ايامنا الحلوة

البارت السادس

وصلني بابا للمدرسه اخذ بوسة الصبح وانطاني يوميتي ونزلت وجان اشوف المشرفه التربويه واكفه بالباب تفتش على الزي
بالمدرسه تعرفون ممنوع نلبس اكسسوارات ولا اي شي ذهب
الحمد لله اني ملتزمه بالزي بس مرات اغش البس بس ماانلكف 😁😁😁
طبيت للمدرسه سلمت على المدرسه
صباح الخير ست
المرشده جان اسمها فوزيه..
صباح النور 😾😾😾
شمس.. هاي مو صباح النور هاي صباح الاغبر 😁😁😁
المرشده.. ها ولج تعالي شنو حجيتي
شمس ها لا ست ماكلت شي 🤭🤭
المرشده ها يله للصف
شمس... اوف يربي هم اخلص واروح للكليه وبراحتي ادخل محاضره ماادخل
ويه مااروح شوف البنات يركضن ايثار وايناس وفيفيان
هلو شوشو
شمس يي شكو
ايثار هلو شموس
هلو
فيفو .. هلو شموسه
هلو فيفو
وينجن... وين رايحات
فيفو تعالي ولج تعالي
يا اجيت
اني رحت اركض وراهن بس حطيت جنطتي بالصف ورحت... اركض وماادري شكو
واشوفهن راحن للحمامات
طبيت وراهن
ها ولجن شكو
ايثار.. شفتي ست فوزيه
اي ولج شفتها اشبيها
فيفو ده تفتش الجنط
اي وانتي شمسويه جلبه
فيفو باعي
شمس شو خلي اشوف
ههههههه خرب ببليسج على هالدكه هاي
فيفو لعد شسوي وين اكدر بلاهن
شمس الاسوارات السود ولج وين تقبل بيهن
ايثار.. فيفو هاج هاي القصه
شمس انوب هاي شنو ايثار
ايثار بعدين اكلج شجاج لخاطر الله
ايناس.. جانت فلسطينيه بس تحجي عراقي
شوشو  هاي رسائل جايه لايثار
شمس صدك من منو
ايثار بعدين اكلج
شمس ماشي هههه
يله امشن عدنا امتحان شجاجن
فيفو خو انتي كاتله روحج على الدراسه
شمس ولج اريد اخلص من الدراسه
ايثار امشن يله يادرس الامتحان
شمس اول درس هو هذا القانون انتي مو تدرين
ايناس..... اقدملج المحاميه حافظه كل شروط المدرسه
ههههههههههههه بضحكه عاليه 🤣🤣🤣🤣
ويه مده نضحك جان تلكفنا ست عاليه المعاونه
ها ولجن
ييي ست عاليه صباح الخير كلنا نفس الوكت ونفس الصوت
ست عاليه صباح النور
يله عيني للامتحان مابقى شي
البنات حاضر ست
.... طبعا ست عاليه معاونه المديره ست جاهدة
وجانت حبابه حيل والحلو بيها حافظه كل البنات اشكالهن ومركزه ويانا اللي تتعب اللي تغيب وتحل مشاكل اغلب البنات
وتحس احنا بناتها ومتحملتنا..
لان مره سمعتها تحجي ويه المرشده تكول اني من فقدت بنتي بحادث سياره واني كمت اشوف بنات المدرسه كلهن بناتي واتحملهن ميصير ست فوزيه على كيفج وياهن ترى ذني مراهقات ويحتاجن استيعاب منا
المهم رحنا للصف
والحقيقه ماحب اللغه العربيه اموت منها
وجماله امتحان اليوم قواعد واني اشلون بالقواعد ابد مااعرف المبتدا من الخبر 😁😁😁
دك الجرس....
واجتي مدرسه اللغه العربيه اسمها ايمان جانت مسويه رعب النا واللي تتاخر متدخل الصف لو تموت
المهم طلعنا الاوراق والاقلام وردت الاسئله افتر راسي فر
وظلينا وحده تباوع بوجه الثانيه من وين هالاسئله
خلص الوقت وماجاوبت ولا سؤال
وخلص الدرس الاول والامتحان خلص وهو خلص منا والدموع  عشره عشره 😭😭😭
وذني يضحكن عليه كافي شموس
ولج اريد انجح
ايثار بعد اكو امتحان الادب والنقد هاي اشبيج
ايناس شد حيلج على باقي المواد ودخلي بي اكمال
شمس صدك تحجين انتي
فيفو اي ياعيني لعد شتسوين اذا هي اسالتها مدري منين جايبتها والله لو ماقاريه احسن
وويه مادك الجرس الطامه الكبرى الدرس الثاني جان عربي عند الشعبه الثانيه
واحنه نعرف بنيه اسمها ريمي اني وياها نفس الشعر واللون والستايل عدهم جان درس عربي
جانت تاكل واتاخرت وطبت المدرسه للصف
وهي ويه ماسلمت علينا.....ده تصعد الدراج من الخوف من المدرسه وكعت على وجهها والدم مندري منين اني من غير مااحس بيدي مي درت على وجهها
واشوف البنيه وجهها مدمر
والبنات راحن ركض لست عاليه واجتي اخذتها للمستشفى
ريمي منعرف شنو وضعها
مشت الدروس عادي وبدرس الفنيه جانت ماجايه وجان عدنا احلى شي من ميجي المدرس
