انا ... العروس بنت عمي ضحى ..اسمها نفس اسمي
مجد : لحظة .. لحظة .. ياريت ترجعي تعيدي لانو انا ماعم افهم شي خالص
ضحى :العروس بنت عمي ابو منهل .. واسمها ضحى .. انا واياها اسمائنا ع اسم ستي
مجد : مو انتي يلي خبرتي زينة انك العروس
ضحى :اي .. مشان اقهرك
مجد :مشان تقهريني .. لك انتي بتعرفي كذبتك شو عملت فيني ... انا كنت رح افقد عقلي وانتي عم تتمايعي وتكذبي
ضحى :لك غلطت .. لاتحملها .. وبعدين الحق عليك انت يلي حاظرني
مجد :عم تقوليها وبكل برود .. لك ياربي .. ياربي هالبنت رح تجنني
ضحى :خلص روق وروح بكرا بنحكي
مجد :لانو انا من تحت امرك .. ساعة بتكذبي وطول اليوم بدقلك ع *****ومابتردي وهلأ روح يامجد ع البيت .. لك انتي شايفتيني ولد صغير عندك عم تضحكي عليه
ضحى :والله ماهيك .. بس عأساس امزح معك وخبرك فورا بس نسيت الموبايل بالبيت وهلأ حتى شفتو
مجد : لك لسه بتقلي عم امزح ... مية زلمة هون مستنفرين بسبب مزحة .. مزحة .. عم تمزحي معي ياضحى .. مابتعرفي انو انا مابينمزح معي
ضحى :لك ليش هيك عم تحكي معي ..
مجد.:كييف بدك اياني احكي .. وانا الشرار عم يتطاير من راسي ...خلاقي واصلة لراس .. لك ماضل خلاق ...
ضحى :طيب انا اسفة
مجد:اسفةةةةة؟؟؟؟ ... وين بتنصرف هي .. وييننن ...لك انا من الصبح ونار وشاعلة فيني وهلأ عم تقولي اسفة .. لك قلبي من الصبح عم يحترق وانا عم اتخيل انك عم تروحي لغيري
ضحى :طيب شوبدك اعمل وانا جاهزة
مجد :هلا بتحملي حالك وبتطلعي معي ومابتطلعي وراكي
ضحى :روح معك خطيفة ؟؟
مجد :وهلأ
ضحى :مجد سمعني.. ابي وافق عليك وخبرني انك تجي ومابدو منك شي لاجاها ولا مهر ولا اي شي ..
مجد :وانا مابدي اياكي غير خطيفة .. الخيار الك
ضحى :واذا ماجيت رح تقتلني
مجد : لا .. بس رح شربك من نفس الكاس يلي طول اليوم وانتي عم تشربيني منو
ضحى :شوبدك تعمل
مجد :بدي احرقلك قلبك وخليكي تجربي هالشعور انو حبيبك يروح لحدا تاني ... بس انا مو مزح .. لأ جد والعروس جاهزة وبظن صار عندك علم مين بتكون
ضحى :لا انت مابتعملا
مجد.:ليش لحتى ما اعملا .. بالعكس انا يلي بعملا
ضحى :مجد بترجاك خلينا نهدى وبنحكي عرواق
مجد :ماعندي غير هاد الحكي .. معك ساعة بتفكري وانا هون ناطرك .. بتتصلي فيني وبتقوليلي انا جاهزة ..باخدك وبنروح ... واذا ما طلعتي هلأ رايح لعند الشيخ واطلب ايد بنتو
ضحى عم تبكي :مجد مشان الله لاتعمل هيك .. بترجاك
مجد :استغلي هالوقت بالتفكير احسن من البكي والنواح
ضحى :مجد لاتسكر مشان الله سمعني .. انا بحبك
مجد :وانا كمان بحبك
ضحى :لا تعظل هيك وتقهرني
مجد :يعني مارح تجي معي
ضحى :لك ابي وافق .. وافق
مجد :وانا مابهمني
ضحى :حرام عليك لاتظلمنا بساعة غضب
مجد :انتي يلي وصلتينا لهون وبساعة مزح ومسخرة
ضحى :قلتلك ما قصدي
مجد : هاد يلي عندي .. ناطرك
ضحى : مجد .. مجد .. مشان الله لاتعملا .. مشاان الله ... عم جوه عليك الله
مجد :.... .
