منقذي ذو النجوم

بارت 10

واحنه نتعشه كرار كالي اليوم سجلتلج بلمدرسه وره اسبوع دوامج اتحضري نطلع ونشتريلج ملابس..

ماحجيت شي لانه ماخذه بخاطري منهم....

كمت دخلت علي همينه واحنه نلعب اجتي رزان وياها موبايل كرار وكال هذا حسام يريد يشوف علي فاتح كاميرا ويكول اليوم اجيت ومالكيتكم بلبيت كلناله ريم جانت بلبيت كال لامافتحت الباب....صفنت شلون هو يخاف عليه وع سمعتي والي عندي واسمه مرتبط بااسمي واني عرضه ماسوه الي هو سوا...

خليت الكامره ع وجه علي وهو يضحك الازعر وذاك يكوله ياروح بابا ولك كبران وصاير حليوه مثل الي بالي ...

يااا يعني يقصد عليه حجه شويه وشاف علي وبلاخير كالي ديري بالج علي اني باجر التحق ومااريد من ارجع صاير بي شي....سد الخط وانطيت الموبايل بيد رزان وودته...

كملت هل اسبوع بين تحضير ملابس المدرسه بس هم كله اسود ماغيرت غير لون.....وبهذا الاسبوع ماادري كرار منين جايب رقمي ويراسل واني مااهتمله ونوب يدز حجي يلعب النفس...

اجه اول يوم دوام واني اطلع علي جلب بيه اله يروح ويايه ياحبيبي ياعيني مرايحه لمكان اتونس وهو طفل مايفهم ...كرار كال خلي احمد يوصلج واني اخذ علي ...ردت احجي بس جان مصر ...

اجه احمد وصعدت وره كال تعاي اصعدي بلصدر كتله بااحلامك والله يالله هو اني منا ماطايقته ومنا يجي هيج يحجي ....

ووصلنه واني انزل جلبت الصدريه ماادري وين نزل احمد وهو يريد يفكه رفعت عيني وجان اشوف حسام من بعيد شلون يباوع يااا عززا هذا شجابه شويه وشفت اخته الي اجت يمنه ذاك اليوم....

وخرت بسرعه من يم احمد بعد مافك الصدريه دخلت وهذا العالم جديد عليه وهناك اكو الي يلبسن عبايه مال راس يعني من صدك كلشي جديد عليه...

دخلت للاداره مالت المدرساات عبالي مال مديره بس كلهم يباوعون عليه ماادري شنو من نضره كتلهم السلام عليكم ممكن غرفة المديره وين ....اتقدمت يمي المدرسه كالت جديده كتلها نعم ست ودتني للاداره رحبو بيه ودلوني ع الصف مالتي دخلت جان اكو مكان فارغ يم بنيه بلرحله الثانيه كعدت وياها كتلها مرحبا خوماكو احد كاعد يمج وهيه تعلج كالتلي لاعيني..

ردت اكوم شكلها ماعجلني دك الجرس ودخلو الطالبات بعد ماكدرت اكوم ....يعني بلمختصر المفيد يوم بائس وممل بعد تعرفون شعور اول يوم وبمدرسه جديده بس الشي الحلو يوم السبت هم عطله ويومين صباحي و٣ ايام مسائي والوجبه الورانه ولد وهيه المدرسه متوسطه واعداديه ...احنه لانه مدرستنا جانت شويه معروفه وتشبه الاهلي وبلواسطات يله يقبلون بيها فجان اكو دوام يوم السبت همينه ....

من اريد اطلع شافتني زمن واكلتني بلسلام كالتلي ولج ليش مو بشعبتي كتلها بعد صارت هيج كالت ها وبعد سكتت بس كل ساع تباوعلي وتجر حسره ....

اجه اخوها لزمن وراحت بس مو حسام....واجه عليه كرار كال من باجر عندج خط سجلتلج بي يوديج ويجيبج....

وصلت للبيت وركض علي يمي حضنته وبوسته وانطيته نستله جنت مشتريتها بلمدرسه...

كمت اخذتلي شاور وبدلت وطلعت شفت رزان مسخنتلي الاكل اكلت وكمت اخذت علي وضليت العب وياا وهو فرحان اجه كرار كال يله جان يريد ياخذ علي يم بيت جدو ...همه راحو بقينه اني ورزان اني دخلت نمت اشويه وكمت شفت علي يمي نايم منيمته رزان استعدلت من يوم الي حجيت وياها ...كمت غسلت وشفت مسجات من احمد اصلا ولافتحته مسحته رأسا ماعندي خلك اله ....كمت حضرت جنطتي وكتبي ودرست بس اريد اشد حيلي حته احقق حلم ماما اصير محاميه هيه هم جانت تشجعني ع هذا الشي بس اتذكرتها نزلت دموعي ...

مسحتهن وكمت درست وبليل كرار كال بيت جدو كلهم راح يطلعون للمطعم احنه هم نروح اني هم اتحضرت ولبست تنوره سوده مخصره ع جسم وياا قميص هم اسود وبي شغل يعني كلشي اسود ماعدا الاكسسورات والساعه رصاصي والكب رصاصي ....طلعنه بس تونست هاي المره ضحك وسوالف وافترينه السوك ورجعنه للبيت راسأ اني نمت جنت تعبانه من بعد مانيمت علي ...

كمت الصبح اوف الحمدلله علي نايم حته مايجلب بيه بدلت هم اسود بس ع غير موده ....طلعت وشفت كرار يتفق ويه السايق جان جبير بلعمر... وخلصت المدرسه بين دروس وفرصه وزمن هم اجت سلمت عليه بس علاقتي سطحيه وياها ...ماحبيت اكون صداقات لانه هيه بس سنه فعلى شنو...

واني اطلع من المدرسه ردت اطلع بلخط اجه احمد لزم ايدي كال اني اوصلج شلون بلوه بله هاي والطالبات يباوعون كتله روح منا احسلك شوف شلون يباوعون راح يم السايق كال اني خطيبها وابن عمها ماحجه شي صعدني ويا واني صعدت تجنبا للمشاكل لانه الطالبات يباوعون ...واحنه نمشي شفته غير طريقه كتله هذا مو طريق بيتنه كال اعرف.....واني اصيح واكوله نزلني وهو ولاكأنه يسمع..

يتبع.