بلا سند

البارت الرابع

بلا سند

بقلمي
نايا البصرة

هذوله احنى
مشت دنيانه ب المگلوب
والتمت علينه حروب
وانسدت دروب وبوب
لكن ابد ماطحنه
سمر سحنه
ورد جوري اذا فحنه
والفرح طر المدينه
وانطه للناس التريده
دگدگ البيبان كلهه
ومن وصلنه انشلت ايده
ااخ ياحزنك يگلبي
جمره مضمومة بجريده

(مصطفى)

جنت كاعد اني وامي بصاله واجت مرت اخوي ايه وكعدت يم امي وطلعت موبايله تراوي بأمي صورة هي وخواته وكالت الامي

عمه شوفي خواتي هذن هنا

وهي تراوي بيهن الامي لمحت بصورة ابنيه واكفه صفح بس حلوة سبحان الله على البرائه لي عده
نعجبت بيه كلش

وراء فترة حاجيت امي كتله يمه اني أريد تخطبولي اخت ايه

امي جانت تريد تخطبلي بت خالي واني مااريده بالبدايه عارضت لأن يريد بت خالي لي بس بعدين اقتنعت

دزينه ايه حتى تحجي ويه اخته وبيبيته بس البنيه ماقبلت لأن تريد تكمل دراسه ظليت ادز اخته تحاجيه بلكي تقنع

(ندئ)

جنا كاعدين نشوف اختي وعمته دخلين علينه استقبلناهن اني واختي سارة وكعدن يم بيبي بالاستقبال
شويه وحجت عمة اختي ايه وكالت
احنه جايين نخطب بتكم ندئ لبنه مصطفى
بيبي ماحجت واني كتله

خاله اني ممفكرة بالزواج اريد اكمل دراستي واي واحد يجي عليه ارفضى
ظلت ساكته المراة ماحجت شي بس مبين عليه مراضيه عود لأن رفضت ابنه

كعدت شويه واخذت اختي وراحت

بيبي من اجت عمة اختي ظلت تضغط عليه حتى اقبل وحتى ضرب تضربني وجانت تكلي

اذا ماتقبلين تزوجين طلعي من بيتي

واني ماعندي احد اروح له ولا اعرف احد ظلت بيبي كل مااسوي شي لازم تضرب وتطرد حتى مرة جنت

جنت كاعده اغسل بالماعين ونكسر صحن وكع من يدي ونكسر
مو صحن نكسر عبالك مااعرف شنو
ركضت وراي واني لبدت بالغرفه وقفلت الباب عليه وابجي وعندي دراسه ومادارسه ولا اكل مااكله محبوسه بالغرفه
فتحت شباك بيبي كاعده بساحه وكتله
بيبي عفيه خلي اطلع
وهي ترد عليه

بس طلعين اكتلج والله

ظليت بالغرفه لحد مااختي سارة غافلت بيبي وجابتلي اكل وكتبي حتى ادري ونطتني الكتب من الشباك وكعدت ادرس وابجي

ومرة ردت اتعلم الخبز والعجن حتى اساعد اختي سارة لان اشوفه وحده شايله مسؤليتنه ومحد يساعده فكلت له علميني واني اساعدج ظلت تعلمني مثل هي تسوي المرك واني تمن (الرز)

واذا جنت اريد اطبخ التمن بيبي تطرد بيه وتكلي

لا تخربين الاكل
بس اني مااسمع وظل اتعلم