ايامنا الحلوة

البارت الثامن

وبهذه الاثناء اجه عادل وفتحتله الباب وسلم على عمامه وخالاته منار وامي وكعد ويه ياسر دومنه وطاولي...
صعدنا اني ومروج نسولف سوى بس هي مو مثل قبل... جنا من نضحك
يصعدون يسكتونا...
ضعفانه وذبلانه وعيونها الخضر كلها دموع
المهم كتلها لح انزل اشوف شكو ماكو وانتي براحتج

عادل من طبيت للبيت مالكيت مروج من سالت عليها كالو جايه.. بس اشعجب هذا الهدوء جانت هي وشمس اذا التقو  البيت يصير جنه.. المهم تعبنا من العب ياسر كال لح اتمدد اشويه بين ميصير الغدا
وطبعا عمامي ملتهين يسولفون والنسوان بالمطبخ
كعدت يمهم اشويه وطلعت وويه ماطلعت سمعت خاله منار تسولف عن مروج لام شمس
والله يا ام شمس ولااعرف اشبيها صارله شهر
ام شمس يا ليش
منار تعبت واني احجي وياها
حتى اكل متاكل غير تحجي ابوها وياسر
بلكه شمس تاخذ منها حجي منا منا
حتى اعرف اشبيها هالبنيه
ام شمس اي هن صديقات اكيد لح تسولفلها
منار يارب
اني سمعت هيج مااعرف صار عندي فضول اشوفها وين
طلعت للحديقه شفتها كاعده بالمرجوحه صدك انصدمت هذه مروج... ضعفانه بس بعدها عيونها حلوة ويه الشمس.... وكوه لازمه الدمعه
زين اشبيها
شمس اني من طلعت الهول لان جنت ده الاكل بس ماعون ماعون 😁😁
وجان اشوف عادل رايح يم مروج
بس شنو ابتسامتي يم اذاني وصلت
وظليت اراقبهم من الشباك
😍😍😍
عادل... مرحبا مروج
مروج... عدلت كعدتها هلو عادل اشلونك
عادل اني بخير... اكدر اكعد يمج بالمجروحه لو بس الج
مروج ههه لا اتفضل
عادل.... حلوة حديقه بيت عمو
مروج اي هم معتنين بيها حتى متذبل
عادل.... صح اشلونها دراستج
مروج انت بعد تعرف علوم حاسبات دراستها بين وبين
عادل اباوع عليها متشيل راسها من تحجي ويايه
اكلج مروج هسه بالثاني كليه مو
مروج اي بس تباوع بالحديقه متباوع اليه ابدا
عادل حلو....
مروج شكرا
صديقي اهناك اذا تحتاجين شي كوليلي واكله
مروج يسلمو اكيد اكلك
عادل... اشبيج مروج
مروج مابيه شي ليش،
عادل متاكده...
مروج اي
عادل حلفي
مروج ليش احلف ماله داعي الكذب يعني لو بيه شي اكول
عادل... متاكده...
مروج اي
عادل من كالت اي اكو غصه مال خوف
قررت الاحد اروح للجامعه  لان ياسر اصغير بعده بالسادس اعدادي بعمر شموس
عادل.. اول مره اشوفها احس بيها شو قلقت عليها مااعرف ليش
شمس اني اباوع من الشباك وامي وخالتي مودين الاكل واسمعهم يسولفون عن القراءه والكتب