ضحى :لك ياسمين يحيى بحبا .. حرام عليك تظلمن هنن كمان
مجد :اااه والله .. لكن صارو سببين لحتى اخطبها
ضحى :مجددددد .... مجددددد سمعني .. بترجااك
طوط .. طوط ..طوط ....طوط..
بتنهار وبتنزل ع الارض وبتدفن وجها بين اديها وبتزيد ببكاها
_____________________
مراد: شو صار ..
مجد :مو هية العروس
مراد :تمام .. خلينا نرجع
مجد :مو قبل ماتكون ضحى معي
مراد :لساتك متنح عند قراراك
مجد :اي
مراد :وبركي ما اجت
مجد :رح تجي
_________________________
طلعت ندى ومعها مابايلا وعم تحكي فيه
ندى :اي ماما .. يلا جايين
طلعت ع الصالون مالقت حدا
سكرت الموبايل وصارت تدور ع ضحى
ندى :ضحى.. ضحىى.. وينك
من الحمام
ضحى :انا هون
ندى :قومي نطلع الكل صارو برا .. وامي قالتلنا نطلع
ضحى :مافيني اطلع روحي انتي
ندى :ليش شوصاير
ضحى بصوت مخنوق :اجتني
ندى : لاتقوليها
ضحى :مشي الحال قلتا.. روحي انتي ببدل تيابي وبلحقك
ندى :يعني اجى شي ع فستانك
ضحى :شوي .. يلا رح بدول واجي
ندى :ياربي على هالحظ مع انو كان طالع بجنن عليكي
ضحى :مامشكلة .. خلص روحي انتي
ندى :طيب لاتطولي
ضحى :لا ..روحي شوفيلي الوضع برا وتعي خبرني .. مشان اطلع معك بخجل لحالي
ندى :اوكي .. لما تخلصي عمليلي رنة
ضحى :ماشي
طلعت ندى .. وضحى فتحت باب الحمام ودخلت على غرفتها وقعدت على حرف التخت وصارت تبكي
ضحى :لييشش ... ليييشششش .... ااااااه
_______________________
برا بالعرس العروسين قاعدين على الاسكة ..والناس بالساحة عم تدبك وترقص ... وشخص معو طبل وعم يدق عليه ..يعني عرس ريفي على اصولو .. كان ناصر قاعد عجنب هو ورفقاتو واخواتو وولاد عمو .. اجا شب اول طلعتو همس بأدنو وراح .. وقف ومشي .. رسم العقدة بحواحبو .. واتجه ع المكان المطلوب .. وصوت الولد عم يرن بأدنو .: ناصر لاحظنا حركة غريبة .. ورحنا انا ورفقاتي نتحرى شو الامر .. واكتشفنا انو مجد محاوط المنطقة ومعو رجال مسلحين ع عدد شعر الراس
ناصر :وينن
الشب :ببستان ابو خليل
#باااك
ناصر وهو عم يحكي مع حال:شو بدك يا ياواطي ع شو ناوي .. بس بسيطة جيت والله جابك من زمان متحلفلك انا
وصل ع البستان بس ماكان حدا مبين زيادة من العتمة والشجر
ناصر :مجدددد
طلع صوت مجد من امامو بس بعيد شوي
مجد :خيرر
ناصر :وينك فرجيني حالك
مجد :قدامك .. امشي بتلاقيني ناطرك
مشي شوي ولقاه هو ورجالو واقفين
مجد :نعم
ناصر :شو عم تعمل هون
مجد :مو شغلك
ناصر :شغل مين لكن
مجد :انت ليش جاي لهون
ناصر :لأنو قالولي في حرامي لاطي ببستان ابو خليل وجيت شوف شو ناوي يسرق
مجد بخبث: العما شو عرفك
ناصر :يعني حزرت
مجد :انت الي حزرت
ناصر :شو جاي تسرق
مجد :اختك
ما استحمل يلي انقلو .. وهجم عليه بس رجال مجد وقفوه
ناصر :وعم تجيب سيرة اختي بكل وقاحة يا وقح .. يا فلتان
مجد: تركوه
ناصر :ليش ماوصلك خبر انو تجي تاخدا وتضرب منك الها
مجد.:مبلى بس انا معد بدي اياها رسمي .. غير خطيفة مارح اخدا
ناصر :مافشرت توطي راسنا يا حقير
هجم عليه ومجد كمان هجم .. تنيناتن كانت قلوبن مليانة حقد اتجاه بعضن ... وبلشو بتضاربو بقسوة ومارحمو بعض ..