المهم كعدنا على الرحل وحده كبال الثانيه
شمس...ايثار من وين هاي الرسائل
ايثار.....شموس اني احب ولد وولد يحبني
شمس 😍😍😍اي كملي منو طبعا كشور الحب والجيس والعصاير على الرحله وبحضنه 🤣🤣🤣🤣
اسمه عبد الله.. وهو طب اسنان مرحله اولى
شمس لعد ليش تجيبن الرسائل لهنا
ايثار لان امي تفتش بغراضي وتكول لابويه واخويه عامر
شمس.. شنو
ايناس مثل ماسمعتي
بس هذا سر بينا
شمس... اكيد
ايناس بما انه انكشف الاوراق اني هم احب
شمس لا لا هاي كلها اني ماادري 😾😾
ايناس ماصرلنا فتره متعارفين
شمس ها وشنو اسمه اسمه وجد
وهو طالب باامدرسه
اها حلو
لهناك اجتي فيفو
شوفي هاي الاسوارات
شمس خرب... الى متى تظلين هيج
فيفو هاي الممنوعات مالتي 😁😁😁
ايثار والله اذا لكفتج فوزيه
ايناس الا تتفنن بيج تفنن
فيفو لا بله قابل ذهب هي سوارات لاستيك
جوان.. اووي ظلي مثل الولد
جوان بنيه نازكه بس مغروره وكل الناس عدها اقل منها
جاوبتها اني.... لا بله ياما ناس نازكه بس همج بالكلام
جوان شنو تقصدين
والله كل واحد يعرف اني شنو اقصد
واجينا ناس تضرب ناس لوما اجتي ست عاليه
بنات الادبي يله للبيت
اليوم.... نباوع الساعه ١١ونص
كانما عيد.... اخذنا الجنط وده نطلع البنات راحن للحمامات اخذن الغراض
واني انتظرتهن باب المدرسه حتى نرجع سوى
طلعن البنات وويه طلعتهن اشوف اجوي ولد من بعيد
اباوع ايثار وايناس العيون تلمع
شمس ها ولجن
ايثار.. باعي شموس ذاك الولد الاسمر ذاك عبد الله
واللي بصفه وجد
فيفو بس مو هالثالث اللي وياهم
ايثار.... هذا اسر صديقه لعبد الله
كمنا نتمشى وقبل منوصل لنقطه كل وحده تفترق تروح للبيت
جان تكول ايثار يله شموس تجين
شمس وين
لح نروح نتغدا بالمطعم جان اسمه الارنب الضاحك والله هيج اسمه 🤣🤣🤣كتلها لا مااجي لح اروح للبيت
شو ماشوف غير، اسر
ليش متجين حتى نتعرف
شمس نعم.. تعرف على نفسك بالاول 😒😒😒
باي بنات
ها صدك خابروني   حتى نروح لريمي بالمستشفى العصر اليوم  مو باجر (بوقتها جان ماكو موبايلات جنا نتواصل على التلفون الارضي،)
البنات صار
ظليت امشي اني وفيفو وصلت فيفو لبيتها
واني كملت.. وويه ماامشي مااسمع غير واحد يتحارش بيه...وهلكد ماسمعت حجي
هاي اشلون بلوه التافيت 😤😤😤
اما انت صدك متستحي
الولد اي مااستحي اللي يشوف هالجمال اشلون استحي
لا بله صدك سخيف وحقير،
بهذه الاثناء،
ايمن جنت جاي بالسياره ماعدنا محاضرات كملت وطلعت واتواعدت ويه اصدقاءي العصر نطلع  واشوف هاي البنيه ام شعر الطويل ده تتعارك بعد اشويه
وبديت امشي على كيف بالسياره
ومن التافت ده تروح اشوف الولد جرها من ايديها
ويه ماكامت تصيح نزلت وجريته وضربته ضرب لمن عيونه ووجه ورم
وعافنا الولد وراح
اباوع عليها ظلت صافنه بوجهي
الو. ها بيج شي
شمس.. اني من ده اتعارك ويه الولد ويه مالزم ايدي
ماشوف غير ولد اسمر يخبل اجه ضربه ضرب
اني ظليت صافنه بوجه خطيه هو عباله بيه شي
من كالي اشبيج بيج شي
صحت بي كتله انت شعليك
كال فوكاها اني صوجي
اي طبعا صوجك انت منو كلك تتدخل
اها الظاهر يهمج لو صديقج
شمس احترم نفسك ومشت
ايمن حتى شكرا ماكو
شمس رجعت اله عود شكرا
ايمن عود العفو
شمس والله يا الله صديقي 😠
غبي هذا ميستحي من حجاها
ايمن حتى من راحت ظليت امشي وراها بالسياره
الى ان دخلت البيت واني اباوع
غير زي اللي الصدريه قصيره والقميص حتى مو نص ردن وهي،بيضه ادري ابوها ميخاف عليها
شمس فتحت الباب واني ادردم
اشلونج ماما
الام هلو شموسه
ها اشبيج تحجين ويه نفسج
شمس ها لا ماكو شي،
اني لح اصعد ابدل ماما ميته من الجوع مو مال انتظر بابا
الام بدلي وتعاي اتغدي
ايمن...رجعت للبيت واني اضحك على خبالات هالبينه،.صعدت لغرفتي اتمددت واني مااعرف،ليش،اضحك على رد فعلها 😁😁😁