عادل... اول مره اعرف مروج بهذا القدر من الثقافه
قاريه كتب اهوايه وتفكيرها حلو مو مثل مريم جانت ذابحتني ذبح
عادل مروج يله الغدا... طبعا اني صحتهم 😁😁
ويه ماطبو للبيت كتله ها عجبتك
عادل هي كالت هيج وكفختها على راسها
ولج اشلون بيج انتي
شمس اوووي ليش تضرب
اتغدينا.... واباوع عادل عينه على مروج
عادل ابدا وضعها مو طبيعي حتى اكل مااكلت شجاها من شنو خايفه ليش هالقلق
المهم هي عافت الاكل وكامت
شمس خلصنا غدا وشربوا جاي.. والظهريه جانت حلوة وعادل بس، يباوع على مروج  ومروج ملتهيه ويايه الى ان صار العصر
صعدت بدلت لان ده نروح لريمي
وبيت عمي راحو وعادل هم
اخذني ابويه ورحنا بس فيفو ماراحت
وصلت لكيت البنات بعدهم بالطريق طبيت وكعدت اجتي ريمي اليوم احسن ووجها زين ومسويه اسنانها
بين منسولف اجو البنات ايثار بس
ايناس ماكدرت جايهم خطار
نطيناها الواجب حتى الاحد اداوم لهناك اجه يزن
مرحبا.... احنه مرحبا
يزن طبيت عبالي الكه فيفو ماكو اشعجب
معقوله زعلت مني مو اني هم مااكعد راحه شنو اشلونك قابل ولد
اوف مني اوف
اتشكرت منا امها وطلعنا وصلني ابوها للبيت وراحت
وكملنا اليوم عادي واجه يوم السبت اخذني عادل ورحنا لبيت عمو
طبعا عندي غرفه اهناك لان اني من جنت اصغيره بينهم لبيت اهلي تربيت
اتلكتني خاله امتثال هلو خاله هاي وين
اما عمو ولج كولي عمي اسالي
شمس والله حقكم بس دراسه
عادل اي دراسه وخباثه
شمس يا
العم عوفها ولك
عادل يله لغرفتج بدلي وتعالي اكلي شي وادرسي
شمس هاي كلها اكل وادرس،
عادل اي الدراسه بالعقل والاكل بالحلك
شعليها هاي بهاي
شمس ماشي
عادل يله حتى العصر نطلع ومناك للبيت
شمس... شوف عمو هسه اجيت يطردني
العم ولك عادل انت تطلع وهي تبقى
عادل ها هيج صار الحجي شو دتعالي الا ابسطج
شمس والركضه ركضه للغرفه
وعادل يضحك وعمي ومرته
بدلت ونزلت اكلت ودرست ماعدنا واجبات اهوايه لان مابقى شي وتخلص السنه
اجه عادل
ها مشمش
هلو عدوله
كملتي دراسه
شمس اي كملت
بس عندي موضوع اريد احجي بيك وياك
عادل كولي
شمس،... مروج
عادل من كالت مروج... عدلت كعدتي وركزت
اشبيها مروج
شمس.. ماعاجبتني
عادل اي
شمس يعني ضعفانه ومو مثل قبل
عادل اني انتبهت واعرف وقررت اروحلها الاحد للجامعه
شمس صدك
عادل اي ليش كايلتلج شي
شمس ها.. لا لا
عادل... شمس اذا عرفت انتي تعرفين شي وماحجيتي اليه تصير محلوة
وبعدين هاي بنت عمج
ومتقبلين تتضرر
شمس والله مااعرف بس سمعتها بالحديقه تبجي وتكول شسوي يربي بهذ المصيبه
عادل مصيبه
طبعا اني بهذا اللحظات والدقايق شكو فكره سوده اجتي بالي يارب مو اللي بالي
شمس عادل اشبيك
عادل كملي ماسمعتي شي
شمس لا ردت اعرف ماقبلت تكول
تمام... كومي خلي نروح نشتري ملابس وارجعج للبيت
شمس ماشي بس حباب لتزعل مني والله ماكلتلي شي
عادل لا يروحي ماازعل منج بس لازم اعرف اشبيها لان اخوها صغير وعمي رجال جبير
عادل طلعنا للكراده افترينا واشترينا بس ابدا مالي واهس بالي يم مروج اشبيها شجاها
رجعت شموسه للبيت
وكتلها تنتبه على نفسها ونبهتها اذا يصير شي وياها ومتكولي ازعل منها
شمس هو هيج كال وجهي كام ينطي الوان
عزا على منو اكله على اسر لو اللي تحارش لو ايمن اللي باب البيت
🤦‍♀️🤦‍♀️🤦‍♀️
بس خلي يرجع من يم مروج واكله لازم
هذا يجرم بيه ويزعل مني
اجه يوم الاحد وماكدرت اروح اودي الرساله لان ايدي
ايمن اني ظليت منتظر يم البريد هسه تجي ماكو
رحت للجامعه
والتمينا البنات وفرحانين برجعه ريمي ومشى اليوم عادي وبدو ينبهونا على الامتحانات واشوكت نعطل ومابقى شي احنه نهايه الرابع نعطل وهسه احنه بدايه والكليات تقريبا نفس الشي
وبدا الخوف والقلق
عادل صار يوم الاحد وبدلت ورحت للجامعه
مروج متعرف اني جاي عندي صديقي خابرته دخلوني للكليه شفت صديقي سولفنا وسالته عن قسم علوم الحاسبات
وصلني
وراح لان عنده شغل
وكفت باب القسم شفتها طلعت بس عينها على مجموعه ولد وتمشي بخوف
شنو القصه ...
شفت واحد بيهم يريد يجي يحجي وياها راسن سلمت عليها
مروج اشلونج
اباوع لعيونها من الفرحه كلها دموع
هلو عادل بس كالتها بلهفه
معناها هم زين اجيت
عادل اشبيج هيج ترجفين
مروج مابيه
عادل مابيج لعد اشبي ذاك الولد شفتج تباعين عليه وتخافين تمشين
مروج ياولد ها لا ماكو شي
عادل..... اني هنا اللي مااصير عصبي صرت وجان اصيح بااذانها مروج هسه تطلعين ويايه
مروج عندي محاضرات
عادل اضربيها ويله كدامي 
مروج عادل اشبيك
عادل هسه، تعرفين اشبيه
اخذتها من ايديها وهي الدموع وعيونها مورمه
ركبتها بالسياره
واخذتها لبيتنا
عادل نزلي...
مروج عادل والله مابيه شي،
عادل انزلي احسن ميصير غير شي
نزلت مروج فتحت الباب وسلمت على امي
مروج اشلونج خاله هلا حبيبتي
عادل.. يمه اني رايح للاستقبال عندي، شغله ويه مروج
عادي امي
الام براحتك ابني
عادل يله كدامي
فتحت الباب وكعدنا وعفت باب الاستقبال مفتوحه