مجد.:والله لاخطفا وكسرلك هالراس
ناصر :فشررت .. والله مابتطولها بهي الطريقة وانا حي (ويضرب)
مجد :اي هلأ بنشوف هية هلأ بطريق (ويضرب)
ناصر :اقسم بلله بقتلا قدام عيونك
مجد : استرجي مس شعرة منها وهية صارت بحمايتي
ناصر :انت احمي حالك بالاول ..
مجد.:وقت الجد بحمي حالي والضيعة كلها .. ماني جبان متلك
ناصر :ماني جبان .. يا فلتان يا بلا شرف يا ********** ويا **********
مجد : انت قدو لهل الكلام
ناصر :قدو ورح *******
زاد ضربن لبعض وبشكل مخيف .. تيابن تشققت والدم ملا وجهن .. والشباب كل مابدن يقربو مجد يصرخ عليهن ليرجعو
ضلو يتضاربو لحتى ملامح وجهن معد بينت .. انبطحو ع الارض وهنن عم يلهتو
مجد بصوت تعبان و عم يسعل :اح ..اح .. رح اخدها
ناصر عم يلهت :على جثتي
وقف غصب واتطلع على مجد يلي اتجلس بس ماقام عن الارض
ناصر :والله مارح تاخدها
مجد :.......
ناصر :قوم انقلع من هون مالك بنات عنا
مجد.: معد بدي بنات من عنكن .. بس كنت عم استفزك لحتى تستمر .. ولحتى اضربك اكتر
ناصر :روح من هون .. مارح خليها تجي
مجد.: عاطيها مهلة ساعة مارح روح قبل ما تخلص الساعة
ناصر : البنت مابتطلع الا من بيت ابوها معززة مكرمة
مجد :وانا مابدي منيتك ولا منية ابوها ..اذا اجت هلأ لاتحلمو تطولها
ضحك بسخرية ناصر وقال :واذا ما اجت
مجد: رح احرق قلبها وقلب اخوها
ناصر : انا محدا بيقدر يحرقلي قلبي
مجد :مو قلبك قلب اخوك الدكتور .. خبرت انو بحب بنت الشيخ
ناصر :اي تتهنى .. وعفكرة مارح تأثر علينا بشي
مجد.:بكرا بنشوف .. ورح احرقلكن قلبكن عليهن وانتو عم تشوفوهن عم يتعذبو
ناصر : نتعذب نموت المهم انت بعيد
مجد.:رح تشتهو قربي
ناصر : ولا رح يصير
مجد.:روح استعجلي اختك طولت علي وانابكره الانتظار
ناصر : هههههه
تركو ومشي وهو عم يعرج .. طبعا منظرو مابنشاف .. تيابو كلها متنرة ومعابية دم
مجد :مراد تعال اسندني ع السيارة
مراد: بتعرف لو لسه بتلقى كف ماكنت رح ابخل عليك فيه
مجد.:ههههه
مراد :اقسم بلله مجنون
مجد:تعال اسندني ولااه
قرب ليسندو واول مالمسو صار يتوجع
مراد :بتستاهل
مجد :شقد الساعة
مراد :تسعة الا خمسة
مجد :لسه خمس دقايق
مراد :مارح تجي
مجد :لسه خمس دقايق
مراد:اخوها رح يمنعا
مجد.: اخوها بدو عشر دقايق مابيوصل عمشيتو
________________________
دخل ع ساحة العرس والكل لما شافوه جمدو بأرضن .. طفو الاغاني والموسيقا .. وقربو كلن منو ليعرفو شو صار .. بس هو تجاهلن وضل مكمل لعند ندى يلي قامت بوجهو ملهوفة
ندى :اخي ياعمري مين عامل فيك هيك
ناصر :ضحى ويين
ندى :بالبيت
بعدها من وجهو ومشي ع البيت بسرعة .. وعم يقسى على حالو بالمشي
وصل ع البيت وصار يخبط عليه بقوة .. بس مافي رد
ناصر بعصبية :ضحىىى

يتبع ......